https://www.facebook.com/116313713602443/

صيدلية د.محمدعبدة - Dr. Mohamed Abdo Pharmacy, Damanhour (2026)

18/02/2026

صيدليه الدكتور محمد عبدة ❤️ تهني الامه الاسلاميه بقدوم شهر رمضان المبارك🌙 اعاده الله علينا وعليكم بالخير واليمن والبركات🌟
كل عام و أنتم إلى الله أقرب، و لفعل الطاعات أسبق، و إلى الجنة أرغب🪴
مرحبا بأجمل ليالي السنة
مرحبًا بمن هلّ ودنا، مرحبًا بالشهر الفضيل✨️
أسأل الله لكم في شهر رمضان، حسنات تتكاثر، وهموم تتطاير، وذنوب تتناثر، وأتقدم لكم بالتهنئة، وأتمنى لكم قبول الأعمال وأن تدوموا في أحسن حال اللهم امين يارب العالمين ❤️ وكل عام وانتم بخير .

07/02/2026

🔥 فرصة متتعوضش 🔥
📢 صيدلية دكتور محمد عبدة بتعلن
🩺 يوم طبي مجاني بالكامل
🤝 بالتعاون مع شركة ميبكو للأدوية
💪 اعرف مستوى الفيتامينات والمعادن عندك
🩸 اكتشف أنيميا نقص الحديد
🦴 دعم صحة العظام والمناعة
😋 حل لمشاكل فقدان الشهية
❌ بدون سحب دم
⚙️ بأحدث الأجهزة الطبية
📍 المكان: صيدلية رجب عكاشة
قرية الصفاصيف – دمنهور – البحيرة
📅 السبت 14 فبراير
⏰ من 12 ظهرًا لـ 5 مساءً

17/12/2025

📢 رجع تاني وبقوة!
#متوفر الان في الصيدلية #انسولين مكستارد 📢

اكيد كلنا عندنا حد من اهلنا او جيراننا او حبايبنا عنده سكر وبيستخدم ابر الانسولين
بس الي متعرفهوش ان ممكن ممارسات بسيطة خاطئة تكون بتعملها تقلل من استفادتك بجرعة الانسولين
عشان كدا هنتكلم عن تريكات ونصايح بسيطة كدا تساعد انك تستفيد من الجرعة بشكل كامل

1) رج الفيال صح
وهنا قصدنا تقليب للفيال مش رج بالمعنى الحرفي
قبل ما تسحب الجرعة، قلّب الفيال 10 مرات بس لحد ما اللون يبقى سحابي موحّد.
(رجّ جامد = فقاقيع = جرعة غلط)

2) تنويع مكان الحقن
اختلاف مكان الحقنة كل يوم يساعد على امتصاص أفضل ويمنع الكلاكيع.
بنعمل تدويرة مابين : بطن – فخذ – كتف… ونكرر.

3) الدقايق مع الانسولين بتفرق كتير
خد ميكستارد قبل الأكل بـ 20–30 دقيقة.
أقل من كدا؟ ممكن يعلى بعد الأكل.
أكتر من كدا؟ ممكن يحصل هبوط.

4) خلي عندك سينس ومتتعاملش مع الجرعة كانها حاجة ثابتة
احنا بنحاول نعوض منظومة كاملة خلقها ربنا بتفرز انسولين بكميات متغيرة على حسب اكلنا وكميته .
لو هتفوت وجبة → ما تاخدش الجرعة.
لو هتزود أكل → هنزود الجرعة بس كلم الدكتور قبل ما تعدّل لنفسك.

5) الانسولين بيتشال ف التلاجة مش الفريزر!
فيه ناس ساعات بيكون عندها اقتناع كل م نبرد اكتر كل م الانسولين يتحفظ احسن ودا طبعا غلط
احفظ الفيال في التلاجة درجة حرارة (2–8°C)
برد زيادة = إنسولين بايظ.

📦 متوفر الآن… بعد فترة نقص طويلة!
📍 احجزه الآن من الصيدلية قبل ما يخلص 👌

14/12/2025

📢 رجع تاني وبقوة!
💚 Duflac Syrup – دوفلاك شراب
اللي كان ناقص فترة… اتوفــر تــاني عندنا في الصيدلية!

