El Zhour center - الزهور سنتر

17/01/2026

التاهيل الصح بيصنع الفرق

07/08/2024

10/03/2024

كل سنه وانتم طيبين.رمضان كريم

26/09/2023

الف مليون مبروك ي دكتورتنا ودائما في تفوق ونجاح♥️🔥😍

26/07/2023

The 25 Minutes cryo kinetics bath regime

هنتكلم النهارده عن طريقه مهمه جدا بنستخدمها في حالات ال acute ankle sprain عشان نسرع من الاستشفاء و نعمل ال early weight bearing اللي بيكون مطلوب في حالات ال ankle sprain

في البدايه لما اي اصابه بتحصل ف اي مفصل ف الجسم مستقبلات الالم ف الجسم (pain receptors ) بتشتغل و بتعمل mechanism عشان تحمي المفصل او المنطقة المصابه منا انها تتحرك ف الاصابه تتضاعف ف هنلاقي ان الشخص بيكون stiff و بيثبت المفصل عن اي حركه تسببله الم

و دي حاجه احنا مبنفضلهاش خصوصا مع مفصل الانكل لانه مليان proprioception ( مستقبلات حسيه ) و اللي لازم نهتم بيها عشان العيان ميدخل ف chronic ankle instability

ف يجي هنا دور ال cryo kinetic bath و اللي هنا بيشتغل على تخدير و تقليل الالم في المنطقه المصابه
وده بيعمل ع تقليل المؤثرات العصبيه اللي رايحه للمخ و بيوصل للمخ ان المنطقه دي بقت تمام ف بالتالي اقدر اعمل ال early weight bearing اللي انا محتاجه ف اول يومين من الاصابه
بنجيب ice box زي اللي في الصوره كده و بنملى فيه مايه و بنحط تلج بحيث يكون درجه الحراره من 12 ل 15 درجه و بعد كده بنسيب رجل المريض فيه 10 دقايق لحد ما يحصل تخدير للمنطقه المصابه بعد كده نخلي ال patient يعمل تمارين خفيفه زي انه يعمل mini squat خفيف و رجله ف ال ice box و يريح دقيقتين و يعمل تمرين تاني و اخليه يعمل toe raises و رجله ف ال box مره و مره رجله بره ال box و يرجع يسيب رجله دقيقتين ف المايه لحد ما ال 25 دقيقه يخلصو و هنا بنكون خدعنا المخ و عملنا early movement و early weight bearing و سرعنا من عمليه ال recovery فبالتالي هنحسن ال proprioception و هنقلل من حدوث ال chronic ankle instability

بنعمل ال ex ده ف خلال اول اسبوع من الاصابه من مرتين ل ٣ مرات ف اليوم

28/06/2023

كل عام وانتم بخير

19/06/2023

زي ما عرفنا ف البوست اللي فات ان السبب الاساسي و الابرز لحدوث الشرخ الاجهادي ف العضم (BSI ) هو ان يكون محطوط load زياده عن اللي يقدر العضم يتحمله ف النهارده هنعرف مع بعض ايه الاسباب اللي ممكن تخلي ال load زياده و ازاي نقدر نتجنبها و نحلها عشان نتفادى الاصابه

1 - biomechanical factor
و اللي من وجهه نظري انه مش بيتبصله كتير ف ال assesment و بيحصله تجاهل رغم انه بنسبه كبيره بيكون الحل ف اننا بنص ع ال bio mechanics بتاعت المريض ( لان لو فيه malalignment بسبب mechanical faulty ف هتخلي ال normal force اللي واقعه ع العضم ل abnormal load يعني القوه الطبيعه هتتحول ل حمل غير طبيعي ) ف هنحتاج ف التشخيص بتاعنا نبص على اللعيب او المريض و هو ماشي او و هو بيجري او نعمله تيستات زي over head squat او نقيس المدي الحركي لل Hip خصوصا ال hip ext rot ROM بالاضافه اننا نتاكد ان مفيش leg length discrepancy و flat foot او high arch foot
اي تيسيت من اللي ذكرتهم فوق لو طلع positive ده هيخلي المريض او اللعيب بتاعي ف risk انه يحصله BSI او لو هو اصلا طلع عنده حاجه positive و اتاكدنا من الاشعه انه شرخ اجهادي ف العلاج بنسبه 90% هيكون ف اننا نصلح ال mechanics بتاعته الاول عشان الاصابه مترجعلوش تاني

