Dr. Faten Mahmoud

27/05/2025

مكان المركز الجديد في المقطم☺️☺️

Prime Care Medical Center ازاي توصلنا 🏥 🚙 : القاهره -المقطم شارع ٩ الرئيسي امام مستشفي المقطم التخصصي بجوار كريم شانتيه عماره ٨٨٤٤ ( الياسمين) Location 📌: https://maps.app.goo.gl/L1tuYCg55UnFNRdo9 للحجز و الاستفسار 📞 : 01150735956 - 01154488723

Find local businesses, view maps and get driving directions in Google Maps.

24/11/2024

علاقه التغذيه بالحمل ☺️☺️

13/05/2022

خطوات مهمه لو هتولدى في ٢٠٢٢😷😷

١. اختيار المستشفى للولاده شئ مهم جدا جدا
نختار مستشفى محترمه بتطبق قواعد مكافحه العدوى جيدا ودى اكيد دكتورك هيقولك عليها

٢.نتجنب الولاده المبكره بقدر الامكان وده طبعا باتباع تعليمات الطبيب علشان الطفل ميدخلش حضانه

٣.يوم الولاده هتروحى المستشفى معاكى شخص واحد كفايه مع زوجك وبلاش ناس كتير وممنووووع اصطحاب الاطفال للمستشفى

٤.شنطه الولاده هتزودى عليها كحول بخاخ وكلور بخاخ مخفف وغيارات وملابس اضافيه

٥.هتدخلوا المستشفى قبل الولاده بوقت قصير وكلكم لابسين ماسكات

٦.اتاكدى من تعقيم الغرفه قبل استخدامها زى الكراسى ومقابض الابواب ومفاتيح النور والريموت كنترول والحمام

٧.اى حد من المستشفى ممنوع يتعامل معاكى بدون ماسك واذا حصل لازم تشتكى فوراااااا الاداره المستشفى

٨.طبعا البنج النصفى هو الافضل على الاطلاااااااااق وخصوصا فى الوقت الحالى لانه بعيد عن الجهاز التنفسى ده غير مزاياه للجنين ولتقليل الالم بعد الولاده

٩.متقلعيش الماسك طول مانتى فى المستشفى

١٠.اول ما تتحسنى وتعملى حمام اخرجى فورا للبيت

١١.عند الوصول للبيت تغيير كل الملابس وغسلها بدرجه حراره ٦٠ عالاقل .

١٢.الرضاعه الطبيعيه افضل شئ لكن ننضف كويس ونلبس ماسك اثناء الرضاعه اول اسبوع بعد الولاده وممنوع تقبيل الأطفال

١٣ .مفيش سبوع
مفيش عقيقه
مفيش زيارات عائليه
كله مؤجل لما بعد الكورونا

١٤ .التغديه الصحيه وفيتامين س والزنك وفيتامين د مهمين جدا
١٥ .تهويه المنزل يوميااااا والفرش فى الشمس باستمرار

❤❤ربنا يقومكم بالسلامه❤❤


ازاي توصلنا 🏥 🚙 :
القاهره - المقطم شارع ٩ الرئيسي امام مستشفي المقطم التخصصي بجوار مطعم Chikoz crispy عماره ٨٨٤٤ ( الياسمين)

للحجز و الاستفسار 📞 : 01150735956 - 0115448872

22/12/2020

كلمة #كيس على المبيض متكرره، حالات كتير اتخضت منها ، و خضت أمهات كتير على بناتها ، بس مش لازم تتخضي اول ما تتقالك😲😯😮 ، طب ليه ؟!

لأن أغلبها #وظيفي حميد و بدون أي مشاكل 🙂🙂 #الحمدلله

على الرغم من أن معظم أكياس المبيض غير ضارة وتزول من تلقاء نفسها، يجب علي استشاري النساء و التوليد تتبع أي كيس علي المبيض للتأكد من أنه لا ينمو و يسبب مشاكل. هناك أنواع مختلفة من أكياس المبيض و معظمها حميدة (غير سرطانية).

