عماد جبر Emad Gabr

عماد جبر Emad Gabr 🌿 تنفّس بعمق، فصحتك النفسية تستحق العناية.
محتوى تثقيفي يساعدك على تقليل التوتر، تعزيز طاقتك الإيجابية، وتحقيق توازن يقودك إلى حياة أكثر هدوءًا وسعادة.
(2)

■ عضو الرابطة العالمية للإرشاد النفسي International (IAC) Association for counseling
� عضو الرابطة المصرية للأخصائيين النفسيين (رانم)
� عضو الرابطة العربية لعلم النفس الإيجابي APSA
� خريج اداب علم نفس جامعة القاهرة ثم دراسات عليا بالإضافة إلي دكتوراه مهنية فى الإدارة -تخصص موارد بشرية
� إستشارى تدريب بالعديد من المراكز وأكاديميات التدريب
� باحث في معهد البحوث والدراسات الأسيوية
� حاضر فى العديد من الجامعات الحكومية والخاصه داخل وخارج مصر
� تدريب وتأهيل ما يقرب من 50 ألف متدرب داخل وخارج مصر

هقولك على سر صغير… 👇لو يومك بايظ، غالبًا أول نص ساعة بعد ما صحيت كانت السبب!أول 30 دقيقة بعد ما تصحى هما اللي بيحددوا مز...
16/04/2026

هقولك على سر صغير… 👇
لو يومك بايظ، غالبًا أول نص ساعة بعد ما صحيت كانت السبب!

أول 30 دقيقة بعد ما تصحى هما اللي بيحددوا مزاجك وطبيعة يومك وتركيزك وطاقة يومك كله هتمشي ازاي💥

دا ببساطة لانك بتربط النواقل العصبية باول حاجة بتشوفها لما تصحى ، هقولك ازاي تحل المشكلة دي تابع البوست للنهاية

3 خطوات بس هتفرق كتييير :
🧘‍♂️ خد كام دقيقة تتأمل فيها علشان تهدي دماغك وتبدأ يومك بهدوء
🙏 اقعد مع نفسك وفكر في نعم ربنا عليك وقول الحمد لله.
📵 3 ودي الاهم ، اوعى تمسك المويل اول حاجة ، خليه اخر حاجة والافضل بلاش منه وقوم اعمل قهوتك او اعمل تمارين رياضية هيكون احسن.
--------------------------
الفرق مش هيبان في يوم… بس مع الاستمرار هتحس إنك بقيت أهدى وأوضح 👌

جرب بكرة الصبح… وقولي حسيت بإيه 👇
لو فرق معاك البوست اكتبلنا في التعليقات وابعته لحد يمكن يحتاجه

سلاااااااام

#الصحةالنفسية #صحتك #صباحكم #تحفيزالنفس

14/04/2026

بيسحب من روحك وطاقتك 😔
مش بس كدا دا كمان بيسحب من صحتك النفسية
الحل في قطع الحبال الشعورية او " الحبال الاثيرية" بينك وبينه.............
شاركنا وقول لنا جربت التمرين ولا ايه ؟

#القلق

⚠️ لو دماغك فكرت في مشكلة حصلتلك قبل النوم ولو مرة واحدة الاسبوع اللي فات شوف البوست دا الدراسات بتقول إن 85 % من الحاجا...
14/04/2026

⚠️ لو دماغك فكرت في مشكلة حصلتلك قبل النوم ولو مرة واحدة الاسبوع اللي فات شوف البوست دا

الدراسات بتقول إن 85 % من الحاجات اللي بتقلق منها " ما بتحصلش أبداً " .
ولكن دماغنا مش بيصدق الكلام دا !
طيب ليه الدماغ 🧠مش بيصدق ؟

لأنك مش بس قلقان 😁
أنت داخل دايرة كاملة اسمها:
"دائرة القلق" 🔄

والدايرة دي علشان تكمل لازم تشتغل بالطريقة دي:

💭 فكرة سلبية⬇️
بتجيلك افكار سلبية حول موضوعات او حاجات معينة ، بتخليك تقلق منها
------------------------------------
😰 مشاعر خوف وتوتر⬇️
دايماً قلقان وخايف ومتوتر على حاجات ممكن ما تكونش موجودة
-------------------------
🚫 سلوك تجنب أو هروب⬇️
مع اول سلوك او حاجة تقلقك بتهرب منها او تتجنبها ودا بينقلك للخطوة اللي بعدها.
-----------------------------------
💭 فكرة أكبر وأخوف⬇️
لما بتهرب يبدأ دماغك يوصل لباقي الجسم ان الخطر حقيقي فتبدأ الفكرة في عينك تكبر اكبر واكبر ، لحد ما تلاقي نفسك في دايرة ما تخلصش وهكذا🔁
--------------------------------------

