دلتا للعلاج الطبيعي - Delta

26/09/2025

نتمنى لكم جمعة طيبة مباركة عليكم جميعا

08/09/2025

📅 8 سبتمبر – اليوم العالمي للعلاج الطبيعي
السنة دي، موضوع اليوم العالمي للعلاج الطبيعي هو:
"دور العلاج الطبيعي والنشاط البدني في الشيخوخة الصحية"
واللي بيركّز على أهمية منع الضعف والسقوط مع التقدّم في السن 👵👴
💡 أهم الرسائل اللي بنركّز عليها:

الناس بتكبر في السن بسرعة أكبر من أي وقت قبل كده!

الاحصائيات بتقول إن : سنة 2019، كان فيه حوالي مليار شخص فوق الـ60 سنة، والرقم ده هيوصل لـ1.4 مليار سنة 2030، و2.1 مليار سنة 2050!

كمان عدد الناس اللي فوق الـ80 سنة هيتضاعف تلات مرات بين 2020 و2050 وهيبقى حوالي 426 مليون!

🎯 بس خلي بالك! التقدّم في السن مش معناه إنك تبطّل تعيش حياتك أو تقلل من نشاطك!
الشيخوخة الصحية معناها إنك تفضل نشيط، تحافظ على علاقاتك، وتكمل تعمل الحاجات اللي بتحبّها.
🏡 وجود بيئة صحية بتدعم الجسم والعقل بيساعد جدًا على الشيخوخة بشكل أفضل.
💪 طول ما انت ماشي على نمط حياة صحي، هتقلّل من خطر الإصابة بأمراض مزمنة، وهتحسّن صحتك الجسدية والنفسية.
👨‍⚕️ أخصائيين العلاج الطبيعي يقدروا يساعدوك في:

تبنّي أسلوب حياة صحي يناسب سنك وحالتك.

يحطّوا لك خطط تمارين مناسبة ليك وتطورك.

✅ على فكرة، عمرُك ما هيكون متأخّر تبدأ برنامج رياضي!
تمارين القوة مفيدة لكل الأعمار – اسأل أخصائي علاج طبيعي إزاي تبدأ بشكل آمن.
🛑 الوقاية من السقوط مهمة جدًا!
التمرينات بتقوّي العضلات وبتحسّن التوازن والمرونة.
وده معناه: سقوط أقل، إصابات أقل، واستقلالية أكتر 💯
📉 هل تعلم؟ الناس النشيطة أقل عرضة للإصابة بالوهن بنسبة 41%!
العلاج الطبيعي ممكن يساعدك تحافظ على قوتك، تمنع فقدان العضلات، وتحسّن لياقتك البدنية والتنفسية.
📣 متستناش! اتكلم مع أخصائي علاج طبيعي واعرف إزاي تحافظ على نشاطك وصحتك مع التقدّم في السن.

وأكيد البوسترات الي تحت دي - وهي من اعداد فريق الاتحاد العالمي للعلاج الطبيعي احتفالا وتماشيا مع شعار السنة دي - كمان حاتفيدك في سكة محافظتك على صحتك وصحة وأهلك وحبايبك الكبار الحركية ♥️♥️♥️

🎉 8 سبتمبر – اليوم العالمي للعلاج الطبيعي










دلتا للعلاج الطبيعي - Delta

08/09/2025

🎉 *كل سنة وإحنا كأخصائيين ودكاترة العلاج الطبيعي بخير وكلنا فخر واعتزاز بمسيرتنا المهنية وايمان بقوة العلاج الطبيعي في تحسين وجودة الحركة الحياتية لكل إنسان !*

زي ما عارفين إننا في كل يوم زي اليوم دا من كل عام بنحتفل مع بعض باليوم العالمي للعلاج الطبيعي 📅 *8 سبتمبر 2025*
💪 وفعاليتنا كلها تحت شعار السنة دي: *"الشيخوخة الصحية والوقاية السقوط"*
*"Healthy Ageing & Falls Prevention"*

في اليوم العالمي للعلاج الطبيعي، بنفخر بدورنا في تحسين جودة حياة مرضانا،
وبنأكد إننا دايمًا موجودين علشان نرجّع الحركة، نقلل الألم، ونحافظ على نشاط وصحة كل شخص في كل مراحل عمره 💚

من أول لحظة بيتعلم فيها الطفل يمشي، لحد ما يكبر الإنسان…
إحنا موجودين خطوة بخطوة علشان نساند، نوجّه، ونعالج.

