AMG Group Pharmacies

11/04/2026

و الان موعدنا مع احدث صيحه في علاج آلام الالتهابات ... علاج الجديد مسكن لآلام الأعصاب

اخيرا حاجه تسكن الالم بجد " Mirogabilin " في علاج الام الاعصاب دواء حديث واعد و اخيرا وصل مصر 💓

ميروجابالين من الادويه الحديثه المستخدمه في علاج الام الاعتلال العصبي مثل التهاب الاعصاب السكري والام ما بعد الهربس والالم الناتج عن الانزلاق الغضروفي

◀️ طيب سؤال مهم ... هو ازاي بيشتغل ‼️⁉️
الاجابه بسيطه .. يعمل عن طريق الارتباط بـ α2δ subunit في voltage-gated calcium channels في الجهاز العصبي، مما يؤدي إلى:
- تقليل دخول الكالسيوم للنهايات العصبية
- تقليل إفراز النواقل العصبية المثيرة
- تقليل الإحساس بالألم العصبي

الميزة الأساسية أنه:
- يرتبط بقوة أكبر بالـ α2δ-1
- وينفصل أسرع من α2δ-2

طيب و دا معناه ايه يا دكتور 🤔🤔
ببساطه كده معناه :
• تأثير مسكن أقوى للألم
• أعراض جانبية أقل على المخ مثل الدوخة والنعاس لأن :
• α2δ-1 → مسؤول أساسا عن تسكين الالم
• α2δ-2 → مسؤول أكثر
عن الاعراض الجانبيه علي الجهاز العصبي مثل:
- الدوخة و النعاس

الفرق بين ميروجابالين (ميروكس)و بريجابالين(ليركا)
----------------------------------------------
كلا الدوائين يرتبطان بالوحدة الفرعية:
لكن ميروجابالين يرتبط بقوة أكبر بالـ α2δ-1 وينفصل أسرع من α2δ-2 و ده نظريا معناه :
• تأثير مسكن أقوى للألم ⬆️
• أعراض جانبية أقل على المخ مثل الدوخة والنعاس⬇️

اما بريجابالين (ليركا)
• يرتبط بـ α2δ-1 و α2δ-2
• مدة الارتباط متقاربة مع الاثنين و النتيجة مسكن جيد 🙄 لكن اعراض جانبيه كثيرة🫣🫣🫣

- ميروجابالين (ميروكس)غير مدرج كدواء ضمن جدول المخدرات وهي ميزه مهمه قد تسهل استخدامه في المرضي مقارنه ببريجابالين 👍🏼👍🏼

- ميروجابالين يمثل خيارا حديثا وواعدا في علاج الام الاعصاب👏🏼👏🏼

19/04/2022

لو حابه تشتري مزيل عرق وحيرانه🤷🏻‍♀️ البوست ده هينفعك

📌مقارنة بين Beesline-Uriage-starville

📌التلاتة مزيلين للعرق وبيساعدو على تفتيح الاندر ارم📌

〽️بيزلاين بيمنع ريحة العرق خالص بيخليكي تعرقي كمية اقل كمان وبيستمر فوق ال24 ساعة

🌀ستارڤيل في الصيف بتستمر 8 ساعات بالكتير اوي

✏️يورياچ بيستمر 48 ساعة وبنسبه ٨٥٪؜ كمية عرق اقل (مفيش ريحة عرق معاه على الاطلاق)

〽️بيزلاين ينفع جدا للناس شديدة التعرق

🌀ستارڤيل انا شايفه انه مينفعش للناس شديدة التعرق ( اخر اليوم بتعرقي عادي مع ريحة)

〽️بيزلاين لازم تستني بعد ما تحطيه بعدين تلبسي لأن قوامه كريمي بيحتاج وقت كبير علشان ينشف وإلا هيتمسح في الهدوم

✏️يورياچ كريمي بتستنى البشرة تمتصه

🌀ستارڤيل قوامه كريمي خفيف بيُمتص بسرعة فالبتالي تستعمليه وتلبسي على طول

📌ستارڤيل وبيزلاين ويورايچ التلاتة مش بيسببوا اي بقع على الهدوم السودا او البيضا

〽️بيزلاين البلية بتاعته ممتازة ومش بتعلق خالص

🌀ستارڤيل البلية بتاعته بتعلق شوية مش سريعة

✏️يورياچ عيبه البلية بتاعته بتعلق جدا( او يمكن بتاعتي كانت بايظه)

