What are the opening hours?

Monday 5pm - 9pm Tuesday 5pm - 9pm Saturday 5pm - 9pm Sunday 5pm - 5pm

https://www.facebook.com/2039215743070997/

د خالد الشرنوبي أخصائي القلب

Home
Egypt
Damanhour
د خالد الشرنوبي أخصائي القلب

Contact information, map and directions, contact form, opening hours, services, ratings, photos, videos and announcements from د خالد الشرنوبي أخصائي القلب, Cardiologist, سنهور _ أمام محطة القطار _ بجوار د. حمدي الشرنوبي, Damanhour.

أخصائي القلب والأوعية الدموية بمستشفى مدينة نصر التخصصي و مستشفى الأمراض الصدرية بدمنهور
د. دكتوراه القلب والأوعية الدموية جامعة الأزهر بالقاهرة
مدرس مساعد القلب بكلية الطب جامعة الأزهر المصريون ليسوا اغبياء و ليسوا أقل ذكاء من باقي طلاب العالم المتقدم، غير أن أسلوب التعليم عندنا يقتل الإبداع و يعتمد على الحفظ فقط من أجل ورقة الامتحان. لكننا قررنا أن هذا الواقع لابد أن يتغير. البداية من هنا! معا

سنتعلم بطريقة صحيحة، ستكون طبيب بمستوى عالمي. سنتعلم كيف نفكر بأسلوب علمي و نتدرب على البحث و التعلم الذاتي. و هذا أفضل طريق للحصول على الدرجات النهائية. هذا الجيل سيكون نواة لنهضة من جديد. فمن مستعد؟

24/02/2026

زي ما رمضان فرصة للي عايز يقرب من ربنا ويجتهد في العبادة ويسمو بنفسه إلى أعلى الدرجات..
هو كمان فرصة ذهبية للي عايز يخس ويظبط وزنه ويظبط أكله وبتعود على أسلوب حياة صحي
وكمان يقلع عن التدخين
رمضان شهر الصبر والعزيمة
والصيام مدرسة
حقيقي خسران كتير اللي هيطلع من رمضان زي ما دخل
خاب وخسر من أدرك رمضان ولم يغفر له
يلا دي فرصة ذهبية جت لحد عندك
يلا قرب من ربنا أكتر
وقف تدخين دلوقتي
وأبدأ ظبط أكلك وخس ومارس أسلوب حياة صحي
أعاننا الله وإياكم على طاعته 🌹☘️
وتقبل الله منا ومنكم الصيام والقيام وصالح الاعمال
وأدام الله علينا وعليكم نعمة الصحة والعافية
وكل عام وانتم بخير ❤️
القلب هو الملك ❤️
دكتور خالد الشرنوبي
سنهور -أمام محطة القطار
للتواصل:01060195739

20/02/2026

بيكح دم!!!...... بيكح دم!!!!
جالي مريض عمره 35 سنة لا يعاني من ضغط أو سكر لكن قصته كانت عجيبه فعلاً
العيان بقاله شهور بيشتكي من كحة و نهجان مع أقل مجهود ولف على دكاترة صدر كتير وأخد من أنواع البخاخات وموسعات الشعب الهوائية ما لذ وطاب 😂😂😂
مع كوكتيل من مختلف المضادات الحيوية ولكن بدون أي تحسن
مؤخراً بدأ يكح دم
طبعاً المريض اترعب راح لدكتور الصدر، طلب أشعة مقطعية على الصدر
لكن المفاجأة الأشعة سليمة الرئتين تمام مفيش التهاب مفيش حاجه
طاب إيه ؟
قاله روح لدكتور للقلب........
استمعت لقصته بإنصات
هو بيحكي جزء وزوجته بتكمل الباقي وهما في حالة قلق شديد....
فحصت المريض وطلبت نعمل إيكو على القلب
هوب.. هوب.. إيه دا.. إيه دا؟؟!
روماتيزم على صمامات القلب.......
ضيق شديد في الصمام الميترالي..🥺
الدم مش عارف يعدي...
مساحة الصمام حوالي واحد سم مربع فقط
ليك حق تكح دم بقى...
بس الحمد لله عرفنا السبب و إن شاء الله العلاج موجود.
سألته انت كان عندك روماتيزم على القلب وانت صغير ؟
آه يا دكتور بس دا من زمان قوي
كنت بتاخد حقنة البنسلين طويل المفعول ؟
آه أخدتها شوية بس بطلتها
ليه ؟
منا كنت كويس ومش بشتكي من حاجة🥺🥺
كتبت تقرير الإيكو
وشرحت له الموضوع بشكل مبسط
وحاولت أطمنه و أفهمه إن الحمد لله إننا وصلنا للتشخيص السليم بعد شهور من اللف والتعب.
كتبت له العلاج المناسب لحالته واتفقنا مع بعض على خطة العلاج.
وحالياً في انتظار صدور قرار العلاج على نفقة الدولة لتوسيع الصمام الميترالي عن طريق القسطرة وربنا يتم شفاه على خير 🤲
ويشفي جميع مرضانا ويغفر ذنوبنا ويتقبل منا صيامنا و قيامنا و أن يجعل عملنا كله خالصا لوجهه الكريم
وكل عام وانتم بخير 🌹
القلب هو الملك ❤️
دكتور خالد الشرنوبي
سنهور -أمام محطة القطار
للتواصل:01060195739

