Dr. Yossra Khalil Ob/gyn Clinic - عيادة د. يسرا خليل لأمراض النساء والتوليد

27/06/2023

عيد أضحى مبارك عليكم جميعاً 🐏♥️
أعاده الله علينا بالخير واليمن والبركات 🎀

بدأت اليوم أجازة عيد الأضحى لنستنأنف العمل بالعيادة الأحد ٩-٧ 🎉🎉

🗓 الأحد - الثلاثاء - الخميس من الساعة 🕓 ٤ إلى ٦🕕
📌 العنوان: سنهور - أمام الوحدة الصحية
☎️ للحجز والاستفسار: 01156883502

15/06/2023

اللحظة الأجمل على الإطلاق ♥️♥️♥️ هي ولحظة ظهور نبض الجنين على السونار 🥰🥰🥰

يااا رب انفعنا بما علمتنا وانفع بنا وزدنا علماً وتوفيقاً 🤲🤲🤲

01/06/2023

EFRE 2023 🎉
نعتذر عن التواجد اليوم بالعيادة لكي نأتيكم بكل ما هو جديد في عالم الخصوبة وتأخر الإنجاب والحقن المجهري ♥️

مباشرةً من المؤتمر الدولي الثالث للمؤسسة المصرية لطب التكاثر وعلوم الأجنة EFRE International conference 🥰

09/04/2023

🔥
مقاومة الإنسولين ومتلازمة تكيس المبايض 🤔

هل ليهم علاقة ببعض وإيه علاقتهم بمرض السكر؟

ده اللي حنعرفه في حلقة النهاردة، استكمالاً للحلقة اللي فاتت ♥️

في الحقيقة إن آخر دراسات اتعملت في الموضوع ده لقوا إن مقاومة الإنسولين موجودة في حوالي ٨٠% من حالات متلازمة تكيس المبايض 🔄 بغض النظر عن الوزن وهل في سمنة أو لأ 🤷‍♀️ ولكنها بتزيد بزيادة الوزن ⚠️

مقاومة الإنسولين مشكلتها في الآتي:
بتزود من احتمالية الإصابة بمرض السكر، والقلب والأوعية وانعدام التبويض 🚫

صحيح مش حنقدر نغير حقيقة إن متلازمة تكيس المبايض أحد مضاعفاتها مرض السكر،

لكن الخبر الجميل 👈 إن نظام الحياة الصحي على الدوام والمحافظة على معدل كتلة الجسم تحت ٢٥ كجم/م٢ بيأخر حدوث المضاعفات ومش بس كده، ممكن يمنع ظهور السكر تماماً ✅️✅️

تابعي كمان الحلقات اللي فاتت من "ماتغلطيش غلطتي" كل حلقة معلومة جديدة بنصححها سوا 🥰💡🔎

🌙 وكل سنة وإنتو جميعاً طيبين 🌙
👩‍⚕️ د. يسرا خليل
أخصائي النساء والتوليد وعلاج العقم
ماجستير التوليد وأمراض النساء

📌 سنهور - أمام الوحدة الصحية
🗓 الأحد - الثلاثاء - الخميس من الساعة ٢ 🕑 إلى الساعة ٤ 🕓
☎️ احجزي على: 01156883502

🚺♥️

07/04/2023

آخر ساعة من نهار الجمعة أرجى وقت لإجابة الدعاء ♥️

يا رب أعن كلِّ ذاتِ حملٍ، وهوّن عليها، وارزقها لذة احتضان طفلها على خيرٍ 🤱😍

اللهم وازرع في رحم كل من تاق قلبها إلى الذريةِ جنيناً سليماً معافىً ♥️

ربنا هب لنا من أزواجنا وذرياتنا قرةَ أعين واجعلنا للمتقين إماما 🤲

وصلِّ اللهم وسلم وبارك على نبينا محمد وعلى آله وصحبه وسلم تسليماً كثيراً 🎀

06/04/2023

لما تبقي حامل ومستنية تعرفي نوع الجنين بفارغ الصبر 🥰🥰😍😍👶🏻
الجنين: 👇 😂😂😂😂

06/04/2023

🔥
شكوتها كانت عندي تكيسات على المبيض اليمين بس مش كبيرة، هي ممكن تمنع الحمل؟ 🤔

الإجابة والصح 👈 إن كلمة "تكيسات" دي كلمة مبهمة، وفي الحقيقة إحنا عندنا في النسا حاجة من اتنين: 👇
1️⃣ كيس أوأكياس متعددة على المبيض، بيكون حجم الكيس حوالي ٣ سم فيما فوق، وممكن تبقى على مبيض واحد أو الاتنين، وليها أنواع كتير وفيه أنواع ممكن يحصل حمل عليها.

