https://www.facebook.com/107744354366377/

Egyptian Veterinarian Union - Damanhour, Damanhour (2025)

24/08/2025

مساء الخير متابعين EVU الكرام💗
-ميعادنا النهارده مع مرض بكتيري شائع جدًا في الفيلد؛ألا وهو ال "BRUCELLOSIS "
-طبعًا احنا عارفين إنه منتشر في حيوانات المزرعة كلها ،ولكن هنختص بالذكر النهارده ال Sheep..
_أولًا: دا مرض معدي بيسبب خسائر وخيمة لصاحب المزرعة، بتسببه بكتريا اسمها "Brucella.Ovis"
_ثانيًا: أعراضه كالآتي..
✅Ram: enlargement of testicles, epididymitis, infertility
✅Ewe: Abortion &still birth
✅Lamb: Neonatal mortality
ثالثًا: هنتكلم عن مصدر العدوي زي:
Semen,placenta,vaginal discharge, milk of infected ewes(especially un pasteurlized)
رابعًا:طرق انتقاله وهي كالآتي..
بشكل أساسي بينتقل Venereal(through sexual coarse)
وممكن ينتقل بنسبة بسيطة عن طريق ال Ingestion
خامسًا: ودا الأهم الأعراض الي هتعرفني ان القطيع عندي مصاب بال Brucella ،الي بتسهل جدًا تشخيصها مع ال isolation لل B.ovis
سادسًا وأخيرًا: متنساش دورك الوقائي يدكتور في إنك تحصن ضد المرض قبل ما المرض يتفاقم علي القطيع من البداية .
وبس كدا ،أتمني أكون أفدتك ي عزيزي 💗.

20/08/2025

✨ “Grasp the subject, the words will follow.” – Cato the Elder

💡ازاي تقدم presentation صح؟🎤
Part1

13/08/2025

🦜✨ سلسلة طيور الزينة✨🦜
مرحبًا بكم في الحلقة الثالثة من سلسلة طيور الزينة حيث سنتعرف علي سلوكيات الطيور و طرق الوقاية من الأمراض 🩺🌿
---

🐥 سلوكيات طيور الزينة

طيور الزينة بتتميز بتصرفات وسلوكيات متنوعة، بعضها طبيعي وبعضها قد يكون مؤشر لمشكلة صحية أو نفسية.
---
✅ السلوكيات الطبيعية:

1️⃣ التغريد والزقزقة 🎵
تعبر الطيور عن فرحتها أو لجذب الانتباه.

2️⃣ تنظيف الريش 🪶
سلوك يومي أساسي للحفاظ على صحة ولمعان الريش.

3️⃣ تحريك الرأس بسرعة 👀
دليل على الفضول والتركيز في المحيط.

4️⃣ الاستحمام 🚿
لترطيب الجسم وتنظيف الريش والتخلص من حرارة الجو.

5️⃣ اللعب بالمرايا والألعاب 🪞🎠
دليل على ذكاء الطائر واحتياجه للتفاعل والأنشطة.
---

⚠️ السلوكيات غير الطبيعية:

1️⃣ نتف الريش
غالبًا بسبب التوتر، أو مشكلة صحية أو الحزن لترك صاحبها لها لفترة طويلة.

2️⃣ هز الرأس المتكرر 🔄
قد يدل على مشاكل في الأذن أو الحلق.

3️⃣ العض المفاجئ لصاحبها
غالبًا بسبب الخوف أو تغيير في البيئة.

4️⃣ العض في زوايا القفص بجنون
ممكن يكون بسبب رغبة في بناء عش أو الجوع أو التغذية الغير سليمة.

5️⃣ نفش الريش لفترات طويلة
دليل على مرض أو شعور بالبرد.

6️⃣ الهروب المتكرر عند فتح القفص 🚪
رغبة في الحرية أو عدم الشعور بالأمان.

7️⃣ رمي الطعام أو اللعب به 🍚
غالبًا بسبب الملل.
---

🛡️ طرق الوقاية من الأمراض

لضمان صحة طائرك والحفاظ عليه من الأمراض الشائعة اتبع التالي:
---

1️⃣ النظافة اليومية 🧼

✔ تنظيف القفص يوميًا من الفضلات.
✔ تعقيم الأواني أسبوعيًا بماء ساخن ومطهر آمن.
✔ تغيير المياه يوميًا.
✔ توفير إناء به ماء للاستحمام أو رش الطائر بالماء بطريقة صحيحة.
---

2️⃣ النشاط والتحفيز العقلي 🧩

✔ توفير ألعاب متنوعة للترفيه.
✔ قضاء وقت يومي مع الطائر للتفاعل.
✔ السماح له بالطيران خارج القفص تحت إشرافك.
---

3️⃣ التطعيمات الدورية 💉

✔ إعطاء الطائر التطعيمات المتوفرة ضد الأمراض تحت إشراف بيطري متخصص.
---

4️⃣ الفحص البيطري الدوري 🏥

✔ زيارة الطبيب بانتظام.
✔ استشارة الطبيب عند ملاحظة أي سلوك أو أعراض غير طبيعية.
---

💬 انتظرونا في الحلقات القادمة لنتعرف معًا على أشهر الأمراض.

