What are the opening hours?

Monday 9am - 5pm Tuesday 9am - 5pm Wednesday 9am - 5pm Thursday 9am - 5pm Saturday 9am - 5pm Sunday 9am - 5pm

https://www.facebook.com/589257930928852/

Dr yasmine Badr - د ياسمين بـدر, Cairo (2025)

12/05/2025

ما هو جدري القرود

جدري القرود (بالإنجليزية: Monkeypox)، هو مرض نادر ينتج عن الإصابة بفيروس جدري القرود، وهو مرض يشبه مرض الجديرى الجلدى

اسباب جدري القرود
يتطور مرض جدري القرود نتيجة الإصابة بفيروس جدري القرود (بالإنجليزية: Monkeypox Virus)، وهو فيروس ينتمي إلى عائلة الفيروسات الجدرية (بالإنجليزية: Poxviridae). لا يزال المصدر الطبيعي لفيروس جدري القرود غير معروف، إلا أنه يعتقد أن أنواعاً من القوارض الإفريقية تلعب دوراً في نقل هذا الفيروس.

آلية انتشار مرض جدري القرود

ينتشر مرض جدري القرود إلى البشر عن طريق التلامس مع الفيروس المسبب سواء عن طريق

ملامسة شخص آخر مصاب.
ملامسة الحيوانات المصابة.
ملامسة الأسطح والأدوات الملوثة بالفيروس.

اعراض جدري القرود
على الرغم من تشابه أعراض مرض جدري القرود مع الأعراض الناتجة عن مرض الجدري، إلا أنها تكون أخف، مع اختلاف وحيد يتضمن تورم العقد اللمفية نتيجة الإصابة بجدري القرود.

تتراوح فترة حضانة فيروس جدري القرود عادة مدة 7- 14 يوم، إلا أنها يمكن أيضاً أن تتراوح بين 5- 21 يوم قبل بدء ظهور الأعراض، والتي تشمل ما يلي:

حمى.
صداع.
آلام العضلات.
ألم الظهر.
تورم العقد اللمفاوية.
قشعريرة.
تعب وإرهاق.
يبدأ الطفح الجلدي بالظهور بعد مدة 1- 3 أيام أو أكثر من إصابة المريض بالحمى، والذي غالباً ما يظهر على الوجه أولاً، ثم يبدأ بالانتشار إلى باقي أجزاء الجسم، ويمر الطفح الجلدي بعدة مراحل

المقاومة و المناعه تكون افضل للمطعمين او من اصيبوا بمرض الجديرى المائى سابقا

العلاج
مضادات الفيروسات و الرعاية الصحية
و الوقاية النظافة الشخصية و تجنب التلامس مع المصابين

11/05/2025

حروق التلج || Ice Burn 🧊
•طبعًا واضح من عنوان البوست إن فيه عاده متوارثه مُضره جدًا جدًا للبشره و هي إننا بنحط التلج بشكل مباشر ع بشرتنا من غير حاجز بينهم❌.

•للأسف ناس كتير متعرفش إن التلج ممكن يسبب حرق زيه زي النار بنفس الاعراض🔥
✓عشان كده بننصح الناس دايمًا لو حصلهم حرق بالنار حتى لو درجه اولى (الحروق البسيطه اللي بتحصل ف المطبخ)
يبعدوا تمامًا عن التلج ؛لأنه هيقلل الوجع بشكل مؤقت لكن هيأثر بالسلب ع سرعة التئام الحرق و هيسيب ندبه أو آثر مكان الحرق.

•طب هل التلج له فوايد فعلًا عشان كده فكرة استخدامه للبشره منتشره من زمان ؟
الحقيقه مفيش اي دليل علمي ، كل فوايده بنستخلصها عن طريق تجارب شخصيه ملهاش إثبات علمي❌.