〽️بيزلاين مواده طبيعيه مش بيسد المسام ومش بيأثر عالغدد العرقية

🌀ستارڤيل فيه ڤيتامين E بس يُفضل ميستخدمش مباشرة بعد الاستحمام والشيفينج

🌀ستارفيل مينفعش بعد الليزر او الالتهاب

〽️بيزلاين روايحه قوية جدا مش هادية

✏️يورياچ ريحته كريمي هادية

🌀ستارڤيل روايح هادية مش نفاذة ولطيفة

〽️بيزلاين بيفتح مع الاستمرار مع روتين لوحده مش كفاية

🌀ستارڤيل حلو فالتفتيح بس لازم معاه روتين تفتيح لوحده مش كفايه

〽️بيزلاين بيرطب كويس جدااا

🌀ستارڤيل ترطبيه حلو لانه فيه بانثينول وجلسرين

✏️ترطيب يورياچ هايل وهو بيهدى الجلد اصلا

〽️بيزلاين مكتوب عليه hair delaying
يعني بيأخر نمو الشعر بس انا ملاحظتش كده

〽️بيزلاين بيخلص بسرعة

🌀ستارفيل بيستمر معاكي فترة

✏️يورايچ بيخلص بسرعة جداا

📌 التلاتة مش بيسببوا اي حكة او حساسية

سعر يورياچ 200L.E
سعر بيزلاين150L.E
سعر ستارفيل 90L.E

بالنسبالي✋🏻
احسنهم كمفعول Uriage
احسنهم مفعول وسعر وجودة Beesline
احسنهم تفتيح وسعر Starvile

14/10/2021

بمناسبة دخول المدارس احمي طفلك 🛡️
متوفر لدي مصل الانفلونزا 💉
💌أسأل عن أي شئ وأكسبنا صديق يكون جنبك في كل احتياجاتك
او حابب تسأل اكثر عن المصل 📲

🎯free delivery 🆓🆓
🥏واتساب ٢٤ ساعة ⏳⌛

☎️ 0453333300
📱 01018504286
📱 01220471740
📱 01003366958

06/09/2021

مساء الفل 💙💙
هشرح النهارده منتج عظيم جدا من شركه meditopic
جل التفتيح نانوميل جل
💙💙 nanomel gel 💙💙
بيتكون من ايه :-
1- a-MSH blocker
المنتح الوحيد الى بيحتوى على ماده تقدر توقف ال
Melanocyte stimulating hormone
وده هيخلى علاج مثالى لحالات النمش والكلف لانه وقف الهرمون الى بيبدا عمليه تصنيع الميلانين من الاول خالص 🤩🤩
2- kojic acid
بيوقف انزيم التيروسينيز وبكده بيوقف عمليه تصنيع الميلانين ونقدر ناخد تفتيح قوى منه خلال اسبوعين خصوصا مع اضافه ال glycolic acid 🥰
3- vitamin c
بيرطب وبيحفز افراز الكولاجين وبيدى نضاره وبيعمل تفتيح بسيط 💃🏻🤩
4- glycolic acid 8%
بيعمل تقشير بسيط للطبقه الخارجيه من الجلد وده بيساعد على ازاله البقه والتفتيح وتوحيد لون البشره 😍😍
🎈🎈🎈🎈🎈🎈🎈🎈
💙جل خفيف مناسب لكل انواع البشره خصوصا البشره الدهنيه والمختلطه
💙يستعمل مره مساء ويفضل استعماله على جلد نظيف دون استعمال تونر او اى غسول يحتوى على مقشر
💙ضرورى جدا استعمال صن بلوك عند الخروج فى الشمس
💙يفضل استعمل ترطيب مناسب بعده
💙مناسب للتفتيح وتوحيد لون البشره واثار الحبوب خصوصا الحديثه
💙امان على الحمل والرضاعه
🎈🎈🎈🎈🎈🎈🎈🎈
يارب اكون فيدتكم 🤩🥰
متنسوش تضبفوا اصحابكم على الجروب علشان الكل يستفيد

