24/11/2022
ربنا سترها الحمد لله.
زميلي العزيز د. أحمد عبدالهادي ببشتغل حالة إستئصال لوزتين في مستشفي الأطفال التخصصي بعت التمريض ينادي لي أشوف معاه حاجة غريبة. اللوزة الشمال بتتحرك مع النبض طبعا صحينا الطفل وفهمنا والده إن ممكن يكون في شريان وراء اللوزة فمن الخطورة عمل العملية .اليوم ظهرت نتيجة الأشعة اللي طلبناها علشان نتأكد.الأشعة طلعت شريان ووريد حجمهم كبير وراء اللوزة الشمال فعلا زي ما توقعنا . قلت للأب إنت تحمد ربنا علي فضله .إبنك كان هيموت علي ترابيزة العمليات من النزيف لو كنا عملنا العملية.
صعب جدا قبل العملية نشوف النبض ده فمن لطف ربنا إن الزميل العزيز أخذ باله ودي حاجة صعبة وسط زحمة الشغل ولم يستكبر أن يأخذ رأيي ومن لطف ربنا أني قلت له نصحي الحالة ومش هنعمل العملية.
الأب إنسان محترم جدا ومتوكل علي الله جدا علشان كده ربنا سترها معاه ومعانا.
Dr haitham nasr
