PedoClinic

21/12/2025

لو اول مرة تعرف المعلومات ديه شارك بيها اصحابك عشان هما كمان يستفادوا

25/11/2025

One of my cutest patients ...God bless you dear

17/11/2025

22/10/2025

Bravo Adam best boy ever💪

19/10/2025

Cute Karen 😘

19/10/2025

10 year old Patrick with 4 year old Patrick & i love both 🥰😍

07/10/2025

أمهات كتير بتسأل عن التطعيم الجديد Bexsero المختص بالالتهاب السحائي ب

🧠 تطعيم الالتهاب السحائي ب (MenB)

التطعيم ده واحد من أهم التطعيمات الجديدة اللي بتحمي الطفل من نوع خطير من البكتيريا اسمها المكوّرات السحائية نوع ب، ودي ممكن — لا قدر الله — تسبب التهاب سحائي حاد أو تسمم في الدم، والاتنين ممكن يوصلوا لمضاعفات خطيرة جدًا لو ما اتعالجوش بدري، وبتوصل نسبة الوفيات ل ٥٠٪؜.

👶 مين اللي محتاج التطعيم ده؟
الأطفال من سن شهرين ممكن يبدأوا ياخدوه، وبيبقى مهم جدًا خصوصًا:

• للأطفال الرُضّع.
• والأطفال اللي في حضانات أو مدارس مزدحمة.
• وكمان لأي طفل عنده مناعة ضعيفة أو مشاكل في الطحال.

💉 مواعيد الجرعات:

• لو التطعيم بدأ من عمر شهرين: بياخد الطفل جرعتين بينهم على الأقل شهرين، وبعد كده جرعة تنشيطية في السنة التانية من العمر.
• لو الطفل أكبر وبيبدأ التطعيم متأخر، الجدول بيختلف شوية حسب السن، فالدكتور هو اللي بيحدد عدد الجرعات.

😌 الأعراض الجانبية:
التطعيم آمن جدًا، وأكتر حاجة ممكن تحصل:
• سخونية بسيطة لمدة يوم أو اتنين.
• احمرار أو وجع بسيط مكان الحقنة.�كل ده طبيعي ومش مقلق، وممكن تدي خافض حرارة لو السخونية عليت.

🛡️ أهميته:

الالتهاب السحائي ممكن يحصل فجأة جدًا، ومفيش علاج يقدر يمنع حدوثه قبل ما يحصل غير التطعيم.
التطعيم هو الوسيلة الوحيدة اللي بتحمي الطفل من النوع ده من البكتيريا اللي ممكن تبقى قاتلة في خلال ساعات.

05/10/2025

📌 موسم النزلات الشعبية ابتدي 🫣🫣🫣
⸻

🦠 ايه اللي بيسبب النزلات ديه؟

المسبب الرئيسي هو فيروس الجهاز التنفسي المخلوي RSV، واحد من أكثر الأسباب شيوعًا للنزلات الشعبية (bronchiolitis) عند الأطفال، خصوصًا في الأشهر الأولى من العمر.

⸻

🕐 إمتى بيظهر الفيروس أكتر؟
• غالبًا في الشتاء وبداية الربيع
• بيحصل انتشار موسمي كل سنة

———

👶 مين الأطفال الأكثر عرضة؟
• الأطفال أقل من سنة، خصوصًا أقل من 6 شهور
• الأطفال المولودين قبل الميعاد)
• الأطفال اللي عندهم مشاكل في القلب أو الرئة
• الأطفال اللي بيحضروا حضانة أو عندهم إخوات بيروحوا المدرسة

⸻

🤧 الأعراض:

تبدأ زي نزلة برد بسيطة، وبعد كده ممكن تزيد شدة:
• رشح وسعال بسيط
• خنفرة أو صعوبة في التنفس
• سرعة في النفس أو تزييق )
• رفض الرضاعة أو الأكل
• ممكن حرارة خفيفة

⚠️ لو لاحظتي إن النفس الطفل سريع جدًا، أو صدر الطفل بيكتم، أو بيكح جامد لدرجة مش عارف ياخد نفسه — لازم نتوجه لاقرب طوارئ فورًا.

⸻

🏥 هل محتاج علاج خاص؟

🔹 مافيش علاج مضاد للفيروس نفسه
🔹 العلاج الأساسي هو الدعم والتنفس الجيد:
• جلسات بخار (محلول ملحي أو موسّعات شعب حسب الحالة)
• متابعة الأكسجين
• سوائل كافية
• أحيانًا يحتاج الطفل دخول المستشفى لو حالته شديدة

⸻

🛡️ الوقاية:
• غسل الأيدين باستمرار
• تجنّب تقبيل الطفل على الوجه خصوصًا من أشخاص عندهم برد
• إبعاد الطفل عن الأماكن المزدحمة
• تنظيف الألعاب والأسطح

⸻

03/10/2025

Back to school 📚
ماماهات كتير بتسأل نحط إيه في lunch box ميكونش بيضر أسنانهم 😢
أتفرجي على الفيديو علشان تحضري healthy lunch box

01/10/2025

📌 بالنسبه للموضوع المنتشر جدا اليومين دول بخصوص فيروس ال HFMD

🔆 احب اوضح حاجات بسيطة

🔱 مفيش حاجة اسمها فيروس HFMD اصلا 🤣..
🦠 الفيروس المسبب اسمه Coxachie virus 🦠 وفيه واحد تاني اسمه Enterovirus 71 ..
اما المرض نفسه فاسمه Hand-Mouth-Foot-Disease.. والاسم ده بيوضح اصلا اماكن ظهور البثور اللي بتظهر في الجسم "وده مهم جدا لانه بيفرقه عن مرض الجديري المائي"

🩺 اعراضه عبارة عن سخونيه🤒🤒 "ممكن تكون بسيطة او عالية" وقريفه شديدة جدا🥴🥴🥴 بسبب وجع القرح اللي بتكون في الحلق، وبثور ف الجلد في الاماكن اللي قلنا عليها وممكن كمان في منطقه الحفاض

🔙الفيروس ده مش جديد خااااالص.. ده موسمي بييجى كل سنه عادى..

🚫 ده التهاب فيروسي مش محتاج مضاد حيوي خاااااالص

💊💊 العلاج تحفظي وهيروح لوحده خالص خلال اسبوع بالكتير

👶🏻👶🏻وبنعزل الطفل في البيت فقط عشان العدوى

13/09/2025

تطعيمات الأطفال 💉