👣 الحركة هي الحياة… وكل خطوة بتفرق
💬 رسالتنا:
*"العلاج الطبيعي مش بس مهنة، دي رسالة وفرق حقيقي في حياة الناس!"* 🩺

01/09/2025

في معرض كلامنا الفات عن الاصابات والكسور وتثبيتها والمضاعفات الشائعة المصاحبة لها وتأهيلها خليني أقول لكم إن :
أوقات كتير بيحصل تأثر أو إصابة في الأعصاب اللي حوالين منطقة الكسر زي ما قلنا قبل كدا ، وده ممكن يكون بسبب :
⚡ الكسر نفسه لو حصل قريب من العصب ؛ فبيسبب ضغط مباشر على العصب أو اصباته
⚡ ضغط الجبس أو التورم والالتهابات بعد الإصابة اللي بتؤثر على التوصيل العصبي
⚡ قطع أو اصابة العصب أثناء الجراحة ، خاصة لو كانت لتثبيت الكسر بصفائح أو مسامير
⚡ أو نتيجة تكون نسيج ندبي بيضغط بدوره على العصب بعد إلتئام العظام

*🧠 ودي من أشهر الأعصاب اللي ممكن تتأثر بعد الكسور أو العمليات الجراحية ودور العلاج الطبيعي في تأهيلها * :

*1. العصب الكعبري (Radial Nerve):*
بيظهر أكثر مع كسور عظمة العضد (الذراع من فوق) واللي لو اتأثر ؛ بيحصل ضعف في بسط الإيد وصوابعها وتنميل في ظهر الإيد ، وبيظهر شكل بيُعرف بـسقوط الرسغ "wrist drop".

🎯 وبقا دور العلاج الطبيعي في تأهيله هو :
• تحسين مدى الحركة
• تقوية عضلات البسط
• التحفيز الكهربائي لتنشيط العصب
• استعادة وظيفة الإيد الطبيعية بالتمارين الوظيفية
• وعمل جبيرة داعمة لحماية الرسغ

*2. العصب الزندي (Ulnar Nerve):*
ممكن يتأثر في حالات كسور الكوع، وده بيأثر على حركة وإحساس صوابع معينة ؛فبيظهر بتنميل الخنصر ونصف البنصر وضعف قبضة الإيد وبيصحبه تشوه "مخلب الإيد Claw hand ".

🎯 ودور العلاج الطبيعي معاه إنه بيعمل على :
• تحسين بسط وثني الأصابع
• تقوية قبضة الإيد واستعادة وظيفيتها
• زيادة التوافق العضلي العصبي بالتمارين العلاجية الخاصة
• تحريك وتحرير العصب كمان بتمارين معينة
• تحفيز وتنشيط العصب كهربيا .

*3. العصب المتوسط (Median nerve):*
ودا بيتأثر في كسور الرسغ أو بعد الضغط المتكرر (زي متلازمة النفق الرسغي).
ومن أعراضه ان بيكون في تنميل وضعف وضمور في الإبهام والسبابة والوسطى والعيان بيبقى ماقادر يعارض الإبهام بتاعه مع باقي أصابع ايده ولا يقابلهم ولا يلمسهم ، وبيبقى في نفس مستواهم مش قدامهم ولا قادر يمسك بإيده ولا قادر يعمل زي حركة التسبيح بالاصابغ وله شكل "إيد القرد Ape hand "

🎯 ودور العلاج الطبيعي في تأهيله :
• تمارين انزلاق الأعصاب
• التمارين الدقيقة والوظيفية لتحسين التحكم في اصبع الإبهام
• التحفيز الكهربائي للعصب
• عمل جبيرة خاصة تساعد الإبهام لإن يرجع لمكانه الطبيعي

*4. الضفيرة العضدية (Brachial Plexus):*
وبيكون أكتر مع إصابات الكتف أو الترقوة ، وبيسبب ضعف أو شلل في الذراع بأكمله، وفقدان الإحساس، وصعوبة في تحريك الذراع.