أو:

2️⃣ متلازمة تكيس المبايض، وده موضوع مختلف تماماً وهو ده اللي حنتكلم فيه النهاردة 🌹

إيه الأعراض اللي بتساعدنا في تشخيص متلازمة تكيس المبايض:

1. عدم انتظام الدورة الشهرية.
2. نمو زائد للشعر في أماكن غير مرغوبة.

وعشان نشخص صح لازم ٣ حاجات:
تاريخ مرضي ➕️ تحاليل ➕️ آشعة موجات فوق صوتية ✅️📷

والمبيض هنا ممكن يظهر أكبر من حجمه الطبيعي أوعدد البويضات فيه كتير أكتر من ١٢ وكلها حجمها صغير أقل من ١ سم، ومن هنا جا لفظ (تكيسات)

بيحصل معاه حمل ولا لأ؟🤔
على حسب درجة ونوع المتلازمة اللي بتنقسم إلى ٤ أنواع لكن بنسبة كبيرة مش بيحصل تبويض، نوع واحد فقط اللي بيحصل معاه تبويض وممكن يحصل حمل بشكل طبيعي وبدون تنشيط🤰

طيب إيه علاجه؟
١.خط العلاج الأول هو: ((نظام غذائي صحي + ممارسة الرياضة))
وده يبقى نظام الحياة على الدوام ♥️
➕️إنقاص الوزن الزائد للجسم لو معدل كتلة الجسم فوق ال ٢٥ كجم/م٢
لدرجة إن فيه حالات لما تبدأ تخس ٥% بتتحسن مقاومة الإنسولين عندها وبتنخفض نسبة هرمونات الذكورة 🎀

أما الحالات اللي وزنها طبيعي تحت ٢٥ كجم/م٢ تمشي برضو على نظام صحي عشان تحافظ على وزنها من الزيادة ✅️ 💯

وهو ده خط الدفاع الأول 🥇 ضد المضاعفات المصاحبة لمتلازمة تكيس المبايض وارتباطها الوثيق بمقاومة الإنسولين، وده موضوع حلقتنا الجاية 🔥

٢. تناول أقراص البروجيستيرون لمدة لا تقل عن ١٢ يوم وده في حالة تأخر الدورة الشهرية لمدة ٣ أشهر؛ للوقاية من تأثير ارتفاع الإستروجين المتواصل واللي بيسبب زيادة سمك بطانة الرحم.

٣. أدوية تحسين مقاومة الإنسولين زي السيدوفاج ممكن تساعد على إنقاص الوزن وتحسين مقاومة الإنسولين وخفض هرمونات الذكورة، ولكن غير مصدّق عليه طبقاً للكلية الملكية في إنجلترا.

٤. بالنسبة لأدوية التخسيس: الكلية الملكية للنساء والتوليد في إنجلترا بتقول إنها ممكن تساعد على إنقاص الوزن وخفض هرمونات الذكورة وتحسين مقاومة الإنسولين لكن تحت إشراف إخصائي التغذية العلاجية.

٥.الأدوية الخافضة للكوليسترول بتساعد على خفض هرمونات الذكورة ولكن لا يتم صرفها إلا عند احتياجها وذلك من قبل إخصائي الباطنة.

٦. في حالة انعدام التبويض أوتأخر الحمل مع خط الدفاع الأول فوق 👆 بنلجأ للتنشيط.

٧. في حالة الشعر الزائد طبعاً أول حاجة نعملها هي خط الدفاع الأول اللي اتكلمنا عنه فوق 👆
ثم بعد كده العلاجات اللي بتقلل نمو الشعر سواء أقراص أوكريمات أوليزر ✅️

قياس الضغط مهم في أول زيارة بيتم فيها التشخيص، وكذلك نسبة الدهون في الدم، وقياس منحنى السكر،
مع متابعة الوزن ومحيط البطن بشكل دوري.

تابعوا الحلقة الجاية عن مضاعفات متلازمة تكيس المبايض وعلاقتها بمقاومة الإنسولين 👌

تابعي كمان الحلقات اللي فاتت من "ماتغلطيش غلطتي" كل حلقة معلومة جديدة بنصححها سوا 🥰💡🔎

🌙 وكل سنة وإنتو جميعاً طيبين 🌙
👩‍⚕️ د. يسرا خليل
أخصائي النساء والتوليد وعلاج العقم
ماجستير التوليد وأمراض النساء

📌 سنهور - أمام الوحدة الصحية
🗓 الأحد - الثلاثاء - الخميس من الساعة ٢ 🕑 إلى الساعة ٤ 🕓
☎️ احجزي على: 01156883502