•طب ايه هي الفوايد اللي بعض الناس بتلاحظها بعد استخدام التلج بالطريقه الصحيحه ؟
-بيحسن شكل المسام
-بيقلل الالتهاب و الاحمرار
-بيأخر ظهور التجاعيد عن طريق شد البشره
-بيحسن الدوره الدمويه
-بيقلل التورم

•طب ايه هي الطريقه الصحيحه لإستخدام التلج عشان نستفيد منه فعلًا و نتجنب أضراره؟
-مبدأيًا لو البشره حساسه بتتعرض للإحمرار و الالتهاب من اقل حاجه
ممنوع تمامًا نستخدم التلج حتى لو بالشروط اللي هقولها❌

-طب لو مفيش حساسيه نستخدمه ازاي ؟
1️⃣: لازم نلف التلج ف قماشه قطن مُعقمه أو مناديل ورقيه مُعقمه متتقطعش بسرعه ✓

2️⃣: نقسم البشره اربع اجزاء (الجبهه - الخد اليمين - الخد الشمال - الدقن )
و نستخدم منديل مختلف جديد لكل جزء من الأجزاء الاربعه عشان نتجنب انتشار الحبوب✓

3️⃣: نمرر التلجه الملفوفه ف القماشه ع الوش كله لمدة 5 ل 7د بسس منزودش عن كده و منثبتش التلجه ع مكان واحد أبدًا لازم نفضل نحركها ع الجزء كله ✓

4️⃣: مينفعش ندخل التلج ف الروتين اليومي الأساسي
لأن الحد الأقصى لإستخدامه مرتين ل 3مرات ف الاسبوع ✓

5️⃣: لو البشره معرضه للحبوب و فيها حبوب حيويه كتير ننسى التلج ده تمامًا لأنه هيسبب انتشار الحبوب بصوره اكبر ❌

آخر Tip بالنسبه للتلج ✨
بدل ما نستخدم المايه ممكن نستخدم الشاي الاخضر أو النعناع أو ماية الورد نحطهم ف القالب و نسيبهم يتجمدوا و بعدين نستخدمهم بنفس الطريقه ❤️.

09/05/2025

للأسف ناس كتيرر بتستخدم كريمات التقشير بشكل خاطئ و ده بيسبب نتايج عكسيه🤦🏻‍♀️❌،عشان كده هنعرف مع بعض ازاي نستخدم كريم التقشير بطريقه صحيحه عشان يدينا الإيفكت و النتيجه المطلوبه إن شاء الله 💕
مبدأيًا أنا هشرحلكم الطريقه بالتفصيل ع كريم إكرتين بما إنه من أشهر كريمات التقشير👌🏻
1️⃣ : نروح الصيدليه نشتري أقل تركيز من إكرتين (اللي هو تركيزه ربع %0.025) .
2️⃣ : نغسل بشرتنا كويس جدًا بالغسول المناسب عشان نتأكد إنها نضيفه و بعدين نتبع طريقة اسمها Sandwich Method اللي هي عباره عن 3خطوات: ١. نحط مرطب مناسب للبشره
- ٢. نحط كريم التقشير (إكرتين ع سبيل المثال)
- ٣.نحط تاني من المرطب بعد ما نغسل بشرتنا من الكريم🔄
⭐سميناها Sandwich Method ؛لأننا يعتبر بنحط المقشر ف سندوتش عن طريق استخدام المرطب قبل و بعد استخدام المقشر😂❤️
🌟مميزات الطريقه دي إنها بتهدي البشره جدًا و تهيأها للتقشير و لو فيه اي حساسيه من ماده معينه ف الكريم الآثار الجانبيه بتبقى أقل بكتيرر.
3️⃣: نسيب الكريم ع البشره لمدة 5د و بعدين نغسل بشرتنا كويس و نحط المرطب
🌟كل يوم بنزود دقيقه كمان بمعنى إن أول يوم سيبناه 5د يبقى تاني يوم نسيبه 6د و هكذا لحد ما نوصل ل15د كحد أقصى👌🏻
⚠️للأسف ناس كتير بتحطه و تنام بيه و ده غلط جدًا و بيسبب مشاكل كتير خصوصًا للناس اللي بشرتها حساسه.
كده أنا خلصت شرح الطريقه بالتفصيل لسه بس فاضل نقطتين حابه أكد عليهم ❤️
1️⃣ : نبعد كريم التقشير عن منطقة العيون طبعًا و حوالين الشفايف و الأنف و لو حسينا إن فيهم إحمرار او تقشير نستخدم ميبو .
2️⃣ : منستخدمش التركيز الاعلى من إكرتين (اللي هو تركيزه نص %0.05) غير بعد ما البشره تتعود ع تركيز ربع و نتأكد إنه مناسب تمامًا للبشره 👌🏻
شكرًا ع ثقتكم و متنسوش تبعتوا invitation لصحابكوا اتمنى تكونوا استفدتوا❤️.

