Dr. Ghada A Elkhouly

Dr. Ghada A Elkhouly Professor of Psychiatry, Ain Shams University
Consultant in psychiatry
International certi,

06/10/2025

جملة هتجيب أجلنا ،،، صحتا بتروح في المهادنة و التعامل مع الناس

انتبهوا لأخطائكم في التعامل مع الناس علشان صحكتم

06/10/2025

# تربية نفسية؛ الحَوَلْ التربوي

و إحنا بنربي أولادنا بيكون عندنا حَوَلْ فيه كثير من تصرفاتنا

يعني نيجي نكحلها نعميها

نقول قاصدين خير ،،، تقلب معه شر

مثال لذلك كثير ،،، أذكر منهم خمسة؛
* ذاكر أعطيك الموبايل أو أعطيك نودلز ،،، إحنا كده حببناه في الموبايل و النودلز و علمناه إنهم مكافأة ،،، يبقي أكيد هم خير ،،، و أكيد المذاكرة شر ،،، ستعاني
* أشيله لما يزن و يعيط ،،، أنا لمسته و قربته من جسدي لما عيط و زن و تصرف بقلة أدب ،،، يعني خد أكتر حاجة بيحبها و هي حاسة اللمس، علي أكتر حاجة وحشة بيعملها ،،، ستعاني
* أنظر اليه و أتكلم معاه و أعطيه وقت لما يشتم و يقل أدبه و هو ساكت أنا نسياه ،،، يعني خد حاجة بيحبها و بيحتاجها و هي التواصل و الشوفان علي أسوا تصرف بيعلمه ،،، أكيد سيكررها ،،، ستعاني
* عاقبته و خاصمته و عايرته و فضحته لما اعترف بغلطته، يبقي علمته أن الكذب نعمة و إن الصدق نقمة ،،، ستعاني
* قعدت أسال و أحقق و ازن، لما جه قعد معاي! علمته أن تواجده معي صداع و ريبة و شك و بالتالي مش هعملها تاني ،،، ستعاني

ابعدوا عن هذا الحَوَلْ و فكروا في عواقب تصرفاتكم علي مفاهيم أولادكم في الحياة

مهمة صعبة و لكن ضرورية، و بالتمرين و الخبرة بتكون سهلة

و خلينا نعلم بعض و نفكر بعض

‪ ‬
‎‫ ‬
‎‫ ‬
‎‫ ‬
‎‏‪ ‬
‎‏ ‪ ‬
‎‏‪

03/10/2025

العلاقة مع الولاد عايزة معادلة موزونة

02/10/2025

# خد بالك؛ فيه فرق بين الاتنين

فيه فرق كبير بين "الاكتئاب" و " الشلل النفسي"

فيه ناس كتير بتقول علي نفسها مكتئبة و هي في الحقيقة مشلولة و لكن نفسياً

فعضو النفس يُشل مثله مثل بقية أعضاء الجسم، و هذا الشلل ليس نتيجة عطل فني في عضو النفس مثل ما يحدث في الاكتئاب مع موصل عصبي المزاج، و لكنه ركنة و عدم استعمال ،،،

زي ما يكون عندك عربية ،،، هي مش عطلانة في شيء معين و لكن مركونة من سنين و دي محتاجة تشتغل و تنزق زقة جامدة و في الحال و الآن و ليس قبل فوات الأوان

شكل الشلل ده إيه؟!
1. مش عارف تنبسط بمن حولك
2. مش قادر تعبر عن اللي جواك
3. ملل و فقدان شغف شبه عام
4. مش عارف تنحب و قافل علي نفسك ممن يحبك
5. نايم علي نفسك و بتتاوب
6. مكسل تخرج مع انك لما بتخرج بتنبسط
7. فيه آلام متفرقة في جسمك
8. مش مقدر إيجابياتك و شايف عيوبك عطول و يائس
9. بتدخل السرير قبل ميعاد نومك و تقعد تفرك
10. عصبي و بتزعل الناس منك و بعدها تندم

طيب نعمل إيه؟!

