Al-safa LAB معمل الصفا للتحاليل الطبية

16/09/2025

يعلن معمل الصفا عن وجود فرصة عمل لمن يجيد السحب

01/09/2025

دراما_داخل_الجسم
- ينادي المخ : أريد مسكن لهذا الصداع فقد أتعبني !
- ترد عليه المعدة : أرجوك سيدي المخ لا لا فالمسكنات ترهقني ..
- يرد المخ عليها بتهكم : وهل أبقى أتحمل الألم لكي لا تتعبي أيتها الأرملة !
- تتدخل الكلى : المعدة معها حق .
- يرد المخ على الكلى : لم يبقَ إلا أن نأخذ رأي مؤسسة الصرف الصحي .
- الكلى غاضبة : خذ مسكن إذاً و ابحث لك عن تصريف وتنظيف لسموم الدم و البول لأن حبة المسكن ستوقف عملي 4 ساعات و سأدخل في فشل كلوي رويداً رويداً ..
- يستقيظ العجوز ( الكبد ) و يقول : توقفوا عن الصراخ ، أيتها الكلى لا تتوقفي عن العمل فيكفيني السموم التي تأتيني من المعدة فقد أنهكتني وتباً لهذا الجسم الذي لا يعرف كيف ينظم غذائه !
- يعاود المخ : أرجوكم ارحموني أريد مسكناً فأنا أعمل منذ الصباح !
- يرد عليه القلب : أنت تعمل منذ الصباح !!! أنا أعمل منذ خلق هذا الجسم ولم أشتكِ ، أرجوك خفف من أفلام الدراما التي تشاهدها يا ابن أمي ، أنا الآن في جلسة أُنس مع الغدة الدرقية أظن أنها تحبني " فلا تفسدوا علي جلستي و إلا سأتوقف عن الضخ وسنرى من سيوصل الغذاء و الأكسجين لكم ؟
- الغدة الدرقية : من أزعج قلبي ؟
- يتدخل البنكرياس متسائلاً ؟ جدالكم له علاقة بالسكر ؟
- ترد عليه الغدة الدرقية : لا عد لنومك فأنا ضابطة عمليات الأيض و السكر .
- المخ : ما شاء الله عليكم ! كل منكم همه نفسه فقط ! إذاً سأفصل الكهرباء ( البوتاسيوم ) عن العضلات و أطفئ العين و سأنام لم يتبق لي حل آخر .
- الرئتين : نم عزيزي نم لكن لاتغطي وجهك كالعادة أريد أكسجين نقي وعندما تغطي كامل وجهك لايصلني أكسجين كافي وأرجوك ثم أرجوك لا تشغل المكيف
- المخ : حاضر جدتي .
- المخ مكملاً : سأوقف الجسم عن العمل و أعط أمري للنوم و سأبقي إضاءة اللاوعي تعمل إذا أراد أحدكم شيئاً ...
-- بعد ساعة نوم يُوقظ الجلد المخ قائلاً : ارتفعت درجة حرارتي قم وشغل لي التكييف !!!
- المخ غاضباً : لم يكن ينقصني إلا أنت يا " ملهي الرعيان ! نم وتوقف عن الحك.

12/08/2025

شعر زائد في الجسم؟ ممكن يكون خلل في الهرمونات
الحالة دي اسمها Hirsutism
والتحليل اللي بيكشف السبب هو:
✅ هرمون الذكورة (Testosterone)
✅ وتحاليل تانية زي DHEA وFSH/LH
في معمل الصفا هنساعدك توصلي لتشخيص دقيق.

10/08/2025

☀️ في الصيف… جسمك محتاجك تتابعه كويس! 🧬
الحر، العرق، ضعف الشهية، والمجهود الزايد ممكن يخلوا جسمك يخسر فيتامينات ومعادن مهمة من غير ما تحس!
ناس كتير بتشتكي في الصيف من:
🔹 إرهاق مستمر
🔹 تساقط شعر
🔹 صداع متكرر
🔹 دوخة وضعف عام
وكل الأعراض دي ممكن تكون بسبب نقص في:
✅ فيتامين D
✅ فيتامين B12
✅ الحديد
✅ الكالسيوم
✅ الزنك والماغنيسيوم

💉 تحليل المعادن والفيتامينات هيساعدك تكتشف النقص وتعالجه قبل ما يؤثر على صحتك أو طاقتك اليومية.
في "معمل الصفا "بنقدملك تحاليل دقيقة، بأسعار مناسبة، ونتائج سريعة تقدر تعتمد عليها.

