د.شيماء عماد -Super Family

06/03/2025

like🥰

12/09/2024

الحدود الجسدية ♥️

20/08/2024

ابنك بيعرف يعمل كام حاجة منهم ؟😍😍
#اطفالنا #اطفال

19/08/2024

#اطفال #اطفالنا

15/08/2024

الأطفال بتتولد قدراتها حلوة بس ولادكم على أد توقعاتكم مش هتاخدوا منهم أكتر منها.. فدايما علوا سقف توقعاتكم من ولادنا ودايما عرفوهم أنهم يقدروا يعملوا أى حاجة لو حاولوا هتتفاجأوا من قدراتهم وممكن يوصلوا لأي
👈 فيه طفل 3 سنين مبيعرفش يمسك قلم وفيه طفل تانى فى نفس العمر تبارك الله بيكتب كويس جدا الطفلين عندهم نفس القدرات الاتنين يقدروا بس الفرق هو الأهل .. الطفل الأول أهله بيتعاملوا أنه لسه بيبي يلعب بس ومش هيعرف يعمل حاجه تانى الطفل التاني أهله بيتعاملوا أنه كبير ويقدر يعمل أى حاجة ويدربوه ويأهلوه لكدا فبالتالي بيكبر وهو عارف أنه يقدر
الشطارة أنكم تعلوا بولادكم من غير ضغوط ♥️

14/08/2024

لو إبنك عدى السنتين ونص ومقالش جمل من كلمتين ولسه بيشاور ويسحب إيدك للي عايزة هنا يبقي فيه مشكلة وتأخر في الكلام ولازم توديه بسرعة لأخصائي مش تقولي أنا هكثف كلامى معاه لا هنا لازم أخصائي عشان ميكملش 3 و 4 سنين وهو متأخر
👈 طيب عشان تهربي من المشكلة دى أسهل طريقة أنك تتعاملي مع إبنك بأنه أكبر من سنه الحقيقي على الأقل بشهر وتعلي سقف توقعاتك منه من أول 6شهور تشتغلي أن كل يوم يدخله 10 كلمات جديدة مفيدة تساعده يكون جمل وتخلي كلامك معاه بجمل قصيرة مش جمل طويلة أو كلمات منفصلة وتوصفيله كل اللي بيحصل حواليه بصوت واضح أنا دلوقتي بفتح الشباك بقفل الباب بننزل السلم فيه عربية خضراء دا شارع طويل وهكذا إبنك يقدر يتكلم كلمة من حرفين (ما- با) من اول 5 شهور ويقدر يقول أول كلمه متقطعة من 7 و 8 شهور وأول كلمات مظبوطة واضحة تفاجأك فعلا ماما بابا أو اسم حد بيحبه كلمات مختلفة بتتكرر بشكل مستمر من 9 و 10 شهور ودا طبعا علي حسب شغلك معاه هو يقدر يعمل كدا لو أنتى عارفه أنه هيعمل كدا وبتساعديه على دا وطول الوقت بتدربيه على الكلام ساعتها هتوفري فلوس التخاطب اللي هو مش رخيص أبدا ونقدر نبعد عنه بتدريب الطفل اليومى على الكلام

13/08/2024

الخطوة الأساسية لتربية طفل أو مراهق متفاهم وبيسمع الكلام وبياخد قرارات معتدلة
👈 أن لازم يكون فيه تناغم بين الأب والام مينفعش نختلف قدام ولادنا لازم تكون كلمتنا واحدة وقرارنا واحد وخصوصا في القرارات الخاصة بالولاد .. مينفعش الأب ياخد قرار والام تكسره قدام الطفل أو العكس تتناقشوا بينكم وبين بعض وتطلعوا بقرار واحد قدام الولاد
#اطفال #اطفالنا

12/08/2024

لو إبنك سألك أنا جيت إزاى يا مامي ✅
1️⃣ مش لازم أبدا تتوتري وتتخضي وترتبكى عشان ميحسش أن فيه شيء غلط في سؤاله
2️⃣ مش لازم أبدا تستفيضي في الشرح وتقولي تفاصيل مش محتاجينها في المرحلة الصغيرة مش لازم أكتر من زوج وزوجه بيبقي بينهم صلة اسمها الزواج وبينتج عنها جنين في بطن الأم ويعيش في بطنها وبعد كدا يخرج بشكل معين ويبقي طفل جميل زيك ولما يكبر ويتكرر السؤال مش عيب أبدا نزود تفاصيل
3️⃣ أرجوكم بلاش الإجابات الكوميدية اشتريناك ولقيناك والكلام دا لأنها بتخوف الأطفال وتأثر على نفسيتهم وكمان هما بيكونوا عارفين أن الكلام دا مش حقيقي فيحسوا أنكم بتتريقوا عليهم وفي مرحلة من المراحل يدوروا على الإجابات برا وانتوا ساعتها مش هتكونوا مستعدين للتحول اللي هيحصل لولادكم ولا مستوعبينه
#اطفال #اطفالنا

