Dr. Sarah El Qusi Clinic for Nutrition and Lactation

05/09/2025

الإلتقام الصحيح هو حجر الأساس ف رضاعة طبيعية سليمة
إلتقام صح = بيبي يشبع و يزيد ف الوزن + ماما واثقة ف نفسها راضية و مش موجوعة

05/09/2025

Perfect latch = growing healthy baby+empowered and confident mama

Check out Dr. Sarahelqusi’s video.

28/10/2022

ناس كتير بتقول أنا مش بخس
مع إني مش باكل junk food ولا باكل حلويات .. بس لما تسألهم بياكلو فاكهة أد ايه بتتفاجئ من الكميات ..
في ناس مفهوم الأكل الصحي عندهم طالما باكل فاكهة و خضار يبقى انا تمام ..
زي ما قولنا مفيش أكل بيخسس و أي أكل بدخله معدتي بيدخل معاه سعرات حتى لو خضار و فاكهة..
اه الفاكهة فيها فيتامينات و معادن و مضادات أكسدة و ألياف لكن برده فيها سكر الفركتوز اللي موجود أصلا في تكوين السكر الأبيض مع الجلوكوز.
الفركتوز بيروح الكبد عشان يتحول لجلوكوز الجسم يقدر يستخدمه كمصدر للطاقة ..
لكن لما بتاكل كمية كبيرة من الفاكهة و بالتالي فركتوز كتير الكبد هو العضو الوحيد اللي بيقدر يستخدم الفركتوز ده و يحوله لدهون:
١- تتراكم الدهون حول الكبد و تسبب الكبد الدهني و بتتراكم حول الأعضاء الداخلية و ده من أحد أهم اسباب مقاومة الإنسولين.
٢- بيرفع نسبة الكولستيرول الضار ف الدم
٣- يرفع نسبة اليوريك أسيد و يسبب النقرس
٤- leptin resistance
الليبتين ده هو هرمون بيطلع من الخلايا الدهنية و هو المسئول عن تنظيم عملية تخزين الدهون ف الجسم و بينظم عملية الجوع و الشبع .. مع وجود خلايا دهنية كتير في الجسم بيحصل خلل في وظيفة الليبتين ..
خلاصة الكلام ده إن الأكل بإعتدال هو المفتاح إنك توصل لهدفك في الوزن حتى لو الأكل ده صحي و مفيد و مليان فيتامينات و ألياف ..
و الاعتدال عموما في كل شئ هو أفضل طريقة تعيش بيها حياتك

#صحة

27/10/2022

مش بتحب الافوكادو و بتستغرب طعمه لكن أكيد عارف إنه مليان فوايد ؟
جرب الطريقة دي 👇
ثمرة أفوكادو مستوية (القشرة لونها مقارب على الأسود و الثمرة نفسها طرية شوية لما تضغط عليها) نهرسها مع فصين توم مفرومين و مكعبات صغيرة فلفل أخضر و فلفل شطة و يتهرسو مع بعض و نضيف عصير ليمونة كبيرة و ملح و فلفل و زيت زيتون بس كدة. و معاها طماطم متبلة بتوم باودر و كمون و كسبرة ناشفة و ملح و فلفل و خل.

ال٢٠٠ جرام من الافوكادو فيهم(٣٠٠سعر حراري):
💥٣٠ جرام دهون صحية غير مشبعة
💥٤ جرام بروتين
💥١٧ جرام كاربوهيدرات
💥نص احتياجك اليومي من فيتامين b5 المهم جدا للشعر و البشرة
💥ربع إحتياجك اليومي من vitamin c و vitamin e و vitamin k
💥٢٠ % من احتياجك اليومي للبوتاسيوم (بينظم ضغط الدم و يحافظ عليه في المستوى الطبيعي)
💥غير الماغنسيوم و الفوليت و النحاس و المنجنيز
💥 ١٤ جرام ألياف تعتبر غذاء للبكتريا النافعة في القولون و تكسرها و بيطلع Short chain fatty acids و هي مصدر الطاقة الأساسي لخلايا المبطنة للقولون غير إنها ليها دور مضاد للإلتهاب في الجهاز الهضمي و بيقلل من نسبة حدوث سرطان القولون و يساهم في علاج القولون التقرحي و كرونز.
💥غني بمضادات الأكسدة زي فيتامين C و كاروتينز اللي بتحمي الجسم من الشوارد الحرة اللي بتكون سبب في أمراض القلب و الزهايمر و الكانسر

