https://www.facebook.com/569884912877380/

Andrew Soliman-Family consultant

Home
Egypt
Cairo
Andrew Soliman-Family consultant

Contact information, map and directions, contact form, opening hours, services, ratings, photos, videos and announcements from Andrew Soliman-Family consultant, Family Therapist, مصر الجديدة، 19 شارع الجيزة متفرع من شارع بيروت, Cairo.

Family & Relationship Consultant
استشاري العلاقات الزواجية و الأسرية
خبير بمكاتب تسوية المنازعات الأسرية – وزارة العدل (أكثر من 15 عامًا)
دبلومة الإرشاد الزواجى و الأسري – كلية التربية – جامعة عين شمس أنا مؤمن إن كل علاقة، قبل ما تكون بين اتنين،
هي رحلة كل واحد فيهم مع نفسه…
رحلة فهم ووعي وأسئلة ساعات بنهرب منها.

ومن أكتر من 15 سنة في محاكم الأسرة ومكاتب تسوية المنازعات بوزارة العدل،
اتعلمت إن أغلب الخلافات مش كانت "قانون"…
كانت مشاعر ما اتفهمتش، واحتياجات اتسكت عليها، ومسافة كبرت من غير ما حد ياخد باله.

دلوقتي، كشخص بيسمع قصص الناس كل يوم…
أساعد الأزواج والأسر يشوفوا الموضوع من زاوية أهدى،
يفهموا أصل المشكلة، ويبنوا تواصل أوضح وأصدق.
علشان العلاقات اللي تستحق تكمّل…
والعلاقات الموجوعة تعرف تتشاف صح.

درست الإرشاد الأسري بجامعة عين شمس،
والتعليم أكّد لي حاجة كنت بشوفها في الناس:
إن كل حد يستحق يعيش علاقة فيها أمان وراحة ووضوح.

أنا هنا علشان أشارك خبرة…
وأفتح مساحة للفهم…
ولو في فكرة شغلاك أو سؤال محتار فيه…
ممكن كلمة صغيرة تغير الطريقة اللي تشوف بيها نفسك أو علاقتك.

24/01/2026

في ناس بتستنى الطرف التاني يوافق
وفي ناس بتتعب وهي مستنية.
الحقيقة إن التغيير مش لازم يبدأ من الاتنين.
في حالات كتير الجلسة الفردية بتكون أول خطوة حقيقية.
مش عشان حد غلط ولا عشان نلوم حد
لكن عشان نفهم نفسنا الأول.

أحيانًا الكلام مع حد محايد بيخلّي الصورة أوضح،
والبداية دايمًا بتبقى برسالة بسيطة.

16/01/2026

للأسف في بيوت كتير فيها أزواج عايشين مع بعض سنين،
ومن برّه يبانوا مبسوطين ومستقرين،
لكن الحقيقة إن في وجع ساكت مش بيتقال ,

السكوت بيبقى عشان الخلاف ما يكبرش، أو عشان “البيت يمشي”،
بس السكوت ده مش هدوء… ده تراكم،
وكل وجع مسكوت عليه هييجى وقت ويطلع.

الجواز نادرًا ما يبوظ من مشكلة واحدة كبيرة،
غالبًا بيتعب من حاجات صغيرة اتسابت من غير كلام.
وأول خطوة للعلاج مش خناق ولا اتهام،
أولها مساحة آمنة تتكلموا فيها صح،
وتطلبوا مساعدة قبل ما التعب يكبر.

13/01/2026

قبل ما ترتبط ...
لو داخل علاقة عشان حد ينقذك… إنت مش جاهز ،
الحبيب او شريك الحياة ... مش علاج ولا مسكّن ولا تعويض عن فراغ .

لو مستني حد يطمنك .. يشيلك .. يديك قيمة ،
العلاقة هتنهار لأنك داخل محتاج مش مختار .

العلاقة السليمة اللى لها مستقبل بتبدأ من شخص واعى واقف على رجليه قادر يختار ، مش مستني حد يشيله .