🩺 لو بتعاني من:
✔️ إمساك مزمن أو مؤقت
✔️ بواسير
✔️ شرخ شرجي
✔️ آلام مع كل مرة دخول للحمام
✔️ أو بتاخد أدوية مسببة للإمساك

💡 دوفلاك شراب هو الاختيار المضمون لراحة أسرع وهضم أحسن لأنه:
✨ بيلين البراز ويخليه أسهل في الخروج
✨ آمن للحوامل والمرضعات
✨ مناسب للأطفال والكبار
✨ بيحافظ على حركة الأمعاء الطبيعية

📦 متوفر الآن… بعد فترة نقص طويلة!
📍 احجزه الآن من الصيدلية قبل ما يخلص 👌

21/09/2025

المدارس داخلة .. و هنجيب العيش الفينو للسندوتشات للأولاد 🥖🥖 عشان العيش الأسمر مش كلاسي خالص😒

🟡اصل عيالنا لازم نحافظ عليهم ونجيبلهم ارقي وانضف واجمل اكل و يكون شكله حلو ، زي العيش اللي تحت دة ⬇️⬇️

🟡اصل احنا بنحب عيالنا اوي و مش عايزين نحرمهم من حاجة 😒😒

🟡طيب وانت بتحب عيالك وبتخاف عليهم

✅افتكر أن الخبز الفينو معمول من دقيق ابيض سريع الامتصاص👈🏼 وبيرفع الانسولين بسرعه البرق و دة بيعمل مقاومة أنسولين و سكر نوع اول ❌
✅وده بيعمل التهابات سريعه وشديده جدا في جسم الطفل
اللي لسه انسجه واعضاء جسمه بتتكون ففاجاه تكتشف ان عنده ضعف 👈🏼في التركيز وتشتت انتباه والذاكره ضايعه ❌

٣/٤ ولادنا الايام دي مبقوش مركزين ولا بيذاكروا كويس 🙄

🟡كمان تبص عليه (وبرغم ضعف جسمه) تلاقي عنده بطن وهو لسه في بدايه حياته 🤦🏼‍♂️

✅ده غير انه بيكره الخضار تماما وبياكل البروتين بصعوبه
وبيميل اكتر للنشويات👈🏼 والحلويات لانه اتعود يرفع هرموناته الدماغيه وخصوصا هرمون المكافأه والسعاده
عن طريق الدقيق الابيض❌❌

✅ دة غير مشاكل الجهاز الهضمي اللي بيتعرض لها في سن صغير ما بين امساك او اسهال او انتفاخات او سوء هضم 🥴

✅على المدى الطويل واثناء بناء طفلك بالشكل ده واول ما يوصل لمرحله الشباب تكتشف انه عنده مشاكل صحيه مزمنه زي مقاومه الانسولين والسكر والكوليسترول ومشاكل الجهاز الهضمي و الضغط و غيره 😵😵

🟡 تبقى مستغرب وتقول لنفسك هي الحاجات دي كلها جات له منين ده انا كنت بجيب له 👈🏼انظف اكل وبهتم بيه اكتر ما بهتم بنفسي 😱😱

✅بس للاسف انت دفعت فلوسك عشان تدمر صحه طفلك وانت مش واخد بالك ❌

✅والحياه مش سوداء قوي كده لان في بدايل كثير جدا نقدر نستخدمها
1️⃣خبز الحبه الكامله اللي بتبقى واثق انه معمول فعلا من دقيق حبه كامله

2️⃣او نخبز في البيت مدام حابين نحافظ على صحه اولادنا

3️⃣او نستخدم بديل الخبز خالص زي البطاطس والبطاطا والفاكهه والحاجات الطبيعيه ↖️↖️اللي بتدينا كربوهيدرات بس بتبقى👈🏼 مليانه بالالياف ومضادات الاكسده اللي بتحافظ على صحه اطفالنا

