Dr. Mohamed Ali Abdelsalam عيادة د.محمد على عبد السلام

21/12/2025

🫁🗣️Pneumonia 🗣️🫁

21/12/2025

21/12/2025

‏‎هيئة الدواء تُوضح استخدامات وجرعات دواء الوقاية وعلاج الإنفلونزا الموسمية....

‏‎أوضحت هيئة الدواء المصرية أن الدواء المخصص للوقاية وعلاج الإنفلونزا الموسمية (أ أو ب) يُستخدم للوقاية من العدوى لدى المرضى الذين تبلغ أعمارهم سنة واحدة فأكثر، ولعلاج الحالات الحادة غير المصحوبة بمضاعفات لدى المرضى الذين تبلغ أعمارهم أسبوعين فأكثر والذين ظهرت عليهم الأعراض خلال 48 ساعة من الإصابة.

‏‎أضافت الهيئة أن الدواء لا يغني عن التطعيم السنوي ضد الإنفلونزا، ولا يُنصح به للمرضى المصابين بالفشل الكلوي في مراحله النهائية والذين لا يخضعون لغسيل الكلى.

‏‎أوضحت الهيئة أن جرعات البالغين وكبار السن للوقاية بعد التعرض تكون 75 مجم مرة يوميًا لمدة 7-10 أيام بعد آخر تعرض، وللوقاية قبل التعرض تكون 75 مجم يوميًا طوال فترة نشاط الإنفلونزا أو لمدة أسبوعين بعد التطعيم، وأثناء تفشي المرض في المؤسسات تكون 75 مجم يوميًا لمدة أسبوعين على الأقل وأسبوع بعد آخر حالة معروفة. أما علاج الإنفلونزا فيكون بجرعة 75 مجم مرتين يوميًا بأسرع وقت بعد ظهور الأعراض، والمدة المعتادة للعلاج 5 أيام وقد تمتد إلى 10 أيام للمرضى ذوي الحالات الشديدة أو نقص المناعة، مع ملاحظة أنه لا يُنصح حاليًا باستخدام جرعات أعلى حتى للمرضى ذوي المناعة الضعيفة أو الحالات الشديدة.

‏‎وأشارت الهيئة إلى أن الأطفال والرضع يتلقون جرعات مخصصة حسب العمر والوزن، حيث تكون جرعات الوقاية مختلفة عن العلاج في عدد مرات تناول الدواء فقط، وتشمل الرضع من 3 إلى أقل من 9 أشهر 3 مجم/كجم مرة يوميًا، والرضع من 9 أشهر فأكثر 3-3.5 مجم/كجم مرة يوميًا، أما الأطفال والمراهقون فتتراوح الجرعات من 30 مجم للأطفال الأقل من 15 كجم، إلى 75 مجم للأطفال الأكبر من 40 كجم مرة يوميًا للوقاية، ومرتين يوميًا للعلاج.

‏‎كما أوضحت الهيئة أن مدة الوقاية تختلف حسب نوع التعرض، حالة التطعيم، وجود نقص المناعة، وخطر حدوث مضاعفات خطيرة، حيث تكون مدة الوقاية في حالة التعرض المنزلي أو المجتمعي 7 أيام من آخر تعرض معروف، بينما تكون مدة الوقاية في حالة تفشي المرض في المؤسسات أسبوعين على الأقل، وأسبوع بعد آخر حالة تم تشخيصها.

‏‎وأكدت الهيئة أن الأشكال الدوائية المتوفرة في مصر تشمل كبسولات جيلاتينية صلبة 75 مجم، مسحوق أو بودرة لعمل معلق فموي 60 مجم/5 مل، وحبيبات لعمل معلق فموي 12 مجم/مل، مشددةً على ضرورة الالتزام بالجرعات المقررة واستشارة الطبيب عند الضرورة، خصوصًا للفئات ذات الحالات الخاصة أو المرضى ذوي المناعة الضعيفة.

‏‎ ​ ​

16/12/2025

📱01156999476 تليفون العيادة+واتس
📱01029443137 مساعد الطبيب+تمريض

14/12/2025

07/12/2025

مع دخول الشتاء… خطوة صغيرة ممكن تحميك من دور برد كبير.
خليك دايمًا واخد بالك من صحتك، وابدأ بالوقاية.

