https://www.facebook.com/479841729429671/

مستشفى دار الشفاء بدمنهور

Home
Egypt
Damanhour
مستشفى دار الشفاء بدمنهور

دار الشفاء | 35 عامًا من الثقة والرعاية الطبية المتميزة.

30/03/2026

في مستشفى دار الشفاء التخصصي بنك الدم مجهز لتوفير جميع فصائل الدم ومشتقاته بأعلى معايير الأمان، والفحوصات الدقيقة قبل نقل الدم.✊

للاستفسار يرجي التواصل معنا على أرقامنا:
📞للتواصل: 01000185757 - 0453326002

26/03/2026

عيادات مستشفي دار الشفاء، دايمًا مستعدة لأستقبالكم ورعايتكم على أكمل وجه❤️

للاستفسار عن المواعيد، تواصل معنا من خلال رسايل الصفحة

او كلمنا على أرقامنا:

📞للتواصل: 01000185757 - 0453326002

21/03/2026

الأم ھي الشفاء قبل الدواء.
من قلب مستشفى دار الشفاء، بنقول لكل أم: شكراً
لأنك مصدر القوة والأمان. دمتِ لعائلتك بخیر.
عید أم سعید.

20/03/2026

فريق مستشفى دار الشفاء

يتقدم بخالص العزاء والمواساة
في وفاة حرم
اللواء أ.د. محمد لطفي بديوي
صاحب معامل د. بديوي بالبحيرة والإسكندرية
ونقيب صيادلة البحيرة الأسبق

والدة كلٍ من:
أ.د. خالد بديوي – الأستاذ بكلية الطب جامعة الإسكندرية
اللواء أ.د. مجدي بديوي
أ.د. أحمد بديوي – أستاذ أمراض الدم جامعة الإسكندرية
أ.د. صفاء بديوي – مدير معامل المعهد الطبي القومي بدمنهور

داعين المولى عز وجل أن يتغمد الفقيدة بواسع رحمته،
وأن يسكنها فسيح جناته،
وأن يلهم الأسرة الكريمة الصبر والسلوان.

إنا لله وإنا إليه راجعون

19/03/2026

كل عام وأنتم بخیر.. عساكم من عواده.

16/03/2026

النصيحة العاشرة والأخيرة لشهر رمضان والمرة دي نصيحة عشان العيد🥳🎇

أول يوم فطار بعد صيام طويل وعايز تقضيه بشكل سليم من غير تعب.😩
لازم تبدأ اليوم قبل صلاة العيد تعود معدتك على الحياة الطبيعية من تاني فتبدأ معاها بكميات أكل صغيرة شوية كحك مع شاي او لبن، كمية كحك صغيرة مش كبيرة، الكمية الكبيرة ممكن تتعب معدتك وتضيع عليك أجازة العيد

خلصنا وصلينا العيد خلي وجبة الفطار فيها بروتين بسيط زي البيض والزبادي، خضار وفواكه، وقلل كمية السكريات والدسم على الأقل في وجبة الفطار

اشرب مية تدريجيا ووزع كمية المية والمشروبات على مدار اليوم بدل ما تشرب حاجات كتيرة مرة واحدة

ولو كنت مريض سكري لازم ولابد تقيس السكر قبل ما تفطر وبعد ما تأكل أي حلويات لتجنب أي هبوط أو ارتفاع مفاجئ

وآخيرا استمتع بالعيد وافرح مع العيلة وحبايبك بس خليك معتدل في أكلك

سلسلة النصايح خلصت ورمضان بيخلص فمتنساش تشوف النصايح اللي فاتت لحد ما ربنا يبلغنا رمضان الجاي💫
مستشفي دار الشفاء من 35 سنة وإحنا دار الشفاء

📞للتواصل: 01000185757 - 0453326002

14/03/2026

النصيحة التاسعة والمرة دي مش ليك دي لأولادك🧍

مش لازم يصوم يوم كامل مرة واحدة!
الطريقة الصحيحة لتعليم الطفل الصيام:
ابدأ تدريجيًا من سن 7 سنوات، مع سحور صحي ومتوازن، وكميات كافية من المياه، الهدف إن الطفل يتعلم الصبر بدون ما يتعرض للتعب.
الصيام الطويل عند الأطفال ممكن يسبب هبوط وسكر منخفض، وجفاف سريع، والجسم صغير ولسه بيتعلم التحكم في الطاقة والسوائل عشان كده يفضل نبدأ تدريجيًا مع الأطفال.