انت فاكر انك بتحافظ علي ولادك … و انت بتأذيهم 🥹🥹

22/08/2025

تحذير هام من مركز بحوث المانجا 🥭⚠️
بما إننا في عز موسم المانجا ☀️، والكل "مُغرم" على الآخر، حابين نحذركم من مرض جديد ظهر مؤخرًا وهو "متلازمة إدمان المانجا". 💉
يا جماعة، المانجا فيها كلام تاني غير الطعم! 🥭🤔
بما إننا اتكلمنا عن المانجا بشكل كوميدي، دلوقتي جه وقت الكلام الجد شوية.
المانجا، على قد ما هي لذيذة، على قد ما ليها أضرار صحية ممكن تأثر علينا، خصوصًا لو أكلناها بكميات كبيرة. خلونا نبص على أهم الحاجات اللي لازم نخلي بالنا منها:
1. سكريات زيادة عن اللزوم:
المانجا من أكتر الفواكه اللي فيها نسبة سكر عالية 🍬. أكلها بكميات كبيرة بيرفع مستوى السكر في الدم بسرعة، وده ممكن يكون خطر على مرضى السكر، وكمان ممكن يسبب زيادة الوزن على المدى الطويل، لأن الجسم بيخزن السكر الزيادة على شكل دهون.
2. مشاكل في الجهاز الهضمي:
المانجا فيها نسبة عالية من الألياف، وده طبعًا مفيد، بس لو زادت عن حدها ممكن تسبب مشاكل زي الإسهال أو الانتفاخ 🤢، خصوصًا لو الجهاز الهضمي بتاعك حساس.
3. حساسية جلدية:
فيه ناس ممكن يجيلها حساسية من المانجا 🥺. الحساسية دي بتظهر على شكل طفح جلدي أو حكة.
4. تأثير على الكلى:
المانجا فيها نسبة من الأملاح والمعادن، صحيح إنها مش عالية قوي، لكن الإفراط في تناولها ممكن يمثل عبء على الكلى، خصوصًا لو الشخص عنده مشاكل صحية مرتبطة بيها.
5. زيادة الدهون الثلاثية:
السكر الكتير اللي في المانجا ممكن يرفع نسبة الدهون الثلاثية في الدم، وده بيزود خطر الإصابة بأمراض القلب والشرايين على المدى الطويل.
الخلاصة: المانجا فاكهة مفيدة ومليانة فيتامينات ومعادن، لكن المفتاح هو الاعتدال. ⚖️
كل مانجا، بس بكميات معقولة، واستمتع بطعمها من غير ما تضر صحتك.
#صيدلي

21/08/2025

إزاي الصحة يا عيلة؟ 🍟👶
"أنا عايز شيبسي! أنا عايز شيبسي!"... جملة بتسمعها أكتر ما بتسمع اسمك في البيت. ولادنا بقوا ماشيين بزمارة شيبسي في بقهم.
بس تعالوا هنا... إنتوا فاكرين الشيبسي ده إيه؟ ده مش مجرد بطاطس مقلية... ده مشروع كيميائي صغير.
كل شيبساية بـ نكهة دي وراها قصة طويلة من الألوان الصناعية والمنكهات اللي ما أنزل الله بها من سلطان.
والمادة السرية اللي بتخليه "مقرمش" وبتدمر خلايا مخهم؟ دي الدهون المهدرجة... يعني دهون متصنعة في المعمل عشان تدينا القرمشة اللي تخلينا ندمنها.
طب إيه حكاية الشيبسي اللي بـ "طعم الشطة والليمون"؟ ده مش شطة... ده خليط من الألوان الصناعية والأملاح اللي تخلي لسانك يطلع نار... والمعدة تروح في داهية.
الخلاصة: إحنا بندخل ولادنا في متاهة من السمنة والسكري ومشاكل الجهاز الهضمي وهم لسه ما كملوش 10 سنين.
يا ريت كل أم وأب يركزوا شوية. مش كل ما ابنك أو بنتك يعيطوا تجري على كيس الشيبسي.
فكروا في الموضوع ده... وبطلوا "تعبوا" أولادكم شيبسي... لأن اللي بيحصل ده مش دلع، ده تدمير ذاتي! 😅💔

14/08/2025

🧠 الفرق بين مرهم ميبو و إيروكسول للحروق والإستخدام الصح لكل نوع؟!!
___
1️⃣. ميبو (MEBO Ointment)

- المكون الأساسي: β-sitosterol (مادة نباتية) + قاعدة من شمع العسل وزيت السمسم.

- الوظيفة الأساسية: ترطيب الجرح، توفير بيئة رطبة تساعد على التئام الأنسجة، وتقليل الألم.

