Dr Mohamed Hashem

20/07/2020

🤗من اكتر الحاجات اللي بفرح بيها انى الاقي رسالة شكر على مجهودى مع المرضى بتوعى، خصوصا لو كانت مش مصرية.🤗

17/07/2020

17/07/2020

❗❗❗ماذا تعرفي عن اللولب❗❗❗

كل اللي تعرفيه عن اللولب هو انه وسيلة منع حمل و ليها مشاكل كتير زي

✔ بيعمل نزيف و بيخلي الدورة تنزل مدة اطول.
✔ جسمى مش متعود عليه.
✔ بيوجع الظهر.
✔ بيوقع منى اول ما يتركب.
✔ سرح في بطنى.

✔طبعا كل ده كلام صحيح و بيحصل✔

✋بس ثانية واحده✋

💥حضرتك عارفه ان فيه خمس أنواع من اللولب

💥و كل نوع حسب حالتك و حجم الرحم بتاعك

💥و حسب حضرتك والدة طبيعي أو قيصرية

💥و ان كل رحم بيركب ليه لولب معين

💎 يعني مثلا الست اللي والدة قيصرية بيركب ليها نوع اسمه silverline عشان سهولة تركيبه و خوفا علي جرح القيصرية.

💎 و الست اللي الرحم بتاعها صغير بيركب لها نوع اسمه sleek عشان حجمه صغير علي قد الرحم بتاعها.

👨‍⚕️المهم تقييم الحالة و الكشف عليها بالسونار كويس و اختيار نوع اللولب بعناية عشان نتفادي الأعراض الجانبية.

دكتور محمد هاشم.
أخصائى أمراض النساء و التوليد و العقم.
دبلومة جراحات أمراض النساء التجميلية.

25/09/2019

المرض ده #خبيث عشان كل أعراضه للتشخيص المبكر هو الم شديد مع الدورة.

المرض ده #لعين عشان ما بيسيبش حته في الحوض الا و يضربها.

*ايه المرض ده؟
تخيلي معايا كده، ربنا سبحانه و تعالي خلق بطانة الرحم جوه عضلة سميكة اسمها الرحم. لما تطلع بره الرحم و تترسب علي المبيضين او الانابيب او المثانة او المستقيم او الحوض يبقي كده بقيت بطانة رحم مهاجرة من مكانها الطبيعي لمكان مش طبيعي.

*بيعمل ايه المرض ده؟
اولا- الم شديد في الحوض ساعة الدورة.
الالم ده ممكن يسمع في المبيضين او في المثانة ساعة التبول او في المستقيم ساعة الإخراج او ساعة العلاقة الزوجية او في الحوض و ده اشدهم الما.

ثانيا- بيقلل مخزون المبيض و بيدمر الانابيب و بيعمل التصاقات في الحوض. يعني من الاخر بيفقد الست القدرة علي الحمل.

تعرفي ازاي ان عندك المرض ده؟

{ركزي في الكلام ده عشان مش عايز زحمة في العيادة}

اولا- اللي دورتها بتيجي بألم شديد جدا جدا جدا و بتتعاطي مسكنات حقن او اقراص من فصيلة الفولتارين او كتافاست او بروفنيد تبطل كسل و تروح تكشف احسن و تعرف ايه الوجع الطبيعي بتاع الدورة.

ثانيا- لو دورتك بتيجي بنزيف او مش منتظمة لازم تكشفي عشان تعرفي سبب لخبطة الدورة سواء تقديم او تأخير ميعادها.

ثالثا- لو بيحصلك اكياس علي المبيض، لازم تعملي سونار في مكان كويس عشان تعرفي نوع الكيس اللي عندك (مش هو كيس و لازم بتسأل و خلاص يا مدام)، خصوصا لو بيتكرر.

