AN For Healing

12/12/2023

17/08/2023

قدسية زهرة اللوتس و أهميتها في كل الحضارات القديمة (الهندوسية ، البوذية ، المصرية القديمة) و كل القصص اللي ارتبطت بيها مكانش بسبب جمال شكلها أو عطرها و لكن بسبب رحلتها وسط الطين و العتمة و المياه لحد م توصل للسطح و تتفتح و تفرض جمالها و تجدده كل يوم مع شروق و غروب الشمس..
العبرة مش في النتيجة قد م هي في السعي .. عشان كده متقارنش نجاحك بنجاح غيرك لأن مؤهلاتك و قدراتك و إمكانياتك و ظروفك غير تماماً أي شخص تاني .. و بالتالي التجربة كلها بتختلف حتى ة كان ظاهرياً في تشابه ، بالتالي قارن نفسك بنفسك .. هل أنت بتتحسن و بتطور عن نفسك القديمة هل الدنيا معاك بتتغير و لا لأ و هكذا ..

25/07/2023

حوار مع الاستاذة بانة بري متخصصة في مجال الاستبصار والتشافي الطاقي

23/05/2023

29/03/2023

نبروزها 🥰

06/03/2023

119 Likes, 0 Comments - Yoga Daily Practice () on Instagram: "Did you know that the ancient text of Bhagavad Gita talks about how the active nostril affects th..."

28/02/2023

لما الناس بتقرر تتخطى العقبات و الصعاب في حياتها بتبقى نوعين .. و دول بيترتب عليهم حاجات كتير جدا في إنك تفهم شخصية اللي قدامك و عقليته و دوافعه 👇

🔵نوع بيقرر يتخطاها بالحب و السلام و المرونة و اللين الإيجابي .. و ده بيكون عن طريق أنهم بيفكروا في طبيعة الموقف و المشكلة و بيدرسوها من كل الزوايا بشكل علمي بس كل ده في ضوء شوية حاجات زي إنه أكيد ربنا عطانا إمكانيات و قدرات و هبات تساعدنا نعدي المرحلة دي ، و إن المرحلة دي مش بسبب أي حد و لا احنا ضحايا لأي حاجة احنا في مجتمع بشري كلنا قابلين لإننا نغلط و نصيب و بالتالي اللي حوالينا بشر بيغلط و بيصيب و ممكن ف وقت يكون غلطه واقع علينا ف عادي نحمد ربنا و نكمل ونحاول نتسامح مع الشخص ده حتى لو التسامح هيجي بعد فترة من الوقت و حتى لو هنقطع علاقتنا بالشخص عشان العلاقة لا تزداد سوء ، كمان لأننا بشر فبالتالي احنا لينا حد أدنى من القدرات و الاحتياجات اللي ممكن تخلي عندنا نقاط ضعف و نقاط قوة فلازم لما نحط حل يكون مناسب لينا و مريح بيساعدنا نكون نسخة أفضل من نفسنا لنفسنا ، كمان لأننا بشر ف لازم نكون فاهمين إن مشاكلنا و حلولها مش بضغطة زرار و لكن ممكن عادي ناخد وقت حسب قدرتنا و مش الوقت ده هيكون قد ايه لأن محدش بيجري ورانا المهم اننا بنتقدم حتى و لو بخطوات بسيطة .. هنا الشخص ده قرر يبص لنفسه و حياته و اللي بيعارض سلامه النفسي و راحته و مسببله مشاكل بيعزله من حياته و يكمل عادي حسب قدراته و إمكانياته البشرية

🔵في بقى نوع تاني بيقرر يتخطاها بالدراع و العافية .. وده غالباً مشكلته مع أفراد فيبدأ يتخانق و يلقح و يستفذ أو يقرر إنه لازم يبقى أحسن عشان يثبت للمجتمع و الناس و لنفسه اللي عادة بتكون حاسة بالنقص إنه كويس و قوي و بقى ف أحسن حال و هدوسكم بنجاحي و كده و هرد عليكم بإنجازي ، كمان على الأغلب بيحاول يركز على الهدف و حل المشكلة دون مراعاة طبيعة قدراته و إمكانياته و يبقى واخدها بلطجة كده حتى على نفسه و ده بيرهقه أكتر نفسياً و عقلياً و كل شيء ، كمان ممكن يزود على نفسه البلطجة مع حاله و يحط خطة زمنية يعجز الإنس و الجان على تحقيقها .. وكل ده بيخليه بالتالي بيفضل يعاني حتى ف لحظات إنجازه لأنه بيبقى مشغول بتأثير الإنجاز على الآخرين أكتر م هو ملهي بفرحته ، و كمان مضغوط و مستنزف و حاسس إن اللي حواليه هم اللي حاطينه ف ضغط رغم إن هو اللي ضغط نفسه ، بيحس ديما إنه مش راضي من قلبه و مش مرتاح و على الأغلب مش بيقدر يسامح حد و لا حتى نفسه و علاقاته ديما مضطربة و بيفتح في القديم كل خمس دقائق إما عشان يعاتب أو عشان يقارن زمان بدلوقتي ، كمان بيشخصن الأمور بمعنى لو بيشتغل في مكان و المدير قاله شغلك وحش بيشوف إن هو اللي وحش و ده غلط احنا ممكن نكون كويسين بس مهاراتها في شيء ما قليلة ف لينتج عنها شغل وحش أو زي الأم اللي أولادها سقطوا في الامتحان ف بتشوف إن ده فشل منها رغم إن عادي ممكن قدرات الطفل أو ظروف لحظة الامتحان أو قدرات المدرسة هم السبب .. و هنا الشخص ده بيكون مقرر يعالج مشاكله عن طريق المجتمع و الحياة اللي حواليه و زي م قولنا على الأغلب بيكون عنده إحساس بالنقص في التقدير سواء التقدير الذاتي أو التقدير من المجتمع كمان النقص في شيء ممكن نقص ف مادي أو معنوي أو نقص علاقات أو نقص أخلاقيات الدين

22/02/2023

شعرة بتفصل بين سواد القلوب و بياضها .. ده اللي بيفرق طاقة الغضب و الثأر عن طاقة الحنين و التعلق .. إنك لما تفتكر الشخص توحشك أيامه معاك و تقول ياه لو نتكلم تاني و ترجع المياه لمجاريها و تصعب عليك العشرة دي طاقة حنين من قلوب بتحب و تصون و بتدخل العلاقات بقلبها و بصدق .. أو تفتكر الشخص ف تقول ياه لو جت الفرصة آخد حقي منه أو ده أهاني و ازاي سمحت لعلاقتها توصل لمرحلة أنه يهيني أو يؤذيني و دي طاقة غضب و ثأر لناس بتدخل العلاقات بعقلها بتفضل تفكر في كل تصرف و كل كلمة و تحسب و تمنتج ف طاقة علاقتها ديما معقدة و بتتقطع بسرعة مش بتدوم عشان فيها رغي و مجهود كتير ... فرق إنك بتفتكر المواقف عشان هي أزمات صعبة بس تمام إنت متصالح معاها و مع أفرادها و بين إنك تفتكر المواقف و إنت حاسس إن لسه جواك طاقة غضب و إحساس إنك ضحية و إن مهما ربنا عوضك إنت برضه مش قادر تتخطى الموقف .. فرق كبير بين الشخصيتين رغم إن المظهر الخارجي للاثنين للوهلة الأولى بيكون واحد