📌 اسأل عن باقة تحاليل الفيتامينات والمعادن الصيفية… وهتلاقي فرق حقيقي في صحتك!

📍العنوان : منزل الكوبري العلوي برج شداد أمام مصنع البدري للحلويات

28/07/2025

لما بتمسك ورقة تحاليل تقراها بيقابلك حاجة اسمها الINR تعالوا نتكلم عنها شوية
في البداية يعني ايه INR؟
دا اختصار International Normalized Ratio وهو ببساطة نسبة معيارية دولية لتقييم مدى تجلط الدم وبنستخدم التحليل دا تحديداً مع المرضى اللى ماشيين على ادوية سيولة زي الهيبارين والكليكسان والوارفرين.

طيب ايه النسبة الطبيعية بتاعته؟
النسبة بتختلف على حسب المريض دا ماشي على ادوية سيولة ولا شخص طبيعي.
لو شخص طبيعي النورمال بتاعه بيكون ما بين 0.8 : 1.2 اما بقى لو كان بياخد ادوية سيولة الطبيعي بيكون 2:3.

طيب ايه الاسباب اللى ممكن ترفعلنا الINR ؟
الاول محتاجين نعرف ان الINR يكون عالي معناه إن الدم بياخد وقت على ما يتجلط ودا يخليه اكثر عرضة للنزيف ومن الاسباب اللى تخليه عالي:
1️⃣ الجرعة الزائدة من مضادات تجلط الدم.. ساعتها المفروض الدكتور يعدل الجرعات عشان النسب ترجع للطبيعي.

2️⃣ المرضى اللى بيعانوا من مشاكل في الكبد ودا لأن الكبد له دور مهم في انتاج عوامل التجلط واي خلل فيه ممكن يرفعلنا نسبة الINR لأن ساعتها الكبد هيكون مش قادر ينتج عوامل التجلط بشكل كافي.

3️⃣ نقص فيتامين K الضروري لتجلط الدم فا نقصه هيزودلنا الزمن اللى بيحتاجه الدم للتجلط.

4️⃣ تفاعلات الأدوية:
بعض الأدوية زي المضادات الحيوية، ومضادات الفطريات، وبعض أدوية القلب، ومسكنات الألم، والأدوية الخافضة للكوليسترول، والأدوية المضادة للاكتئاب والصرع قد تتداخل مع تأثير ادوية السيولة وترفعلنا الـ INR.

5️⃣ الإسهال والقيء:
فقدان السوائل والأملاح بسبب الإسهال أو القيء قد يؤثر على وظائف الجسم بما في ذلك تجلط الدم، مما قد يؤدي إلى ارتفاع الـ INR.

»»»»»»»»»»»»»»»»»»»»»
نيجي بقى لو الINR اقل من الطبيعي.. اللى بيحصل ساعتها أن الدم بيتجلط بشكل أسرع ودا يخلي المريض اكثر عرضة للجلطات.

طيب ايه الاسباب اللى تخلي الINR اقل من الطبيعي:

1️⃣ ان الجرعة اللى ماشي عليها المريض من ادوية السيولة غير كافية ودا قد يؤدي إلى تجلط الدم بشكل أسرع من المتوقع، مما يزيد من خطر تكون الجلطات.

2️⃣ زيادة تناول فيتامين K تناول كميات كبيرة ودا بيكون موجود في الخضروات الورقية وممكن يقلل من تأثير مضادات التجلط ويؤدي إلى انخفاض INR.

3️⃣ عدم الإنتظام في تناول ادوية السيولة وان المريض يفوت جرعات من الادوية بشكل متتالي دا ممكن يعملنا تقلبات في INR.

في النهاية لازم ننبه على ان المفروض تبلغ الدكتور لو لاحظت تغير غير طبيعي في نسبة الINR عشان يحدد السبب ويعالجه وتاني حاجة لو عندك مريض ماشي على ادوية سيولة لازم تتابع معاه كل فترة نسبة الINR بأنتظام واستشارة طبيب في حالة ملاحظة أي تغير غير طبيعي

26/07/2025

بعض الريفيوهات الجميلة اللي زي الناس الجميلة
ربنا يبارك ف أعمارهم يارب
ونكون دايما عند حسن ظنكم بنا

20/07/2025

اللهم اجعلنا دايما عند حسن ظن الناس بنا
وعروض شهر ٧ مازالت مستمرة
وع أي روشتة خصم ٤٠ %

18/07/2025

🩺 نفس التحليل… بس حكايات مختلفة!

