سالم بلبع-Salem Balbaa

27/11/2025

فيديو ممكن يكون سبب في انقاذ حياتك أو حياة حد تعرفه

( مرض الضغط وعلاقته بالجلطات والكليتين )

💚
Salem Balbaa

19/11/2025

📌📌
بالرغم ان نسبة الحديد عندك عالية بس برضو عندك انيميا 🤔
الفيديو دا مهم للناس اللي بتدخن،، مش بقولك بطل تدخين🚬
Salem Balbaa

18/11/2025

الحقلة الجاية عن التدخين و تأثيره على نتايج صورة الدم والانيميا ومخزون الحديد
Salem Balbaa

17/11/2025

👌

السكر مش نهاية العالم، تقدر تعيش حياة طبيعية لو بتاخد الأدوية في مواعيدها وبتتناول أغذية صحية 👌

13/11/2025

اخطاء بيعملها مريض السكر ممكن تؤدي لوفاته
والوقت المثالي لعمل تحاليل السكر
Salem Balbaa

18/10/2025

📌مهم جدا وحصل مع حد أعرفه، رغم اني كنت بعمله تحاليل بإستمرار الا ان المرض دا بيجي في صمت تام
المنشور الثالث في سلسلة " القاتل الصمات " 📌

امراض الكبد اكتر مرض بيجي بدون اعراض ولأسف لما بتظهر الأعراض بنكون بدأنا في اولى مراحل التليف الكبدي 🌚
اسباب الاصابة بأمراض الكبد وتليفه👇

١- العدوى الفيروسية زي فيروس A او B او C 🦠
وأشهر الاصابات بتكون فيروس سي ( C) 🧬🦠

٢- برضو ممكن جهازك المناعي يخرج عن النظام الطبيعي ويهاجم الكبد كأن الكبد دا حاجه غريبة عن الجسم 🫣
( عشان كدا لازم نحمد ربنا على نظامنا الحيوي المتوازن) 🤲

٣- 🙂 الدهون كمان مرة الدهون🙂، استهلاك الدهون في الطعام يؤدي الى( مرض الكبد الدهني )
هل دا معناه ان اي حد ثمين شوية يبقى مصاب بالكبد الدهني🤔
لأ طبعا مش قاعدة، ممكن يكون جسمه طبيعي ومصاب بالكبد الدهني ولكن التعرّض للإصابة بيزيد كل ما كان جسمك مليان

طيب ياعم سالم امتى اعرف او احس بأعراض الاصابة بأمراض الكبد 🤔

هقولك يا صديقي ان الاعراض مش بتظهر في المراحل المبكرة
ولكن لما بتظهر بيكون بدأ الكبد يتليف 🙆🏻‍♂️
🖐ولكن التحاليل الدورية ممكن تبينلك قبل مرحلة التليّف وهقولك على التحاليل في اخر المنشور 👇
نكمل الاعراض: 🧐
١- الشعور بالتعب والارهاق طول الوقت 😰

٢-فقدان الشهية وخسارة الوزن 😐

٣- الغثيان والقيئ ( الترجيع يعني ) ومش لازم ترجع ممكن تحس بإنك عايز ترجع 🤢

٤- الاحساس بالالم في منطقة الكبد وكمان لو حطيت ايدك او ضغطت مكان الكبد هتحس بألم 😮

واحد يقولي طب يعم؛ الكبدة دي فين عشان احس بيها هقولك انه موجود في بطنك من فوق على اليمين تحت اخر ضلعين يعني تحط صباعك كدا بعد اخر ضلعين في بطنك من الجنب اليمين ايوا انت كدا وصلت بالسلامة 🌚

طيب فيه اعراض تانية بتظهر في المراحل الاخيرة من تليف الكبد 🚩🚩🚩
وهي:
١- اصفرار الجلد والعينين
٢- حكة قوية بالجلد
٣- تورم الساقين والكاحلين
٤- اتغير لون البول والبراز للون الداكن
٥- تورم البطن ( الاستسقاء )
٦- تقيؤ دم
٧ ضيق تنفس
٨- ممكن تحس بألم في الكتف اليمين او( شنكلة في الكتف) 📌