👌مناسب جدا لمرضى السكر و مرضى مقاومة الإنسولين لأن المؤشر الجليسيمي بتاعه منخفض.

👌الدهون الأحادية الغير مشبعة الموجودة في الأفوكادو بيقلل نسبة الكولستيرول الضار بالدم و بالتالي بيقلل من نسبة الإصابة بأمراض القلب.

👌مناسب للكيتو أو low carb diet

👌Keep in mind 🧠 that
More fibers u eat, more healthy body weight u can get 💪

12/09/2022

عندك قولون عصبي و مجرد ما بتبدأ الأعراض بتحس ان اليوم باظ و مش قادر تكمل اليوم .. بتعاني من أعراضه زي:
💥انتفاخ و غازات زيادة 💨..
💥مغص و آلام ف البطن ..
💥إسهال أو إمساك وساعات الاتنين مع بعض ..
💥ميل للقئ مع شعور بالامتلاء ..
كل ده بيكون نتيجة لخبطة بين المخ و القولون و الإشارات العصبية اللي بتنظم حركة القولون
Disorder of gut brain interaction

عشان نتجنب الأعراض دي لازم نعرف السبب الأول
💥الاستعداد الوراثي مع وجود عوامل أخرى تعمل trigger لبداية الأعراض زي:
👻 التوتر العصبي ..
👻 الأمراض النفسية زي الاكتئاب ..
👻عدم تحمل أو تحسس لأنواع معينة من الأكل intolerance .. زي الكافيين - أكلات بمحتوى دهون عالي - بعض انواع النشويات و الجلوتين (القمح)- اللاكتوز ف الألبان و منتجاتها - السكريات - التوم و البصل و البقوليات..
👻تغير في البكتريا النافعة الموجودة ف القولون مع زيادة نمو البكتريا الضارة ..

تابعوني عشان تعرفو اكتر عن القولون العصبي و ازاي نتعامل معاه و نتجنب أعراضه.. و low FODMAP diet و امتى نلجأ للgluten free diet و نبعد عن منتجات القمح تماما

12/01/2022

الطبق ده مشبع جدا جدا ينفع سناك بين الفطار و الغداء هيخليك متحسش بالجوع ٣ أو ٤ ساعات .. غني بالألياف و الفيتامينات و الدهون الصحية ..
ينفع للأطفال ف سن الفطام و لكل سن هيحبوه اكيد ❤
🍮حاجة كدة بديل للرز باللبن أو المهلبية لكن هو بالشوفان و مش هتحس بطعم الشوفان خالص .. سكره مظبوط و من غير ولا حبة سكر ..
💎الطريقة:
٣ ثمرات بلح رطب مستوى شوحتهم في نص معلقة صغيرة زبدة و انزل ب ٣ معالق شوفان كامل مش مطحون و اقلبهم مع بعض شوية و انزل كوب لبن مع رشة قرفة .. لما الخليط يغلي هنطفي عليه و نصبه ف طبق و لما برد شوية رشيت معلقة كبيرة من جوز الهند و معلقة صغيرة من الزبيب ..
⬅️سعرات طبق زي ده ٣٥٠ سعر حراري ..