اكتب لنا في التعليقات:
ما هي أغرب أو أطرف سلوكيات طائرك؟ 🐤👇

10/08/2025

السلام عليكم متباعين EVU الكرام ❤️

النهاردة هنتكلم عن موضوع مهم لازم نبقى واخدين بالنا منه واحنا بنعالج الا وهو ؛

• الأدوية ممنوعه الاستخدام أثناء فترات الحمل أو العشار

1» مضادات الالتهاب الاستروديه مثل ( الديكساميثازون و والكورتيزون )

2» الهرمونات لا تستخدم في في كل مراحل الحمل مثل ( اوكسيتوسين ، بروستاجلاندين ، استروجين )

3» الزيلازين غير آمن في الأبقار العشار

4» مدرات البول لا تستخدم لفترات الطويلة مثل ( اللازيكس والديورازون )

5» الألبندازول ينصح بعدم استخدامه في حالات الحمل المتقدم فقد يؤدي الى الإجهاض خاصه في الاغنام والماعز

6» الملح الانجليزي لا يستخدم بجرعات عالية أثناء الحمل فقد يؤدي إلى حدوث اجهاض

7» البعض من المضادات الحيوية مثل الجينتاميسين لانه يمر من خلال المشيمه ويؤثر على حيوية الجنين

8» بعض التحصينات الحيه قد تؤدي إلى حدوث اجهاض مثل تحصين حمى الوادي المتصدع

06/08/2025

Feline panleukopenia virus (FPV)🐈

27/07/2025

Feline Herpsvirus🐈

16/07/2025

📢 أهلاً بكل متابعين EVU المميزين! 🚀

هل سمعتم من قبل عن PDCA Cycle ودورها في ISO 22000؟ 🤔 لو شغالين في مجال سلامة الغذاء، فالموضوع ده مهم جدًا ليكم! 🍽️🔍

دورة PDCA (Plan-Do-Check-Act) هي القلب النابض لأي نظام إدارة قوي، وخصوصًا في ISO 22000، اللي بيضمن إنتاج غذاء آمن وعالي الجودة. 🏆✨

✅ Plan (خطط): حدد المخاطر اللي ممكن تهدد سلامة الغذاء، وضع استراتيجيات للسيطرة عليها.
▶️ Do (نفذ): طبق الخطة على أرض الواقع، وتأكد إن كل الإجراءات متوافقة مع المعايير.
🔍 Check (افحص): راقب النتائج، وقارنها بالمعايير المطلوبة، علشان تتأكد إن كل حاجة ماشية تمام.
🔄 Act (اتخذ إجراء): لو في أي خلل، عدّل وطور عشان تحسن الأداء وتضمن سلامة الغذاء بشكل مستمر.

السر في PDCA Cycle إنها مش مجرد خطوة واحدة، لكنها عملية مستمرة لتحسين الجودة وتقديم غذاء آمن لكل المستهلكين. 💡�

13/07/2025

مساء الخير علي محبين السوشي 👀🤍
"السوشي لذيذ؟ أكيد!🍣
بس فيه مخاطر لازم ننتبه ليها!"🚫✖️

السوشي من ألذ الأكلات، لكن لأنه يحتوي على أسماك نيئة، ممكن يسبب مشاكل صحية لو مش نظيف أو محفوظ بشكل صحيح.

أهم المخاطر:

1. بكتيريا وطفيليات
السمك الني ممكن يحتوي على ديدان أو بكتيريا زي السالمونيلا، وتسبب ألم بالبطن أو تسمم.

2. تسمم غذائي
إذا السوشي مش محفوظ في درجة برودة مناسبة، ممكن يسبب غثيان وقيء وإسهال.

3. الزئبق
بعض أنواع السمك مثل التونة فيها نسبة زئبق عالية، تضر الأعصاب، خاصة عند الحوامل.

4. الحساسية
مكونات مثل الصويا، المحار ممكن تسبب حساسية قوية لبعض الناس.

