29/04/2025
حماية أطفالنا مسؤوليتنا… وعيهم هو خط الدفاع الأول"
في وسط كل الفوضى اللي حوالينا، يفضل أهم واجب علينا كأهالي هو نحمي أولادنا… مش بس من الخطر، لكن من الجهل بالخطر.
التحرش الجنسي بالأطفال مش وهم، ومش دايمًا بييجي من غريب.
وأكتر حاجة تحمّي ولادنا هي إننا نوعّيهم من بدري، بلغة يفهموها، ومن غير ما نخوّفهم.
طيب، نبدأ منين؟
1. سمي الأعضاء التناسلية بأسمائها الحقيقية (بدون إحراج)
عشان الطفل يقدر يعبر بوضوح لو اتعرض لحاجة.
2. فهميهم إن جسمهم ملكهم وحدهم
مفيش حد من حقه يلمس جسمهم إلا في إطار الرعاية الصحية أو النظافة، وبوجود الأم أو الأب.
3. علميهم يقولوا "لأ" بصوت عالي
حتى لو اللي قدامهم شخص كبير أو قريب.
4. افتحي باب الحوار الدائم
خليهم يعرفوا إنك مكان أمان، وإنك هتصدقيهم دايمًا مهما قالوا.
5. عرفيهم الفرق بين السر الآمن والسر المؤذي
أي سر يخلّيهم خايفين أو مدايقين، لازم يشاركوه معك فورًا.
كل ده مش هيخليهم أقل براءة، بالعكس… هيخليهم أقوى، وأوعى، ومطمّنين إنهم مش لوحدهم.
وأنا مع أي أم وأب محتاجين يعرفوا أكتر، ويسألوا أكتر…
لو حابين نعمل لايف قريب عن ده، قولولي في التعليقات أو ابعتولي في الخاص.
