24/03/2020
من باب الوقايه خير من العلاج
فالوقايه من كورونا تتلخص في حاجتين
اولا تقويه المناعه
اكتر العناصر الغذائيه مسؤوله عن مناعه الجهاز التنفسي بالذات هو فيتامين A وكمان فيتامين E, C ,D
, والزنك والبروتين والسلينيوم والريسيفراترول
طب باختصار نهتم بأكل ايه ومتاح
البيض والجزر والبطاطا والسبانخ وصوص الطماطم والفلفل الوان والجوافة وعصير برتقال واليمون والحبوب الكامله والشوفان والبقوليات والخضروات الورقيه والبروكلي وزيت الزيتون والفراوله والعنب والكاكاو والفول السوداني
طب لو مش بناكل حاجه منهم أو لو فيه نقص شديد ممكن ناخدها مكملات غذائيه
تاني حاجه من الوقايه
هي زياده كفاءه الجهاز التنفسي السفلي وبالاخص الحويصلات الهوائيه alveoli capacity
بمعني ايه اللي يخلي الحويصلات الهوائيه أوسع وclear وقدرتها أكبر علي تبادل الاكسجين :-
١-تمارين التنفس وهم اربع انواع المهم عشان تجيب نتيجه تكون ببطء وبعمق ١٠مرات وتكرر من ٥ : ١٠مرات علي مدار اليوم
وده بيفسر ليه السباحه بتوسع الحويصلات وتحسن التنفس لانها بتقوي عضلات التنفس عن طريق التمارين ديه
٢-الرياضه اللاهوائيه
مع قعدتنا في البيت الايام ديه ممكن نتفرج علي walk at home علي اليوتيوب ونمشي معاه ١/٢ساعه ويفضل قدام شباك مفتوح
او ننزل ونطلع السلم
وعلامه أننا قدرنا نوصل للحويصلات الهوائيه أننا في اخر التمرين ننهج
٣- كمان شرب المياه الكتير والسوائل الدافئه باستمرار بتحسن كفائه الرئه لانها بتقلل لزوجه المخاط وبالتالي بتمنع تراكمه فيها
٤-نحسن كفائه الهواء في البيت التهويه الجيده و ممنوع المهيجات اللي بتقبض الحويصلات زي التراب المعطرات البخور وطبعا التدخين بيتلف الحويصلات للمدخن
٥- الناس اللي عندها انحناءات في العمود الفقري زي الجنف أو الاتب ده بياثر علي الرئتين وبيخلي حجمهم اصغر
فضروي نصحح أوضاعنامع تمارين التنفس عشان كمان ميتحولش لتقوس ثابت ونضطر لجراحه
٦_الناس اللي عندهم حساسيه صدر او اللي بيجيلهم التهاب رئوي متكرر وكبار السن وأصحاب الأمراض المناعية و الأمراض المزمنه لازم يهتموا بالكلام ده اكتر
ربنا يحفظنا ويحفظكم جميعا