🎯 وتأهيل إصابات أعصاب الضفيرة العصبية بيكون ب :
• التنشيط والتحفيذ العصبي
• إطالة وتقوية عضلات الإيد
• تمارين الثبات لعضلات الذراع والكتف كلها
• استعادة دور الإيد وظيفيا

*5. العصب الوركي (Sciatic nerve):*
ممكن يتأثر في حالات خلع الورك أو كسور الحوض.
وبيسبب ألم ممتد من الظهر للرجل، وبيعمل ضعف عضلي كمان للرجل .

🎯 دور العلاج الطبيعي هو :
• إطالة للعصب وتحفيذه
• التقوية وتحسين التحكم والتنسيق العضلي والعصبي

*6. العصب الفخذي (Femoral nerve):*
بيتأثر في جراحات الحوض أو الكسور المعقدة.
وبيعمل ضعف في عضلات الفخذ الأمامية، وصعوبة في فرد الرجل .

🎯 والعلاج الطبيعي بيعمل على :
• تقوية عضلات الفخذ
• تحسين التوازن والتنسيق الحركي للمشي
• التدريب على الطلوع والنزول على عتبات السلم

*7. العصب الشظوي (Peroneal Nerve ):*
وده غالباً بيتأثر في كسور أعلى الساق أو عظمة الشظية أو نتيجة الضغط الخارجي زي التثبيت الجبسي الضاغط أو بعد عمليات التثبيت الخارجي أو بعد القعاد لفترات طويلة .
وهو من أشيع مضاعفات كسور الطرف السفلي للجسم ، وبيتسبب في صعوبة رفع الرجل أو مشط القدم وبيسبب " سقوط القدم foot drop" ، وبيعمل تنميل في الجزء العلوي من القدم .

🎯 وبرنامج التأهيل بيعمل على :
• التنشيط العصبي
• تقوية عضلات الساق و القدم الضعيفة
• استخدام جبيرة لرفع مشط القدم أثناء المشي
• التدريب على التوازن والمشي التدريجي مع مراعاة ارشادات الدكتور الجراح حول إمكانات وكيفية التحميل على الساق المكسورة .

💡 وختاما : خلونا نوضح ونأمن على إن العلاج الطبيعي لازم يبدأ بدري بعد العملية أو الإصابة مباشرة ، وحتى من قبل ما العيان يحمل على رجله أو يستخدم الطرف عشان نتفادى كل المشاكل دي وغيرها ونقلل فرص حدوثها أو نقلل مدتها إذا كانت حصلت ؛ وبيكون تركيز الأساسي على :
- استرجاع الإحساس والحركة
- تقليل الألم
- منع المضاعفات زي التيبّس وضعف العضلات
- تحسين التوازن والمشي والوظائف اليومية

ولأن كل يوم تأخير ممكن يطوّل مدة التعافي— ابدأ بدري.

💐 نتشرف بمتابعتكم معانا في مركز دلتا للعلاج الطبيعي - Delta
https://www.facebook.com/daltapt

29/08/2025

الجدول الجميل ده بتكمن أهميته في إنه بيأكد علينا إننا علشان نوصل لأفضل نتيجة، لازم نحترم علم التشريح (Anatomy)، والفسيولوجي (Physiology)، والميكانيكا الحيوية (Biomechanics)، وكمان الوضع الجراحي (Surgery Situation) الخاص بالنسيج (Tissue) اللي بنتعامل معاه، سواء أثناء مرحلة التأهيل (Rehabilitation) أو حتى قبلها في التقييم (Evaluation) الأولي. ❤

وبالنسبة لكم مهم كمان تعرفوها عشان تكونوا على وعي بأحوال الأنسجة وتطورات إلتئامها الطبيعية في رحلة التعافي بعد الاصابات والاحنا بنكون معاكم فيها خطوة بخطوة

💐 مركز دلتا للعلاج الطبيعي - Delta
https://www.facebook.com/daltapt

23/08/2025

💐 تسرنا متابعتكم من داخل وخارج مصر ونسعد بخدمتكم ورعايتكم
دلتا للعلاج الطبيعي - Delta
https://www.facebook.com/daltapt

نقدم خدمات العلاج الطبيعي لأمراض العظام وجراحاتها وأمراض المخ و الأعصاب وإصابات الملاعب.

