Al7ayat Organization

07/04/2026

مش مجرد تخرج…
مش مجرد كورس أو مدرسة بتتاخد عشان أشتغل في المشورة!

ده تتويج لرحلة شجاعة، بدأها شباب قرروا يواجهوا نفسهم قبل أي حاجة، ويستثمروا وقتهم ومجهودهم في فهم أعمق للإنسان.

سنتين تقريبًا من الالتزام، بين شغل، وضغط، ومذاكرة، وتدريب…
إختاروا فيها الطريق الأصعب، لأنهم مؤمنين إن التغيير الحقيقي بيبدأ من الداخل☘️

مش بس إتعلموا علم…
لكن كمان كبروا، ونضجوا، وبقوا أقرب لنفسهم ولغيرهم...

فخورين بيكم… لأنكم اخترتوا تكونوا سبب وعي، وأثر، وفرق حقيقي في حياة الناس 🥰

#المشورة

07/04/2026

"فخورة أوي بنفسي، بإني قربت من ذاتي الحقيقية وبقيت نفسي أكتر، بس عارفة إن السكة لسه طويلة" 🥰

ده كان كلام من إحدى خريجي مدرسة المشورة ال 11، والكلام اللي اتقال هو مبدأ بتتبعه مدرسة الإرشاد في مؤسسة الحياة...

وهو إن عشان تكون نور لغيرك و تبدأ في الإرشاد والمساعدة لازم تمشي السكة ديه وتبقا نور لنفسك أنت الأول👌

فخورين بجميع الخريجين اللي مصدقين في التغيير ومكملين رغم تحديات الحياة وطول المشوار❤️

أنتم خير مثال لمجتمع التعافي🙂🙏

#المشورة

07/04/2026

04/04/2026

أحيانًا نتمسك بما يؤلمنا… ليس لأننا نحبه، بل لأنه الشيء الوحيد الذي إعتدنا عليه… لكن التعافي يبدأ حين نجرؤ على إختيار ما يُريحنا، حتى لو لم نعتاد عليه بعد...

03/04/2026

فنسنت فان جوخ، الرسام الهولندي اللي العالم كله بيعترف بعبقريته النهارده، كان شخص مختلف تمامًا عن كل اللي حواليه. حياته مكانتش سهلة: عانى من الفقر، الوحدة، وصراعات داخلية مع نفسه. رغم كده، فان جوخ قرر يعيش حياته بطريقته، بعيدًا عن القواعد اللي كانت بتفرضها المجتمعات الفنية في عصره.

في الوقت اللي كان فيه الفنانين بيدوروا على المثالية والرفاهية في رسوماتهم، فان جوخ كان بيشوف الجمال في البساطة: في حقل قمح، في شجرة زيتون، أو حتى في وجه عامل بسيط. كان بيعبر عن مشاعره بجرأة، وبأسلوب مختلف عن اللي الناس متعودين عليه.

للأسف، فان جوخ مالاقاش القبول في حياته و إتباعت له لوحة واحدة بس خلال حياته كلها، وكانوا بيعتبروا فنه “غريب” أو “غير مفهوم.” لكنه فضل مستمر، لأنه كان مؤمن بحقيقته. قال في واحدة من رسائله:
“ما أريده هو أن أقول شيء مريح وعميق في أعمالي، حتى لو لم يفهمه أحد الآن.”

وبعد موته، تغيرت النظرة لفنه تمامًا. فان جوخ اللي كانوا شايفينه مجنون وقت حياته، أصبح النهارده واحد من أعظم الفنانين في التاريخ، وأعماله تُقدر بملايين الدولارات وده لإنه كان نفسه...

الكم نقطة دول ممكن يساعدوك تبدأ رحلتك انت كمان عشان تبقى “إنت” بجد:

•اعرف حقيقتك:
مش مجرد الحقيقة اللي الناس شايفينها أو اللي بتحاول تظهرها، لا، حقيقتك اللي بينك وبين نفسك. اسأل نفسك: “إيه الحاجات اللي بحبها؟ اللي ما بحبهاش؟ إيه اللي بيفرحني؟ إيه اللي بيوجعني؟” حط كل ده قدامك، واعرف إن الإجابات دي هي اللي هتحدد انت مين.

•واجه خوفك:
أكتر حاجة بتمنعك تكون نفسك هي الخوف. الخوف من الرفض، من النقد، من إنك “ما تبقاش كفاية”. افتكر إنك مهما حاولت ترضي الناس، عمرك ما هترضي الكل، فليه تضيع طاقتك في محاولة مستحيلة؟

•ابني حدودك:
كل علاقة أو تعامل مع ناس تانية محتاج حدود واضحة. الحدود دي هي اللي بتعرف الناس إيه اللي مسموح بيه معاك وإيه اللي مش مقبول. مش معنى إنك شخص طيب أو بتحب الناس إنك تبقى متاح طول الوقت أو تتحمل فوق طاقتك.

•اتعلم تقول “لأ”:
دي مهارة، مش مجرد كلمة. تقول “لأ” للحاجات اللي بتسلبك طاقتك، للطلبات اللي متنسبكش، للعلاقات السامة. “لأ” أحيانًا بتكون أول خطوة عشان تقول “نعم” لنفسك.

•اقبل اختلافك:
مش لازم تكون زي حد تاني. الاختلاف هو اللي بيخليك مميز. لو كنت زي كل الناس، مفيش حاجة هتخليك فريد. اتعلم تحب حاجاتك المختلفة، حتى لو المجتمع مش فاهمها أو مش مقدرها.

