03/03/2026
الفقد شعور صعب يتوصف زي ما يكون فجأه حاجه مهمه في حياتك اتشالت ممكن يكون فقد شخص اوحلم اوعلاقه او حتى جزء من نفسك كل واحد فينا عدى بلحظه حس فيها ان الحياه وقفت وان كل حاجه بعدها بقت مختلفه
الفقد بيوجعنا بسبب التعلق لما بنرتبط بالحاجات او الناس بشكل عميق فلما بنفقدهم بنفقد جزء من نفسنا معاهم ونلاقى ان حصل تغيير مفاجئ الفقد بيخلينا نواجه حقيقه ان الدنيا مش ثابته واننا مش دايما هنملك اللي بنحبه
كمان عدم التصديق في اول الفقد واننا بنكون مش مصدقين وبنسأل ليه وازاي
اول حاجه لازم تعترف بحزنك متحاولش تخبي مشاعرك او تقلل منها الحزن حق مشروع وحاول تشارك وجعك اتكلم مع حد قريب منك صديق او حتى متخصص نفسى
افهم ان رحله مشاعرك هتكون متقلبه وده طبيعي يوم هتحس انك بخير ويوم تاني هيغلبك الحزن لكن حاول تحتفظ بالذكريات الجميله بدل ما تركز على الوجع فكر في الحاجات الحلوه اللي كنت محظوظ انها حصلت وحاول تعيش حياتك لان الشخص او الحاجه اللي فقدتها كانت جزء من رحلتك لكنها مش النهايه كمل طريقك واصنع لحظات جديده
الوجع فى البدايه بيكون كبير بس الحياه مع الوقت بتعلمنا ازاي نتحمل وازاي نعيش رغم الفراغ يمكن مفيش حاجه تعوض اللي راح لكن دايما في فرصه اننا نلاقي معنى جديد لحياتنا