تشغل عضو النفس و تلينه
* تغير حواسك ،،، تغير اللي بتشوفه و تسمعه و تذوقه و تلبسه و تشمه كل يوم و كل أسبوع و يبقي قاعدة في حياتك
* تكتب أو تسجل كل اللي في دماغك و لا تراجعه ،،، ممكن تقرأه بعد شهر
* تتعامل مع ناس جديدة في الشغل أو الجيم أو النادي أو الكورس ،،،
* تشرب ماء يومياً ثلث وزنك
* تلعب أي رياضة ٢-٣ أيام في الأسبوع
* تشوف حاجة كوميدية هايفة كل يوم
* تخلي الموبايل بأقصي مدة ٢ ساعة يومياً
* تربط دماغك بالزمن اللي إنت فيه و أحداثه و لا تكون متمركز في حياتك وحدك

‬
‎‫ ‬
‎‫ ‬
‎‫ ‬
‎‏‪ ‬
‎‏ ‪ ‬
‎‏‪

30/09/2025

الجامعة بروفة حياة ،،، الجملة دي لازم تكون حلقة في ودن كل طالب جامعي

27/09/2025

الزوج القماص خسران دنيا و آخرة

26/09/2025

رجل متزوج يذكر أسباب احتياجه لامرأة أخري غير زوجته

25/09/2025

# خد بالك؛ من هذا النوع من الاعاقة

الإعاقة ليست فقط جسدية ،،، بل أيضاً نفسية

يوجد إعاقة نفسية منتشرة جداً و لها عواقب وخيمة و مع هذا لا أحد يدركها و بالتالي لا أحد يحاول إصلاحها و تداركها

هذه الإعاقة هي، "الإعاقة العاطفية عند الذكور"

و لماذا لم أقل الرجال ،،، لأن الذكر إذا أدرك هذه الإعاقة و تداركها أصبح رجلا 🥹

ما شكل هذه الإعاقة؟!
* عدم القدرة علي تحديد و تسمية مشاعره الداخلية
* عدم القدرة علي التعبير عن مشاعره الداخلية
* عدم قدرته علي التحكم بمشاعره الداخلية
* الخلط الخاطيء ما بين الغضب و المشاعر الأخري ،،، فمعظم المشاعر تلون باللون الأحمر و هو لون الغضب
* سرعة الجسد عن اللسان في التعبير عن المشاعر
* عدم القدرة علي فهم عواقب مشاعره
* عدم القدرة علي تمييز مشاعر الآخرين

هل هذه الإعاقة مكتسبة أم وراثية؟!
* تعتبر مكتسبة أكثر منها وراثية، فكلنا يلاحظ سلاسة و سهولة و تلقائية الطفل الذكر عن الأنثي في التعبير عن مشاعره و البراءة في استخدام الألفاظ و الحركات و هذا يدل علي أنه وراثياً أبسط من الأنثي في التعامل مع مشاعره

ممن يكتسبها الذكر؟!
* للأسف من الأم ،،، المرأة نصف المجتمع و تربي النصف الآخر ،، فهي تتحمل سماع هذا المجتمع بحلوه و مره
* و لأن الأم تربط ما بين هذه الإعاقة و الرجولة و قوة الشخصية و الهيبة ،،، فالذكر يظل يجاهد نفسه طيلة عمره لكي يفصل هذا الربط و غالباً ما يفشل
* و لو نجح و فصلها و بدأ يتعامل و يتدارك هذه الإعاقة، أول ما توصمه بالنسونة و الشذوذ هي إمرأة أخري يحبها أو يتعامل معها، فيحبط و هنا يعود لأمه، فتحذره و نقول له لم أقل لك

كفانا إعاقة و فَتيْ في معاني رجولة ،،، أنتم معشر النساء من يضعها و أنتم ايضاً من يتذمر منها

‬
‎‫ ‬
‎‫ ‬
‎‫ ‬
‎‏‪ ‬
‎‏ ‪ ‬
‎‏‪

24/09/2025

جملة عن الارتباط من فتاة مراهقة ،،، 🙃

19/09/2025

تفتكروا اللي نفسه بهتانة مشكلته ايه

19/09/2025

أنا نفسي بهتانة ،،، جملة حلوة ،،، ياتري معناها ايه؟!

Address

١٣٨ ش مصر و السودان حدائق القبة عمارة المطافئ امام صيدلية ابو خالد الدور الأرضي
Cairo

Telephone

+20224648910

Website

Alerts

Be the first to know and let us send you an email when Dr. Ghada A Elkhouly posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr. Ghada A Elkhouly:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category