07/05/2025

الTips النهارده تخص صديق نص روشتات دكاترة الجلديه،و منقذنا الأول من حبوب المناسبات المفاجأه😉👌🏻
⬅️محلول كلينداسول+چل كلينداسول🥰

✳️ هنستفيد ايه من بوست النهارده ؟

1️⃣اللي مسمعش عن كلينداسول خالص قبل كده و مجربهوش مع الحبوب هيجربه و يدعيلي❤️.

2️⃣هنعرف مع بعض ازاي نستخدمه صح☑️.
⚠️ لأن الاستخدام الخاطئ هيسيب آثار مكان الحبوب❎(اللهم بلغت).

3️⃣هنعرف نستخدمه امتى و كام مره في اليوم؟

4️⃣هنعرف الفرق بين المحلول و الچل و بالتالي هنعرف امتى نستخدم المحلول و امتى نستخدم الچل👌🏻.

◀️طريقة استخدام المحلول:
1️⃣: بنجيب قطنه صغيره أو ودّانه(اللي بننضف بيها الأذن😂👂🏻) وبنحط عليها نقطتين من المحلول و بعدين نمشي القطنه أو الودّانه ع الحبوب بسسس (مش الوش كله).
2️⃣: نسيب المحلول ع الحبوب نص ساعه بالظبط🕧 وبعدين نغسل بشرتنا و نتأكد إن المحلول اتمسح خالص💯.
❎ناس كتير للأسف بتحط المحلول ع الحبوب و بتسيبه كتير (مبتغسلش وشها بعد نص ساعه)🤦🏻‍♀️❌،و فيه ناس بتحطه و تنام🤦🏻‍♀️❌❌
و ده اللي بيخلي الحبوب تسيب آثار و بقع زي ما حذرت فوق⬆️⚠️

◀️نستخدمه امتى و كام مره في اليوم؟
⬅️بنستخدمه ف علاج كل انواع حب الشباب.
وعلاج الحبوب الكبيره اللي بتظهر فجأه( قبل المناسبات تحديدًا)😂👌🏻.
⬅️بنحطه ع الحبوب مرتين ف اليوم (مره الصبح و مره بليل) ع بشره نضيفه يعني بعد ما نغسلها بالغسول☑️.

◀️ايه الفرق بين المحلول و الچل ببساطه؟
⬅️الچل أخف ع البشره و اسهل ف الاستخدام مش محتاج قطنه و يُفضل نستخدمه لو الحبوب مش كتير⬇️✔️
⬅️المحلول أقوىٰ و بالتالي محتاج حَذَر اكبر ف الاستخدام و يُفضل نستخدمه لو الحبوب كتير⬆️
و لو عايزين الحبوب تنشف ف اسرع وقت يبقى يُفضل نستخدم المحلول بردو✔️

💟المحلول و الچل موجودين ف كل الصيدليات..

04/05/2025

جاي الطوارئ وضغطه عالي خالص اخد captopril "دواء ضغط معروف باسم كابوتين "اتحول ل الشكل ده!
اي اللي حصل وافضل تدخل اعمله اي؟؟؟🤔

ال captoperil تبع عائله كبيره من الـ drugs اسمها ACE inhibitors واحدة من side effects بتاعته أنها بتعمل angioedema عن طريق accumulation "تجمع"ل حاجه معينه اسمها "bradykinin " وهي دي اللي عملت المشكله دي ولكن الفكره اتعامل ازاي !؟

المعروف انو ال angioedema ممكن تاخد كورتيزون أو ابينفرين ولكن هنا مالهاش أي دور خالص لأن اللي عامل ال angioedema هو ال bradykinin في عايز اخلص منه عن طريق دواء اسمه Icatibant ده بيكسر ال bradykinin ولكن للاسف مش موجود في مصر ف افضل علاج FFP
Fresh frozen plasma
"يعني هينقل بلازما"
عشان اقدر اتخلص من ال bradykinin لأنها تعتبر حالة مميته

04/05/2025

مع ظهور أول بثرة على الجلد يبدأ إعلان حالة الطوارئ في المنزل، هل هي مجرد حبة ستختفي من تلقاء نفسها أو أنها ربما تكون عرضًا لعدوى الحصبة أو جدري الماء أو طفح جلدي نتيجة حساسية؟ وعشرات التساؤلات خاصةً مع انتشار عديد من الأمراض التي تتميز بظهور بثور مثل جدري القرود، ولنوفر عليكم مجهودًا كبيرًا في البحث والتساؤلات نقدم لكم معلومات عن الجدري المائي وكيفية انتشاره وطرق تمييزه عن الأمراض الجلدية الأخرى.