طيب يا حبيب قلبي عشان طولت عليك ♥
خلاصة الكلام لو انت مش بتاعني بأي عرض من دول برضو لازم كل ٦ شهور تعمل وظيفتين بس وفيروسات عشان والله اعراضها ما بتظهر وهتتفاجئ انك عندك تليف كبد او اصابة بفيروس سي

📌GPT -GOT - HCV- HBS دول هتعملهم لو مش بتحس بأرعراض ويفضل كل الناس اللي فوق ال٥٠ سنة تعملهم 📌

لكن لو ظهرت عليك الاعراض دي كلها 📍📍
او بتعاني من الكلام دا 😐
يبقى هنزود شوية وهنعمل
GPT - GOT - Bilirubin Tolal- Bilirubin Direct- PT - PTT- CBC-ALB
طيب ساعتها لو طلع عندك الدنيا مش متظبطة هتكمل بقا مع دكتور باطنة ( أمراض كبد ) وساعتها هيزود تحاليل تانية و أشعة ان لزم الأمر

اللهم اشفِ مرضانا يارب العالمين 🤲🥺

لو حابب تستفسر عن حاجه كلمني 📞
او لو عايزني ارشحلك دكتور باطنة كويس في منطقتك ✅

دمتم في رعاية الله وحفظه 💚💚

15/10/2025

كام مرة شباب في سن ال٣٠ جاتلهم نوبة قلبية او سكته دماغية فيهم اللي اتلحق وفيهم اللي توفى الى رحمة الله 🤲
يلا بينا اقولك السبب 👇
ارتفاع ضغط الدم 🫀
( القاتل الصامت)
يؤدي ارتفاع الضغط الى الاصابة بأمراض مزمنة اخرى و دا سبب رئيسي لتسميته بالقاتل الصامت ايه هيا الامراض يا صديقي
١-امراض القلب والاوعية الدموية زي النوبات القلبية والسكتات الدماغية و دا اللي كان سبب في موت شباب كتيرة
٢- الاصابة بالفشل الكلوي واحد يقولي يعم ايه علاقة القلب والضغط بالكُلى دا في فوق و دي تحت 😂
هقولك بالفلاحي كدا ان الكليتين بتصفي في اليوم من ١٥٠: ٢٠٠ لتر دم في اليوم 🩸، انت متخيل الرقم 🫣
اهو ٢٠٠ لتر دم دول لما الضغط بيزيد كل لتر بيضغط على جدار الاوعية الدموية اللي بتمر بالكلى فمع مرور الوقت بيحصل تضييق للشرايين المؤدية للكليتين وبعدين تقل كمية الدم والاكسجين اللي بتروح للكلى كل اليوم بسبب ضيق الشرايين
طيب اي سبب الارتفاع من البداية 🤔

اول سبب التدخين 🚬
وقلة الحركة 🧍🏻‍♂️ وعلى رأي المثل الحركة بركة

وقلة دخول البروتين 🍖 والالياف لجسمك
وكمان زيادة الملح 🧂 تؤدي لإرتفاع ضغط الدم

طب لو عايز اطمن على نفسي ياعم سالم اعمل ايه
هقولك اول حاجه
تقيس الضغط 🩺 لما تحس ان فيه صداع و دوخه او زغلله في العين 😵‍💫 او ضيق تنفس او نزيف ف الانف 🤧

في حالة لو الضغط عالي 🙄
هتعمل تحاليل
- كوليسترول
•دهون ثلاثية
•سكر في الدم
•بول كامل
وتعملي كل ٣ شهور وظايف كُلى ( Creat +Urea )
تعمل صورة دم كاملة. CBC عشان نطمن ان مفيش فقر دم