‎

01/01/2026

مع بداية سنة جديدة ،
أحب أتمنى لكل اتنين بيحبوا بعض أيام أهدى، وكلام أوعى، وتفاهم أكتر، وقدرة نعدّي أي ضغط أو اختلاف بهدوء وحكمة.
السنة الجديدة فرصة نراجع نفسنا، ونهدي الإيقاع، ونقرب من بعض أكتر،
و نتعلّم إزاي نسمع بعض صح قبل ما نرد ،
و نفهم ان الحب هو اساس كل حياة تستاهل نقول عليها حياة ،

‎

04/12/2025

بالنسبة لـ 53% من الأزواج "الأسوياء"
فإن أفضل وأهم طريقة يعبرون بيها عن حبهم واشتياقهم لشريك حياتهم،
وإظهار غلاوته عندهم،
ورغبتهم الحقيقية في إسعاده،
والقرب منه لأقصى درجة ممكنة…

و أفضل وأهم طريقة بيفهموا بيها إن شريك حياتهم :
بيحبّهم، وشايف قيمتهم، وقابلهم كما هم،
ومُشتاق لهم زي ما هم مُشتاقين له…

هي : العلاقة الحميمة.

‎
للحجز: 01040579177
للإنضمام للجروب:
https://www.facebook.com/groups/822994290674419/?ref=share&mibextid=NSMWBT

26/11/2025

لو إنت الطرف اللي ما بيسمعش تقدير،
أكيد وجعك مش بسيط.
بس خُد بالك… الطريقة اللي بتطلب بيها التقدير
ممكن تكون الفرق بين بناء وكسر.
بدل ما تقول:
“إنت عمرك ما بتشكرني!”
جرب تقول:
“أوقات كتير بحس إني بعمل مجهود، وبستنى منك كلمة تريحني.”
الكلمة التانية فيها نفس المعنى،
بس طالعة بود مش هجوم، وده اللي بيفتح الباب بدل ما يقفله.
المشكلة إننا ساعات بنفتكر إن الكلام الحلو ترف،
أو ضعف، أو مش مهم طالما الأفعال موجودة.
بس الحقيقة إن الأفعال من غير كلام بتفقد حرارتها،
زي أكل سخن اتساب يبرد.

جرب تبدأ بكلمة بسيطة النهاردة،
من غير مناسبة ولا سبب.
قول "شكراً"، "ربنا يخليك"، "أنا مقدّرك".
يمكن الكلمة دي تنقذ حاجة كنت فاكر إنها خلاص راحت.
ولللي لسه بيمنع نفسه خوفًا من “الغرور”،
خُدها مني:
الكلمة الحلوة ما بتغرّش الناس…
الكلمة الحلوة بتفكرهم هما مين،
وبتفكرهم ليه العلاقة دي تستاهل تكمل.

‎
للحجز 01040579177
للانضمام للجروب
https://www.facebook.com/groups/822994290674419/?ref=share&mibextid=NSMWBT

23/11/2025

فيه ناس لما تقولهم “قول كلمة حلوة”، يردوا بمنتهى الثقة:
“أنا مش بتاع كلام، أنا أعبّر بالأفعال.”
وجوابهم منطقي في الظاهر… بس الحقيقة أعمق من كده.
لأن الأفعال مهمة، آه،
بس الكلمة اللي بتتقال من القلب ليها تأثير مايتعوّضش.
خُد مثال بسيط:
زوج بيتعب، وبيشتغل، وبيوفّر، ومش مقصّر في حاجة،
لكن عمره ما قال لمراته :
" أنا مقدر تعبك معايا و مع الولاد " أو “ أنـا فخور بيكي .”
مع الوقت، بتبدأ تحس إنها عاملة، مش شريكة.
بتقدّم كل حاجة، بس من غير ما تحس إنها متقدّرة.
الكلمة الطيبة مش بتضعفك، ولا بتنقص من قيمتك.
العكس، بتقوّي اللي بينكم.
الكلمة الحلوة مش نفاق… دي إشباع عاطفي طبيعي،
زي النفس اللي بيخلّي القلب يعيش.
واللي بيخاف يقولها عشان “الطرف التاني مايتغرّش”،
ينسى إن الإهمال هو اللي بيغرّب الناس، مش الكلمة الحلوة اللي بتقرّبهم.
قولها من غير حساب، من غير خوف.
قول “أنا شايفك”، “أنا ممتنّ ليكى ”، “أنا فخورة بيك.”
مش هتخسرك حاجة…
بس ممكن تكسب بيها علاقة عمرها كله.