⬅️ليه الشوفان مرتبط بالدايت؟
مش عشان بيخسس لا .. هو ليه سعرات زي أي أكل ف الدنيا .. لكن عشان الشوفان من اكتر الأطعمة اللي فيها قيمة غذائية عالية و مكثفة يعني النص كوب من حبوب الشوفان فيه ٥٠ جرام كربوهيدرات و ١٣ جرام بروتين و ٥ جرام دهون و ٨ جرام ألياف .. غني بالمعادن و الفيتامينات و مضادات الأكسدة ..

💥البوست الجاي هنتكلم اكتر عن فوايد الشوفان و أد أيه الياف الشوفان ليها مفعول السحر على مستوى السكر ف الدم و نسبة الكولسترول و تنظيم حركة الأمعاء

#دايت #تغذية علاجية #صحة

12/01/2022

Glutathione is the most potent antioxidants that is produced by our bodies.. it can reduce the oxidative stress by combating free radicals..

عرفنا ان الجلوتاثيون من اهم مضادات الأكسدة على الإطلاق لجسم صحي و نشيط بعيد عن الأمراض .. لكن هو مش زي مضادات الأكسدة اللي ممكن نحصل عليها بصورة مباشرة من الأكل.. هو بيتم إنتاجه ف الكبد و لكن مع التقدم ف العمر و التعرض للعدوى و التلوث و الأمراض المزمنة بيتم استهلاك كمية كبيرة منه .. طب نزود نسبته ف جسمنا ازاي ..
💎 الاهتمام بتناول الأكلات الغنية بمادة sulfur لأنه من المكونات الأساسية لإنتاج الجلوتاثيون ف الجسم .. زي
-اللحوم و الأسماك و الفراخ و البيض
- البروكلي و القرنبيط
-السبانخ
-الثوم و البصل
💎فيتامين سي بيحافظ على نسبة الجلوتاثيون ف الجسم .. في اكلات زي
- الفراولة و الكيوي .. البابايا .. الجوافة .. البرتقال .. اليوسفي
-الفلفل الألوان
💎الأكلات الغنية بالسيلينيوم لأنه من العوامل المساعدة لعمل الجلوتاثيون بكفاءة .. في أكلات زي
-الجبنة القريش
- اللحوم الحمراء و الأسماك و الفراخ
-الرز البني
💎whey protein
الموجود ف الزبادي و الجبنة القريش و هي أطعمة غنية بالأحماض الأمينية الأساسية لتكوين الجلوتاثيون
💎الكركم بيزود إنتاج الجلوتاثيون
💎الأكلات الغنية بالجلوتاثيون زي الافوكادو و السبانخ و البامية .. لكن امتصاص الجلوتاثيون منها بيكون ضعيف غير ان نسبته ف الأكل ده مع التخزين و الطبخ بتقل جدا ..
💎بقدر الإمكان قلل التعرض للعوامل اللي بتستهلك كمية كبيرة من الجلوتاثيون زي
-قلة النوم على المدى الطويل
- الأطعمة الغير صحية الغنية بالزيوت المهدرجة و المقليات و اللحوم المصنعة
-التلوث و التدخين و الكحوليات
-قلة النشاط البدني..
exercise decrease oxidative stress in our bodies so it spare the glutathione
الدراسات اثبتت ان الأشخاص المداومين على ممارسة الرياضة لديهم نسبة أعلى من الجلوتاثيون ف أجسامهم
💥الخلاصة أن كل ما اهتمينا ان مصادر اكلنا تكون طبيعية بعيدة عن كل ما هو مصنع و كل ما هو غير صحي .. و اهتمينا بالرياضة ف روتين حياتنا .. مع الحفاظ على قسط كافي من النوم يوميا .. كل ما هنحافظ على صحتنا اكتر و هنكون ابعد عن الأمراض بإذن الله