🛑ما هو جدري الماء؟
جدري الماء هو مرض يحدث نتيجة عدوى بفيروس يُعرف بـ الحماق النطاقي، وعلى الرغم من الاعتقاد الشائع عنه أنه يصيب الأطفال فقط دون سن 10 سنوات، فإنه قد يصيب الأشخاص في أي عمر، بل أنه أكثر خطورة عند الكبار عنه لدى الأطفال.

في منتصف التسعينيات، وقبل إضافة لقاح الجدري المائي إلى قائمة التطعيمات الأساسية كان غالبية الأطفال تُصاب به، ولكن بعد أن بدأ استخدام اللقاح تضاءلت نسب الإصابة به، وحتى لو أُصيب الطفل به على الرغم من حصوله على التطعيم، فإن الأعراض تكون أخف ويتعافى دون مضاعفات.

يشتهر جدري الماء بأنه يسبب طفحًا جلديًا يظهر أولًا على الوجه والجذع ثم ينتشر في جميع أنحاء الجسم.

🛑ما هي أعراض الجدري المائي؟
على الرغم من أن العرض الأشهر للجديري المائي هو الطفح الجلدي، فإن هناك أعراضًا أخرى مميزة له. الأعراض عادةً ما تكون خفيفة عند الأطفال، ولكنها قد تكون مهددة للحياة للبالغين والأشخاص

الذين يعانون من ضعف في جهاز المناعة، ومع ذلك، قد يعاني كل شخص من الأعراض بشكل مختلف. تشمل أعراض جدري الماء ما يلي:
التعب والإرهاق قبل يوم أو يومين من ظهور الطفح الجلدي.
فقدان الشهية.
الحمى.
الصداع.
رشح الأنف.
السعال.
قد تشبه الأعراض الأولية لجدري الماء أنواعًا أخرى من العدوى، ولكن بمجرد ظهور الطفح الجلدي والبثور، يكون من الواضح للطبيب أنه جدري الماء.

تكون أعراض الجدري المائي شديدة عند الأطفال الذين لا يعمل جهاز المناعة لديهم بشكل جيد.

🚨يعد الطفح الجلدي من الأعراض المميزة للجدري المائي، ويكون أحمر مصحوبًا بحكة على الوجه والجذع وفروة الرأس وتحت الإبطين، وأعلى الذراعين والساقين، وداخل الفم. يمكن أن يظهر أيضًا داخل الأذنين، وعلى الجفون، وداخل الأنف، وحتى حول المنطقة التناسلية.

يبدأ الطفح على شكل بقع حمراء مسطحة ويتطور إلى نتوءات مرتفعة تتحول بعد ذلك خلال ساعات قليلة إلى بثور. قد تكون البثور مليئة بسائل أصفر شفاف، والذي يتحول بعد يوم تقريبًا إلى لون غائم أو عكر، يحتوي هذا السائل على الفيروس المسبب للعدوى. يستمر الطفح الجلدي في الانتشار لمدة 3 أو 4 أيام، وعادةً ما يصبح حاكًا للغاية.

بعد فترة تشكل البثور قشورًا تسقط بعد أسبوع إلى أسبوعين. يعد طفح جدري الماء من أكثر الطرق التي ينتشر بها المرض بسهولة للآخرين.

🛑ما هي أسباب الجديري المائي؟
يحدث المرض بسبب فيروس الحماق النطاقي varicella zoster الذي ينتمي إلى عائلة فيروسات الهربس ألفا. يُعرف أيضًا باسم VZV ويسبب أيضًا عدوى القوباء المنطقية عند البالغين.

ينتشر فيروس جدري الماء في جميع أنحاء العالم وهو مرض شديد العدوى وعادة ما ينتقل من شخص لآخر.

🛑كيف ينتقل جدري الماء؟
يمكن أن ينتشر جدري الماء بسهولة شديدة إلى الآخرين خلال يوم إلى يومين قبل ظهور الطفح الجلدي، وبعد ظهوره.

🛑ينتشر الجدري المائي في العموم من خلال:

لمس السوائل من بثرة (حبة) جدري الماء.
استنشاق رذاذ أو قطرات صادرة من سعال أو عطس شخص مصاب بالمرض.
الجدير بالذكر أن الفيروس لا يعيش طويلاً على الأسطح.

