24/08/2025
"لأ" جملة كاملة
NO" is a complete sentence
من غير شرح، من غير إحراج، ومن غير تأنيب ضمير..... اوقات كتير بتكون كفاية جدًا إنها توصّل اللي انت عايزه.
إحنا متعودين طول الوقت ندي مبررات وشرح لما نرفض حاجة، كإن "لأ" مش كفاية. لو حد طلب منك حاجة وإنت مش عايز، بتحس لازم تقول "لأ عشان تعبان"، أو "لأ عشان مش فاضي"، أو "لأ معلش أصل..."
مع إن في الحقيقة، فى ظروف معينه بيكون من حقك تقول "لأ" وخلاص.
طبعا فى طرق كتير ممكن نقول بيها لاء بشكل لطيف زى:
- أنا مقدّر إنك فكرت فيا… بس مش هقدر
- معلش مش هينفع أو يا ريت أقدر بس الظروف مش سامحة.
- كل ما طولت في التبرير، بيبان إنك متردد. خليك واضح: "آسف مش هقدر".
- طريقة الكلام ونبرة الصوت أهم من الكلمة نفسها. لو قلت "لأ" وانت مبتسم وبهدوء، مش هتبان هجومية.
القوة الحقيقية مش في إنك ترضي الناس كلها، القوة إنك تبقى عارف حدودك وقدرتك وتقول "لأ" في وقتها.
"لأ" مش قلة ذوق، ولا قسوة، دي أوقات كتيرة بتكون احترام لنفسك ووقتك وصحتك. واللي بيحبك بجد هيحترم "لأ" زي ما بيحترم "آه".