- آلية العمل:
بيعمل moist healing environment → ده بيخلي الخلايا تتجدد أسرع + بيحافظ على الحرارة والرطوبة في مكان الجرح + مش بيذيب أو يزيل الأنسجة الميتة، بل بيحافظ على النسيج الحي ويدعمه.

- الاستخدامات الشائعة: حروق بدرجاتها، قرح الفراش، جروح سطحية، بعد العمليات.
___
2️⃣. إيروكسول (Iruxol Ointment)

- المكونات: Clostridiopeptidase A (إنزيم collagenase) + Chloramphenicol (مضاد حيوي).

- الوظيفة الأساسية: إزالة الأنسجة الميتة (enzymatic debridement) ومنع العدوى البكتيرية.

- آلية العمل:
الكولاجيناز بيكسر الكولاجين والأنسجة النخرية في الجرح، وبالتالي ينضف الجرح ويكشف النسيج السليم + المضاد الحيوي يمنع تلوث الجرح.

- الاستخدامات الشائعة: جروح فيها أنسجة ميتة (necrotic tissue) زي قرح القدم السكري، قرح الفراش المتقدمة، الحروق اللي حصل فيها نخر.

- مهم: ماينفعش يتحط على جرح نظيف أو الحرق الخالي من الأنسجة الميتة لأنه ممكن يضر النسيج السليم.❌
___
🧠 الخلاصة:-

1️⃣. ميبو= الحروق السطحية أو المتوسطة - الجروح النضيفة بعد العمليات أو الخدوش. ليه؟

بيرطب الجرح وبيسرع الالتئام - بيقلل الألم والاحمرار.
❌ مش بيشيل الأنسجة الميتة.

2️⃣. إيروكسول= الجروح اللي فيها أنسجة ميتة أو نخر (زي قرح القدم السكري أو قرح الفراش). ليه؟

بيشيل الأنسجة الميتة بالإنزيم (Collagenase) - بيمنع العدوى بمضاد حيوي.
❌ ماينفعش على الجرح النضيف لأنه ممكن يأذي النسيج السليم.

31/07/2025

🌞 في عز الصيف وخصوصًا في المصيف... احذر من حروق الشمس!
كتير بنقعد بالساعات على البحر أو في البسين، ونرجع جلدنا محمر، بيوجع، وبعد كده يبدأ يقشر!
دي مش حاجة بسيطة، دي اسمها "حروق شمسية" ولازم نعرف نتعامل معاها صح ✅

🔥 إيه هي حروق الشمس؟
هي التهاب جلدي ناتج عن التعرض المباشر والمطوّل لأشعة الشمس، وخاصة الأشعة فوق البنفسجية (UV).

⚠️ أعراض حروق الشمس:
🔴 احمرار شديد في الجلد
💢 إحساس بحرقة ولسعة
📈 تورم أحيانًا
🧴 تقشير الجلد بعد يومين أو تلاتة
🤕 ممكن صداع وسخونية في الحالات الشديدة

☀️ أسباب حروق الشمس في المصيف:
⛱️ التعرض للشمس وقت الذروة (من 10 صباحًا لـ4 عصرًا)
😎 عدم استخدام واقي شمس
🏖️ الجلوس على الشاطئ فترات طويلة
💦 السباحة والتعرض للشمس والجلد لسه مبلول

💊 العلاج بالأدوية:
🧴 كريمات مهدئة:
• بانثينول (Panthenol)
• أفالون كريم للحروق
• ألوڤيرا جل (Aloe Vera)
💊 لو الحرق شديد:
• مضادات التهاب زي: إيبوبروفين – باراسيتامول
• مضاد حيوي موضعي لو الجلد تقشّر وحصل التهاب

العلاج بدون أدوية:
🧊كمادات باردة
💧 شرب مياه بكثرة
🛏️ الراحة وتجنب الشمس
🧴 ترطيب الجلد بكريم خفيف
👕 لبس ملابس قطنية واسعة

✅ طرق الوقاية المهمة:
🧴 استخدم واقي شمس SPF +50 قبل النزول بنص ساعة
♻️ جدد الكريم كل ساعتين أو بعد السباحة
🧢 ارتدي قبعة ونظارة شمس
⏱️ تجنب الشمس من 10 صباحًا لـ4 عصرًا
🌳 اقعد تحت شمسية أو في مكان مظلل

📌 نصيحة مهمة:
اللون البرونزي مش دايمًا صحي، هو دليل على ضرر للجلد.
احمي بشرتك عشان تفضل مستمتع بالصيف من غير ألم 🔐🌴

07/07/2025

تعالى بس اقولك رايح فين🏃‍♂️ ، الكلمتين دول هيغيروا حياتك..