🧿أكياس المبيض #الوظيفية:

هذا نوع من اكياس المبيض الأكثر شيوعا و يتكونوا نتيجة التبويض. كل شهر تنمو البويضه في كيس صغير ( ١.٨ - ٢.٥ سم ) و يتم تحريرها من المبيض في منتصف الدورة الشهرية.

هناك نوعان من الأكياس الوظيفية:

#كيس التبويض🥚 : عندما لا ينفجر كيس التبويض و لا يتم تحرير البويضة من المبيض و يستمر هذا الكيس في الزيادة في الحجم اكبر من ٢.٥ سم .

#كيس الجسم #الأصفر: عندما يتم التبويض و يتكون الجسم الأصفر المسؤول عن إفراز هرمون البروچيسترون في النصف الثاني من الدورة و تثبيت الحمل اذا حدث.

كلا النوعين من هذه الأكياس الوظيفية لا تسبب عادة أي أعراض أو بعض الأعراض الخفيفة فقط. و معظم هذة الأكياس تختفي في في حدود ٢ - ٣ شهور و القليل منها قد يستمر في النمو .

🧿 #الكيس #الجنيني او (Dermoid cyst) :

نوع من الاورام الحميدة التي تحتوي علي من خلايا جذعية قادرة على تكوين أنواع مختلفة من الأنسجة مثل الجلد و الشعر، الدهون والأسنان.
قد تكون هذة الأكياس موجودة منذ الولادة ولكن قد تنمو خلال السنوات المرأة الإنجابية و غالبا ما تكون صغيرة وربما لا تسبب أعراضا. إذا أصبحت كبيرة، فإنها قد تسبب مضاعفات .

🧿أورام المبيض #الحميدة ( Cystadenomas ):

هي الأكياس التي تنمو من الخلايا على السطح الخارجي للمبيض. تكون عادة مليئة بسائل مائي أو هلامي لزج و سميك. يمكن أن تنمو بدرجة كبيرة جدا و تسبب انتفاخ البطن .

🧿أكياس البطانة #المهاجرة او #الشيكولاتة (Endometrioma) :

هي اكياس بالمبيض تتكون نتيجة هجرة بطانة الرحم (التي تنمو في مناطق خارج الرحم) الي المبايض. نسيج بطانة الرحم يستجيب للتغيرات الشهرية في الهرمونات و ينزف مع كل دورة طمث. وتسمى هذه الأكياس أحيانا "أكياس الشوكولاته🍫" لأنها مليئة بالدم الأحمر الذي يتحلل مع الوقت و يصبح لونة بني غامق .

#أعراض اكياس المبيض:

- معظم الاكياس الصغيرة لا تسبب أعراض.👍

- بعض الاكياس قد يسبب وجع خفيف أو حاد في البطن و ألام خلال بعض الأنشطة.

- الآلام المتكرر بالحوض المصاحب لدورة الشهرية🥵

- الآلم اثناء العلاقة الزوجية

- مشاكل التبول و إحساس بالضغط في الحوض علي المثانة او الإمساك

- فقدان شهية الطعام 🍞و الإحساس بالغثيان

- 🚑الأكياس الاكبر من ٥-٦ سم قد تسبب التواء (لف) المبيض الذي قد يسبب ألم شديد لا يحتمل ، الاحتقان ، النزيف ، انفجار الكيس او موت أنسجة المبيض و غرغرينة🚨 .

- اكياس المبيض قد تنفجر او تنزف بالبطن و ذلك قد يؤدي إلى مشاكل خطيرة تتطلب الجراحة العاجلة🏥.

🧿- 😥في حالات نادرة جدا ، قد تكون اكياس المبيض بداية ورما سرطانيا☠. المراحل المبكرة لسرطان المبيض في كثير من الأحيان لا يوجد بها أعراض واضحة ، لذلك يجب أن تكون المريضة على بينة من العلامات الخطرة.