15/02/2026

🌙 قلبٌ سليم في شهر الخير.. نصائح طبية لمرضى القلب في رمضان
مع اقتراب شهر رمضان المبارك، نرسل إليكم أطيب الأمنيات بالصحة والعافية. الصيام فريضة روحية عظيمة، ولكن لمرضى القلب خصوصية تستوجب الحذر والمتابعة لضمان صيام آمن بلا مضاعفات.
إليكم أهم النصائح من عيادة دكتور خالد الشرنوبي:
1. الاستشارة قبل العزم 🩺
لا تبدأ الصيام دون استشارة طبيبك المختص. تقييم حالتك الصحية (سواء كنت تعاني من قصور القلب، ضغط الدم، أو خضعت لجراحة مؤخراً) هو الخطوة الأولى لتحديد قدرتك على الصيام وتعديل مواعيد الأدوية.
2. رتب مواعيد دوائك 💊
تجنب تماماً تغيير مواعيد جرعات الأدوية أو إهمالها من تلقاء نفسك. الطبيب سيساعدك في توزيعها بين الإفطار والسحور بما يضمن ثبات مستواها في الدم طوال فترة الصيام.
3. احذر "فخ" الإفطار الثقيل 🍽️
قلل الأملاح: الموالح والمخللات ترفع ضغط الدم وتجهد عضلة القلب.
تجنب الدهون: الأكلات الدسمة والمقليات تؤدي لزيادة تدفق الدم للجهاز الهضمي بشكل مفاجئ، مما قد يرهق القلب.
الاعتدال: قسم وجباتك لعدة وجبات خفيفة بدلاً من وجبة واحدة كبيرة.
4. شرب الماء بذكاء 💧
احرص على شرب كميات كافية من الماء (من 8 إلى 10 أكواب) في الفترة ما بين الإفطار والسحور لتجنب الجفاف، خاصة لمن يتناولون أدوية مدرة للبول.
5. متى يجب التوقف فوراً؟ ⚠️
إذا شعرت بأي من الأعراض التالية أثناء الصيام، يجب الإفطار فوراً ومراجعة الطبيب:
نهجان شديد أو ضيق في التنفس.
آلام في الصدر.
دوخة مفاجئة أو زغللة في العين.
خفقان سريع أو غير منتظم في ضربات القلب.
رسالة من دكتور خالد الشرنوبي:
"صحتك هي أغلى ما تملك، والشرع رخص للمريض الإفطار حفاظاً على حياته. صيامكم مقبول وصحتكم في أمان بإذن الله."
القلب هو الملك ❤️
📍 العنوان: سنهور -أمام محطة القطار
📞 للتواصل والحجز: 01060195739

11/02/2026

كل عام وأنتم بخير 🌙
تتقدم صفحة
دكتور خالد الشرنوبي – أخصائي القلب
بأطيب التهاني بقدوم شهر رمضان المبارك
نسأل الله أن يجعله شهرًا
صيامه مقبول، وعمله صالح،
وأن يملأ أيامكم صحةً وعافيةً وطمأنينة 🤍
🔔 مواعيد عمل العيادة خلال شهر رمضان:
🗓 من السبت إلى الثلاثاء
⏰ من الساعة 2 ظهرًا حتى 5 مساءً
📞 للحجز والاستعلام:
01060195739
💙 القلب هو الملك ❤️