06/12/2025

01/12/2025

البوست ده تأسيسي لأى دكتور زميل بيعالج أو بيقابل حالات متشخصه حساسية طعام ..
مهم جداً عشان انتشار " التشخيص الزائد " مش مقبول أبداً ..

كوباية نسكافيه و بسكويت و على رواقه كده اقرأه بالتفصيل .. هوا طويل حبتين لكن فى غاية الأهمية والله ..

أرجو من الله النفع والقبول اللهم آمين ..

تعالوا نحكى شويه ...

حساسية الطعام ببساطه يعنى طفل أو بالغ بيتعب ب" شكل متكرر" و ب " طريقة معينة "لما بيتعرض لأكل معين .
التعب ده يا إما إكزيما وتورم فورى مع ضيق نفس خلال ثوانى لساعتين من الأكل = النوع الأول IgE mediated.
يا إما قئ و جفاف مع انخفاض ضغط وحراره تعليق محاليل غالبا فى الطوارئ خلال ساعه ل ٤ ساعات من الأكل = النوع التانى Acute FPIES .
مخاط مع دم فى البراز فى حالة الرّضيع أول ٦ شهور من العمر فى حالة شرب الأم لمنتجات الألبان ووصولها لإبنها = النوع التالت FPIAP .
خليط من الأنواع اللى فاتت مع الأكل وفى الحاله دى محتاجين منظار للتأكد = حساسية إيوزينوفيلليه (نادر جداً) Eosinophilic GI disorder .

نوعين كمان عليهم depate جدال كبير و uncertainty "وهم" فى التشخيص وهما المغص اللى سببه اللبن والارتجاع اللى سببه اللبن ودول ليهم بوست تانى بس هنتكلم عنهم باختصار كده هنا ..

تمام جداً ..

كل أنواع حساسيات الطعام مينفعش تتشخص بالمنع فقط .

لازم "لو لاقيت الأعراض اللى فوق دى " يتم منع الأكل المسئول ، بعدين إدخاله مره تانيه ، المشاكل كالآتى :

1. منع طعام أصلاّ بدون أعراض أو بأعراض حائرة ، يعنى طفل كبير شويه سنه ونص سنتين فما فوق كده مثلاً بطنه واجعاه وحمامه سايل أو ماسك ، أو من ده على ده ، وده ليه ١٠٠ مليون تشخيص مش من ضمنها حساسية الطعام بالمناسبه زى الإسهال الوظيفى وعدم تحمل السكريات و الديدان و بعض الجراثيم والقولون العصبى والإمساك الوظيفى والسيلياك (نوع خاص من حساسية القمح ) والقائمة تطووول ، أقوم جاى مانعه من اللبن ( اللى أصلاً بيتعب القولون فى أطفال كتير و سكر اللاكتوز بتاعه بيعمل نص المشاكل اللى قلتها فوق ) = هوب الطفل اتحسن هوب دابل كيك الطفل اتشخص حساسية لبن أشوفك بعد سنة يا حبيبي كل عام وانتا بخير = مين فين ازاى ليه ! = Error 404 .

طبعاً مش بروتوكول ولا دخله للتشخيص ولا للعلاج وبالمنظور ده مصر كلها هتتشخص حساسية لبن وهيا تشخيصها الحاجات اللى قلتها لسيادتك فوق اللى كل واحد منها ممكن يحتاج تقليل أو تقنين شرب اللبن أو أخذه بصور مخبوزه أو مطهيه أو منزوعة السكر مش منعه أساسا .