06/06/2021

مساء الخير 😁😂
💥الهالات الوراثيه مش بتتعالج محدش يضحك علينا
💥علامات التمدد بيضاء اللون مش بتتعالج
💥الشعر الى اتقصف خلاص مش بيتعالج لازم نقصه ونستعمل منتجات تحمى من التقصف مره تانى لكن الى اتكسر مش هيتصلح 🤣😁
💥مفيش منتج بيعالج تساقط وراثى وهينفع نوقفه طول ما الحاله وراثيه لازم نستمر مدى الحياه علشان كده الصلح الوراثى الحل الامثل ليه هو ال minoxidil
💥مفيش كريم هالات بيتحط فوق العين
💥مفيش زيوت بتتحط على الفروه
💥مفيش زيوت بتتحط فى محيط العين
💥مفيش غسول مناسب لمحيط العين لازم نغسل بمياه عاديه او ماء ميسلار
💥البشره الدهنيه بتحتاج مرطب عادى 😂 منصدقش حد يقول عكس كده مهما كان 💙💙
💥التقشير حول الفم متعب جدا وفى الاغلب بيجيب نتايج عكسيه ويسمر المنطقه دى 💔
💥بلاش الخلطات الطبيعيه و الماسكات الطبيعيه للوجه علشان فى الاغلب هتضر اكتر ما تفيد ده لو فادت اصلا 🥱
💥 بلاش جلسات تنضيف البشره وابر البثور و البخار علشان هتوسع المسام و هتزود تحسس البشره لكل حاجه وهتعمل التهابات تقلب بتصبغات ومش هتفيد فى الاخر ☠️
💥متنسوش تضيفوا اصحابكم على الجروب علشان الكل يستفيد 💙💙

23/05/2021

(1) السعال الجاف + العطس = تلوث الهواء

(2) السعال + المخاط + العطس + سيلان الأنف = نزلات البرد

(3) السعال + المخاط + العطس + سيلان الأنف + وجع الجسم + الضعف + الحمى الخفيفة = الانفلونزا

(4) السعال الجاف + العطس + آلام الجسم + الضعف + الحمى الشديدة + صعوبة التنفس =عدوي فيروس كورونا

قسم علم الأمراض AIIMS دلهي
مع الامنيات للجميع بالشفاء العاجل AMG group pharmacies