رابعا- لو بقالك اكثر من سنه مابتخلفيش و مش عارفة ايه السبب و الدكتور طلب منك منظار ماتقوليش أصله بيعمل عليا شغل. وافقي لان الدكتور غالبا فشل في تنشيط المبايض مع ان تحاليلك انت و جوزك سليمة. تشخيص المرض ده بيبقي اسرع عن طريق المنظار مش السونار.

☆واخر حاجة احب اقولها لكل ست في البوست ده☆
لو روحتي كشفتي عند دكتور و خارجة من عنده مش عارفة انت عندك ايه، يبقي تستاهلي كل اللي يجرالك عشان المفروض ان الدكتور يفهمك انت عندك ايه و حصل الكلام ده ازاي و العلاج يكون ايه و لمدة قد ايه و ازاي ماخليهوش يرجع تاني.

دكتور/ محمد هاشم
أخصائي أمراض النساء و التوليد و العقم.
زميل الكلية الملكية لأمراض النساء و التوليد بإنجلترا.
دبلومة امراض النساء التجميلية.

26/06/2019

احلي حاجة ممكن تقفل بيها يوم كان صعب و مجهد.
ربنا يكرمك يا مدام سلوي فعلا كأنك شيلتي من عليا تعب اليوم بالكلام الحلو ده.
الحمد لله علي كل حال

06/06/2019

اللي في الصورة عند السهم الأحمر ده اسمه الرباط المستدير او الround ligament.

ده اللي بيحافظ علي وضع الرحم سواء في الحمل او غير الحمل.

حوامل كتير بيشتكوا من الم في الجانبين من الأسفل بعد مجهود او مشي كتير و بيكون هو ده سبب من اسباب الشد او الالم.

نعمل ايه بقي عشان الوجع ده يخف؟؟

حضرتك هي عملية معقدة شوية عشان اشرحلك ازاي تقللي الوجع ده، عموما هي ليها كذا طريقة بس بإختصار كده:

ارتاحي
نامي
تسترخي
انهدي و اقعدي لما تحسي بالوجع ده.

والله الوجع حايروح.

د. محمد هاشم.
أخصائي أمراض النساء و التوليد و العقم.
دبلومة جراحات أمراض النساء التجميلية.

26/04/2019

نسمع كتير عن حالات الرحم عندها اتخرم نتيجة تركيب لولب او مع عملية الكحت.

تعالوا نتكلم شوية عن الأسباب اللي بتخلي الرحم يتخرم من دكتور النساء.

اولا لازم تعرفي ان عملية الكحت ده تسمى "بالعملية العمياء" في كتب الطب. يعني تخيلي كده انك جايبه سكينة و مدخلها في كانز بيبسي، تضمني منين انك مش حاتعورى حاجة جوة؟؟؟!!!

ثانيا لازم تكون المريضة متحضرة كويس عن طريق عمل سونار و معرفة عمر الحمل و مكان كيس الحمل بدقة، عشان لما دكتور النساء يعمل العملية يبقي شايف محتويات الرحم و هي بتطلع و يبقي ضامن ان الرحم فاضي بعد العملية.

ثالثا خطوات العملية لازم تتعمل كلها عشان الدكتور يضمن انه ما يعملش مشكلة للمريضة و هي خرم الرحم. الخطوات ده اهميتها معرفة طول الرحم بدقة عشان لما يلاقي معلقة الكحت سرحت منه زيادة عن طول الرحم يبقي كده الرحم اتخرم.

رابعا أشهر وقت ممكن يتخرم فيه الرحم هو ما بين الاسبوع ال١٣ الي ١٥ من عمر الحمل عشان الرحم بيكون كبير و جدار الرحم بيكون رفيع.

و اخيرا و اهم نقطة لازم تعرفيها ان دكتور النساء مش قصده انه يخرملك الرحم، ولا هو دكتور مش شاطر مثلا فاعمل فيكي كده. زي ما قولت في الاول ده اسمها العملية العمياء.

دكتور محمد هاشم.
أخصائي أمراض النساء و التوليد و العقم.
دبلومة جراحات أمراض النساء التجميلية.