🚺♥️

05/04/2023

🔥
قالتلي ما أخدتش تطعيم الأنفلونزا وأنا حامل حالياً 🤰هل مسموح ليا آخده؟🤔 والصح آخده إمتى؟ 📆

الصح 👈 حسب توصيات مركز السيطرة على الأمراض الأمريكي CDC لكل حامل تاخد مصل الأنفلونزا خصوصاً في شهر سبتمبر وأكتوبر، وممكن تاخده في يوليو أوأغسطس لو صادفوا ال٣ شهور الأخيرة من الحمل، وكذلك ممكن تاخده طول فترة الخريف والشتاء 🌧☔️

وسبب التوصية بتلقي لقاح الأنفلونزا الموسمية هو تغير الجهاز المناعي أثناء الحمل🌀 وتغيرات بتحصل داخل القلب🫀 والرئة 🫁 بتخلي السيدة الحامل عرضة أكتر لمضاعفات الأنفلونزا على الجهاز التنفسي زي الالتهاب الرئوي والفشل التنفسي، والحاجة إلى العناية المركزة 🏨🥲

كمان تطعيم الأنفلونزا بيحمي الجنين من الأنفلونزا ومخاطرها لمدة شهور بعد ولادته بيكون لسة مش مسموح للنونو ياخد التطعيم 👶🏻♥️

طبعاً الحامل بتاخد نوع لقاح الأنفلونزا المصنوع من فيروس ميّت "غير نشط" وعلى هيئة حقن flu shot 💉 ✅️ وليس على هيئة بخاخ الأنف ❌️

النوعين دول من اللقاح هما المتوفرين في مصر في أغلب الوقت ومناسبين أثناء الحمل:
1️⃣ Influvac tetra هولندي
2️⃣ Vaxigrip tetra فرنسي

الجرعة: عضل مرة واحدة أثناء الحمل، يُفضل بعد بداية الشهر الرابع ✅️

الموانع ⚠️ : في حالة وجود حساسية من اللقاح أومكوناته أوحساسية متوسطة وشديدة من البيض🥚 ❌️

🌸🌸🌸🌸🌸🌸

تابعي كمان الحلقات اللي فاتت من "ماتغلطيش غلطتي" كل حلقة معلومة جديدة بنصححها سوا 🥰💡🔎

🌙 وكل سنة وإنتو جميعاً طيبين 🌙
👩‍⚕️ د. يسرا خليل
أخصائي النساء والتوليد وعلاج العقم
ماجستير التوليد وأمراض النساء

📌 سنهور - أمام الوحدة الصحية
🗓 الأحد - الثلاثاء - الخميس من الساعة ٢ 🕑 إلى الساعة ٤ 🕓
☎️ احجزي على: 01156883502

🚺♥️

04/04/2023

حالتي النهاردة ما أخدتش حقنة تطعيم التيتانوس أثناء الحمل 🤔 وبتسألني إيه الصح؟ هل لازم تاخدها؟ وكل حمل؟ وإمتى التوقيت الأمثل؟! 📆

الصح 👈 توصيات الكلية الأمريكية للنساء والتوليد ACOG و مركز السيطرة على الأمراض CDC بتقول:
إن ضروري [[كل حامل]] تاخد [[كل حمل]] التطعيم الثلاثي ل(التيتانوس، الدفتيريا، السعال الديكي) Tdap-vaccine
ما بين الاسبوع ٢٧ ل ٣٦ من الحمل، يعني بدايةً من الشهر السابع 7️⃣

وده مش خوفاً من التيتانوس بس ‼️ 👀
ولكن الأهم عشان نوصّل للجنين الأجسام المضادة الكافية ضد السعال الديكي بالذات 💪 وبالتالي بنقلل من احتمالية احتياجه للحجز في الحضّانة، ونعزز جهازه المناعي لحد معاد تطعيم الجنين شخصياً 👶🏻 بعد ما يتولد على عمر شهرين 🤱 ♥️

ناخد بالنا بقى من اللي جاي 🔔
لو السيدة الحامل ماكنتش أخدت قبل كده مجموعة التطعيم الأولية كاملة من التطعيم الثلاثي ده، أوأخدتها من غير ما تاخد جرعة معززة بعد مرور ١٠ سنين من مجموعة التطعيم الأولية:
يبقى لازم تكرر نفس الجرعة بعد شهر، ثم جرعة تالتة بعد ٦ ل ١٢ شهر... (((الجرعتين التانية والتالتة ممكن تاخد تطعيم تيتانوس + دفتيريا فقط من غير السعال الديكي)))
➕️ جرعة معززة كل ١٠ سنين ✅️