22/05/2021

17/05/2021

مساء الخير 😍
💥الوصايا الاربعون للعنايه بالشعر 🥳
💥فى الاول كده متنسوش تعملوا شير وتمنشنوا اصحابكم 💙
💥لو مش عندك وقت فاضى تقرا اعمل save واقراها بعدين
1-الشعر بيطول سنتى واحد او 1.25 سنتى خلال الشهر كله فمنصدقش اى اعلانات او اى ريفيوهات بتقول عكس كده 💪🏻
2-قص الشعر مش بيطوله للاسف و الفكر ده خاطىء
3-ممنوع استعمال الصابون للشعر
4- تدليك فروة الراس باطراف الاصابع مهم جدا جدا لتنشيط الدوره الدمويه فى الفروه وممكن نستغل النقطه دى واحنا بنغسل بالشامبو وندلك الفروه
5- الشامبو هدفه الاساسى ازاله الاتربه و الافرازات الدهنيه و التراكمات من اى منتجات بنستعملها للشعر
6- الشامبو بيستعمل للفروه فقط وبنحاول نبعده عن الشعر على قد ما نقدر
7-مهم جدا جدا جدا نستعمل بلسم بعد الشامبو علشان يرجع الشعر لطبيعته الحمضية وعلشان يرطب الشعر وبيقلل من الضرر الى الشعر بيواجهه اثناء التسريح و البلسم بنستعمله للشعر نفسه بعيد عن الفروه من نص الشعر لحد الاطراف و بيتشطف مش بيتساب على الشعر ويفضل منفضلش ندعك فى الشعر واحنا بنشطفه
8- الماسكات و حمام الكريم و السيرم بتتحط على الشعر فقط ونبعدها عن الفروه !
💥يمكن الماسك الوحيد الى ينفع نحطه على الفروه هو atrakta dandr - off mask وده هتكلم عنه فى بوست منفصل 💙
9-الشامبو الى فيه "سلفات" مناسب جدا للفروة الدهنية ومش صح اننا نستعمل شامبو خالى من السلفات لو الفروه دهنيه علشان بعد اسبوع او اتنين هنلاحظ ان الشامبو مش بينضف كويس وبدات الافرازات الدهنيه تزيد و بداء الشعر يلزق ، طيب حصل واشترينا شامبو خالى من السلفات هنستعمله عادى بس لازم نجيب شامبو فيه سلفات ونستعمله مرتين على الاقل فى الشهر
10- الفروة "الجافة او العادية" لازم نستعمل ليها شامبو خالى من السلفات علشان ميسببش جفاف الفروه ويزود الالتهابات
11- كل الصبغات الى فيها امونيا بتسبب جفاف الشعر و تزود التلف و التقصف فطبعا نفضل استخدام صبغات مفيهاش امونييا زى loreal casting و loreal pro di gy
12-السيشوار و البيبى ليس من اكتر اسباب التلف و التقصف بسبب الحراره الى بتنتج منهم
13- بعض انواع السيرم بتحمى بشكل جزئى من حراره السيشوار زى
gk serum او treato serum او argan gold serum
14-الشامبوهات الطبيه للاسف ولا بتنضف الفروه ولا بتفيد الشعر او تاثيرها بيكون ضعيف جدا بشكل ادق لان الشعر مش بيلحق يستفيد من المواد الموجوده فى الشامبو فعلشان كده بقول بنفضل دايما فى علاج التساقط اننا نستعمل سبراى او لوسيون او امبولات مش شامبو
15- الشامبو العادى بنستعمله من مرتين ل ثلاث مرات فى الاسبوع وبنستعمل بعده بلسم
16- البيوتين ملوش اى فايده للشعر او مفيش اى دراسه تثبت فعاليته فى علاج التساقط او زياده طول الشعر
17- الجاز الابيض بيضر جدا وملوش اى فايده 😂نبطل هبد
18- كلاكيت تانى مره الشامبو للفروه فقط 🥱 ممكن يجى على الشعر اثناء الشطف فقط لثوانى قليله
19-المياه المقطره ومياه الفلتر افضل من المياه العاديه فى غسيل الشعر
20-شد الشعر و ديل الحصان من اكتر اسباب التساقط 💔
21- البيوتين ملوش لازمه 🤣
22-العلاج الوحيد للصلع الوراثى هو ال minoxidil المنوكسيديل و ده استعمال مدى الحياه اول ما هنوقفه هيحصل تساقط شديد جدا
23-اسطوره اننا لما نوقف المنوكسيديل بشكل تدريجى الشعر مش هيتساقط خاطئه تماما
24-نغسل الشعر بمياه فاتره مش سخنه او دافيه
25-نتجنب تماما نسرح السعر وهو مبلول علشان هيزود التقصف و التلف جدا
26-نستخدم فوطه ميكروفايبر او قطن بلاش الفوط العاديه علشان هتسبب هيشان للشعر
27-الزيوت بتتحط على الشعر مش على الفروه
28- بلاش نستعمل مشط بلاستيك علشان هيزود العيشان نستعمل مشط خشب واسع وممكن نستعمل leave in قبل التسريح
29- السيليكون مش ضار فى البلسم طول ما هنستعمل البلسم صح ويكون للشعر فقط ويفضل الناس الى بتستعمل بلسم فيه سيليكون يكون الشامبو فيه سلفات
30-الترطيب الدائم سواء بلسم او leave in او حمام كريم حل سحرى لعلاج التلف و التقصف
31-المنتجات الى بتتحط على الفروه ممكن تساعد على ملىء الفراغات وزياده طول الشعر و المنتجات الى بتتحط على الشعر بتساعد فى علاج التقصف و التلف 😊
32-قبل بدايه اى كورس لعلاج الشعر لازم نتاكد ان مفيش انيميا ولو فى انيميا لازم نعالجها قبل بدايه العلاج عن طريق استخدام كبسولات hiheam لمده ٣ شهور وبعدين نتاكد تانى من التحليل
33- لو فى لخبطه هرمونات لازم نرجع لطبيب ونتابع معاه قبل ما نشترى منتجات العنايه بالشعر
34- فيتامين د فى اختلافات كتير بالنسبه انه بياثر على تساقط الشعر او لا
35-لو حابين نزود طول الشعر ونملى الفراغات لازم ندور على منتجات فيها كافييين علشان نحسن الدوره الدمويه للفروه ونودى دم كتير رايح مليان بالفيتامينات ليها
زى
💥strongville
💥alokieta
💥alpecin
طبعا انا بفضل اى منتج يكون فيه كافيين خصوصا لو سبراى او لوشن للفروه ، نخلى بابنا المنتجات دى بتنشف الشعر فا مننساش الترطيب بشكل دايم
36- مش لازم ندفع فلوس كتير فى البلسم اهم حاجه اننا نستعمل بلسم
37- افضل فيتامينات الشعر من وجهه نظرى
💥Perfectil original
💥Nutrion for your hair
💥Hipotency
38-كبسولات الاوميجا ٣ بتساعد على ترطيب الشعر وبتقلل هيشانه و بناخدها عن طريق الفم مش ماسك
39- كل الفيتامينات الاقراص بتاثر على شعر الجسم مفيش نوع معين لشعر الراس فقط
40- قص الشعر مش بيحفز نمو الشعر للاسف 💔
🎈🎈🎈🎈🎈🎈🎈🎈
💥كده خلصنا ال ٤٠ نقطه 💙 اى حد حابب يتناقش فى نقطه فيهن او حابب يزود حاجه او مختلف على نقطه يقولى فى الكومنتات
💥اعملوا منشن لاصحابكم وشيروا البوست علشان الكل يستفيد
💥