1️⃣ مريم عندها 35 سنة ، راحت تعمل تحاليل روتينية وهي صايمة:
▪️ سكر صايم (FBS): 85 mg/dL ✅
▪️ سكر بعد الأكل (PP): 110 mg/dL✅
▪️سكر تراكمي HbA1C: 5.3%✅

النتيجة كانت ممتازة…
الدكتور قالها: "انتي سكرِك تمام، ولو فضلتي محافظة على أكلك ونشاطك، مش هتواجهي مشاكل في المستقبل."

📌 الشرح:
التحاليل كلها طبيعية. HbA1C أقل من 5.7% = مفيش سكر.

2️⃣عم حسن عنده 50 سنة، بيحب الحلويات، ودايمًا ياكلها بعد الأكل على طول.
عمل تحاليل السكر:
FBS: 92 mg/dL ✅
PP: 230 mg/dL⬆️
HbA1C: 6.4%⬆️

استغرب إن السكر الصايم طالع طبيعي، لكن التراكمي والبعد الأكل كانوا عاليين.

الدكتور قاله: "واضح إن جسمك بيتعامل كويس وأنت صايم، لكن بعد الأكل السكر بيعلّي جدًا… وده خطر وممكن يتطور لسكر قريب."

📌 الشرح:
ده اسمه Postprandial hyperglycemia (ارتفاع السكر بعد الأكل)، وبيأثر على HbA1C لأنه مرتبط بيه أكتر من الصايم.

3️⃣ نجلاء عندها 28 سنة، راحت تعمل التحاليل وهي محافظة جدًا قبلها بيومين، بطلت سكريات واهتمت بالأكل.

النتايج طلعت:
▪️ FBS: 88 mg/dL ✅
▪️ PP: 112 mg/dL ✅
▪️ HbA1C: 7.2% ❗

لما شافت النتيجة، قالت للدكتور:
"مش كنت ظابطة أكلي؟ ليه التراكمي عالي؟"
رد عليها:
"السكر التراكمي مش بيتضحك عليه… بيكشف المتوسط في الـ3 شهور اللي فاتوا."

💬 الرسالة:
التراكمي بيعرف تاريخك مع السكر، مش يومين قبل التحليل بس.

4️⃣عبدالله بدأ يحس بعطش وتبول كتير ودوخة.
عمل التحاليل وطلّع:
▪️ FBS: 160 mg/dL ⬆️
▪️ PP: 290 mg/dL ⬆️
▪️ HbA1C: 8.4% ⬆️

الدكتور قاله:
"أنت عندك سكر، ومحتاج تدخل سريع وتنظيم في حياتك كلها."

5️⃣ شاب عنده 24 سنة، عنده أنيميا مزمنة، عمل تحاليل سكر:

FBS: 130 mg/dL ⬆️
PP: 220 mg/dL⬆️
HbA1C: 5.5%✅

الدكتور شك في التراكمي، وطلب يعيد التحليل بعد ما يعالج الأنيميا.

📌 الشرح:
الأنيميا (خاصة نقص الحديد) ممكن تأثر على دقة HbA1C وتخليه يطلع أقل من الحقيقة.

💡 كل تحليل بيكشف جزء من الصورة:

✅ الصايم والبعد الأكل بيقيسوا السكر في لحظة معينة
📆 والتراكمي بيحكي عن حالتك في آخر 3 شهور!

🧠 علشان كده: ماينفعش نعتمد على تحليل واحد!

📌 لازم نربط بين:
▪️ السكر الصايم (FBS)
▪️ بعد الأكل (PP)
▪️ والتراكمي (HbA1C)
علشان نوصل لتشخيص دقيق وفهم حقيقي لحالتك.🤝

18/07/2025

جمعة مباركة
اللهم صل وسلم ع سيدنا وحبيبنا محمد عليه أفضل الصلاة والسلام

11/07/2025

11/07/2025

😌

02/07/2025