الحديد لازم تاخده على معده فاضيه ودا لإن أُثبت علميا إنه نسبة امتصاص الحديد بدون أكل لجرعة 50 ملجم يصل إلى 10% تقريبا ، مع الأكل حوالي 3% فقط ..

-طب يادكتور انا معدتي بتتعبني جدا منه ؟

=في الحاله ديه نسمح انه يتاخد مع الأكل ولكن نعوض دا بنسبة محترمه من فيتامين سي تزود إمتصاص الحديد بشكل كويس
(مثال : تشرب حوالي ٢٤٠ مللي عصير برتقال )

-طيب في نصيحه تانيه معينه اقدر امشي عليها أثناء تناولي لجرعة الحديد ؟

✅ناخد جرعة فيتامين سي ضعف جرعة الحديد أو أكبر هيزود من إمتصاص الحديد
✅نبعد عن شرب القهوه والشاي والكاكاو بعد تناول الحديد حوالي ساعتين
✅نبعد عن الاطعمه الغنيه بالكالسيوم

ولو في أي استفسار سيبهولنا في كومنت وهنجاوبك بإستفاضه بأمر الله 🤍

29/06/2025

انتشر البطيخ والخوخ. وانتشر الترجيع عند الكبار والصغيرين.

فتعالي كدا اقولك أدوية الترجيع والغثيان (Antiemetics): إمتى نستخدم إيه؟ 🤔
---
1) للأطفال 👶
✅ Ondansetron ( Danset- Ondalenz)
هو الخيار الأفضل
طب ليه ؟
عشان آمن نسبيًا من عمر 6 شهور

بيشتغل كمضاد لمستقبلات 5-HT₃ → يمنع إشارات الغثيان من الوصول للمخ

الجرعة حسب الوزن (0.1 mL لكل كجم)
---
2) للكبار 🧑‍⚕️
طبعا الأمن للصغيرين أمن للكبار
ف Ondansetron معانا✔️

🔹 Domperidone ( Motilium)

بيشتغل كمضاد للدوبامين (D₂) طرفي

مفيد في حالات عسر الهضم والغثيان

ميزة: مابيعديش المخ → أعراض عصبية قليلة

عيبه: ممكن يطوّل الـ QT (يتراجع مع مرضى القلب) فنخلي بالنا⚠️

🔹 Metoclopramide (Primperan)

دا بقا بيشتغل كمضاد للدوبامين (D₂) مركزي وطرفي + يزيد حركة المعدة

مناسب في حالات زي: الصداع النصفي *🔴*، تأخر تفريغ المعدة

يفضل عدم استخدامه أكتر من 12 أسبوع بسبب خطر EPS وارتفاع البرولاكتين
---
3) للحوامل 🤰
✅ Doxylamine + Vitamin B6 هو الاختيار الأول (Vomibreak)

بيشتغل كمضاد للهستامين (H₁)

آمن جدًا (Pregnancy Category A)

⬆️ في الحالات المتوسطة أو الشديدة، ممكن نضيف Metoclopramide (مع مراقبة المدة لأنه ممكن يسبب أعراض جانبية زي EPS وزيادة البرولاكتين)
⚠️
🔸 Ondansetron ممكن نلجأ له لو فشلت باقي الاختيارات، لكنه "off-label" في الحمل

---
🔴🔴طبعا في حاجات كتير تانيه فعاله جدا وينفع استخدامها انا بس خليتك تحط رجلك عالنقط الاساسيه. ❤️

27/06/2025

لو وجع بطنك بدأ حوالين السُرّة… ونزل تحت على اليمين… ولسه قاعد في البيت؟
فأنت كده رسمي بتراهن على وقت ممكن ما يرجعش!