2. المغص عند الرُّضّع والارتجاع برضه مش " صك ضمان حساسية " وأقعد أحرم الأم وامنعها من اللبن واللحمه والبيض والصويا ومشتقاتهم للأبد ، فلما الطفل ميتحسنش أقعد أحرمها من القمح والسمك والمكسرات بعدين أثبت أكلها على ٣ أو أربع أكلات "أملاً " إن الطفل يتحسن من المغص ! واللى بيحصل فى معظم الحالات ان العياط بيزيد عشان الطفل بيجوع - ما حضرتك هوا بيرضع من هيكل عضمى مش أم خلاص - . لأ المغص والارتجاع ليهم أسباب كتير غير الحساسية وفى معظم الحالات بيحتاجو تطمين طالما الوزن بيزيد وأحيانا أدوية حموضه ، ولو الموضوع لا يُحتمل من حقنا نمنع ٢-٤ أسابيع فقط (لبن لحم بيض صويا) بعدها إدخال أسبوعين كاملين عالأقل واقارن " فترة كامله أكل " ب " فتره كامله منع " .. ولو لاقيت أحمد هوا الحاج احمد وسينا هيا هيا سونيا والمنع ما فرقش يبقى المغص والارتجاع ده مش سببه الأكل أصلا و هيتحسن كده كده أما الطفل يكبر بأمر الله .

3. انتشر دلوقتى بروتوكول عجيب غريب بيعتمد على تحاليل "فقط " فى التشخيص ، رضيع يمغص ويعيط نعمل له تحليل دم مخفى فى البراز أو صديد فى البراز يطلع إيجابى يتشخص حساسية لبن . أو سكريات مختزله يطلع إيجابى يتقال عدم تحمل لاكتوز . خير يا جماعه مالكم كيف تحكمون !!!!! التحاليل ديه مالهاش أدنى قيمه فى تشخيص أى شئ إلا فى سياق الأعراض اللى قلتها فوق - مش أى مغص و تسلخات و ارتجاع - ، الدم المخفى ده معناه إن مكان فى الجهاز الهضمى التهب أو اتعور لأى سبب منها البكتيريا و الجراثيم والارتجاع الشديد اللى عمل التهاب فى المرئ وبكاء بالطبع و بعض المشاكل الجراحيه و " مش حصري " لحساسية الأكل ( فى التعليقات ١٧ سبب مباشر للدم المخفى غير الحساسية ) أصلا فضلاً عن إن خطؤه الإيجابى ( بيطلع بوزيتيڤ فى أطفال أصحاء معندهمش حاجه ) بيوصل ل ٢٥٪؜ فأكتر ، يعنى طفل من كل ٣ أو أربع أطفال طبيعيين هيتعمل لهم التحليل ده هيطلع إيجابى وهما زى الفل وبيمغصوا زى أى طفل عادى بيمغص !! يا جماعه يا كرام إللى حابب يشخص حساسية لبن يشخصها بالأعراض و ليس بالتحاليل واذا كان التحليل ده هيتعمل استئناساً فقيمته ملغية تماماً فى حالة إدخال الأكل وعدم عودة الأعراض ، التحاليل وبالذات اللى "اتذكرو دول فى النقطه دي " نُص أطفال مصر متشخصين بيهم وهما معندهمش حاجه .

4. ممكن برضه أفهم ليه فجأه كده الأمهات بقت قلقانه بزياده ومرعوبه من أى إدخال أكل لطفلها عند ٤-٦ شهور زى التوصيات ما بتقول ؟ يعنى طول عمرنا أول ما بندخل الحبوب أو الكوسه أو الخضروات بشكل عام للرُّضع و يمغصوا مثلاً كنا بنقول معلش دى تقيله عليه / متحملهاش / محبهاش / عاوز عليها فاكهه / بلاشها وجربيها كمان أسبوعين . إنما فجأه وبقدرة قادر بقى الوضع حالياً " أصله إتحسس منها ووجعته فمنعتهاله لبعد السنه " أيوا حضرتك ده فى بروتوكول مين ! الطبيعى بتاع معظم الأكل ان كل طفل ليه قدرة تحمل و شهية و رفض و تفاعل لجهازه الهضمى ، أكلات هتعمل إمساك وأكلات إسهال وأكلات شوية مغص وزن وأكلات حبوب بسيطه واحمرار خفيف أول ما بتدخل - كل ده بيختفى باستمرار عرض الأكل على الطفل أو ترييحه اسبوعين ويتجرب تانى مش الحرمان فيبقى جهازه الهضمى مشافش معظم الأكلات غير بعد السنه فميتحملهاش ! طالما معنديش ترجيع إسهال فظيع عمل جفاف مثلاً ولا تورم ولا دم فى البراز بعد أكله معينه بشكل متكرر فأنا آسف كل دى ردود فعل طبيعية لجهاز هضمى أول مره يتعرض مباشرة للأكل هتروح مع الوقت .