🚨هل ينتقل الجدري عن طريق اللمس؟
نعم، ينتقل الجدري المائي عن طريق لمس البثور، لذا من المهم أن يرتدي المصاب به ملابس قطنية فضفاضة في حالة اضطر إلى الاقتراب من أشخاص معافين لتقليل فرص الإصابة به، لكن في العموم يجب على المريض أن ينعزل طوال فترة حضانة الفيروس، كذلك يجب تجنب استخدام المناشف أو أي أدوات شخصية للمريض لمنع انتقال العدوى.

🛑كيف يتم تشخيص جدري الماء؟
يمكن للطبيب تشخيص جدري الماء في أغلب الأحيان من خلال النظر إلى الطفح الجلدي وطرح أسئلة حول التاريخ الطبي للشخص. تؤكد البثور الصغيرة على فروة الرأس التشخيص بالجدري في معظم الحالات.

يمكن تأكيد التشخيص أيضًا إذا كان المريض يعرف أنه تعرض لاتصال مع شخص مصاب بالجدري المائي.

نادرًا ما يحتاج الطبيب المتمرس إلى إجراء الاختبارات المعملية لتأكيد التشخيص، وإذا استدعى الأمر فقد يوصي بالفحوص التالية:

اختبار PCR لفيروس جدري الماء باستخدام عينة من السائل داخل البثور وهي الطريقة الأكثر دقة للتشخيص.
فحص الأجسام المناعية (IgM و IgG) والذي يعد مفيدًا لتشخيص الجدري عند الحوامل، أو قبل وصف أدوية تثبيط المناعة لتحديد الحاجة إلى إعطاء اللقاح الخاص بالجدري قبل العلاج.

🛑ما هي طرق علاج جدري الماء؟
لا يوجد علاج لجدري الماء، وعادةً ما يختفي الفيروس من تلقاء نفسه دون أي علاج. تهدف العلاجات التي يُوصي بها الطبيب إلى تخفيف الأعراض حتى يتعافى المريض.

تشمل علاجات جدري الماء ما يلي:

خوافض الحرارة مثل الأسيتامينوفين لتقليل الحمى (لا ينبغي إعطاء الأسبرين للأطفال المصابين بجدري الماء أبدًا).
لوشن الجلد، لتخفيف الحكة مثل الكالامين.
الأدوية المضادة للفيروسات (للحالات الشديدة) مثل زوفيراكس وغيرها.
مضادات الهيستامين لتقليل الحكة في الطفح الجلدي.

🚨كيف أعالج الجدري في المنزل؟
يعتمد علاج الجدري المائي بشكل أساسي على الراحة في الفراش وتساعد النصائح التالية على تخفيف الأعراض وتسريع التعافي:

شرب كثير من السوائل وخاصةً الماء (لمنع الجفاف).
كمادات منقوع الشوفان البارد لتقليل الحكة.
إضافة قليل من صودا الخبز (بيكربونات الصوديوم) أو النشا إلى ماء الاستحمام، إذ تساعد على تهدئة الحكة وتقليل الالتهاب.
وضع كيس ثلج مغطى بمنشفة على المناطق التي تسبب الحكة مدة 20 إلى 30 دقيقة.
علاج جدري الماء عند الأطفال
لا يختلف علاج جدري الماء عند الأطفال عنه لدى الكبار وقد تساعد النصائح التالية على تخفيف الأعراض لدى الطفل المصاب بالجدري:

تناول المثلجات الخالية من السكر (مثل مكعبات العصير الطازج المثلجة) لتخفيف أعراض قرح الفم إذا كانت هناك بقع في الفم.
تجنب الأطعمة المالحة أو الحارة.
تناول الأطعمة السهلة البلع مثل: الحساء أو الأطعمة المهروسة إذا كان المضغ مؤلمًا.
قص أظافر الطفل وتنظيفها لتجنب خدش البثور حتى لا تتفاقم بسبب عدوى بكتيرية ثانوية، ولا تترك أثرًا أو ندوبًا بعد التعافي.
وضع القفازات أو حتى الجوارب على يدي الطفل عندما يذهب إلى النوم، حتى لا يخدش جلده في أثناء النوم ما قد يسبب جروحًا.
نذكركم أنه لا ينبغي استخدام الأسبرين أو المنتجات التي تحتوي عليه لتخفيف الحمى عند الأطفال. يُوصى باستخدام الأدوية غير المحتوية على الأسبرين، مثل الأسيتامينوفين (المعروف تجاريًا بعدة أسماء مثل سيتال®).