📌 حوالي 1 من كل 10 أشخاص بيتعرضوا لالتهاب الزايدة خلال حياته
يعني اللي هقوله ده… مش نادر!

━━━━━━━━━━━━━━━━━━━

كلت حاجة… وعدّت شوية…
لقيت وجع حوالين السُرّة
الوجع بدأ ينزل لتحت على اليمين
كحّيت؟ زاد
ضحكت؟ زاد
قومت؟ زاد
والمسكن؟ مش نافع
ومعدتك؟ مقلوبة
ونفسك؟ مسدوده
🚨 ولسه بتقول "يمكن تروح لوحدها"؟

━━━━━━━━━━━━━━━━━━━

ما تستناش… الزايدة ما بتهزرش!

📌 ممكن تنفـ.. جر
📌 والصديد يملأ البطن
📌 وتدخل في حالة طوارئ ممكن تبوظ الدنيا كلها

❗ واللي أخطر؟
الزايدة ساعات ما بتبقاش في مكانها الطبيعي
زي في الحمل أو في حالات نادرة (زي اللي عنده القلب والكبد في الناحية التانية)

📌 وفي الحمل؟ مش بس مكان الزايدة بيتغيّر،
لكن كمان تشخيصها بيكون أصعب
لأن أعراضها ممكن تتلخبط مع أعراض الحمل نفسها

📌 ومكان الوجع مش دايمًا ثابت… ممكن يبدأ حوالين السُرّة، وينزل، ويتحوّل
وكل جسم بيعبّر عن الألم بطريقته

━━━━━━━━━━━━━━━━━━━

💊 المصيبة التانية؟
ناس كتير أول ما تحس بوجع… تاخد مسكنات زي البروفين أو الفولتارين
وده بيغطي على الوجع
📌 بس كمان بيبطّأ رد فعل الجسم على الالتهاب،
والبكتيريا تشتغل براحتها… وساعتها خطر الانفـ..جار يزيد
🚨 والزايدة تنفـ..جر وإنت مش داري!

━━━━━━━━━━━━━━━━━━━

لو رحت المستشفى، الدكتور ممكن يضغط على بطنك
📌 ولو شال إيده فجأة والوجع زاد؟
فده معناه إن الغشاء الداخلي للبطن (الصفاق) اتأثر…
ودي علامة خطر بتقول إن الالتهاب دخل على مستوى أعمق

━━━━━━━━━━━━━━━━━━━

📌 أول ما تشك؟ روح المستشفى فورًا!

الدكتور هيكشف
يطلب تحليل دم
وغالبًا هتلاقي كرات الدم البيضا زادت جدًا
📌 كرات الدم البيضا دي بتزيد لما يكون فيه التهاب بكتيري في الجسم،
وده أول مؤشر بيقول للدكتور إن فيه حاجة مش طبيعية شغّالة جوّه

📌 ويطلب تحليل بول كمان؟
علشان يتأكد إن الوجع مش من التهاب بول، ولا حصوة نازلة في الحالب،
ولا حاجة تانية عاملة نفس الشكل
ماهو مش كل وجع في الجنب اليمين يبقى زايدة!

📌 ولو فيه شك؟ هتعمل أشعة مقطعية
ودي أدق وسيلة نكتشف بيها الزايدة
بس ساعات بيبدأوا بالسونار، خاصة لو الحالة طفلة أو حامل
علشان ما نعرضهاش لإشعاع تقيل على الفاضي

🕒 وعلى فكرة…
في أغلب الحالات، من بداية الوجع لحد الانفجار بياخد من 24 لـ 72 ساعة
يعني الوقت ضدك… مش في صفك

📌 وافتكر دايمًا:
مش كل وجع يبقى زايدة،
بس لو كانت فعلاً زايدة؟ عمرها ما بتروق لوحدها
وساعات تسكت مؤقتًا… قبل ما تضـ.رب!

📌 وخد بالك… لو كنت واخد مضاد حيوي لأي سبب تاني،
ممكن يهدّي أعراض الزايدة مؤقتًا…
بس ما يمنعش الانفـ..جار لو الالتهاب شغّال فعليًا!