ربنا يرحم موتانا يارب 🤲
ومتناسش يا صديقي الوقاية خير من العلاج 😊

دمتم في رعاية الله وحفظه 💚

13/10/2025

🖐 السكر معروف بالقاتل الصامت
• انت مريض سكر ولكن ماظهرتش عليك الاعراض 🤔

تعالى اقولك ازاي 🧐 👇

٥٠٪من مرضى السكر لا يظهر عليهم الاعراض اللي هيا ( كثرة التبول- الشعور بالعطش- فقدان الوزن....) وللأسف المريض يكتشف الاصابة بمرض السكر في المراحل المتأخرة وهي القدم السكري وجلطات القلب، و دا الكلام اللي قاله الدكتور حسام موافي

دمتم في رعاية الله وحفظه 💚
سالم بلبع-Salem Balbaa
Salem Balbaa

12/10/2025

دكتور تحاليل ومش واثق في نتيجة تحليل الCreat (وظايف الكُلى 🫘) كلمني زميل وقالي انه بعت عينة لمعمل من المعامل المشهورة ولقى ان فيه اختلاف فرق 0.5 بالرغم انه دخل كونترول وستاندر ك تسيت وقرأ معاه 2 بالظبط وطبق كل معايير الجودة ونجح فيها ، لكن للأسف فشل انه يثق في نتيجته اللي عملها بإيده على جهاز مانيوال وكتب نتيجة المعمل الكبير اللي كانت غير دقيقة لأن الله اعلم من ضغط الشغل ساعات الاجهزة الاتوماتيك بتخرف والكمبيوتر بيغلط يا دكترة خد بالك ،،، و دي أكتر حاجه تثبتلك ان الإسم الكبير والدعاية ليهم عامل كبير في زيادة ارباح المعمل وليس نجاح المعمل واعتماد نتايجة
دمتم في رعاية الله وحفظه 💚

Salem Balbaa

11/10/2025

سبق وقولنا ان لما بيظهر الم مفاجئ في البطن مع حرقان في الصدر وصعوبة في التنفس دي بتكون نتيجة لأزمة قلبية (ذبحة صدرية) ولازم تتلحق فورا على أقرب مستشفى
الناس بتفكر انه الم في البطن وشوية مغص وخلاص لكن الموضوع اكبر من كدا

خد بالك
• اوعى تروح صيدلية وتضيع فرصة للنجاة
• اوعى تروح عيادة وخلاص
•اوعى تروح معمل تحاليل غير معمل المستشفى لأنه مش هيكون عنده تحاليل انزيمات القلب لضعف الطلب عليها في المنطقة

مكانك الوحيد هو طوارئ المستشفى سواء حكومي او خاص

دمتم في رعاية الله 💚
Salem Balbaa

28/05/2025

تعالى نتكلم عن أعراض وألم حصوات الكلى🫘
بعد ما اتكلمنا قبل كدا في المنشور دا عن العوامل اللي بتزود حصوات الكلى👇👇👇
https://www.facebook.com/share/p/15vrhES7ae/

أعراض حصوات الكلى 🫘

✅ ألم شديد في الضهر وتحت الأضلاع

✅ ألم يمتد إلى أسفل البطن والمثانة

✅ وجع بيروح ويجي بشكل متردد

✅ لون البول يميل للأحمر أو البني

✅ ألم اثناء التبول

✅الحاجة المستمرة للتبول

✅ بول معكر او برائحة كريهة

🔚 وفي حالة الالتهاب بيحصل حُمى ورعشة

طيب هتعمل ايه؟؟
تحليل بول زي ما قولنا قبل كدا في أقرب معمل ليك 🔬🔬

" تابعنا لمزيد من التثقيف الصحي "

27/05/2025

عوامل تُزيد من تكون حصوات الكلى 👇👇👇

1- تناول الأطعمة الغنية بالدهون والسكريات 🍟🍫

2- قلة شرب الماء والسوائل 🥤

3- تناول البروتينات بكثرة 🥩

4- المشروبات الغاذية 🥂

5- زيادة الوزن وقلة الحركة🏃🏻‍♂️

☀☀

لو جسمك بيكون حصوات ممكن كل شهرين تعمل تحليل بول- Urine Analysis 🔬🔬

تابعنا لمزيد من التثقيف الصحي💚

💚