02/01/2026
ازاي ممكن نقلل التكلفة الحقيقيه للحقن المجهرى؟؟؟
اكيد الحقن المجهرى هو انجح اختراع لعلاج حالات تاخر الحمل المستعصيه في العقود الاخيره
ولكن في ظل الظروف الاقتصاديه الصعبه اللي بنعاني منها جميعا اصبح التكلفة الماليه عبء حقيقي علي كل زوجين بيحلموا بالاطفال بعد ما استنزفوا مصاريفهم في علاجات وكشوفات بدون نتيجه
واصبح الحل الاخير الحقيقي لهم. صعب التكلفة جدا مع ارتفاع اسعار العلاج والتقنيات. وتاثرها
بزيادة الدولار
علشان كده اصبح واجب علينا ان حاول توفير حلول تقلل تكلفة الحقن وتجعل منه حل متاح يمكن للكثيرين التمتع بنعمه الاطفال من خلاله
١- لا داع لعمل منظار رحمي لكل حاله قبل الحقن طالما ممكن الاطمءنان علي سلامه تجويف الرحم بالسونار الحديث
٢- لا يوجد ضروره لجرعات مكثفه من حقن تنشيط التبويض اذا كانت الجرعات الاقل ممكن تصل بنا الي عدد مقبول من البويضات وتجنب السيدات مخاطر التنشيط الزايد
٣- لا يوجد ضروره لاضافه علاجات تحت التجربه وذات تكلفة عاليه تحت زعم انها تزيد من نسب النجاح لان نسب النجاح شبه ثابته حسب سن الزوجه بغض النظر عن العلاج وبالتالي ان الاجراء الوحيد الذى يزيد من نسبه النجاح فعلا هو تكرار محاوله الحقن وده مش حيكون ممكن الا لو وفرنا في تكلفة الحقن واستغنينا عن الاضافات الغير مجديه
٤- لا يوجد اي دليل علمي علي ضروره تعاطي حقن السيوله غاليه الثمن لكل حالات الحقن المجهرى بدون وجود اي فحوصات تثبت اهميتها وده علي فكره تكلفتها لوحدها. ممكن تعادل تكلفة علاج التنشيط
٥- لا يوجد اي دليل علي ان تجميد كل الاجنه لزرعهم في دوره تاليه ضروره لتحسين فرص الحمل الا في حالات معينه لها سند طبي غير كده تبقي مصاريف اضافيه علي الفاضي
٦- اخيرا اختيار المكان السليم والاطباء الذين يتبعون الاسس العلميه الصحيحة يوفر من التكاليف الغير مبرره في علاجات غير مثبت جدواها
في انتظار استفساراتكم علي الصفحة
Dr Tamer Borg
وتابعونا علي قناتنا علي اليوتيوبhttps://youtube.com/channel/UCM-2aCfMJyTQex4orx7eUNQ
عيادات ا.د.تامر فاروق برج استاذ امراض النساء والتوليد والعقم كلية الطب جامعة عين شمس استشارى الحقن المجهرى والمناظير النساءيةوجراحات الحوض عضو الجمعيتين الاوروبية والامريكية للخصوبة والصحة الانجابية عضو الجمعية العربية الافريقية لجراحات الحوض والامراض البولية النساءية زميل مستشفيات كليفلاند كلينيك الامريكيه -اوهايو
وسط القاهرة :٩٩ شارع رمسيس تقاطع رمسيس مع عرابي ت:٠٢٢٥٧٥٤٩٠٧ المعادى : لايف كلينيك ميدان الجزاير المعادى الجديدة ت:٠١٠٩٥٠٩٤٩٧٤ -٠١٠٩٣٦٣٤٤٩٥
الشيخ زايد : عيادات كليوباترا مول مجرة ت:١٩٦٦٨ عيادات اكسا المعادى جراند مول والشيخ زايد بارك ستريت مول ١٥٢٩٢