متنساش تشوف النصايح اللي فاتت💫
مستشفي دار الشفاء من 35 سنة وإحنا دار الشفاء

📞للتواصل: 01000185757 - 0453326002

12/03/2026

النصيحة التامنة لو بتعطش كتير وأنت صايم💦

الجفاف أثناء الصيام
أغلب حالات الجفاف سببها بسيط: قلة شرب المياه بين الفطار والسحور، مع الإكثار من المشروبات المدرة للبول زي القهوة. النتيجة إن الجسم يفقد سوائل أكتر ما بيعوض، وده يبان بسرعة في صورة صداع، خمول، جفاف في الفم، وقلة في التبول.
علشان تتجنب الجفاف:
اشرب من 2 إلى 3 لتر مياه تدريجيًا من المغرب للسحور، مش مرة واحدة.
قلل المنبهات، خصوصًا القهوة، لأنها بتزود فقدان السوائل.
وزع شرب المياه على فترات، وخلي في سحورك أطعمة غنية بالمياه زي الخضار.

متنساش تشوف النصايح اللي فاتت💫
مستشفي دار الشفاء من 35 سنة وإحنا دار الشفاء

📞للتواصل: 01000185757 - 0453326002

10/03/2026

النصيحة السابعة للي بيعاني مع الغدة الدرقية😵

إيه المشكلة اللي بتلخبط مرضي قصور الغدة في رمضان؟

هي توقيت الدواء، قرص الغدة الدرقية لازم يتاخد على معدة فاضية علشان الجسم يمتصه صح، لو أخدته بعد الأكل أو مع القهوة بيقلل امتصاصه بشكل واضح، ووقتها تظهر الأعراض وكأن الجرعة مش كفاية.
إيه العلامات اللي تقول إن في لخبطة في الهرمونات؟
خمول غير طبيعي، إحساس بتقل في الجسم، زيادة وزن ملحوظة، تساقط شعر، وأحيانًا خفقان قلب شديد.
التصرف الصح في رمضان بسيط :
خد قرص الغدة على معدة فاضية قبل السحور بساعة كاملة، وبلاش كافيين قهوة أو شاي أو أكل في الفترة دي وبكده تضمن إن الدواء يشتغل بكفاءة، والصيام يعدي من غير تعب إضافي.
سوء تنظيم وقت الدواء هو اللي بيعمل أزمة ومشاكل ومع شوية انضباط في التوقيت تقدر تخلص كل مشاكلك. 🌙

متنساش تشوف النصايح اللي فاتت💫
مستشفي دار الشفاء من 35 سنة وإحنا دار الشفاء

📞للتواصل: 01000185757 - 0453326002

09/03/2026

النصيحة السادسة ومهمة جدًا عشان تظبط مواعيد أدويتك⏱️

من أخطر القرارات اللي ممكن تاخدها إنك توقف دواء من نفسك أو تغير مواعيده.
كتير من المرضى بيعتقدوا إن الصيام معناه نوقف العلاج، وده غلط كبير ممكن يعمل لخبطة في الضغط، السكر، أو حتى حالة القلب، جسمك مش عارف إنك صايم هو بيتعامل بالأرقام والجرعات والمواعيد مستني الدواء اللي بتاخده الساعة 12 الضهر.
عشان كده تنظيم الدواء في رمضان محتاج تخطيط بسيط:
الأدوية اللي مرة يوميًا غالبًا تتاخد بعد الفطار.
اللي مرتين يوميًا تتقسم بين الفطار والسحور.
الأدوية كل 12 ساعة سهل تنظيمها بين المغرب والفجر.
لكن الأدوية اللي كل 8 ساعات غالبًا لا تناسب الصيام… إلا لو الطبيب غيّر النوع أو النظام العلاجي.
والمضاد الحيوي تحديدًا لازم يتاخد في مواعيد ثابتة ومنتظمة. أي لعب في التوقيت أو تفويت جرعات ممكن يخلي الالتهاب يستمر أو يرجع تاني أقوى.