🚨ما أهم الممنوعات مع جدري الماء؟
التعامل مع الجدري بطريقة صحيحة واتباع تعليمات الطبيب هو الأساس لتسريع الشفاء، ومن المهم الامتناع عما يلي إذا كنت مصابًا بالجديري المائي:

لا تخدش البثور أبدًا.
لا تعطي الأسبرين لأطفال دون 16 عامًا.
لا تأخذ مضادًا حيويًا لعلاج عدوى الجديري المائي لأنها كما ذكرنا عدوى فيروسية، لن يفيد المضاد الحيوي في علاجها وقد يأتي الأمر بنتائج عكسية.
هل يجوز الاستحمام عند الاصابة بجدري الماء؟
لن يؤدي الاستحمام إلى انتشار جدري الماء من منطقة من الجلد إلى أخرى كما هو شائع لدى البعض.

استحم بماء فاتر كل 3 إلى 4 ساعات خلال الأيام القليلة الأولى. أضف 4 ملاعق كبيرة من صودا الخبز أو نشا الذرة إلى الماء لتهدئة الجلد، ولكن لا تستخدم الصابون لأنه قد يجفف الجلد.

يمكن نقع الجسم في حمام الشوفان أيضًا لتقليل الحكة، ويمكن تحضيره من خلال الخطوات التالية:

استخدم كوبًا واحدًا من دقيق الشوفان في حوض الاستحمام للأطفال الكبار، أو 1/3 كوب للأطفال الصغار.
دع الطفل يجلس في الماء مدة عشرين دقيقة.
كرر الأمر وقت الحاجة وإذا كان الطفل يشعر بحكة شديدة.
ما الأكل الممنوع للجدري المائي؟
لا يؤثر طفح فيروس جدري الماء في الجسم كله فحسب، بل يؤثر أيضًا في اللسان والفم والحلق من الداخل.

🚨🚨🚨يتسبب فيروس الحماق النطاقي في بقع فموية تتراوح من من 1 إلى 30 اعتمادًا على شدة المرض، وقد تتسبب بعض الأطعمة في تهيج هذه القرح، لذا إذا كنت مصابًا أو طفلك بالجدري فتجنب الأطعمة التالية:

الأطعمة الحارة والحامضة.
الأطعمة المالحة.
المأكولات الصلبة والمقرمشة والتي قد تسبب جروحًا في القرح.
الأطعمة الدسمة والمقلية.
الجدير بالذكر إذا كان الجهاز المناعي ضعيفًا بالفعل، فمن المرجح أن يسبب فيروس جدري الماء مضاعفات أكثر شدة مثل التهاب المعدة. سيسبب هذا الالتهاب أعراضًا مثل الألم والغثيان والقيء، لذا من المهم تناول أطعمة مسلوقة وتجنب الأطعمة الدسمة التي قد تزيد الشعور بالغثيان.

إن اتباع نظام غذائي خفيف وسهل الهضم هو أفضل طريقة لضمان حصول المريض على تغذية جيدة في أثناء المعركة ضد جدري الماء.

🛑🛑ما طرق الوقاية من الجديري المائي؟
نظرًا لأن جدري الماء ينتقل عن طريق الهواء وينتشر بسهولة شديدة، حتى قبل ظهور الطفح الجلدي، فمن الصعب تجنبه تمامًا.

يمكن الوقاية من جدري الماء أيضًا من خلال قواعد النظافة العامة ومنها:

عدم مخالطة المرضى أو التواجد في أماكن مزدحمة، وفي حال الاضطرار لذلك يجب ارتداء كمامة.
غسل الأيدي بالماء والصابون بشكل متكرر على مدار اليوم.
تجنب استخدام الأدوات الخاصة بأشخاص آخرين أو مشاركتهم استخدام المناشف والملابس.
تطهير الأسطح في حالة لمسها بواسطة شخص مصاب.

📌تطعيم الجدري
يمكن الوقاية من جدري الماء بشكل كبير عن طريق التطعيم بلقاح الجدري، والذي يعد جزءًا من جدول التطعيم الأساسية للأطفال، كذلك يتم إعطاؤه لمن يعانون من ضعف المناعة.

يمنع اللقاح غالبًا مرض جدري الماء تمامًا أو يجعل المرض خفيفًا جدًا. يبلغ معدل فعالية لقاح جدري الماء حوالي 90% في منع المرض بالنسبة لمعظم الناس.