23/08/2025

*امتى نبدأ نحط حمل على الرجل بعد عمليات تثبيت الكسور جراحيا ؟*

اجابتنا بتعتمد على نوع الكسر، مكانه، وطريقة التثبيت (زي المسمار النخاعي، الصفائح والبراغي ، أو المثبت الخارجي ، ... وإلخ)، وكمان على حسب تقدير الدكتور الجراح بعد العمليةومعطيات صور الأشعة وعلى ونتائج تقييم دكتور العلاج الطبيعي المبني بالأساس على احترام التشريح والفسيولوجي وميكانيكا الجسم والحالة الجراحية للأنسجة قبل وأثناء عملية التأهيل ♥️ .

🔹 بشكل عام، التحميل بيكون 3 مراحل:

*1. التحميل المبكر:*
في بعض الكسور، ممكن الدكتور يسمح إنك تحمّل جزء من وزنك أو كله بعد العملية على طول (زي بعض كسور عنق عظم الفخذ اللي بتتثبت بمفصل صناعي أو مسمار نخاعي).
الهدف هنا: إننا نحافظ على حركة المفصل، ونقلل ضعف العضلات ونمنع ضمورها ، وننشّط الدورة الدموية ونقي المريض من سيناريو المضاعفات اللي بتحصل مع كسور المنطقة دي وعلى رأسها تنخر العظم بالمنطقة نتيجة قلة أو انقطاع التروية الدموية .

*2. التحميل الجزئي:*
غالبًا بيبدأ بعد 4 لـ 6 أسابيع في معظم الكسور المثبتة داخليا ب ( الصفائح أو المسامير ) ، وده بيكون باستخدام العكازات تدريجيًا، على حسب معطيات استقرار الكسر بالأشعة .

*3. التحميل الكامل:*
عادة بيكون بعد 8 لـ 12 أسبوع، لما الدكتور يطمن إن الكسر بدأ يلتئم كويس.
وقد يتأخر عن كدا شوية في بعض الحالات خصوصًا لو الكسر معقد أو المريض كبير في السن أو كانت في عوامل تانية مصاحبة متسببة في تأخر الإلتئام زي التدخين والسهر وسوء التغذية وغيرها .

📌 طبعا متابعتك الدورية مع دكتورك الجراح مهمة جدا لغايت ما يوصل معاك ومع دكتور العلاج الطبيعي لقرار التحميل الكامل ..

💡وطبعا العلاج الطبيعي بيبدأ من بدري وحتى قبل ما تبدأ تحمّل، من خلال تمارين التنفس، وتقوية العضلات وحفظ التوازن والتنسيق العضلي والتنشيط العصبي ، ومنع تيبّس المفاصل ومنع التشوه الهيكلي وتنشيط الدورة الدموية.

♦️واحنا في مركز دلتا للعلاج الطبيعي والتأهيل بنقدم لك أفضل الرعاية التأهيلية اللي تساعدك في إنك تقدر تمشي على رجليك في اسرع وقت ممكن وعلى أحسن صورة لأننا بنؤمن بأن : صحّتك في حركتك ؛ فاحنا معاك حنكون خطوة بخطوة في رحلة تأهيلك بعد الكسر 💪

📞 للحجز أو الاستفسار:
01026313555 - 01126829720
📍العنوان: ٤٩ شارع أنور المفتي - خلف طيبة مول - أمام البنك الأهلي وساليه سوكريه .
https://www.facebook.com/share/14HDb6G239L/

19/08/2025

لا حول ولا قوة الا بالله إنا لله وإنا إليه راجعون وإن لله ما أخذ وله ما أعطى وكل شيء عنده بأجل مسمى

رحم الله استاذنا ومعلمنا القدير الجليل صاحب الفضل الكبير جدا علينا أ.د ممدوح محفوظ
( أستاذ ومدرس الأشعة التشخيصة الأول بوطننا العربي والإسلامي )

هالني الخبر منذ الصباح الباكر وكذبته في نفسي وتمنيت ألا يكون حقيقيا حتى توالت المنشورات تنعيه .. اللهم فأجرنا في مصيبتنا واخلفنا خيرا منها .. اللهم واجزه عنا بالخير والإحسان وبخير ما جازيت به معلما عن طلابه

