07/10/2017
الرباط الصليبي اصابه متكرره جدا ومعظم الي بيتصاب بيها الشباب بين ال 20 وال 40 سنه
1 – موجود فين
يوجد الرباط الصليبي الأمامي فى منتصف الركبة وهو واحد من أربع أربطة هامه تحافظ على ثبات المفصل إلا أنه أكثرهم عرضة للإصابه. الرباط الصليبي اشبه بالحبل بحيث طرفه العلوي مثبت بعظمة الفخذ و طرفه السفلي بعظمة القصبة. و وظيفته انه يمنع عظمة القصبة من التحرك للأمام بالنسبة لعظمة الفخذ ,وبذلك يحافظ علي ثبات ثبات مفصل الركبه واتزانه .
2- يتكون الرباط الصليبي الامامي من حزمتنن حزمه اماميه ( Antromedial - ) حزمه خلفيه )postrolateral ( الحزمه الاماميه هي الاكثر عرضه للاصابه
كيف تحدث الاصابه
3- تحدث الاصابه دائما اثناء ممارسه الرياضه خاصه عند تغير الاتجاهات بشكل سريع مثل المراوغات في كره القدم او السقوط علي ركبه ملتويه
4-انواع قطع الرباط الصليبي
* قطع كلي complete tear ودا الغالب وبيكون فيه الحزمتين الاماميه والخلفيه مقطوعين
* قطع جزئي partial tear ودا نسبه اقل بكتر حوالي 12 الي 15 % وغالبا بيكون الحزمه الاماميه مقطوعه والخلفيه سليمه
5- العلاج
علاج الرباط الصليبي بيختلف من حد للتاني طبقا لحاجات كتيربه جدا زي السن ومستوي النشاط البدني واذا كان الانسان بيلعب رياضه ولا لاي والقطع جزئي او كلي ولكن بشكل عام المريض بيخير بين حاجتين اما ترقيع الرباط الصليبي جراحيا وبعده بيدا عمليه التاهيل او انه يبدا عمليه التاهيل والعلاج الطبيعي مباشره وميعملش عمليه
المشكله الكبري ان الي بيعمل عمليه ومبيكملش عمليه التاهيل بشكل احترافي للاخر بتبقا استفادته من العمليه لاتزيد عن 20 % وبيبقا عرضه انه يتقطع عنده الرباط الصليبي مره تانيه فمفيش حاجه اطلاقا اسمها عمليه ترقيع للرباط الصليبي بدون تاهيل ومفيش حاجه اسمها اعمل الرباط الصليبي وامشي جنب الحيط لان الرباط الصليبي بيتعمل اساسا عشان ارجع لكامل النشاط البدني بتاعي مره اخري
والنقطه المهمه جدا التانيه هي امتي هبدا التاهيل لان تاهيل الرباط الصليبي بعد العمليه ببدا بعد 24 ساعه مباشره من العمليه وكل التاخير الي بنشوفه علي ما نبدا تاهيل ملوش اي سبب علمي او تفسير منطقي وبالعكس كل يوم بتاخره في تاهيل الرباط الصليبي بيخليني مستحيل ارجع الرباط لحالته الطبيعيه مره اخري وبيخلي الرباط ينمو ويلتئم بس علي شكب نسيج ضعيف يتقطع بسهوله في اي وقت فمن اهم عوامل نجاح تاهيل الرباط الصليبي بدا التاهيل مبكرا وبشكل احترافي مش عشوائي يعني مش تمارين تتعمل في البيت
البوست القادم هنتكلم فيه بشكب اكبر عن تاهيل الرباط الصليبي سواء بدون عمليه او بعد العمليه #انتظرونا