5. تحليل الفود بانل IgE for food specific أو الوخز SPT مالهومش أى قيمه فى تشخيص الإسهال ولا الإمساك ولا وجع البطن ، كمان فقط قيمته - استرشاديه فى تشخيص النوع الأول اللى فيه تورم و إكزيما و ضيق نفس فورى أول ما الشخص ياكل ، يعنى بالبلدى حتى لو الطفل أول ما يأكل أو يشرب أكل معين و يتعب فورى - ركز : على هيئة الإكزيما والتورم والنفس مش مغص و إسهال ولا ترجيع - وعملنا التحاليل طلع معانا ٣٠٠ أكله تانيه بيتعب منهم - عالورق - بس فى الحقيقه بياكلهم ومبيتعبش = منمنعش الأكل وده بإجماع الفقهاء والعلماء شرق وغرب بلا مخالف ولا منازع . خد التقيله دى ، ده حتى لو كان بيتعب وبيورم بشكل شديد و منعت الأكل و عيدت التحليل لقيته عالى بسيط moderate لازم الأكل يتجرب تحت إشراف طبى مدرب عشان ممكن يكون خف و يستمر التحليل إيجابى والطفل ممنوع عالفاضى ، أيوا يعنى عاوز ايه ؟ يعنى العبره بتجربة الإدخال ولازم أى تحليل يتجرب احنا مش بنعالج تحاليل بنعالج أطفال - طبعاً متكلمتش على تحاليل دقتها العلمية صفر زى الفود برنت البصمه الغذائية أو معليهاش دليل علمى زى الكانديدا ونفاذية الأمعاء وغيرها.

6. لعنة التشخيص بالمنع فقط ؛ زى ما قلنا أول المقاله دى مفيش أى نوع حساسية يتشخص بالمنع فقط ؛ بالعكس لازم وجود أعراض حساسية ، ومش أى أعراض : اللى قلتها فوق بالأساس ، بعدين منع ٢-٤ اسابيع = تحسن ؟ يبقى إدخال الأكل تانى واتابع التعب والعرض اللى منعت على أساسه ، والجزء ده مهم وفيه وهم وتحيُُّّز رهيب عشان اللى مستنى حاجه تحصل بتحصل فالأفضل يكون حد مع الأم يساعدها فى الحكم على التحسن من عدمه بالذات فى المغص والارتجاع ، بقول الكلام ده ليه ؟ لإن للأسف معظم الأمهات مانعين شهور حرفياً وعمالين يتوسعو فى المنع طبقاً لأعراض مالهاش علاقة مباشره بالحساسية ومعظمها بيتحسن مع دخول الأكل الصلب للطفل عند ٤ أو ٦ شهور ( حمام سايل - مخاط - تسلخات حفاظ) - بيتوسعوا فى المنع ولا فيه تحسن ولا بيدخلو الأكل تانى عشان يشوفوا الفرق و يعرفو أصلاً احنا بنتكلم فى حساسية ولا مانعين وخلاص . بالعكس ده منع الأطفال من أكلات هما مش بيتعبوا منها بيبوظ توازن البكتيريا النافعه فى الأمعاء فيزود المغص والزن و الحمام السايل وغيرها و بالمقابل دخول الأكلات بشكل عام للأطفال بيعمل تنوع وبينشط الإنزيمات الهاضمه و يحمى القولون من تأثير أى أكل وصل عن طريق لبن الأم للطفل .

" مفيش تشخيص حساسية من غير تجربه الأكل مرة تانيه بشكل دقيق غير متحيز ولفترة كافيه Challenge Unbiased " .

د.أحمد الخطيب .

استشاري الجهاز الهضمي للأطفال
وزمالة الجهاز الهضمي للأطفال – كليفلاند، الولايات المتحدة الأمريكية

مدرس مساعد طب الأطفال والجهاز الهضمي للأطفال وحديثي الولادة – كلية الطب، جامعة الأزهر
عضو الأكاديمية الأمريكية للحساسية والمناعة (AAAAI)
عضو الكلية الأمريكية للحساسية والمناعة (ACAAI)
حاصل على دورات تدريبية معتمدة في الحساسية – هيوستن، تكساس – الولايات المتحدة