اللهم اغفر له وارحمه واعف عنه وثبته ولقنه حجته وطيب ثراه وانر وافسح له فيه واجعله في روح وريحان عندك يا رحمن واجعل الفردوس الأعلى من الجنة مثواه

خالص العزاء لآله وذويه وزملائه وطلابه في كل مكان
إنا لله وإنا إليه راجعون وإنا لفراقك يادكتور ممدوح لمحزونون 💔😭😭😭😭

18/08/2025

*ليه العلاج الطبيعي بعد تثبيت الكسور مهم؟ 🦴*

كتير من الناس بتفتكر إنه العملية الجراحية لتثبيت الكسر لوحدها كفاية ، لكن الحقيقة إن العلاج الطبيعي جزء أساسي من رحلة الشفاء، ومالوش بديل بل يبدأ الشفاء الحقيقي مع العلاج الطبيعي !
واللي بيشمل العناية بالمنطقة المصابة وما حولها، وداخلها ؛لضمان استعادة الوظيفة الكاملة للطرف المصاب.

فتعالوا نعرف سوا ليه هو مهم 👇
لأنه :
1. *بيرجع الحركة والمرونة*
بعد التثبيت :
المفاصل والعضلات بتبدأ تيبس شوية ؛ فالعلاج الطبيعي بيساعد يرجعلك الحركة وحدة وحدة، من غير ما يضر التثبيت.

2. *بيقوي العضلات اللي ضعفت* :
طول فترة التثبيت بيخلي العضلات تضعف ؛ فالتمارين العلاجية بترجعلك قوتك وتوازنك من غير تعب.

3. *بينشط الدورة الدموية ويقلل الألم و التورم* :
الحركة الخفيفة بتحرك الدم كويس، وده بيقلل التورم وبيساعد في تخفيف الألم.

4. *بيمنع التيبس والالتصاقات والمضاعفات أو الجلطات* :
لو سبت المفصل من غير حركة، ممكن يحصل تيبس أو التصاقات أو جلطات ؛ فالعلاج الطبيعي بيمنع ده وبيخليك ترجع طبيعي لحياتك اليومية وبشكل آمن وسريع .

5. *بيساعد في تحسين الأعصاب المصابة* :
لو العصب اتأثر من الكسر أو العملية ؛ فالتمارين بتساعد في تقوية الإحساس والحركة تاني.

6. بيحسن التوازن ويمنع السقوط ويمنع المضاعفات الناتجة

7. *بيأهكك لأنك ترجع لحياتك اليومية زي ما قلنا بشكل آمن وسريع *

وسواء عايز تمشي، تكتب، تشيل حاجة... إحنا بنجهز لك برنامج مخصوص على حسب حالتك.

⚠️ *نصيحة مهمة:*
ابدأ العلاج الطبيعي تحت إشراف الأخصائي من أول يوم بعد العملية ، وبمتابعة دكتور العظام وارشاداته حول بداية التحميل وغيرها ، وخليك عارف : إن كل كسر غير التاني، ومش كل حالة ينفع لها نفس الخطة العلاجية سواء الجراحية أو التأهيلية.

وتذكر دائما إن : صحّتك في حركتك، واحنا في *مركز دلتا للعلاج الطبيعي والتأهيل* معاك خطوة بخطوة 💪

📍العنوان: ٤٩ شارع أنور المفتي - خلف طيبة مول - أمام البنك الأهلي وساليه سوكريه

📞 للحجز أو الاستفسار:
01026313555 - 01126829720

📱 تابعونا دائما للمزيد من النصائح والتمارين التوعوية على صفحة مركز دلتا للعلاج الطبيعي وإعادة التأهيل

https://www.facebook.com/share/171UiX3Hyj/

16/08/2025

💡
علشان تحافظ على عمودك الفقري وصحتك بشكل عام، اتبع النصائح دي:

*✅ افعل:*
✔️ اجلس وظهرك مستقيم ومفرود وكتفك مرتاح
✔️ استخدم كرسي بدَعامة للظهر
✔️ خُد فواصل كل 30 دقيقة لو بتقعد لفترة طويلة بحيث ما تثبتش على وضع معين لمدة طويلة ، ولا حتى تعتاد على الثبات بوضع معين في كل جلوس أو نوم أو غيره
✔️ مارس تمارين تقوية العضلات وشد الجسم بانتظام

