26/05/2025
هااااااام جدا لاصحاب الامراض المناعية💯
⁉️"ليه جسمي بيهاجمني؟!"
امراض المناعة الذاتية من الألف للياء.. إزاي بتحصل؟
وازاي بتزيد ؟ ونعمل ايه عشان نوقفها ؟
💢خليني أحكيلك الحكاية من الاول.
💢زمان كان جهاز المناعة بالنسبه لينا هو الخط الدفاعي اللي ربنا خلقه جوانا،
جيش كامل، واقف مستني أي فيروس أو ميكروب أو خطر، عشان يهاجمه ويقضي عليه.
بس لما الجيش ده يتلخبط، ويبدأ يهاجم الشعب نفسه (يعني أعضاء جسمك)...
يبقى إحنا دخلنا في دوّامة اسمها:
⚘️"الأمراض المناعية الذاتية"⚘️
يعني ايه ؟
يعني جهازك المناعي، بدل ما يهاجم العدو، بيهاجمك إنت!
💢يضرب الغدة → يسبب هاشيموتو
💢يضرب المفاصل → يسبب روماتويد
💢يضرب الأعصاب → يسبب التصلب المتعدد (MS)
💢يضرب الجلد → صدفية أو ثعلبة
💢يضرب القولون → التهاب تقرحي أو كرون
💢 المعدة → يسبب أجسام مضادة ضد الخلايا اللي بتفرز الأحماض
يعني كأن الجيش بيقلب عليك وبيبقى هو الخطر نفسه!
طيب ليه؟
وازاي؟
وليه الأعداد بقت رهيبة؟
وليه دايمًا الدكاتره يقولوا "المرض مزمن ومافيش علاج"؟
وايه علاقة كل ده بالأمعاء والتغذية والنفسية والمضادات الحيوية والتحاليل اللي مافيش واحد بيطلبها؟!
⚘️ حقولك على كل ده، تفصيليًا وببساطة.
---
أولًا: ليه الأمراض دي زادت؟ وليه كتير منهم ستات؟
⭕️1. نمط الحياة الحديث:
إحنا بقينا ناكل أكل معلب، مصنع، مكرر، زيوت مهدرجة، سكر أبيض، ومضادات حيوية مع أول عطسة!
وكل ده بيبوظ حاجتين مهمين جدًا:
ميكروبيوم الأمعاء (البكتيريا النافعة)
جدار الأمعاء (اللي بيحمي الجسم من تسريب السموم)
⭕️2. التوتر المزمن والضغط النفسي:
جهاز المناعة بيتأثر جدًا بالحالة النفسية
الستات بالذات بيعيشوا توتر، قلق، حمل، ولادة، مسئولية، تقلبات هرمونية مستمرة
وده بيخلّي جهازهم المناعي حساس جدًا لأي خلل
⭕️3. كتر المضادات الحيوية:
كل مرة ناخد مضاد حيوي، بندمّر ملايين من البكتيريا المفيدة
اللي وظيفتها تهدي المناعة، وتخليها تفرّق بين العدو والصديق!
⭕️4. نقص الفيتامينات بسبب سوء التغذية وقلة التعرض للشمس:
فيتامين دال لما يقل، جهاز المناعة يتهبّل
والزنك، وأوميجا 3، والماغنسيوم وفيتامين سي ليهم أدوار أساسية في ضبط المناعة
---
ثانيًا: يعني ايه "تسرب الأمعاء"؟ وليه هو سبب كل الأمراض المناعية تقريبًا؟
⭕️جدار الأمعاء ربنا خلقه عشان يسمح بمرور الحاجات المفيدة بس: الفيتامينات، المعادن، الأحماض الأمينية
ويمنع دخول السموم، البكتيريا، بقايا الأكل الغير مهضوم
⭕️لكن لما الجدار ده يتضرر من كتر التهابات، أكل مصنع، سكر، جلوتين، لاكتوز، مضادات،
وزيوت مهدرجة يحصل "تسريب"
يعني تدخل حاجات مش المفروض تدخل الدم
والمناعة تشوفها وتقول:
ايه ده ؟ عدُو؟! نضربه!"
وتبدأ تهاجمه، وممكن تبدأ تغلط، وتضرب في أنسجة الجسم نفسه اللي فيها شبه منه
وده بيخلي الجسم يصنع أجسام مضادة ضد نفسه!