•اسمع نفسك:
كتير بنسمع كلام الناس أكتر من صوتنا الداخلي. إزاي تتوقع تكون نفسك وإنت ما بتسمعهاش؟ خليك صادق مع نفسك واسمع مشاعرك ورغباتك، حتى لو كانت ضد التيار.

•اوعى تحط نفسك في قالب:
مش مطلوب منك تبقى دايمًا على طول الخط “قوي”، “شجاع”، “مثالي”. اسمح لنفسك تكون حقيقي، حتى لو ده معناه إنك تبقى ضعيف أو مش فاهم أحيانًا.

•افهم إنك في تطور دائم:
كونك نفسك مش معناه إنك هتفضل ثابت على حالك. التغيير جزء من الحياة. خلي عندك المرونة إنك تتقبل نفسك في كل مراحلها، وتشتغل على نفسك بدل ما ترفضها.

في الآخر، إنك تكون نفسك هو أعظم هدية ممكن تقدمها لنفسك وللناس اللي بتحبك. لأن “أنت” الحقيقية هي أكتر حاجة تستحق إنها تبقى موجودة في العالم.

خليك أصيل، خليك حقيقي، وخليك دايمًا أنت 💕

02/04/2026

التوحد مش “قلة تواصل”…
هو اختلاف في طريقة المعالجة.

الدماغ مش بيقرأ الإشارات الاجتماعية بنفس السرعة، وبيستقبل الحواس بحِدة أعلى… فبيحاول ينظم نفسه بطريقته.

علشان كده:
الصمت مش تجاهل،
وتجنب الناس مش رفض،
والروتين مش تعقيد… ده أمان.

الفكرة مش نقرب منه بطريقتنا…
الفكرة اننا نفهم طريقته.

ساعتها بس… التواصل يبقى حقيقي

02/04/2026

من حفلة
#التعافي

02/04/2026

أفكارك مش هي أنت.

العقل بيولّد أفكار طول الوقت… منها الصح، ومنها الغلط، ومنها اللي ملهاش أي أساس.

الفرق الحقيقي مش في الفكرة…
لكن في رد فعلك ليها:

هل بتصدقها؟
ولا بتناقشها وتختبرها؟

أنت الشخص اللي بيلاحظها، ويقرر يتعامل معاها إزاي.

و علشان كدة...

هويتك بتتحدد بأفعالك واختياراتك،
مش بالأفكار اللي بتعدي علي دماغك.

#الأفكار #التعافي

31/03/2026

في مؤتمر #دوبازون مش بس بنتعرف علي ناس جديدة...😊
ده إحنا كمان بنفرق في حياة بعض من غير ما ناخد بالنا 🥰

وده بيرجع لمساحة الأمان اللي بنحرص أنها تكون موجودة دايماً في أنشطة المؤتمر 🫂

31/03/2026

"نحن نقرأ لكى نبحث عما يلمع، نقرأ فى النص من أجل شىء يضىء أمامنا، هذا الشىء الذى يضـيئنا نحن ويجعلنا نشعر بصورة أو بأخرى أننا قد إسـتنرنا وبدأنا نتألق"

ف Book club… إحنا مش بس بنقرأ، إحنا بنرجع لعلاقة أقدم وأصدق مع المعرفة😊
الكتاب الورقي مش مجرد محتوى… هو تجربة حسية كاملة، فيها لمس، ووقت، وتركيز، وهدوء بيعيد تشكيل وعينا بعيد عن تشتيت الشاشات.

إحنا مدركين إن القراءة الورقية مش رفاهية… دي طريقة أعمق لبناء الوجدان، لترسيخ الأفكار، ولخلق علاقة حقيقية بين الإنسان والكلمة❤️

30/03/2026

تدعوكم مؤسسة الحياة للحضور معنا في ورشة "صحة العلاقات"
مع تدريبات عملية لبناء علاقات إيجابية وصحية👌
* موعد الورشة: تبدأ يوم الجمعة الموافق 24 إبريل 2026
( لقاءات اسبوعية من الساعة السابعة مساءًا وحتى الثامنة والنصف مساءًا)
* مكان الورشة: أونلاين (عبر برنامج زووم )
* المحاضر بالورشة: د. أوسم وصفي - استشاري الطب النفسي والكاتب للعديد من المؤلفات في الصحة النفسية.
* محتويات الورشة:
1) القبول غير المشروط. المبدأ والمُعضلة.
2) التواصُل.. مُخاطرة الخروج للآخر ودوافع التواصل (المعرفة/ الحماية)
3) التواصل الوجداني (المواجدة) المبدأ والمُعضلة.
4) حل الصراع. الحقوق والحدود
5) حل الصراع. العتاب والغفران
6) المُعضلة الروحية الأعمق. الانحصار في النفس.
7) الروحانية والعلاقات، والبدء في رحلة الخروج من الانحصار في النفس. (الجزء الأول)
(8 ) الروحانية والعلاقات، والبدء في رحلة الخروج من الانحصار في النفس. (الجزء الثاني)
ملحوظة: حضور هذه الورشة يؤهلك للاشتراك بورشة الاعتمادية التي تليها وهي أيضا ٨ لقاءات ونظل معكم بعد ورشة الاعتمادية لمدة سنة في لقاءات شهرية مجانية.

للحجز برجاء ملئ الإستمارة في أول كومنت👇
لتفاصيل أكتر: 01277998325

29/03/2026

#الأفكار #المشاعر #التعافي