*❌ لا تفعل:*
✘ ما تقعدش بوضعية ظهر منحنٍ لفترة طويلة
✘ ما تشيلش حاجات تقيلة بطريقة خاطئة
✘ ما تهملش أي ألم لو استمر معاك أكتر من 3 أيام
✘ ما تنامش على مرتبة غير مريحة أو مخدة عالية جدًا أو منخفضة جدا

صحّتك في حركتك، واحنا في *مركز دلتا للعلاج الطبيعي والتأهيل* معاك خطوة بخطوة 💪

📞 للحجز أو الاستفسار:

01026313555

01126829720

📍العنوان:
٤٩ شارع أنور المفتي - خلف طيبة مول - أمام البنك الأهلي وساليه سوكريه

15/08/2025

من مركز دلتا للعلاج الطبيعي 🕌🌴

في يوم الجمعة، بنذكّركم إن الراحة مهمة، لكن الحركة كمان لا تقل أهمية عنها !

حافظ على صحتك .. وابدأ يومك بالدعاء والذكر والطاعة والعبادة والتبسم ، والاهتمام بجسمك وصحتك .

📍 مركز دلتا للعلاج الطبيعي والتأهيل بنقدم لك:
✅ جلسات علاج طبيعي متخصصة
✅ رعاية وتأهيل بعد الإصابات والعمليات
✅ تمارين تنشيط وتحسين الحركة

📌 العنوان: ٤٩ شارع أنور المفتي - خلف طيبة مول - أمام البنك الأهلي وحلواني ساليه سوكريه

🕐 المواعيد العمل : يوميًا من ١١ صباحًا لـ ١٠ مساءً
📞 للحجز أو الاستعلام :
01026313555
01126829720

📱 تابعونا لكل جديد ونصائح لصحة أفضل .. على صفحة مركز دلتا للعلاج الطبيعي وإعادة التأهيل
https://www.facebook.com/share/171UiX3Hyj/

12/08/2025

*تمرين بسيط بس فايدته كبيرة! 🦶💪*
لو بتقعد كتير أو لسة عامل/ة عملية ؛ فتمرين مضخة الكاحل (Ankle Pumps) هيساعدك جدًا !

*إزاي تعمل التمرين؟*

- اقعد أو نام وافرد رجليك
- حرّك أمشاط رجليك لفوق كأنك بتشد صوابعك على ناحيتك
- وبعدين حرّكهم لتحت كأنك بتشاور بأصابع رجليك على الأرض ،، ( وممكن طبعا تعمل التمرين لرجل واحدة حسب الحالة ، ولو كان عندك تورم أو تجمع سوائل لمف في القدم ؛ فالأفضل أنك تعمل التمرين من وضع الاستلقاء بحيث تكون رجليك مرفوعة بمستوى أعلى من بقية الجسم أو أعلى من مستوى القلب بأنك ترفعها على وسائد مثلا ) .
- كرر الحركة دي بالراحة كذا مرة وبكدا انت اتعلمت أفيد تمرين .

*ليه بقا التمرين ده مهم؟*
✅ لأنه بينشّط الدورة الدموية
✅ وبيقلل التورم وبيمنع التجلطات
✅ بيخفف تيبّس المفاصل
✅ وكمان مهم جدًا جدًا جدًا بعد العمليات أو لو أنك بتقعد أو بترقد فترات طويلة !

جربه كل يوم وعدة مرات خلال اليوم وخلي رجليك في حركة حتى وإنت ثابت بسبب وضعك الصحي مثلا !
------------☆☆☆☆------------

📍 *مركز دلتا للعلاج الطبيعي والتأهيل*
📌 *العنوان*: ٤٩ شارع أنور المفتي - خلف طيبة مول - أمام البنك الأهلي وحلواني ساليه سوكريه
🕐 *مواعيد العمل*:
يوميًا من ١١ صباحًا لـ ١٠ مساءً

📞 *للحجز أو الاستعلام*:

01026313555 - 01126829720

📱 تابعونا دائما للمزيد من النصائح والتمارين التوعوية على صفحة مركز دلتا للعلاج الطبيعي وإعادة التأهيل

https://www.facebook.com/share/171UiX3Hyj/