---
💢ثالثًا: أنواع الأمراض المناعية الذاتية (أمثلة مهمة):
⭕️1. هاشيموتو:
مناعة الجسم تهاجم الغدة الدرقية → كسل، تعب، خمول، تساقط شعر، إمساك، اكتئاب
⭕️2. الروماتويد:
مناعة الجسم تهاجم المفاصل → تورم، ألم، تيبّس صباحي، تشوه في المفاصل لو اتأخرت الحالة
3. MS (تصلب متعدد):⭕️
مناعة الجسم تهاجم الأعصاب → ضعف في الإيدين أو الرجلين، تنميل، عدم اتزان، زغللة، مشاكل في النُطق
⭕️4. الذئبة الحمراء (SLE):
مناعة الجسم تهاجم أعضاء مختلفة → تعب عام، طفح جلدي، تساقط شعر، أنيميا، مشاكل بالكلى أو القلب
⭕️5. الصدفية:
مناعة الجلد تهاجم نفسها → قشور، احمرار، حكة، إحساس بالحرقان، مرتبطة أحيانًا بالمفاصل
⭕️6. الثعلبة:
مناعة الجسم تهاجم بصيلات الشعر → فراغات في فروة الرأس فجأة
⭕️7. القولون التقرحي وكرون:
مناعة الأمعاء تهاجم نفسها → إسهال مزمن، دم في البراز، مغص، ضعف امتصاص، أنيميا
---
⭕️رابعًا: التحاليل اللي لازم تتعمل ومافيش واحد بيطلبها للأسف
CRP عالي → التهاب مزمن
ANA → مؤشّر عام لوجود مرض مناعي
Anti TPO, Anti TG → لو في شك في الغدة
RF, Anti CCP → للروماتويد
Calprotectin → للقولون التقرحي
فحص فيتامين دال، الزنك، B12، الماغنسيوم
تحليل ميكروبيوم لو متاح
فحص حساسية الجلوتين واللاكتوز
---
⁉️خامسًا: العلاج من الجذور – خطوة بخطوة
🟥1. إزالة مسببات الالتهاب:
امنع السكر، الجلوتين، اللاكتوز، الأكل الجاهز، الزيوت المهدرجة
راقب جسمك: ايه الأكل اللي بيتعبك؟
نظام غذائي لمدة شهر على الأقل
🟥2. دعم جدار الأمعاء:
جلوتامين (موجود في مرق العظام أو كمكمل)
زنك (يعيد بناء الخلايا)
فيتامين A وDوC
🟥3. دعم الميكروبيوم:
أكل مخمّر طبيعي (زبادي، مخلل بلدي، ساور كراوت )
بروبيوتيك يومي مع تدريج الجرعه لمدة 3 شهور على الأقل
🟥4. مضادات الالتهاب الطبيعية:
أوميجا 3
كركم
براعم البروكلي
فيتامين E الطبيعي في المكسرات وزيت جنين القمح
🟥5. إعادة ضبط المناعة:
النوم الجيد
الرياضة الخفيفة
البعد عن التوتر
جلسات تأمل – قرآن – تنفس عميق
دعم الكبد لأنه المسؤول عن تنظيف الجسم من السموم
---
🥰سادسًا: المفاجأة! الناس اللي معايا والتزمت
اونلاين وفي المستشفي رجعت تحاليلها طبيعية ووقفت الأدوية
والله!
ناس كتير مشت في الطريق ده، ونضّفت جسمها، وبطلت الكورتيزون والمثبطات
بس كانوا صبورين.. واشتغلوا على نفسهم بجد معتمدوش على دوا يسكّن ويبوّظ الباقي
الخلاصة:
أي مرض مناعي هو رسالة: "الحق صلّح جهازك الهضمي والمناعي قبل ما ينهار أكتر"
اللي بتسميه "مرض مزمن" ممكن جدًا يهدى أو حتى يختفي لما تدي الجسم اللي محتاجه
إنت مش محتاج دوا، إنت محتاج "رعاية"
جسمك بيحبك.. وبيستنا منك تحبه وتفهمه❤️
دمتم يارب بصحة وعافية❤️🥰