📌 والمضاد الحيوي؟
أيوه ممكن يُستخدم في الأول لو الحالة مستقرة والدكتور قرر تتابع في المستشفى
لكن ماينفعش تبدأه من دماغك، ولا ينفع تعتمد عليه من غير تقييم طبي

━━━━━━━━━━━━━━━━━━━

الوجع هنا مش مجرد مغص
ولا قولون
ولا تبويض
ولا شد عضلي
الزايدة ليها وجع مميز…
بيزيد مع الوقت
ما بيروحش
ومعاك فقدان شهية وغثيان وسخونية
📌 وأوقات بيكون فيه إمساك أو إسهال بسيط…
وده بيخلي الصورة تلخبط أكتر!

📌 وفي ناس عندهم مناعة ضعيفة – زي مرضى السكر أو اللي بياخدوا كورتيزون –
ممكن الزايدة تيجي لهم من غير حرارة خالص، ولا أعراض واضحة
بس جوّا الجسم؟ فيه كارثة حقيقية شغالة!

━━━━━━━━━━━━━━━━━━━

🔪 طيب لو فعلاً التهاب زايدة؟

لو بسيطة ولسه في أولها: مضاد حيوي قوي في المستشفى
لكن أغلب الحالات؟ لازم عملية
(وغالبًا بتتعمل بالمنظار علشان تبقى أسرع وأسهل)

❓ وساعتها تسأل:
"أنا ممكن أعيش من غير الزايدة؟"
أيوه طبعًا، الزايدة مش أساسية، واستئصالها ما بيأثرش على الهضم ولا على الجسم

━━━━━━━━━━━━━━━━━━━

😷 طيب بعد العملية؟

– ترتاح يومين تلاتة
– تاكل خفيف
– متشيلش تقيل
– تابع الجرح كويس
– أي سخونية أو خروج صديد؟ بلغ الدكتور فورًا
📌 ولو العملية كانت بالمنظار؟
بيبقى فيه ٣ فتحات صغيرة بدل جرح كبير…
وده معناه ألم أقل، وشفا أسرع، وحركة أسرع كمان

🚨 بس لو الزايدة كانت انفـ..جرت قبل العملية؟
ممكن يحصل مضاعفات زي خراج داخلي، التصاقات، أو حتى انسداد معوي
فـ متستهونش!

━━━━━━━━━━━━━━━━━━━

🧓 خلي بالك كمان…

الأطفال وكبار السن ساعات ما يشتكوش بنفس الشكل
الوجع ممكن ما يظهرش بوضوح
بس تلاقيهم تعبانين، بيترجّعوا، سخنين…
يعني لازم تكون صاحي وفاهم إن الزايدة مش دايمًا بتعلن عن نفسها!

━━━━━━━━━━━━━━━━━━━

📌 وفيه حاجة نادرة بس بتحصل:

بعض الناس بيجيلهم وجع متكرر بسيط في نفس المكان
مش قوي… ويروح وييجي
📌 وده ممكن يكون اسمه "التهاب زايدة مزمن"،
والنوع ده ما بيتشخّصش من أول مرة…
وبيحتاج متابعة وفحوصات أدق علشان يتأكدوا

━━━━━━━━━━━━━━━━━━━

🚫 وآخر حاجة…

بلاش تقعد تسأل على جروبات الفيسبوك:
"هو ده قولون ولا زايدة؟"
📌 حتى لو عندك قولون، لازم تفرق…
وجع الزايدة مختلف،
وأي وجع غريب مش شبه اللي متعود عليه؟ محتاج دكتور يشوفه
لأن الزايدة لو انفـ..جرت… مش هتلحق ترجع تسأل تاني!

━━━━━━━━━━━━━━━━━━━

🧠 الخلاصة:

لو عندك وجع حوالين السُرّة نزل تحت على اليمين
ومعاك غثيان، فقدان شهية، وسخونية؟
🚫 ما تقعدش في البيت
🚫 ما تاخدش مسكن
🚫 ولا تحط كمادات
🚨 الزايدة لو انفـ..جرت…
مش هتلحق تراجع الكلام ده تاني!

صيدلية د.محمدعبدة - Dr. Mohamed Abdo Pharmacy

18/02/2026

07/02/2026

17/12/2025

14/12/2025

21/09/2025

22/08/2025

21/08/2025

14/08/2025

31/07/2025

07/07/2025

29/06/2025

27/06/2025

Address

Website

Alerts

Shortcuts

Share

Category