#تغذية-سليمة

10/01/2022

الجلوتاثيون هو الحل السحري للحفاظ على شباب البشرة و تجديد خلايا الجسم لأنه من أقوى مضادات الأكسدة اللي بيتم إنتاجها ف الجسم عن طريق الكبد..
💎 الجلوتاثيون هو بروتين بيحمي الجسم من تأثير السموم العضوية و المعادن الثقيلة الموجودة ف البيئة حوالينا نتيجة التلوث أو ف الأكل .. الحاجات دي اللي بتموت الميتوكوندريا (هي الأجسام المسئولة عن إنتاج الطاقة ف الخلية ) عشان كدة الخلايا بتموت بسرعة و بعضها بيتحول لخلايا سرطانية و دور مضادات الأكسدة انها تمنع ده
💎 جلوتاثيون ف الجسم يعني قدرة على التركيز و التذكر و يقلل نسبة حدوث الزهايمر و الشلل الرعاش
💎 جلوتاثيون يعني نضارة الجلد و نعومته و حيويته و تنظيم التصبغ ف الجلد و تقليل حدوث التجاعيد ..
💎 من اهم مضادات الأكسدة لاتمام عملية الديتوكس أو التخلص من الشوارد الحرة اللي بيقوم بيها الجسم بمساعدة الجلوتاثيون ⬅️ و بالتالي يقل حدوث الالتهابات ف الجسم اللي مرتبطة بأمراض كتير زي التهاب القولون و أمراض القلب و تصلب الشرايين ⬅️ يعني عضلة قلب قوية قادرة تضخ الدم للجسم كله ..

تابعوني عشان تعرفو ازاي نزود الجلوتاثيون في جسمنا

#تغذية علاجية #دايت #صحة

10/01/2022

Be merciful to yourself ..
إيه المشكلة إني ضعفت و أكلت اللي نفسي فيه سواء وجبة غير صحية من الوجبات السريعة في خروجة مع صحابي.. أو أكلت حلويات.. أو حتى أكلت كمية كبيرة من أكل صحي زي الفاكهة ..
مش أنا انبسطت و استمتعت ؟! .. أرجع تاني افتكر هدفي لانقاص الوزن و ازود نشاطي البدني سواء مشي (لو متعود تمشي نص ساعة اخليها ساعة الا ربع) أو حتى نص ساعة زومبا .. و اجدد نيتي ف الالتزام بالنظام الصحي اللي ماشي عليه بدون جلد للذات و تأنيب الضمير ولا إني احرم نفسي من الأكل بعدها ..

#تغذية #صحة

05/01/2022

Golden berries الحرنكش أو
من الفاكهة المفيدة جدا سعراتها مش عالية خالص .. غير طعمه المزز الفظيع 😋 الكوب من حبوب الحرنكش فيه:
- ٧٥ سعر حراري
-٦ جرام ألياف يعني ٢٠ % من كمية الألياف اليومية الموصى بها
-٣ جرام بروتين
- ٢٠% من كمية فيتامين سي الموصى بها يوميا يعني مناعة عالية للجسم
- فيتامين أ لجودة إبصار احسن
-غير فيتامين ك و الحديد و الفسفور و الثيامين
-الطبقة الخارجية من حب الحرنكش غنية بمضادات الأكسدة اللي بتحمي الجسم من السرطان .. و كل ما يكون مستوي أكتر يكون مضادات الأكسدة موجودة بكمية أكبر
- بيقلل من التهابات القولون

ممكن تاكلوه سناك لوحده أو مع سطلة الفواكه و ممكن كمان نضيفه للسلطة الخضرا زي الرمان ..

04/01/2022

The more colors u add to your food .. the more vitamins and minerals ur body can gain..


#دايت #صحة

04/01/2022

خلي بالك من (الوجبة الفري) cheat meal اللي زي دي ..
-ممكن تكون سبب انك تزيد وزن نقصته
-اكلة فيها كل السعرات دي لما تأكلها مرة واحدة هتعمل تقل و انتفاخ
-هيقل مستوى نشاطك البدني و لو فيه روتين من تمارين أو مشي مش هتقدر تعمله

#صحة #سمنة