يُوجد نوعان من لقاح الجديري الماء:

⚠️فاريفاكس: هذا اللقاح مخصص لجدري الماء فقط. يحصل الأطفال على جرعتين، الجرعة الأولى بين 12-15 شهرًا والجرعة الثانية بين 4-6 سنوات. يمكن لأي شخص يبلغ من العمر 12 شهرًا أو أكثر الحصول على هذا اللقاح. وهذا يشمل المراهقين والبالغين.
⚠️بروكواد: هذا لقاح مركب يحصن الشخص ضد عدة أمراض فيروسية وهي الحصبة والنكاف والحصبة الألمانية. يطلق عليه MMRV. يتلقى الأطفال هذا اللقاح في نفس الجدول الزمني مثل لقاح Varivax، ولكن لا يمكن إعطاؤه إلا للأطفال الذين تتراوح أعمارهم بين 12 شهرًا و12 عامًا.
⛔️ما هي مضاعفات جدري الماء؟
من النادر أن تحدث مضاعفات لعدوى الجديري المائي، وتكون أكثر شيوعًا، لدى البالغين والأشخاص الذين يعانون من ضعف في جهاز المناعة. قد تشمل المضاعفات:

العدوى البكتيرية الثانوية.
الالتهاب الرئوي.
التهاب الدماغ.
التهاب الحبل الشوكي.
متلازمة راي وهي حالة خطيرة تؤثر في جميع الأجهزة والأعضاء الرئيسية بالجسم، لذا لا يُنصح بإعطاء الأسبرين لخفض الحمى المصاحبة للجديري المائي لأنه يزيد من خطر الإصابة بمتلازمة راي"Ray syndrome"

03/05/2025

طبعًا كلنا سمعنا عن دوا مشهور جدًا لعلاج حَب الشباب اسمه نت لوك | Net Look 💊

📌بس للأسف ناس كتير متعرفش آثاره جانبيه و مدى خطورته فبدأت ترشحوا لبعض ع السوشيال ميديا و دي كارثه حرفيًا ❌

📍مبدأيًا الدوا ده بيتاخد تحت إشراف طبي.

📍الدوا بيتوصف ف حالتين فقط :
١.حالة حَب الشباب المتوسطه اللي مبتستجبش لأي علاج موضعي زي الكريمات و المراهم.
٢.حالة حَب الشباب الشديده.

📍الدوا مبيتوصفش من اول كشف ولا بيتوصف من غير تحليل طبي ❌
•لازم الدكتور يتأكد بنفسه الاول إن مفيش استجابه للكريمات الموضعيه و يكتب روتين كامل مره و اتنين ، و النت لوك بنعتبره Last Choice

📍ميكانيزم الدوا هو تقليل إفراز الدهون من الغدد الدهنيه ↙️
؛لأن زيادة الدهون هي السبب الرئيسي لحَب الشباب.

📍الدوا جرعته بتختلف من شخص للتاني ع حسب الحاله فيه منه 10mg و 20mg و 40mg.

🔴طب يا ترى ايه هي الآثار الجانبيه اللي خلت دوا لعلاج حَب الشباب يبقى بالخطوره دي ؟
📌تحت كل آثر جانبي هكتب ازاي نتجنبه أو نتعامل معاه ف حالة إن الدكتور كتبهولنا.

1️⃣: بيعمل جفاف شديد ف الجلد و الشفايف و العيون 👁️
•الحل : ترطيب الجسم و البشره كويس جدًا
و ترطيب الشفايف المستمر ب Lip balm (زبدة كاكاو)
و استخدام قطره مرطبه للعين

2️⃣: بيعمل التهاب ف المعده ×
•الحل : ناخد الدوا مع الاكل مش ع معده فاضيه و منفضيش الكبسوله عشان ميحصلش التهاب ف المرئ.

3️⃣: بيعمل شوية تقلبات مزاجيه بتوصل لإكتئاب🤯
•الحل : نبقى عارفين إن الاكتئاب من ضمن الآثار الجانبيه للدوا عادي جدًا مجرد ما كورس العلاج يخلص الحاله النفسيه هترجع متزنه.

4️⃣: بيسبب تساقط الشعر 💆🏻‍♀️
•الحل : نستخدم زيوت مغذيه و ڨيتامينات للشعر خلال كورس العلاج.

5️⃣: بيخلي الجلد حساس اكتر من الاول بكتير لآشعة الشمس☀️
•الحل : استخدام صن بلوك عامل حمايته +50.