‎
للحجز 01040579177
للانضمام للجروب
https://www.facebook.com/groups/822994290674419/?ref=share&mibextid=NSMWBT

20/11/2025

فيه نوع من الوجع مش بيبان في الكلام لكن بيبان في الصمت.
تلاقـي العلاقة شكلها هادي، مفيش مشاكل كبيرة،
بس برضه فيها حاجة ناقصة.
الطَرَف اللي مش بيسمع تقدير، بيبدأ يسأل نفسه:
"هو مش شايفني؟" "ولا شايف وبيطنّش؟"
السكوت في العلاقات مؤذي أكتر من الزعل.
لأن الزعل بيطلع اللي جوانا…
لكن السكوت بيكتم، وبيخلي كل حاجة تبرد ببطء.
اللي بيمنع كلمة الشكر أو المدح بيبقى فاكر إنه بيحافظ على التوازن،
لكن هو فعليًا بيكسر التواصل،
وبيخلي العلاقة تمشي على سطح بارد من غير دفء ولا قرب.
اللي مش بياخد تقدير بيبدأ ينسحب بهدوء ،
مش دايمًا بخيانة أو خصام ،
لكن بانسحاب المشاعر، بانطفاء الحماس.
الكلمة الحلوة مش رفاهية دي زي المية للزرع .
من غيرها، حتى أقوى العلاقات تذبل.
فلو بتحب، عبّر.
قول “شكراً”، “وحشتني”، “أنا شايفة تعبك ” " تسلم أيدك "
الكلمات البسيطة دي بترد الروح…
ويمكن تكون الفرق بين علاقة عايشة… وعلاقة بتتنفّس بالعافية.

‎
للحجز 01040579177
للانضمام للجروب
https://www.facebook.com/groups/822994290674419/?ref=share&mibextid=NSMWBT

17/11/2025

" هى زوجة ممتازة .. لو لفيت العالم مش هالاقى زيها ، بس ... مش هأقولها كده "
" جوزى !! .. راجل حقيقى و مسئول و بيحبنى ... كل كلامه و تصرفاته بتقول انه هدية الله ليا ، بس ... مش هأقوله كده "
فيه ناس بتخاف تمدح أو تشكر شريكها،
كأن الكلمة الحلوة ممكن “تغرّه”!
بس الحقيقة إن البُخل في التقدير بيكسر، مش بيحمي.
القلوب مش بتعيش على الواجبات،
بتعيش على الإحساس إنها مقدّرة ومحبوبة.
كلمة بسيطة زي “تسلم ايدك ” أو “أنا فخور بيكى ” " بحبك "
ممكن تغيّر يوم كامل.
اللي بيمنع الكلمة دي بيفكر إنه كده بيحافظ على العلاقة،
لكن هو فعليًا بيبني بينها وبين شريكه جدار من صمت وبرود.
الناس ما بتتغرّش من التقدير…
الناس بتزهر بيه.

‎
للحجز 01040579177
للانضمام للجروب
https://www.facebook.com/groups/822994290674419/?ref=share&mibextid=NSMWBT

08/11/2025

يمكن أصعب موقف في أي علاقة
إنك تكتشف بعد ما حبيت إن الشخص ده مش مناسب.
مش لأنك اتخدعت،
بس لأنك كنت صادق، وهو مش شبهك كفاية.

الموضوع بيوجع، ما نكدبش.
بس الوجع مش معناه إنك فشلت…
الوجع أحيانًا بيكون أول خطوة في الصح.

لو اكتشفت إنه مش مناسب، واجه الحقيقة.
مش لأنك بطلت تحبه،
لكن لأنك بتحب نفسك كفاية إنك ما تعيشش في علاقة بتكسرك.