متنساش تشوف النصايح اللي فاتت💫
مستشفي دار الشفاء من 35 سنة وإحنا دار الشفاء

📞للتواصل: 01000185757 - 0453326002

07/03/2026

النصيحة الخامسة ومش هنطول عليكم😄

نوع الأكل في رمضان أهم من كمية الأكل… لأن جسمك محتاج ذكاء في التعامل معاه خلال الشهر!
الحكاية بتبدأ من السحور، الوجبة اللي ناس كتير بتتعامل معاها باستخفاف وهي في الحقيقة خط الدفاع الأول طول اليوم.
سحورك لازم يكون متكامل: مصدر بروتين يشبعك زي الفول أو البيض، مع زبادي يريح المعدة، وعيش بلدي يديك طاقة تدريجية، وخضار زي الخيار يقلل إحساس العطش، مع شرب مية بشكل كافي حوالي 2 لـ 3 لتر طول فترة الإفطار، وتقليل المنبهات زي الشاي والقهوة علشان ما تصحاش تاني يوم عطشان ومجهد.
بعد ساعات الصيام تيجي وجبة الفطار، هنا الغلطة الشائعة إننا نهجم على الأكل، والصح إنك تفطر بحاجة بسيطة: تمر ومية، عشان ترفع سكر الدم تدريجيًا وتحميك من عسر الهضم بعدها تاخد فاصل صغير تتحرك شوية وتصلي المغرب، وبعدين ارجع كمل أكلك براحة.
خلي فطارك متوازن: بروتين مشوي زي الفراخ أو السمك أو اللحمة، مع خضار وسلطة، ونشويات بكمية بسيطة، وابعد عن المقليات والدهون الكتير أو الحلويات الدسمة اللي بتخليك تحس بتقل وهبوط بعد الأكل بدل النشاط.
وبكدا تقدر تصوم وتفطر من غير تعب، وتفضل محافظ على طاقتك طول اليوم.

متنساش تشوف النصايح اللي فاتت💫
مستشفي دار الشفاء من 35 سنة وإحنا دار الشفاء

📞للتواصل: 01000185757 - 0453326002

05/03/2026

النصيحة الرابعة لمرضي القلب❣️

مش كل مريض قلب يقدر يصوم!
الصيام ممكن يكون آمن لبعض مرضى القلب، لكن بشرط أساسي: الحالة تكون مستقرة، وتحت متابعة طبيب، لأن في حالات يمنع فيها الصيام تمامًا، زي الذبحة الصدرية غير المستقرة، فشل القلب الشديد، اضطرابات خطيرة في ضربات القلب، أو لو المريض لسه عامل دعامة أو قسطرة حديثًا والجسم لسه في مرحلة تعافي.
الفكرة ببساطة إن القلب شغال 24 ساعة من غير راحة. وأي ضغط مفاجئ في السوائل، الأملاح، أو مستوى الجهد ممكن يقلب التوازن.
فيه إشارات خطر لازم تاخد بالك منها:
ألم أو ضغط في الصدر.
نهجان شديد غير معتاد.
عرق غزير مفاجئ.
تورم في القدمين أو الساقين.
ظهور أي عرض من دول أثناء الصيام بيحتاج إنك تفطر فوريًا وترجع لطبيبك لمراجعة حالتك.

متنساش تشوف النصايح اللي فاتت💫
مستشفي دار الشفاء من 35 سنة وإحنا دار الشفاء

📞للتواصل: 01000185757 - 0453326002

Address

ش الكورنيش بجوار نقابة الاطباء بجوار نادي التجديف
Damanhour
22511

Telephone

+201000185757

Website

facebook.com

Alerts

Be the first to know and let us send you an email when مستشفى دار الشفاء بدمنهور posts news and promotions. Your email address will not be used for any other purpose, and you can unsubscribe at any time.