6️⃣: بيزود انزيمات الكبد و الكوليسترول و الدهون الثلاثيه ↖️
•الحل : الدكتور بيطلب تحاليل قبل ما يكتبه و التحليل بيتكرر كل شهر خلال فترة المتابعه.

7️⃣: بيعمل اضطرابات و خلل في الدوره الشهريه ممكن يحصل انقطاع مفاجئ❌
•الحل : لو حصل لازم نعرف الدكتور بس عادًة الهرمونات بترجع تتظبط تاني بعد ما نوقف الدوا.

8️⃣: اهم و اخطر آثر جانبي إنه بيعمل تشوه اجنه و بالتالي:⬇️

•لو واحده مش متجوزه مينفعش تتبرع بالدم عشان الدم ممكن يتنقل لواحده حامل و يأذي الجنين 🤱🏻

•لو واحده متجوزه لازم تستخدم وسيلتين لمنع الحمل

•لو واحده هتتجوز قريب يبقى تأجل الحمل لمدة 3شهور ع الأقل بس المده الاكثر آمانًا هي 6شهور (نص سنه)

03/05/2025

للأسف ناس كتير متعرفش إن استخدام الكريمات أو المراهم اللي بتحتوي على مادة الكورتيزون اكتر من 3ايام كارثه!⚠️

•تعالوا نعرف ايه هي الآثار الجانبيه للكريمات و المراهم اللي فيها كورتيزون بإختصار؟🤔

1️⃣: بيسبب عَرض اسمه Skin Thinning
و ده معناه ترقق طبقات الجلد و بالتالي الجلد هيبقى أكثر عُرضه للجروح و التأثر بالشمس و عوامل الجو المختلفه.

2️⃣: في الأول هيعالج الحبوب عشان كده الناس بتعجبهم نتيجته ف البدايه
لكن مع استخدامه لفتره طويله هيجيب نتيجه عكسيه تمامًا.
هيطلعلك حَب شباب و لو عندك هيزوده ↖️

3️⃣: ممكن يسبب ورديه و ده مرض جلدي مزمن هنزلكوا صوره توضيحيه لأعراضه.

4️⃣: بيعمل تصبغات ف الجلد علاجها بياخد شهور.

5️⃣: الأصعب بقى إنه بيعمل تحفيز لنمو الشعر ف المناطق اللي بيتحط عليها و ده مش مطلوب ابدًا بالنسبه للبنات❎.

6️⃣: بيعمل اسمرار شديد ف البشره و بهتان كأن البشره فاقده للنضاره و الحيويه.

7️⃣: بيعمل التهابات جلديه سواء بكتيريه أو ڨيروسيه أو فطريه و ده نتيجة لترقق طبقات الجلد زي ما قولنا ف اول بوينت
؛لأن لما الجلد يبقى رقيق هيبقى ضعيف و اكثر عُرضه للبكتيريا و الڨيروسات إلخ..

8️⃣: ممكن بشرتنا متكونش حساسه بس بعد استخدام الكريمات دي لفتره طويله تبقى حساسه جدًا جدًا و نضطر نجيب منتجات جديده خاصه بالبشره الحساسه و نغير الروتين بالكامل.

•طب ايه هي اشهر الكريمات و المراهم اللي فيها كورتيزون ؟
-مرهم بيتاديرم
-كريم فيوسيكورت
-كريم فيوسيدين H
-كريم Dermovate
-كريم Elica
-مرهم Elocom

•طب طالما الآثار الجانبية كتير و صعبه كده ليه عاملين الكريمات دي ؟

📌لأنهم سلاح ذو حدين

ليهم استخدامات علاجيه اكيد زي ما ليهم آثار جانبيه بس عشان نستفيد من استخداماتهم و نتجنب آثارهم لازم يبقى الكريم أو المرهم مكتوب تحت إشراف طبي لحالات معينه و بطريقه معينه و لمده محدده 👌🏻

Dr yasmine Badr - د ياسمين بـدر

12/05/2025

11/05/2025

09/05/2025

07/05/2025

04/05/2025

04/05/2025

03/05/2025

03/05/2025

Address

Opening Hours

Website

Alerts

Shortcuts

Share

Category

Monday	9am - 5pm
Tuesday	9am - 5pm
Wednesday	9am - 5pm
Thursday	9am - 5pm
Saturday	9am - 5pm
Sunday	9am - 5pm