جرب تسأل نفسك:

هل أنا متعلّق بيه… ولا بفكرة إن يكون في حد في حياتي؟
هل الخوف من الوحدة هو اللي مخليني متمسك؟
ولو صاحبي في نفس الموقف، كنت هقوله يكمل ولا يبعد؟

خد وقتك .. خد نفس.
واطلب مساعدة لو محتاج — حد عاقل، صادق، يسمعك من غير حُكم.

الانفصال مش فشل.
أوقات بيكون أنضج شكل من أشكال النجاح.
إنك تختار نفسك قبل ما العلاقة تتحول لقيد.

صدقني،
الحب الحقيقي يبدأ من جوه…
لما تحب نفسك كفاية إنك تختار اللي يستحقك فعلًا.

‎
للحجز 01040579177
للانضمام للجروب
https://www.facebook.com/groups/822994290674419/?ref=share&mibextid=NSMWBT

05/11/2025

آه الحب… الكلمة اللي بنجري وراها من غير ما نفهمها أوقات.
بس خليني أقولك حاجة بوضوح : الحب لوحده مش كفاية.
ممكن تحب جدًا، بس ما تعرفوش تعيشوا سوا. ممكن تحب بس تبقى العلاقة مجهدة ومليانة توتر ممكن تحب بس مفيش بينكم أمان
جرب تسأل نفسك شوية أسئلة بسيطة
هل الحب ده بيريّحني ولا بيوجعني؟
هل إحنا بنعرف نحل مشاكلنا ولا كل مرة بنتهرب؟
هل الشخص ده بيحبني بالطريقة اللي أنا محتاجها؟
هل وجوده في حياتي بيخليني أفضل… ولا بيستهلكني؟
الحب مش بس شعور،
الحب قرار، ومجهود، ومسئولية.
ولما يبقى فيه وعي، يعيش.
لكن لما يبقى إحساس لحظة، بيتبخر أسرع من اللي تتخيله.

‎
للحجز 01040579177
للانضمام للجروب
https://www.facebook.com/groups/822994290674419/?ref=share&mibextid=NSMWBT

31/10/2025

فيه أوقات بتحس إنك طاير ؟

الكيميا حلوة، الكلام سهل، وكل حاجة ماشية زي الحلم.
بس بعد شوية، تلاقي نفسك بتسأل:
“هو ده بجد ؟ و لا فى ايه بالظبط ؟
بص، فيه شوية علامات بسيطة لو ركزت فيها هتعرف الفرق:

✅ أول حاجة: الراحة في التواصل.
تحس إنك على طبيعتك، مش مضطر تمثل أو تبان مثالي.
معاه تحس بالأمان إنك تكون نفسك، حتى في سكوتك.

✅ تاني حاجة: القيم.
مش المهم تحبوا نفس الأغاني،
المهم تشوفوا الدنيا بنفس العين.
يعني تتفقوا في المبادئ، في طريقة التفكير، في رؤيتكم للحياة والزواج.

✅ تالت حاجة: إزاي بتختلفوا.
الاختلاف مش مشكلة، بس الأسلوب هو اللي بيفرق.
هل بيحترمك لما تختلفوا؟ ولا بيحاول يكسبك بالقسوة أو الصمت؟

✅ رابع حاجة: إحساسك النفسي.
العلاقة الصح بتطمنك مش بتتعبك
مش عاملة زى الـ roller coaster فى الملاهى ، فيها استقرار وهدوء.

✅ آخر حاجة: بتكبر ولا بتصغر؟
وجوده بيطوّرك ولا بيستهلكك؟
بتحس إنك بتزهر… ولا بتموت بالبطيء؟

لو العلامات دي أغلبها موجود،
يبقى فيه احتمال كبير العلاقة دي تستحق تكمل.
بس لو العكس… خُد بالك قبل ما التعلق يزيد.

‎
للحجز 01040579177
للانضمام للجروب
https://www.facebook.com/groups/822994290674419/?ref=share&mibextid=NSMWBT

Address

مصر الجديدة، 19 شارع الجيزة متفرع من شارع بيروت
Cairo

Website

facebook.com

Alerts

Be the first to know and let us send you an email when Andrew Soliman-Family consultant posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Cairo?