الحل مش انك ما تفكرش !
الحل إنك تعرف ازاي تكسر الدايرة دي من جواك 👇

علشان كدا لازم تحفظ البوست دا وتشاركه مغ اللي يحتاجه 💙

#القلق #مصر #الصحةالنفسية #التوتر

🔥 الغضب المستمر كمن يشرب السُّم وينتظر موت شخص آخر…ومحدش بيتعذب غيرك 🤍فكر فيها ثانية واحدة بس 👇الشخص اللي آذاك؟ماشي في ح...
12/04/2026

🔥 الغضب المستمر كمن يشرب السُّم وينتظر موت شخص آخر…
ومحدش بيتعذب غيرك 🤍

فكر فيها ثانية واحدة بس 👇
الشخص اللي آذاك؟
ماشي في حياته، بيضحك، بيخرج، بينام كويس 😴
وانت؟
بتصحى الساعة 3 الصبح وبتراجع نفس المشاهد
مرة…
تاني مرة…
تالتة…
رابعة…
وبعدين؟ 🤍
─────────────────────
⚠️ الغضب المكتوم مش بس حاجة نفسية…
ثبت علمياً إن اللي بيكتم غضبه لفترة طويلة بيعاني من:
🔴 ضغط دم مرتفع
🔴 ضعف في المناعة
🔴 اضطرابات في النوم
🔴 اكتئاب وقلق مزمن
🔴 آلام جسدية بدون سبب واضح
💥 جسمك بيدفع الفاتورة عن حد تاني
─────────────────────
وهنا بيجي السؤال الصعب…
آخد حقي إزاي؟ أسامح ولا لا؟ 🤔
استنى الإجابة هتفاجئك 👇
التسامح مش معناه إن اللي عمله كان صح
التسامح مش معناه إنك ضعيف
التسامح مش معناه إنك لازم ترجع علاقاتك باللي آذوك.
✅ التسامح معناه إنك قررت إنك أهم من إنك تفضل سجين جوه لحظة عدت وفاتت
─────────────────────
🪜 ابدأ النهارده بـ 5 خطوات بس:
١ — اعترف بالوجع 🫀
قول لنفسك "اتأذيت وده طبيعي"
مش لازم تتجاهله أو تتظاهر إنك بخير
٢ — افصل بين الشخص والفعل 🧠
ممكن تسامح على الفعل
من غير ما تعيد الشخص لحياتك
٣ — اكتب اللي جوّاك 📝
ورقة وقلم واكتب كل حاجة حاسس بيها
مش لازم حد يشوفها
٤ — سامح نفسك الأول 🤍
بطّل تقول "كان المفروض أعرف"
أو "ليه سمحت بكده"
ده أكتر حاجة بتعطّلنا
٥ — خد القرار بوعي ✊
التسامح مش حاجة بتحس بيها
هو قرار بتاخده وبتكرره كل يوم
لحد ما يبقى طبيعي
─────────────────────
💬 أصعب جملة تقولها لنفسك النهارده:
"أنا مش هسيب حياتي تتوقف عشان حد ما يستاهلش ثانية من وقتي"
─────────────────────
وخليك فاكر دايماً 👇
✨ اللي بيسامح مش بيكسر نفسه… بيحرر نفسه
─────────────────────
قولنا في الكومنتات 👇🤍
في حاجة لسه مقدرتش تسامح عليها؟
ولا عندك تجربة مع التسامح غيّرت حياتك؟
مشاركتك ممكن تفرق مع حد تاني
بيمر بنفس اللحظة دلوقتي 🤍

#تسامح #ترند #الصحةالنفسية

بتعمل الحاجات دي بحسن نية؟للأسف أنت ممكن تكون بتكسر ثقة طفلك بنفسه من غير ما تحس المقارنة، النقد قدام الناس، والضغط المس...
11/04/2026

بتعمل الحاجات دي بحسن نية؟

للأسف أنت ممكن تكون بتكسر ثقة طفلك بنفسه من غير ما تحس
المقارنة، النقد قدام الناس، والضغط المستمر
مش بتربي طفل أقوى دي بتربي طفل خايف ومهزوز من جواه

ابدأ من النهارده غيّر أسلوبك قبل ما تأثر في نفسية طفلك أكتر 🤍

09/04/2026

😰 أول جلسة علاج نفسي… خفت تدخل الباب!

كتير منا بيأجل ويأجل… مش عشان مش محتاج،
عشان خايف من اللي هيحصل جوه!