05/02/2026

هو الدكتور بيشوف إيه في رسم القلب؟
هو بيرسم القلب إزاي يعني؟
وإيه الفرق بين رسم القلب والإيكو؟ 🤔
خلّينا نبسّطها خالص 👇
🔹 رسم القلب
اسمه الأدق رسم كهربة القلب
يعني إيه؟
يعني تسجيل الموجات الكهربية اللي بتسري داخل عضلة القلب وتنظم ضرباته ❤️⚡
📌 رسم القلب مش بيرسم:
غرف القلب
الشرايين
الصمامات
هو كهرباء فقط… لكن كهرباء مهمة جدًا 👌
🔹 مميزات رسم القلب
فحص بسيط
سريع
غير مؤلم
رخيص
مفيهوش أي أعراض جانبية
وفي نفس الوقت مفيد جدًا في التشخيص
🔹 رسم القلب بيكشف إيه؟ ✔️ جلطات القلب الحادة وخاصة الجلطة الكاملة (STEMI)
✔️ قصور الشرايين التاجية
✔️ اضطرابات ضربات القلب
✔️ الرفرفة والرجفان الأذيني
✔️ تسارع أو بطء ضربات القلب
✔️ انقطاع التوصيل الكهربي داخل القلب
⚠️ معلومة مهمة
رسم القلب لا يُفسَّر لوحده
لازم يتقري في ضوء:
شكوى المريض
الفحص الإكلينيكي
التحاليل والأشعات
👨‍⚕️ لأننا ببساطة
بنشخّص ونعالج مريض… مش ورقة رسم قلب
القلب هو الملك ❤️
د/ خالد الشرنوبي
سنهور -أمام محطة القطار بجوار د حمدي الشرنوبي

29/01/2026

رسم القلب دا فيه ايه يا دكتور ؟!
ممكن تبصلي على الإيكو دا يا دكتور ؟
يا دكتور الإيكو مبين ارتخاء في الصمام الميترالي!😯😯😯.........
في البوست دا هنتكلم عن الفحوصات المتعلقة بأمراض القلب ودي خطوة ليه اهميتها بعد أخذ التاريخ المرضي والفحص الطبي يأتي دور الفحوصات.
أحياناً فيه حد يبعت لي رسم قلب أو إيكو أو حتى تقرير قسطرة ويقولي ايه رأيك في رسم القلب دا يا دكتور ؟
في الحقيقة الفحوصات دي رغم اهميتها الكبرى لا يمكن أبداً الإستغناء بها عن مناظرة المريض وسماع تاريخه المرضي وشكوته والكشف عليه.
يعني ممكن رسم القلب يكون طبيعي جداً ومع ذلك المريض عنده جلطة في القلب وكذلك الإيكو.
والعكس صحيح أيضاً ممكن يكون فيه تغيرات كبيرة في رسم القلب أو الإيكو ولكنها ليست ذات قيمة.
وبناء عليه أي فحص لا يتم طلبه إلا عن طريق الطبيب بعد مناظرة حالة المريض.
كان فيه كلمة بيقولها أحد أساتذتنا " كثرة الفحوصات تضل ولا تدل" فضلاً عن التكلفة الباهظة بدون داعي.
لذلك نصيحتي لكم أحبتي قبل أن تقوم بأي فحص أو عمل أي تحليل استشير طبيب متخصص. قل له الأعراض التي تشعر بها وتعاون معه في الكشف الطبي ثم اعرف منه خطة العلاج والفحوصات المطلوبة.
مثلاً إذا حسيت بألم في الصدر متروحش تعمل إيكو قبل استشارة الطبيب.
إذا شعرت بضيق في التنفس متتطوعش وتروح تعمل أشعة مقطعية.
نصيحه من محب استشر طبيب متخصص حفاظاً على صحتك وعلى مالك.
إن شاء الله سيكون لنا وقفة مع كل الفحوصات المتعلقة بأمراض القلب في بوستات قادمة.
دمتم في رعاية الله وحفظه.
القلب هو الملك ❤️
د/ خالد الشرنوبي
سنهور -أمام محطة القطار بجوار د حمدي الشرنوبي
دمنهور عيادات تالا شارع عبد السلام الشاذلي
01060195739