#العلاج:
يختلف من كيس لآخر، فالكيس الوظيفي علاجه غالبا تحفظي ، و كيس الشيكولاته يمكن علاجه دوائيا او بالمنظار ، اما باقي الاكياس فتطلب تدخل سواء جراحيا أو بالمنظار الجراحي ، والأفضل #المنظار مهما زاد حجم الكيس ؛ الا في حالات معينة -يحددها الطبيب-

و أخيرا :


، و


📞 / للحجز :
📲: 01150735956

📲: 01154488723

🌺أتمنى لكن دوام الصحة والسعاده و حياة بدون ألم 🌺

11/12/2020

أنت أقوى من آلام الظهر أثناء الحمل! 🤰💪

آلام الظهر وعدم الراحة شائعة أثناء الحمل وهذه الآلام تحدث أثناء الحمل في أي وقت ولكنها أكثر شيوعًا في أواخر الحمل، وأيضًا بعد الولادة نظرًا للتغيرات الجسدية التي تطرأ على الحامل وبالطبع لا تنتهي بعد الولادة في يوم وليلة ولكنها عادة تأخذ شهور بعد الولادة. 🕦
ولكن في بداية الأمر يجب معرفة أسباب هذه الآلام حتى يتم معرفة كيفية التغلب عليها جيدًا، فما هي أسباب آلام الظهر أثناء الحمل؟! 😩🤔
1⃣ زيادة الهرمونات المسببة لإرتخاء المفاصل والأربطة خصوصًا هرمون البروجستيرون والذي بدوره يعمل على تسهيل عملية الولادة لكن على الجانب الآخر هذا الإرتخاء يشعرك بعدم الإستقرار ويؤدي إلى إنحناء الظهر للخلف مع إندفاع البطن للأمام وبالتالي يسبب الألم لكِ أثناء المشي أو الوقوف أو الجلوس لفترات طويلة. 🤰
2⃣ نظرًا لنمو الجنين وزيادة حجمه وضعف عضلات البطن فيسبب ذلك زيادة الضغط على ظهرك. 👶
3⃣ زيادة وزنك حيث أنه من الطبيعي أن يزداد وزنك أثناء الحمل وهذا يؤثر على الظهر ويزيد من آلامه.
4⃣ الوقوف الكثير أثناء الحمل. ⚠

🔹ولكن متى يجب عليكِ الذهاب للطبيب؟ 👩‍⚕
1⃣ إذا كنتِ تعانين من آلام الظهر الحادة.
2⃣ إذا كنت تعانين من آلام الظهر المفاجئة والتي تتزايد شدتها مع الوقت.
3⃣ إذا كنت تعانين من آلام الظهر المتقطعة حيث تشعري بها ثم تتوقف وبعد قليل تتكرر مرة أخرى فربما تكون أعراض ولادة مبكرة.

في كل هذه الحالات عليكِ التوجه مباشرة للطبيب المُعالج في أقرب وقت. ⚠


العنوان : المقطم شارع ٩ امام مستشفي المقطم التخصصي بجوار مطعم Chikoz عماره الياسمين ٨٨٤٤

للحجز و الاستفسار : ٠١١٥٠٧٣٥٩٥٦ / ٠١١٥٤٤٨٨٧٢٣

24/05/2019

🌞🌡️🏜️
الحامل بطبيعة الحال درجة حرارة جسمها اعلى من الانسان الطبيعى، و ده طبعا بيخليها فى شهور الحر و خاصة يوليو و اغسطس تشعر بالانهاك و الاجهاد و معندهاش طولة بال و الله يكون فى عونها فعلا فى الفترة دى ..
الأمر بيتطلب منها عناية اضافية بنفسها عن طريق:
- شرب المياة و السوائل ما لا يقل عن 10 أكواب من السوائل يوميًا ، و بلاش مخلل و موالح و كافيين ..
- نكتر شوية من الفاكهة و الخضراوات
- ناخد حمام دافئ عشان نحس بالانتعاش و نلبس ملابس قطن
- لو حسينا بالحر لشديد نعمل بعض الكمادات الباردة
- نهتم بالتهوية جيدا فى المكان