التيستات اللي ذكرتها فوق دي مهمه جدا لزمايلنا اللي شغالين مع فرق انهم يعملوها للعيبه بتاعتهم ف ال pre season assesment عشان نعمل prediction لل injury قبل ما تحصل و بالتالي نحط prevention protocol مناسب

2 - trainnig factors
لما بيحصل تغير ف التمرين و تبدا تزود ف الاحمال مره واحده او تزود ف الوقت بتاع التمرين او شدته اكتر من اللازم او اكتر من قوه تحمل العضم عندك ده هيدخلك ف high risk BSI
3 - muscle factors
من المعروف ان العضلات بتعمل ك active shock attenuator يعني العضلات بتتمص ال load اللي واقع ع العضم و بتحاول تقلله عشان ميحصلش bone strain بسهوله لحد كده تمام امال فين المشكله ؟
المشكله هنا ان مع زياده التمرين او التغير ف شدته يحصل muscle fatigue ف يقلل امتصاص العضلات لل load ف يزود من انه يحصل bone strain ويدخل اللعيب بتاعي ف High risk BSI او ان اللعيب يكون عنده muscle weakness

لو عايزين تعرفوا بقيه الاسباب و التشخيص و العلاج بيتم ازاي استنوا البوستات الجايه ان شاء الله

13/06/2023

- نلاحظ في الصورة الغطاء الخاص في جهاز Game ready وهدفه :

- يعزز توسع الأوعية
- يزيد الدورة الدموية
- يدعم الجهاز اللمفاوي
- يقلل الألم
- يحفز الشفاء الطبيعي بعد الجراحة

09/06/2023

لو انت رياضي و لسه مخلص السيزون او داخل ع فتره الاعداد ف البوست ده يهمك جدا

هنتكلم عن اصابه بتدا تحصل ف الوقت ده تحديدا لو انت ماخدتش بالك و هي الشرخ الاجهادي للعظام (BSI) اختصار ل Bone stress injury

الشرخ الاجهادي ب اختصار شديد هو عدم قدره العضم ع تحمل الحمل الواقع عليه و ده بيرجع لاسباب كتير هنشرحها لكن اهم سبب و السبب الرئيسي انك تحط حمل كبير ع العظام اكتر من قدره تحملها
طب ازاي ؟؟

في نهايه كل سيزون و مع ضغط المنافسات بيزيد الحمل ع العضم و بيقل وقت الراحه و بالتالي الجسم مبيلحقش ياخد الوقت الكافي اللي يحصل فيه عمليه ال (remodelling) و ان العضم ياخد الريكافري بتاعه و يحصل اصلاح لل (microdamages ) اللي بتحصل ف يرجع تاني يكون عنده قدره ع تحمل ال load بتاع التمارين و المنافسه لكن هنا بيحصل العكس و ال microdamages بتزيد ف الفتره دي و مع قله الراحه و ان الdiet ميكونش متظبط ف يبدا يحصل stress reaction للعضم و بالتالي BSi تحصل

طيب ايه اسبابه و ازاي نقدر نتفاداه و ازاي نقدر نعالجه؟
ده اللي هنتكلم عليه ف البوستات الجايه ان شاء الله

08/04/2023

لأول مره في دمنهور 💫
جهاز الشوك ويف ( الموجات الصادمه ) هو احدى الاجهزه و التقنيات الحديثه ف العلاج الطبيعي لعلاج مشاكل العظام و العضلات الهيكليه: ♥️
١- آلام المفاصل المزمنه
٢- آلام الكعب و الشوكه العظميه (calcaneal spur)
٣ - آلام مفصل الكوع ( tennis elbow )
٤- حالات التهابات وتر صابونه الركبه (Jumper's knee)
5 - التهابات وتر الاكيليس (achilles tendinitis )
6- حالات التليفات العضليه الناتجه عن حالات التمزق العضلي
7 - حالات ال myositis ossifiction
8- علاج التهابات اوتار الكتف
٩ - التخلص من آلام المفاصل المزمنه بدون جراحه
لمزيد من التفاصيل وللحجز الرجاء الاتصال علي :
☎️٠٤٥٣٣٠٤٥٤٥
📱٠١٥٥٥٩١٧٩١٢
او شرفونا على العنوان التالي :
دمنهور - ميدان الساعه برج زين الدين المركز الدور الثاني