🎯 إيه اللي بيحصل فعلاً في أول جلسة علاج نفسي؟
✅ ما فيش احكام مُسبقة
✅ ما فيش ضغوط
✅ انت وبس في مكان آمن يحتويك

الشجاعة مش إنك ماتخافش…
الشجاعة إنك تاخد الخطوة رغم الخوف 💙

━━━━━━━━━━━━━━━━
📲 احجز جلستك مع د. عماد جبر — استشاري الصحة النفسية
📞 01022066330 | 01097936492

جواك أسئلة ولخبطة كتير ومش لاقي لها حل؟ اكتب سؤالك في الكومنت ودكتور عماد جبر هيرد عليك 🤍اسأل_دكتور_عماد # #وعي
08/04/2026

جواك أسئلة ولخبطة كتير ومش لاقي لها حل؟

اكتب سؤالك في الكومنت ودكتور عماد جبر هيرد عليك 🤍

اسأل_دكتور_عماد # #وعي

07/04/2026

أنت مش بتعيش الواقع…
أنت بتعيش أفكارك عن الواقع.
لو دماغك شايفك فاشل — هتلاقي دليل على ده في كل حاجة.
لو دماغك شايفك قادر — هتلاقي طريق حتى في الأماكن اللي مفيش فيها طريق.
مش الظروف اللي بتحدد مصيرك.
الفكرة اللي بتصحى بيها كل يوم هي اللي بتحدد مصيرك .
-------------------------------------
قولي في الكومنتات 👇
دلوقتي دماغك شايفة الواقع ازاي ؟

لا صحة بدون صحة نفسيةمش كل التعب بيبان، في تعب بيكون جواناوفي اليوم العالمي للصحة، خلي أولويتك إنك تسمع لنفسك وتديها حقه...
07/04/2026

لا صحة بدون صحة نفسية

مش كل التعب بيبان، في تعب بيكون جوانا
وفي اليوم العالمي للصحة، خلي أولويتك إنك تسمع لنفسك وتديها حقها
من الراحة

اعتني بعقلك لأنه بيتحمل عنك كتير

#وعي

ما تقارنش كواليسك بمسرح غيرك 🎭لان كل اللي انت بتشوفه مجرد هايلايتس غيرك بيقدملك النسخة اللي عايزك تشوفها 🔆✍️ كواليسك بال...
06/04/2026

ما تقارنش كواليسك بمسرح غيرك 🎭

لان كل اللي انت بتشوفه مجرد هايلايتس

غيرك بيقدملك النسخة اللي عايزك تشوفها 🔆

✍️ كواليسك بالتعب ، باللخبطة ، بالبداية .... انت بس اللي بتشوفها زي ما هو بيشوف كواليسه

قدم للناس افضل نسخة منك وخلي الكواليس هي الدافع ✊

لأن دا الطبيعي 🙅🗒

----------------------------------------
#تحفيز #صحتك

كان شايف العالم باللون الرمادي فقط .. وهكذا استعاد الألوان🌈جاي ومعاه همومه ، خطواته ثقيلة ، كلامه قليل ، وعينيه فيها الف...
04/04/2026

كان شايف العالم باللون الرمادي فقط .. وهكذا استعاد الألوان🌈

جاي ومعاه همومه ، خطواته ثقيلة ، كلامه قليل ، وعينيه فيها الف قصة وقصة ، قصة صمت طوييييييييييييل .
بيتكلم بصعوبة وقلبه مش موافق لسانه " مش عارف اوصف اللي حاسس بيه ، لان كل حاجة بقت واحدة وكل حاجة تشبه بعضها ! "

الصبح زي الليل ، الفرح زي الحزن ، الألوان كلها بقت لون واحد واشتركت في اللون الرمادي .
----------------------------------

دا باختصار هو الاكتئاب واول خطوات علاجه :

1️⃣ الاعتراف :
اول واصعب خطوة في طريق علاج الاكتئاب هي انك تقول " انا مش كويس " ، ومن غير ما تعتبرها ضعف ، لان الاعتراف هو اول طوبة وحجر فى طريق التعافي .

2️⃣اطلب المساعدة
مد ايدك واطلب المساعدة من حد ، دا مش جبن دي شجاعة ، لان المساعدة المتخصصة مش رفاهية ، دي حقك وحق كل واحد فينا .

3️⃣ الالتزام بالجلسات
التعافي مش حادثة واحدة او سفرية واحدة وراجع ، لا دي رحلة فيها اكتر من سفرية ، رحلة ورا رحلة ، هتبدأ تشوف خيط من النور في آخر النفق الظلمة اللي انت فيه!.

النهاردة ✍هترجع تضحك تاني ، هتحس بالفرق بين الصبح والليل ، هتشوف الازرق فى مكانه في السما والاخضر في مكانه على الشجر .

الألوان رجعت بس مش لأن الدنيا اتغيرت ، الالوان رجعت لانك طلبت المساعدة .
-----------------------------------
انت ممكن تساعد حد كمان يعدي زي ما انت ما عديت بس كل اللي عليك انك تقول له " انا هنا " " احنا هنا " .... وخليك متأكد هتفرق كتير 💜

#الاكتئاب #اكتئاب

Address

Cairo
Cairo
00965

Website

Alerts

Be the first to know and let us send you an email when عماد جبر Emad Gabr posts news and promotions. Your email address will not be used for any other purpose, and you can unsubscribe at any time.

Shortcuts

Share

Category