#دكتوره _فاتن محمود
للتواصل والحجز ٠٢٢٣٩٣٨٦٠٣ 📞☎️

23/04/2019

عاوزين نولد وإحنا مرتاحين!!
الولادة الطبيعية أفضل للأم والجنين، والرياضة دايماً مفيدة للست الحامل، خاصة كمان إن دلوقتي ممكن الولادة طبيعي بسلام وبدون ألم مع "تمرينات لاماز" الخاصة للحامل، اللي من خلاله بيعلم التنفس الصح، والاسترخاء علشان الولادة تتم بسهولة وراحة.
والتمارين دي هي شهيق وزفير، بناخد شهيق 5 مرات ونخرجهم ببطء، وتمارين تنظيف التنفس بيتم أخذ نفس طويل وعميف من الأنف ويخرج من الفم ببطء، وده هيساعد الحامل جداً على الإسترخاء دايماً وبالتالي ضمان لولادة سهلة.

دكتورة /
‎اطمني احنا الايد اللي هتتمدلك لحد ما توصلك لبر الأمان و تطمني على طفلك👶
‎و تشوفيه بعنيكي😍 💪
‎👈ابعتيلنا استفسارك فى كومنت وهنرد عليكي او اتصلي‎او اتصلى على رقمنا
٠٢٢٣٩٣٨٦٠٣

18/04/2019

بمناسبة شهر رمضان الكريم الكشف مجانا في العيادة في خلال مواعيد العمل طوال الشهر ♥️
#شير في الخير
و كل عام وانتم بخير 🌙❤️🌃

31/03/2019

اسباب صغر حجم الجنين
لما بيكون عندك فضول تعرفى وزن جنينك وبيطلع وزنه قليل أكيد بتخافى علشان كدا لازم تعرفى أسباب صغر حجم جنينك :

بنبدأ نوصف الجنين بأنه متأخر في النمو داخل الرحم أو أن حجمه صغير بالنسبة لموعد ولادته، لو كان وزنه أقل من 2.5 كيلوغرام عند الولادة.
وممكن تكون الأمور دى طبيعية بسبب عامل الوراثة في العائلة، أو أن فى أسباب أخرى لإنخفاض وزن الجنين زى:

- مشكلة في المشيمة سببت تسمم في الحمل وبالتالى منعت وصول كمية كافية من الدم المحمل بالأكسجين والعناصر الغذائية للجنين.
- إرتفاع ضغط الدم بيأثرعلى نمو الجنين بشكل طبيعي ويسبب إنخفاض وزنه.
- في حالة الحمل بالتوائم بتكون المساحة في الرحم أصغر وبالتالى بيكون وزن الجنين منخفض.
- إصابة الأم بالأمراض المختلفة زى الإلتهابات في المسالك البولية أو في الرحم.
- إتباع نظام غذائي غير صحي، وتقليل السعرات الحرارية بحيث لا يكفي الأم والجنين.

- التدخين يسبب إنخفاض في وزن الجنين بشكل كبير عند الولادة.
- القلق والتوتر والإجهاد في العمل.
- تناول الأم بعض الأدوية التي تعيق نمو الجنين بشكل طبيعي.
- إصابة الجنين بالعيوب الخلقية أوالأمراض الوراثية التي تعيق النمو الطبيعي للجنين.
لوفى حالة نقصان وزن الجنين فلا يوجد مخاطر على الأم، ولو كان نقصان الوزن بسيطًا فلا مخاطر على الجنين أيضًا.

31/03/2019

بنحس بألم في ظهرنا أثناء الحمل؟!، طب إزاي نتجنب آلام الظهر أثناء الحمل؟!
مع نمو الجنين بيزيد إنحناء ظهرنا ويبقى واضح، وده بيسبب ألم خصوصاً وإن الأربطة بتكون أكثر ليونة وده استعداد طبيعي للولادة، فبالتالي بيحصل إجهاد وألم لمفاصل أسفل الظهر والحوض.
طب والعلاج ؟
- منشيلش حاجات تقيلة، ونلبس أحذية مسطحة.
- لو بنشتري حاجات منشيلش كل الوزن في يد واحدة.
- نقعد دايماً وظهرنا مستقيم ومفرود ونحط مثلاً مخدة ورانا.
- مرتبة السرير متكونش طرية جداً لازم يكون فيها صلابة فميبقاش الجسم منحني أثناء النوم ويسبب آلام.
- نواظب من بداية الحمل وقبله على تمارين رياضية لتقوية جسمنا فيقدر يتحمل.
ولو زاد التعب علينا لازم هنا طبعاً نستشير طبيب و نعرف إيه العلاج المناسب.