11/08/2024

انتوا عارفين أنكم مينفعش تسيبوا حق ولادكم ولازم تاخدوا حقهم في لحظتها قدام عينيهم 💪 أى حد يتعمد يضايقهم قدامكم لازم ترفضوا دا وتوقفوا بمنتهى الحزم عشان أولادكم ميحسوش أنهم مباحين أى حد يقدر يعمل فيهم أى حاجة علي مرئي ومسمع منكم
👈 أكيد كل واحد فينا فاكر موقف أو اتنين من طفولته وهو كان محتاج أهله يدافعوا عنه ودا محصلش وشخصياتكم اتشكلت وصدقونى الموقف الصغير التافه دا ممكن كان يغير شكل شخصيتكم تماما فدافعوا عن ولادكم وخليكم سند لهم حتى لو انتوا محدش دافع عنكم وانتوا صغيرين
انتوا أمان أولادكم .. ولادكم مش ملطشة لأي حد مهما كانت قيمته عندكم♥️
#اطفالنا #اطفال

11/08/2024

عرفوا ولادكم قصص الأبطال بدل قصص الممثلين والبلوجرز والتيكتوكرز ♥️♥️
#اطفالنا

الصورة دى بعد 16 جولة مبارزة ب السيف
الصورة دي بعد قفز للحواجز فى الفروسية بحصان من اختيار اللجنة الأوليمبية وعمره ما ركبه قبل كده
الصورة دى بعد سبق سباحة 200 متر حرة
الصورة دى بعد جري 3000 متر
الصورة دى المفروض يجيب خمس رميات صحيحة بالمسدس ويكمل جري ويكرر الرماية 4 مرات وسط الجري
صورة اللاعب التركي لفت العالم عشان كان من غير نضارة مكبرة
انما بطلنا لابس نضارة نظر وبعد كل المكتوب فوق ده اللى مفيش استراحة بينهم وقف 4 مرات يرمي عشان يجيب كل مرة فى الاربعة خمس إصابات صحيحة بالمسدس عشان يحطم الرقم العالمي فى اللعبة والرقم الأوليمبي المسجل بأسمه
احنا عندنا اسطورة حية مش المفروض إنجازه يعدي عادي

✍️ Ahmed Gweda

09/08/2024

أنتى بتعملي لأولادك كل حاجه حرفيا مذاكرتهم هدومهم اوضتهم واكلهم وشربهم كل حاجه وفي نفس الوقت عايزاهم يسيبوا التليفونات من أيديهم !
علوا سقف توقعاتكم من ولادكم شويتين هتنبهروا من قدراتهم وممكن يعملوا أى ♥️
عيالكم عايشين معاكم في البيت زيهم زيكم مش ضيوف لازم يعملوا لنفسهم كل حاجه يقدروا يعملوها حسب سنهم ويشتركوا في تنضيف وترتيب البيت والمشتريات كمان وعقبال ما يخلصوا كل مهامهم وكمان ينزلوا يصلوا في المسجد ويروحوا تمارينهم وكورساتهم ويخلصوا مذاكرتهم ساعتها تبقي ربيتى إنسان مسئول ومحترم وبيعرف يستثمر وقته وعمره .. والجملة المشهورة الأمهات مبيعرفوش يعملوا حاجة.. أنتى خليكى وراهم لحد ما يتعلموا يعملوا كل حاجه وخففي الضغط من عليكى عشان تلاقي وقت لحاجات تانية محتاجه تخلصيها ♥️
#اطفال #اطفالنا

08/08/2024

اربطوا ولادكم بربنا من صغرهم يا جماعة أغلب الناس اللي بتعانى من مشاكل انتظام الصلاة والصوم عشان متعودوش من صغرهم أنها جزء من يومهم مينفعش ميتعملش لو كان الأهالي عودوا الولاد من صغرهم حياتهم كانت هتكون أسهل كتير .. علموهم الدين بحب وعرفوهم أننا ملناش غير ربنا أما تحصل حاجة حلوة اربطوها بربنا شوفتوا ربنا أكرمنا إزاى عشان أنا دعيت لربنا بالموضوع ده انتوا كمان ادعوا ربنا بأي حاجة تحتاجوها متطلبوش من حد حاجة اطلبوا من ربنا يسخرلكم الدنيا وما فيها ♥️
ممكن نبدأ مع الأطفال من سن سنتين تحفيظ القرآن والكلام عن الدين بطريقة الإستماع والتكرار بدون ضغط مش لازم أبدا نستنى لأربع سنوات عشان نبدأ معاهم