16/12/2025
🌹🌻💐 اسعدكم الله واصلح بالكم ،
ووهبكم من الحب اخلصه واصدقه وادومه 🌹🌻💐
ده كان بوست 👇👇👇
الأخوات دول أهانوا وضربوا أخوهم المسن اللي كتب فلوسه وممتلكاته لبناته الأربعة، لأنهم ببساطة شايفين أن (الشرع) بيديهم حق فيها مادام معندوش ولاد ذكور!
ورغم إنه ممكن نفهم منطق الشرع ده في المجتمعات القديمة، في سياق مثلا أن الأخوة في حالة زي دي المفروض كانوا بيراعوا بنات أخوهم اللي معندهمش (راجل) يحميهم، على أساس أن الهيمنة وقتها كانت للرجال في أغلب مناحي الحياة، بينما النساء كانت تابعة ليهم في البيت…إلخ
إلا أن في عالمنا اليوم الأمر مختلف تماما… احنا مبقناش في مجتمع القبيلة بتاع زمان، لا دلوقتي بقينا في دولة ليها قانون، بقى فيه حاجة اسمها حقوق وواجبات للمواطن سواء راجل او ست، بقى فيه تقريبا مساواة بينهم في صراع الحياة نفسها، المرأة بقت بتشتغل وليها حياتها الخاصة، ده غير ان العلاقات الأسرية نفسها مبقتش زي زمان، دلوقتي عادة كل واحد وأسرته في حالهم…إلخ
وعلشان كده المنطق والعقل يقول إن الصح هو اللي عمله الراجل الغلبان ده، إنه يكتب لبناته تعبه وشقاه وفلوسه في حياته قبل ما يموت، بدل ما تروح حسب (الشرع) لإخواته اللي لسه داخلين عليه البيت وضاربينه قدام بناته!
عموما ده في رأيي مثال واضح لنتيجة الإصرار على التطبيق الحرفي لتشريعات الماضي على واقع الحاضر، واللي يمكن كمان تفهمنا ليه دولة زي تونس حاولت تعدل في قوانين المواريث.
فالعبرة من الشرع مش التطبيق الحرفي الأعمي له، المفروض غاية الشرع (كما يقول الفقهاء) هي تحقيق المصالح ودرء المفاسد، فهل العقل يقول إن أخوات الراجل ده ياخدوا ورثه ويكونوا أوصياء على بناته اللي هانوا وضربوا أبوهم قدامهم في حياته!!؟
وحتى لو أفترضنا أن فيه اخوات كويسين مش هيعملوا كده، بس تخيل معايا بقى كام حالة مشابهة زي دي ورث فيها بالفعل أخوات زي دول وبقوا أوصياء على بنات أخوهم، اللي ممكن الواحدة منهم تزحف حرفيا علشان تاخد كام مليم من فلوس أبوها…وكله بحجة الشرع!
وده كان تعليقي 👇👇👇
هي المشكلة ف الشرع
ولا ف تطبيق الشرع
المشكلة في تطبيق الناس للشرع
مفهوم ادخلوا ف السلم كافة
افتؤمنون ببعض الكتاب وتكفرون ببعض
انهم يدعون لدين جديد علي اهواءهم
هو من حق اي حد يكتب اي حاجة لاي حد في حياته ببساطة شديدة لانها مش ورث
لما يموت تبقي اشياؤه ورث ويطبق عليها احكام القران اللي وضعها ربنا
واللي احنا مش هنعدل عليه حاشانا
المعضلة في ان الناس رافضة الانصياع للاسلام بحذافيره
لا في ايمان
ورضا .ولا صبر
انا مسلم اه
بس علي مزاجي
المواريث فيها ظلم
والحجاب مش فرض
وشهادة الراجل زي الست
يا كدا يا اما ميعجبنيش
فيبقي لازم يتغير الاسلام القديم بالجديد اللي يمشي حسب اهواء الناس الجهلة عشان يبقي اسلام مفرغ اجوف
وانا لله وانا اليه راجعون
ليس لها من دون الله كاشفة
د . منال يسري
مؤسس مبادرة مودة وسكن
للاستعماع للتعليق الصوتي وكل ما عندنا فضلا
انضموا للقناة
👇👇👇
https://t.me/+RdQjIV79LzwzlMOa
![﴿ أَفَلَا يَتَدَبَّرُونَ الْقُرْآنَ أَمْ عَلَىٰ قُلُوبٍ أَقْفَالُهَا﴾[ سورة محمد: 24]في سؤال مهم لازم كل واحدة فينا تسأل...](https://img3.findhealthclinics.com/157/000/1339023971570005.jpg)