تابعي الحلقة الجاية عن مصل الأنفلونزا والحمل 😷🤰

تابعي كمان الحلقات اللي فاتت من "ماتغلطيش غلطتي"، كل حلقة معلومة جديدة بنصححها سوا 🥰💡🔎

🌙 وكل سنة وإنتو جميعاً طيبين 🌙
👩‍⚕️ د. يسرا خليل
أخصائي النساء والتوليد وعلاج العقم
ماجستير التوليد وأمراض النساء

📌 سنهور - أمام الوحدة الصحية
🗓 الأحد - الثلاثاء - الخميس من الساعة ٢ 🕑 إلى الساعة ٤ 🕓
☎️ احجزي على: 01156883502

🚺♥️

03/04/2023

⛔️
حالتي حبيبتي النهاردة كانت معتقدة إنها في كل الأحوال لازم وزنها يزيد ١٢ كيلو خلال الحمل 👀 فماقصرتش أبداً ومقضياها أكل وشرب طول الليل والنهار🍗🍠🍟🍳🍚🍝

الصح 👈 إن معدل زيادة الوزن في الحمل مرتبط بوزن المامي قبل الحمل مباشرةً حسب معدل كتلة الجسم بتاعها 👌

1️⃣ يعني لو المعدل فوق ال٣٠ كده الحالة دخلت في مرحلة السمنة وماينفعش تزيد أكتر من ٧ كيلو توتال خلال رحلة حملها كله 🤰⛔️

2️⃣️ طيب لو عندها شوية وزن زايد والمعدل بين ٢٥ و ٣٠، زيادة وزنها المطلوبة من ٧ ل ١١.٥كيلو ✅️

3️⃣ أما لو الوزن طبيعي والمعدل من ١٩.٨ ل ٢٥ ، مطلوب تزيد من ١١.٥ ل ١٦ كيلو ☑️

4️⃣ لو بقى بتعاني من النحافة مطلوب تزيد من ١٢.٥ ل ١٨ كيلو ✔️

طبعاً سواء السمنة وكتر الأكل أو النحافة وسوء التغذية كل حاجة ليها مشاكلها وحنتكلم عنها إن شاء الله في بوستات منفصلة ♥️

تابعي الحلقات الجاية من "ماتغلطيش غلطتي" وكل حلقة معلومة جديدة بنصححها سوا 🥰💡🔎

🌙 وكل سنة وإنتو جميعاً طيبين 🌙
👩‍⚕️ د. يسرا خليل
أخصائي النساء والتوليد وعلاج العقم
ماجستير التوليد وأمراض النساء

📌 سنهور - أمام الوحدة الصحية
🗓 الأحد - الثلاثاء - الخميس من الساعة ٢ 🕑 إلى الساعة ٤ 🕓
☎️ احجزي على: 01156883502

🚺♥️

02/04/2023

بنتنا كبرت واتجوزت وحتبقى مامي قريب ♥️🌹
هي للدكتورة وهي بتكتبلها الروشتة: 👇

02/04/2023

عند وعدنا ليكي ♥️🌹 🥰

🌙✨️مفاجآت شهر رمضان المبارك 🌙✨️
💥💥خصم ٤٠% على الكشف كل يوم ثلاثاء من شهر رمضان💥💥

وأي حامل حتبدأ متابعة لأول مرة معانا في رمضان حيكون ليها خصم خاص في الولادة + حقنة TAP block + ديكور غرفة الولادة مجاناً 🎀

+ خصم ٥٠% على تركيب اللولب وخلعه وخلع الكبسولة كل يوم ثلاثاء من الشهر الكريم 🎁

لايك وشير على أوسع نطاق 📣 عشان يوصل لأكبر عدد والكل يستفيد 🤰♥️

لو عندك سؤال أواستفسار اكتبي لنا في الكومنتات✏️ أوابعتيلنا على رسائل الصفحة 📩

اقري البوستات الأخرى المتعلقة بالصيام والحمل من هنا 🤰:
🔖إرشادات الصيام أثناء الحمل المستقر:
https://bit.ly/3TXJ91D
🔖٦ حالات تكسري فيها صيامك لو حسيتي بيها أثناء الحمل:
https://bit.ly/42yjJeJ

🔖 ١٤ حالة لو إنتي منهم وحامل ليكي رخصة تفطري:
https://bit.ly/3z5FiWp

🌙 وكل سنة وإنتو جميعاً طيبين 🌙
👩‍⚕️ د. يسرا خليل
أخصائي النساء والتوليد وعلاج العقم
ماجستير التوليد وأمراض النساء

📌 سنهور - أمام الوحدة الصحية
🗓 الأحد - الثلاثاء - الخميس من الساعة ٢ 🕑 إلى الساعة ٤ 🕓
☎️ احجزي على: 01156883502