11/05/2021

كل عام و انتم بخير❤❤🌹🌹
عيد فطر مبارك عليكم 🕌🕌🌜🌜❤❤🌹🌹
بمناسبة العيد حابب اكلمكم عن مستحضر رائع جداً جداً جداً
💙starville facial cleanser gel💙
بيتكون من ايه
1-tea tree oil 💗
ممتاز جدا جدا فى علاج حب الشباب بيقلل الافرازات الدهنيه بالاضافه انه مضاد قوى للبكتيريا
2-sulfur
بيعمل تقشير خفيف للبشره وبالتالى بيشيل الخلايا الميته و بيقلل حب الشباب 💃🏻💃🏻
3-salicylic acid
بيعمل تقشير خفيف بيساعد على ازاله الحبوب الى تحت الجلد و ازاله البثور السودا 🥰
4-panthenol
مرطب قوى علشان يمنع الجفاف الى بيسببه اغلب انواع الغسول 💗💗💗
5-licorice extract
بيساعد على تفتيح البشره و ازاله البقع 🥳🥳🥳🥳
💙💙💙💙💙💙💙
نستخدمه فى ايه :- 🤔
1-بيساعد على تنظيم افراز الدهون و تنظيف البشره من الدهون و الاتربه و الشوائب 💪🏻
2-بيقلل من ظهور حب الشباب 💗
3-بيقلل البثور السوداء 🥵
4-بيساعد على تفتيح البشره و ازاله البقع لاحتوائه على مستخلص العرقسوس 🎁🎁
5- بيدى نضاره للجلد لاحتوائه على العديد من المرطبات
6-مزيل ممتاز للمكياج 💙💙
💥يستعمل مرتين يوميا
💥متنسوش تعملوا فولو follow للصفحه الشخصيه بتاعتى 💙💙
🎈🎈🎈🎈🎈🎈🎈

