08/12/2025
اللي لسه بيستخدم كابوتين تحت اللسان أو لازيكس في علاج الـ Hypertensive Urgency لازم يعرف إن ده واحد من أخطر الـ practices اللي موجوده.
علميا الـ Hypertension Urgency مش بيحتاج rapid BP drop نهائيا…
ده concept قديم اتنسف تماما في التحديثات الجديدة لأن مفيش Target-Organ Damage وبالتالي المفروض إن الضغط ينزل Controlled – Gradual – Predictable
مش هبوط مفاجئ وسريع زي اللي بيعمله الـ sublingual captopril.
اللي بيحصل لما ندي كابوتين تحت اللسان هو إنك بتدخل في Unpredictable PK profile…
الامتصاص من قرص الكابوتين تحت اللسان غير ثابت وغير متوقع
وده بيعمل variable onset وvariable peak plasma concentration…
يعني ببساطة مفيش control.
ممكن الضغط يقع 30 وممكن يقع 80 mmHg مرة واحدة ومفيش clinician في العالم يقدر يتوقعها.
الـ Sudden BP drop بالشكل ده بيعمل Cerebral Hypoperfusion خصوصا في الناس اللي عندهم chronic autoregulation shifted
المريض المزمن اللي بيعاني من ارتفاع ضغط دم مستمر
أعضاؤه (خصوصا المخ والكلى والقلب) بتكوناتعودت على الضغط العالي ده
عشان كده مستحيل تنزله الضغط فجأة من 180/110 لـ 120/80 من غير ما يحصل مشاكل
لأن أعضاؤه اتعودت على الضغط العالي.
أي هبوط مفاجئ ممكن يسببhypoperfusion ومنها يحصل stroke, AKI، أو حتى MI.
وده السبب الرئيسي اللي بيخلي استخدام sublingual captopril خطير جدا عند كبار السن ومرضى السكر والـ MASLD
لأنه بدل ما تمنع المضاعفات ممكن تقرب المريض منها.
دا غير إن أي هبوط سريع في SBP بيخلي الجسم يعمل reflex sympathetic activation عشان يحافظ على perfusion.
فيحصل tachycardia فيزيد الـ myocardial O₂ demand
ولو المريض عنده underlying CAD انت ممكن تدخله في Type 2 MI وانت فاكر إنك أنقذته
اللي أخطر من كده إن بعض المرضى بيكون عندهم dehydration أو renal hypoperfusion أو هو أصلا بيستخدم ACE inhibitor…
فأول ما ياخد كابوتين تحت اللسان بعد الضغط العالي
يحصل acute kidney injury بسبب الـ
sudden drop in glomerular perfusion.
والمشكلة إن غالبا محدش بيلاحظ ارتفاع creatinine إلا بعد ما الضرر يكون حصل
وأهم نقطة
مفيش ولا guidelines حديثة 2024–2025 (ESC, ACC, ISH)
بتوصي ولا حتى تلمح باستخدام sublingual captopril في أي hypertensive scenario
بالعكس موجود كـ Avoid بسبب unpredictable BP fall.
وبتوصي بـ:
Oral long-acting antihypertensive agent + close
follow-up وبعدين gradual BP correction خلال 24–48 ساعة
وده مش تقليل من خطورة الضغط… بالعكس دي حماية من إن الضغط ينزل أسرع من إن الـ brain و الـ kidneys يتحملوا.
فلازم نعرف إن الكابوتين تحت اللسان مش إسعاف… ده Risk Multiplier
ومش Evidence-Based…
ومش بيحمي المريض… وساعات بيقربه من stroke أكتر من الضغط نفسه.