5. تلوث أثناء التحضير
لو أدوات الطبخ مش نظيفة، السوشي بيتلوث بسهولة وينقل أمراض.

---

نصائح مهمة:

اختار مطاعم نظيفة وموثوقة

متاكلش سوشي كان برا الثلاجة فترة

قلل من الأسماك النيئة لو كنتِ حامل

اسأل عن المكونات لو عندك حساسية

استمتع بالسوشي… بس بذكاء!

09/07/2025

كان عندى مزرعة دواجن و فى ظرف يومين لقيت نصها نافق😱😭
و نتيجة الفحص طلع مرض الجمبورو IBD
إيه هو بقى الجمبورو ده⁉️
ـ مرض فيروسى معدى يصيب الدواجن و بيثبط الجهاز المناعى و حرفيا من أخطر الأمراض اللى ممكن تخلصلك ع القطيع بتاعك❌
الاصابة
🔖تحت عمر ٢١ يوم بيثبط الجهاز المناعى بالكامل يعنى الجهاز المناعى مش هيستعيد نشاطه تانى خلاص
🔖فوق ٢١ يوم ممكن يحصل شفاء و يستعيد و الجهاز المناعى قدرته تانى
بيتنقل بطريقتين🔍
المباشرة بين الطيور المصابة و السليمة
الغير مباشرة بين السليمة و مخلفات الطيور المصابة و القوارض
الأعراض📝
ـ تظهر الأعراض فجأة و يصبح القطيع عصبى و الكتاكيت عندها خمول و انتفاش الريش
ـ يقل معدل سحب العلف و يرقد الطائر ع الأرض
ـ يطأطا راسه لتحت و يظهر اسهال أبيض اللون
ـ منطقة المجمع تبتل نتيجة الاسهال المستمر نتيجة فقد الأملاح و المعادن
ـ بعدها بيظهر احتقان شديد لعضلات الفخد و الصدر و بقع نزفية 📌
ـ التهاب شديد و زيادة حجم البرسا و الطحال مع بقع نزفية
و فى الحالات المتقدمة بيظهر ضمور فى الغدة و التهاب الكليتين
الوقاية و العلاج💊🖇️
ـ لازم نعمل وقاية كويس و دى عن طريق
نطبق اجراءات الأمن الحيوى فى المزارع من حيث النظافة و التطهير ☝🏻
ـ اختيار نوعية كتاكيت كويسة لشركات قوية و سمعتها كويسة
ـ الوقاية بالتحصين الجيد ضد الفيروس
ـ ❌مفيش علاااج للفيروس فى حالة الاصابة ‼️
ـ و لكن يتم علاج اعراضيا المرض
يعنى الخمول يبقى⬅️ جرعة فيتامينات
التهابات الكلى ندى⬅️ مدررات البول
تنشيط الجهاز المناعى ندى⬅️ فيتامين ه سلينيوم و تركبزه ميقلش عن 15%
- بس نقول تانى ملوووش علاج يبقى نحافظ ع كتاكيتنا كويس قبل ما يجة يخلص عليها 🥹🫣

06/07/2025

مين فينا مبيحبش الحلويات وخاصةً الشوكولاتة 🍫👀
كلنا عارفين إن الحلويات طعمها حلو، بس للأسف هي مضرة لينا و مضرة أكتر لكلابنا واللي كتير مننا بيديهم حلويات من باب الحب والدلع، بس ده خطر كبير عليهم!
ليه🤔؟
تعالوا نفهم الموضوع ده سوا:

📌الحلويات اللي بناكلها ممكن تسبب للكلاب مشاكل صحية خطيرة زي:
🔸إنها تتعب معدتهم لأن الكلاب جهازهم الهضمي حساس.
🔸تسوس الأسنان.
🔸السمنة المفرطة واللي بتكون بسبب تغيرات في الحرق بسبب إن السكر بيخلي جسم الكلب يفرز انسولين ودا بيلعب في الهرمونات وبيخلي الكلب يتخن ومناعته تقل يعني ممكن الكلب بتاعك يبقى عرضة للأمراض زي السكر وأمراض تانية كتير بتحصل نتيجة السمنة زي مشاكل في القلب والتنفس والمفاصل.
🔸كذلك الحلويات بيكون فيها ألوان صناعية ومواد حافظة ومكسبات طعم وكل ده بيكون مضر لصحة الكلاب على المدى الطويل.
♦ومن المشاكل المهمة والخطيرة «تسمم الشوكولاتة🍫⚠️»
الشوكولاتة فيها مادة اسمها ثيوبرومين، ودي مادة سامة للكلاب بتسبب لهم مشاكل في القلب، الجهاز العصبي، وممكن توصل للتشنجات والموت في الحالات الشديدة.