26/01/2026

اعتذر عن التواجد بالعيادة اليوم
ومتواجد غداً الثلاثاء إن شاء الله من الساعة 3

22/01/2026

هل السماعة تهمس في أذن الطبيب لتخبره بالتشخيص ؟👀
بعد تكلمنا في البوست السابق عن التاريخ المرضي وأهميته ،
ننتقل إلى الخطوة الثانية في تشخيص أي مرض وهي الفحص الطبي.
فبعد أن يتحدث الطبيب مع المريض مستقصيا لتاريخه المرضي يقوم بفحص المريض.
الخطوة دي مهمة جدا ومهم نفهم الدكتور بيعمل ايه علشان نساعده ونفهم كلامه.
أنا مثلاً بحب أبدأ الفحص دايما بالعلامات الحيوية و هي قياس الضغط والنبض ومعدل التنفس و درجة الحرارة
دي غاية في الأهمية علشان كده سموها العلامات الحيوية.
أي خلل في هذه العلامات يعني الكثير والكثير.
فمثلاً لو الضغط منخفض جداً أو عالي جداً هذا قد يعني أن المريض حياته مهدده
أو معدل التنفس سريع أو النبض سريع أو بطيء أو غير منتظم كل هذه المعلومات في غاية الأهمية.
بعد هذا يكون الفحص العام
نظرة الطبيب لحالة المريض العامة قد تفشي الكثير من الأسرار!
بعض العلامات قد يراها الطبيب في عيني المريض أو في لسانه أو في يديه قد تخبره الكثير.
بالنسبة لي كطبيب قلب ، يتبقى لي فحص القلب والصدر بالسماعة.
السماعة تقوم بتنقية وتوصيل أصوات القلب إلى أذني الطبيب يستمع إلى كل صمام ويتأكد من عدم وجود لغط.
يقوم الطبيب بوضع السماعة في أماكن معينة وينصت لأصوات قلبك ،فمن فضلك لا تتحدث في هذه الخطوة.
نفس الكلام وأنا بسمع الصدر وبسمع صوت دخول الهواء إلى الرئتين وخروجه منهما، فمن فضلك خد نفس عميق وخرجه.
أخيراً وانا بفحص الطرف السفلي ممكن اضغط على الساق قليلا وبالمناسبة مش كل ورم في الساقين معناه ميه تحت الجلد.
علامات مهمة وبتساعدنا في التشخيص.
وبكده نكون قطعنا تلتين الطريق علشان نوصل للتشخيص السليم بإذن الله.
انتظرونا في البوست القادم مع التلت اللي باقي.
نسأل الله الشفاء والعافية لكل مريض 🤲
دمتم في حفظ الله ورعايته
د/خالد الشرنوبي
مدرس مساعد القلب و القسطرة
سنهور -أمام محطة القطار
دمنهور- عيادات تالا

20/01/2026

خالص التهاني والتبريكات للصديق العزيز والأخ الحبيب دكتور مصطفى عادل بمناسبة مناقشة رسالة الماجستير في طب المخ والأعصاب.
نسأل الله له دوام التوفيق والقبول.
نفع الله بكم المرضى وجعلكم سبباً في الشفاء ❤️

16/01/2026

ازاي الدكتور بيشخص المرض؟
مهم جداً نعرف ويكون عندنا وعي
الطبيب مش ساحر ومش بيعرف الغيب...
التشخيص هو أهم خطوة في طريق الشفاء
تشخيص خطأ يساوي علاج خطأ ومضاعفات لا آخر لها....
لذلك هقولكم خطوات تشخيص أي مرض علشان المريض يساعد الطبيب ويكون فاهم إيه اللي بيحصل
أول خطوة وأهم خطوة على الإطلاق:
هي شكوى المريض و التاريخ المرضي السليم والمفصل.
و الله دي في بعض الأحيان بتكون أهم من عشرات الفحوصات اللي بتكلف الآف الجنيهات.
أول ما بدأنا نتعلم ازاي نكشف على عيان في الكلية كان فيه جملة شهيرة
Good history=Good doctor
الطبيب الماهر هو من يستقصي التاريخ المرضي بدقة.
كلمة تخرج من فم المريض قد تكون مفتاح تشخيص الحالة وتوفر عليه الكثير من اللف والفحوصات.
لذلك الطبيب الماهر هو من يعطي الوقت والإهتمام لمعرفة شكوى المريض بدقة ولا يستعجل في هذه الخطوة
وأنت عزيزي المريض مطلوب منك وصف شكوتك بوضوح والإجابة على أسئلة الطبيب بدقة.
اعرف أسماء الأدوية التي تاخذها أو خدها معاك وانت رايح للطبيب.
احتفظ بأي فحص عملته قبل كده وخده معاك أو صوره على الموبايل بالذات لو رسم قلب أو تقرير إيكو أو تقرير القسطرة.
كل معلومة بتفرق علشان قرار الدكتور يكون سليم.
حتى فيه بعض المعلومات التي يستحيي منها بعض المرضى قد تكون في غاية الأهمية مثل التدخين أو تناول المواد المخدرة أو غيره.
عليك أن تشعر بالأمان و تدلي للطبيب بكل المعلومات التي تساعده على التشخيص فالهدف في النهاية هو صحتك والطبيب يحاول أن يساعدك بما آتاه الله من علم.
انتظروا الخطوة الثانية من خطوات التشخيص في البوست القادم إن شاء الله.
دمتم في رعاية الله وحفظه.
قولوا دائما: اللهم اني اصبحت منك في نعمة وعافية وستر فأتم على نعمتك وعافيتك وسترك في الدنيا والآخرة 🤲
د/. خالد الشرنوبي
01060195739