25/04/2021

مساء الخير
طبعاً كل سنة و انتم طيبين 😍
داخلين علي فترة اعياد و كل بنت او ست تحب تهتم بنفسها و تظهر جمالها🌹🌹❤❤
هنتكلم عن كريم عظيم جدا جدا وهو
💙💙Acretin💙💙
لعلاج حب الشباب و اثار حب الشباب
و ده بيتكون من
Tretinion
ودى من مشتقات فيتامين A 😍
💥طيب بيشتغل ازاى بيزود معدل تجديد الخلايا من خلال عمليه التقشير
💥موجود فى تركيزين 025. و 5.
💥ممنوع للحوامل و المرضعات
💥بنستعمله ليلا فقط فى غياب الاضاءه او ضوء خافت لكن ادابلين ينفع فى الضوء عادى
💥بيزود تحسس الجلد شويه فى الاول فلو بنخرج كتير فى الشمس يفضل استعمال صن بلوك مناسب
💥لازم لازم بعد ما نغسل الكريم نحط مرطب بعده
💥طيب ممكن نستعمله فى ايه :-
💙تجديد خلايا البشره لازاله التصبغات وعلامات واثار الحبوب
💙ممكن نستعمله للجسم لعلاج جلد الوزه
💙تفتيح الركب و الاكواع بس يفضل كريم ترطيب وتفتيح بعده

💙علاج التجاعيد و النضاره وده موضوعنا النهارده 💃🏻💃🏻💃🏻
💗الكريم العظيم بتاعنا بيزود افراز الكولاجين الى بيزود نضاره البشره و بيقلل التجاعيد و الخطوط
طيب هنستعمله ازاى :-
بنستعمل تركيز الربع مره او اتنين فى الاسبوع لمده نص ساعه او ساعه ونغسله ونحط مرطب لمده اسبوعين💥 وبعدين نبدله بتركيز النص بعد اول اسبوعين ما يخلصوا وبردو لمده نص ساعه او ساعه ونغسله ونحط مرطب 💙 بالطريقه دى هنعمل تجديد بسيط لخلايا البشره وتقشير بسيط جدا يساعد على اخفاء البقع و الحبوب و الاثار القديمه النتيجه بطيئه شويه لكن امان جدا ومضمونه
هنزود افراز الكولاجين فهنحافظ على النضاره و هنمنع ظهور التجاعيد 💃🏻💃🏻💃🏻💃🏻💃🏻
💥ملحوظه بس الاكريتين ممكن يطلع حبوب خفيفه فى بدايه فتره استعماله مع بعض الناس لكن بتروح لوحديها ومبتظهرش بعد كده
💥نلتزم بالطريقه الى قولت عليها علشان التقشير ميزدش ويعمل مشاكل

💥بفضل استعمال اى كريم تقشير بشكل دايم مره او اتنين فى الاسبوع بس لمده نص ساعه فقط ونغسل ونحط مرطب
💥يفضل نبعد كريمات التقشير عن منطقه تحت العين او حوالين العين ونبعده او نحط منه طبقه خفيفه جدا حوالين الفم علشان المنطقه دى مش بتستحمل التقشير ولو زاد فيها بيقلب بالتهاب يقلب بعدها باسمرار
💙يارب اكون فيدتكم لو حد عنده اسئله يسال فى الكومنتات
💙متنسوش تضيفوا اصحابكم على الجروب علشان الكلل يستفيد💗💗

08/04/2021

يوم التراب والتقلبات الجوية هو أسوأ يوم لأصحاب الجيوب الأنفية ولو تعرف حد منهم انصحه ببخاخ "سينومارين" للوقاية ولعلاج أعراض الجيوب الأنفية، لأنها ماء بحر طبيعي ١٠٠٪؜ من مياه خليج كانكال وهي أنقى المياه البحرية في العالم ومش بتحتوي على الكورتيزون.

أعرف كل جديد عن الأدوية وأهم النصائح الطبية من خلال صفحتنا

25/03/2021

عرض كبير علي كل منتجات هارڤي للعناية بالبشرة فقط من صيدلية دكتور محمد عبد البارى(AMG GROUP)🆕️
خصم ١٠ ٪ علي المجموعة الكاملة من هارڤي لافضل عناية لجسمك و بشرتك 🧖‍♀️
(الصابونة+ كريم + لوشن + سبراي )
كلمينا دلوقتي والحقي العرض قبل نفاذ الكمية📱
ومتنسيش تسألي عن كود العميل المميز💯
للتواصل:
☎️ 045/3333300
📱 01018504286
📱 01220471740
📱 01003366958

🏪 العنوان : المدينة الصناعية خلف مدرسة صلاح الدين بجوار البان عودة و بجوار سورس نت..

🛵 التوصيل مجانا 💥💥💥