05/11/2022
📍العصب حاجه مهمه في حياه الضرس لانه المسؤول عن التغذيه والاحساس بتاعه.
طاب اي الي هيحصل لو التسوس وصل للعصب؟!
اولا: الوجع هيزيد بالليل وقت النوم وممكن يصحيك من النوم لان البكتريا بتزيد وبتنشط وقت النوم اكتر
ايه كمان ممكن يحصل؟
هتلاقي وجع شديد في الضرس مع المشروبات الساقعه والسخنه.
طب هل لازم يكون في وجع في الضرس عشان نقول انه محتاج حشو عصب ؟!
الحقيقه انه في اوقات كتير بنكون سيبنا الضرس لحد ما العصب يتحلل ويموت وبتكون البكتريا ماليا الضرس وبتلعب براحتها فيه وفي الحاله دي مبنحسش بالضرس غير لما البكتريا تعمل خراج وتبدا تاكل في الضرس لحد ما يتكسر.
📍هنا نيجي للسؤال الاهم هل حشو العصب هيتعبني وهحس بوجع وهتكون جلسات كتير وهيقع في الاخر ؟!
الحقيقه ان دلوقتي حشو العصب اتغير خالص عن زمان
يعني دلوقتي بقا عندنا جهاز جميل اسمه (rotary endo motor)
وده جهاز جميل بيساعدنا اننا ننظف العصب ونقضي على البكتريا اللي فيه كلها فاسرع وقت واحسن نتيجه
وعندنا كمان اجهزة تانيه حديثه ودقيقه جدا تساعدنا نحشيلك العصب فاقل وقت واحسن نتيجه ويكون الحشو ممتاز جدا وزي الحديد
ونبقا انقذنا ضرسنا وناكل عليه من غير ماتخسر ضرسك
دلوقتي تقدر تسال على حشو العصب واي خدمات تخصص الأسنان والحفاظ عليها