09/01/2026

بعض الناس يظن أن كثرة الأموال هو الغنى،
ولكن هناك أشياء لا يمكن أن تشترى.
نسأل الله أن يجعلنا سبباً في شفاء كل مريض نلقاه
وأن يرزقنا الإخلاص في القول والعمل وأن يتقبل منا ومنكم صالح الاعمال
وأن يشفي كل مريض ويعافي كل مبتلى ويرزق كل فقير وأن يهدي كل عاص وأن يرد كل غائب وأن يجبر كل كسير وأن يملأ قلوبنا رضا وسعادة وطمأنينة❤️
وصلى الله وسلم وبارك على سيدنا محمد وعلى آله وصحبه أجمعين
جمعتكم مباركة🌹

06/01/2026

قصة حياة نبضة ❤️
في أعماق الصدر…
وفي نقطة صغيرة لا تُرى بالعين،
تبدأ الحكاية ✨
📍 العقدة الجيب أذينية (SAN)
هنا تولد النبضة…
دون أمر منك، دون تفكير،
بأمرٍ واحد فقط:
﴿إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ﴾
تنطلق النبضة بهدوء،
تسري في الأذينين،
فتنقبض عضلتهما في تناسقٍ عجيب
لدفع الدم نحو البطينين ❤️
ثم تصل النبضة إلى العقدة الأذينية البطينية (AV Node)
فتتوقف…
وقفة قصيرة محسوبة بدقة،
لا تزيد ولا تنقص
حتى يمتلئ البطينان بالدم تمامًا
من علّمها التوقيت؟
ومن ضبط لها هذا النظام؟
سبحان الله 🙏
ثم تنطلق بقوة عبر: حزمة هِس
وألياف بوركنجي
كأنها رسالة عاجلة لا تقبل التأخير ⚡
📍 انقباض البطينين
هنا تبلغ النبضة ذروة حياتها
فيندفع الدم:
إلى الرئتين ليتنفس
وإلى الجسد كله ليحيا
وبعد أن تؤدي مهمتها…
تنتهي النبضة
وتسقط في صمت 🕊️
لكن قبل أن يلحظ أحد وفاتها
تكون أختها قد وُلدت
لتبدأ القصة من جديد…
نبضة بعد نبضة
ليلًا ونهارًا
في الصحة والمرض
في النوم واليقظة
⏱️ أكثر من 100 ألف نبضة يوميًا
نظام لا يختل
ودقة لا تخطئ
أفلا يستحق هذا القلب أن نحافظ عليه؟
أفلا يدل هذا الإبداع على عظمة الخالق سبحانه وتعالى؟
🩺 قلبك يعمل بلا توقف…
فلا تتوقف عن الاهتمام به ❤️
د. خالد الشرنوبي
اخصائي القلب
سنهور -أمام محطة القطار بجوار د حمدي الشرنوبي
دمنهور عيادات تالا - شارع عبد السلام الشاذلي
للحجز والاستفسار:01060195739

Address

سنهور _ أمام محطة القطار _ بجوار د. حمدي الشرنوبي
Damanhour

Opening Hours

Monday	5pm - 9pm
Tuesday	5pm - 9pm
Saturday	5pm - 9pm
Sunday	5pm - 5pm

Telephone

+201060195739

Website

facebook.com

Alerts

Be the first to know and let us send you an email when د خالد الشرنوبي أخصائي القلب posts news and promotions. Your email address will not be used for any other purpose, and you can unsubscribe at any time.