‎اطمني احنا الايد اللي هتتمدلك لحد ما توصلك لبر الأمان و تطمني على طفلك👶
‎و تشوفيه بعنيكي😍 💪
‎👈ابعتيلنا استفسارك فى كومنت وهنرد عليكى
‎

14/02/2019

يعني اية بطانة الرحم المهاجرة؟
ناس كتير حابة تعرف أعراضها اللى بتظهر عليكي، وازاي بيتم تشخيصها وطرق علاجها..

▫ ايه هي أعراضها ؟! 🤔
مش كل الاعراض اللى هنقولها شرط انها تظهر كلها ، ممكن المدام يجيلها واحد بس من الاعراض او اكتر من واحد تختلف شدته باختلاف مكان بطانة الرحم المهاجرة ، ومن الاعراض الشائعة:
🔸 ألم مزمن في الحوض.
🔸 البريود مؤلمة جداً + نزيف غزير أو غير طبيعي مع البريود زي نزول بعض الدم قبلها.
🔸 صعوبة في حدوث الحمل.
🔸 ألم في حركة الأمعاء أو إسهال أو إمساك أو اضطرابات الأمعاء الأخرى أثناء الحيض.
🔸 التبول المتكرر أو الشعور بألم أثناء التبول خلال فترة الطمث.

▫ مش شرط العلاج يكون عن طريق الجراحة لاء ممكن يكون علاج بالأدوية وده على حسب:

🔸 شدة الأعراض.
🔸 موقع وحجم ورم بطانة الرحم.
🔸خططك لإنجاب الأطفال
🔸 "السن" لأن شدة المرض تزيد بزيادة العمر
▫ معدلات نجاح العلاج ؟!
ارتفعت المعدلات حاليا ، و التدخل الجراحي يزيد فرص الحمل وولادة الأطفال للسيدات اللى بيعانوا من إصابة خفيفة.

بعد العلاج تتراوح معدلات الحمل لدى النساء اللى كانوا بيعانوا من اصابه خفيفه من ٨١-٨٤ ٪ ، واللى كانوا بيعانوا من إصابة شديدة أو متوسطة بتصل معدل الحمل ل ٣٦ -٦٦٪ بعد العلاج 😌

وزى ما قولنا قبل كده لو انتى عارفه ان عندك بطانة رحم مهاجرة يبقى اطلبي المساعدة من طبيبك على طول

10/02/2019

أولد طبيعى ولا قيصرى
الطبيعى بيبقى وجع ساعة وبيروح بس بيأثر على حجم الرحم
والقيصرى مش بحس بألم بس بعد ما مفعول البنج بيروح بفضل تعبانه فترة طويلة

الكلام ده كان زمان لأن الولادة دلوقتى بقت أسهل سواء طبيعى أو قيصرى
مش هتحسي بألم فى الولادة الطبيعية
ولا الجرح هيسيب أثر ويحسسك بتعب بعد الولادة القيصرية

كمان نوع الولادة الدكتور بيحدده نتيجة عوامل كتير
المهم انك تكونى واثقه من طبيبك انه هيوصلك البيبى بأمان

أد/ #فاتن محمود 💯
Dr. Faten Mahmoud
‎اطمني احنا الايد اللي هتتمدلك لحد ما توصلك لبر الأمان و تطمني على طفلك👶
‎و تشوفيه بعنيكي😍 💪
‎👈ابعتيلنا استفسارك فى كومنت وهنرد عليكي او اتصلي على رقمنا
٠٢٢٣٩٣٨٦٠٣ 📞
‎