وحدة أمراض الكلى في الاطفال-مستشفي ابو الريش

12/01/2024

صباح الخير
هل في حد بيشتغل graphic design يحب يتبرع بجزء صغير من وقته و مجهوده لوحدة الكلي في أبو الريش لعمل محتوي تعليمي طبي و تثقيفي للأطفال و الأهالي🙏

02/08/2021

برجاء العلم بأن الغرض من الصفحة هو دعم الوحدة و لا يوجد لدينا معلومات عن عناوين عيادات أو أرقام تليفونات اي أطباء، و الذي يقوم بالرد علي الرسائل ليس طبيب و أي رسالة بها استفسار يتم توجيه صاحبها للكشف بعيادات أبو الريش يوميا صباحا ما عدا الجمعة.
شكرا لتفهم حضراتكم و دمتم سالمين.

19/03/2020

14/03/2020

المستشفي من أخطر أماكن التجمعات
متروحش المستشفي الا في وجود حاجة ضرورية لزيارة المستشفي

اذا اضطريت و رحت خد بالك من تواجدك في الأماكن الزحمة، لازم يكون في مسافة كافية بينك و بين أي شخص.
في كل فرصة اغسل ايديك كويس.
خلص اللي انت جايله بسرعة و روح!

#احمي نفسك
حافظ علي بلدك

13/03/2020

منظمة الصحة العالمية اعلنت الكورونا وباء عالمي
صحيح لا داعي للذعر، لكن الموضوع جد و لازم نتوخي الحذر الشديد و نتبع التعليمات الصحية علشان نحافظ علي أحبائنا خصوصا من كبار السن و المرضي، و نحافظ علي مريض الكلي!
أغسل ايديك باسمرار، في كل فرصة بالماء و الصابون ٢٠ ثانية علي الاقل
لا تلمس انفك او فمك او عينيك
الكح او العطس يكون في الذراع او في منديل و لا تحتفظ بيه، ارميه في سلة القمامة و اغسل ايديك
أي تجمع ملوش لازمة، مش وقت عزايم و لا أفراح و لا خروجات
حاول تجنب اي مكان مزدحم
بلاش السلام باليد و لا القبلات.
كل اكل صحي و خضار و فواكه و سوائل كتير.
ربنا يحفظ ولادنا و أهلنا و بلدنا

12/05/2019

من سنة و بدعم كامل من أهل الخير، تم تجديد وحدة الغسيل الدموي للاطفال و انشاء وحدة جديدة كمان في وحدة الكلي في ابو الريش و بقينا نقدر نخدم عدد أطفال أكتر بجودة عالية و بأحدث التجهيزات و التقنيات.
المشروع ده كان له باقي و هو تطوير وحدة الغسيل البريتوني، اللي بينقذ أطفال كتير، و وحدة زرع الكلي، اللي بتخدم الأطفال بعد زراعة كلي لهم بالمستشفي. الخدمات دي خدمات حيوية و مهم جدا يكون المكان اللي بنقدمها فيه مجهز مطابق لمقاييس الجودة عشان نحافظ علي أرواح غالية، هي أمانة عندنا. بس المشروع للأسف مكملش لعدم وجود تمويل.

اللي زار وحدة الكلي في ابو الريش عارف مستوي الخدمة اللي بنسعي لتقديمها، و اللي مش عارف يا ريت يجي يزورنا و يشوف بعينيه و يدعمنا، و لو حتي بالتشجيع و الدعاء.

14/08/2018

*الموضع الجديد*
بالنسبة ليهم اهم من التبرعات العينية ايه هو *( مكافحة العدوي)* :
أولا:: ( يعني ايه مكافحة العدوي) يعني الطفل اللي بيغسل الكلي ممكن يكون مريض بفيروس معدي مثل فيروس C سي المشهور في مصر مهمة مكافحة العدوي اإشاء غرف معزولة طبيًا خاصة بمرضي الفيرس حتي تمنع انتشار العدوي لطفل
ثانيا : الفكرة بسيطة ان المستشفي بتقوم بتعديل الغرف للغسيل بمواد وخامات تكافح الفيروسات والبكتريا والعدوي بأنواعها حفاظا علي الاطفال وده موضوع في غاية الخطورة
ثالثا: المطلوب ان الناس تساعدهم علي التطوير اللي هم شغالين فيه لمكافحة العدوي مثلا ( جرانيت للارضيات بدلا من الفنيل لان الفنيل بينقل العدوي واللي ما يعرف الفنيل
عبارة عن مشمع عادي جدا للارضيات في المستشفي بيتفاعل مع البكتريا والفيروسات ويكون وسط قوي ومعدي ينقلها للتمريض والاطفال والاطباء )
رابعا : دورنا ان احنا نشجع الناس علي التبرع لتطوير القسم لان كتير خايف من عدم المصداقية وخاصة الانشاء وشهادة لله الناس هناك مكافحين لأكبر درجة وعندهم حرص علي كل تبرع في مكانة الصحيح
( آسف علي الاطالة ولكن الموضوع محتاج التعاون )
والشكر لكل من ساهم في التبرعات وجمعها ووصلها والحرص علي الخير اللي بإذن الله في ميزان حسناتنا

منقول من فاعل خير ربنا يجعله في ميزان حسناته
# ساهم معانا من أجل مستقبل أولادنا