📌ولأن الوقاية خير من العلاج فَ فيه بدايل صحية نديها لكلابنا علشان نحافظ على صحتهم زي:

🔹أكل الكلاب المخصص: ده أفضل حاجة ليهم بيكون متوازن وفيه كل العناصر الغذائية اللي محتاجينها.

🔹فواكه وخضروات: فيه فواكه وخضروات معينة ممكن نديهم للكلاب بكميات صغيرة، زي التفاح والجزر والبطيخ.
💢 لكن مش أي فواكه أو خضروات تنفع برضو فلازم تستشير الدكتور البيطري علشان تعرف إيه اللي ينفع ليهم.

🔹أكل البيت الصحي: ممكن نعمل لهم أكل صحي في البيت، بس لازم يكون تحت إشراف الدكتور البيطري علشان يكون متوازن.

01/07/2025

🔥 حابب تدخل مجال سلامة وجودة الغذاء؟
كورس أونلاين مميز جايلك من خلال تعاون بين GFT GFT Academy
وEVU – دمنهور، واللي هيقدمهالك واحدة من أقوى الشخصيات في المجال!

👩‍🏫 د. سلمى خالد
استشاري جودة وسلامة الغذاء
💼 بدأت مسيرتها كـ رئيس قسم الجودة في واحد من أكبر مصانع الألبان
ثم شغلت منصب مساعد مدير الجودة في سلسلة فتح الله جملة ماركت
🎯 درّبت أكتر من 1000 شخص من مختلف المحافظات
🎓 حاصلة على دبلومة متخصصة في جودة وسلامة الغذاء
✔ بالإضافة إلى حصولها على شهادات مهنية في TOT وSix Sigma

📚 في الكورس هتتعلم:
🔹 إزاي تطبق أنظمة الجودة المطلوبة في المصانع
🔹 مفاهيم سلامة الغذاء اللي بيدور عليها أصحاب الشغل
🔹 أمثلة واقعية من سوق العمل
🔹 والكورس كله هيكون أونلاين بالكامل 💻
🔹GMPs , HACCP, ISO 22000:2018

📅 الموعد: 5 يوليو 2025
📌 للتفاصيل والحجز: من خلال رسايل الصفحة مباشرة 📩
الأماكن محدودة – احجز بسرعة قبل ما العدد يكمل! 🔒

30/06/2025

مساء الخير علي متابعين evu الكرام

انهارده هنتكلم عن ال Records واهميتها في سلامة الغذاء

وهنبدأ كلامنا بالتحدث عن اهمية سلامة الغذاء فهي تعتبر أولوية قصوى للحفاظ على صحة المستهلك وحمايته من المخاطر الصحية. من هنا تأتي أهمية Records كأداة أساسية لضمان التتبع والرقابة الدقيقة على كل خطوة في سلسلة الإمداد الغذائي.

و ال Records بقا تساهم في:

1. التوثيق والتحقق: تساعد في توثيق كل مرحلة من مراحل الإنتاج والمعالجة، مما يسهل عملية التحقق من الامتثال للمعايير الصحية.
2. المتابعة والتحليل: تمكن الشركات من متابعة أي خلل قد يحدث في أي مرحلة ومعرفة مصدره بسرعة.
3. الشفافية: تساهم في توفير معلومات شفافة للمستهلكين والمراجعين، مما يزيد من ثقتهم في المنتج.
4. الامتثال للقوانين: تسهم في التأكد من تطبيق اللوائح والقوانين الخاصة بالسلامة الغذائية.

وعشان كده وجود Records دقيقة ومحدثة يعد جزءًا من استراتيجية شاملة للحفاظ على جودة وسلامة الطعام الذي يصل إلى المستهلك. لذا، يجب على جميع العاملين في قطاع الغذاء التأكد من أن سجلاتهم تتسم بالدقة والشفافية لتفادي أي مشاكل صحية قد تضر بالمستهلكين
وبس كدا وده كان موضوعنا انهارده ومعلومة جديدة نتمني انها تكون افادتكم

Egyptian Veterinarian Union - Damanhour

24/08/2025

20/08/2025

13/08/2025

10/08/2025

06/08/2025

27/07/2025

16/07/2025

13/07/2025

09/07/2025

06/07/2025

01/07/2025

30/06/2025

Address

Telephone

Website

Alerts

Shortcuts

Share

Category