مستشفي العاصمة كير دمياط الجديدة

01/03/2026

🌙 | ١١ | القلب والأملاح

قلل المخللات والملح على قد ما تقدر
الصوديوم العالي بيخلي الجسم يحبس سوائل وده ممكن يرفع ضغط الدم ويزود الحمل على القلب خصوصًا بعد ساعات الصيام والجفاف

📌 لما ناكل ملح كتير مرة واحدة على الفطار:

• الجسم يحاول يعادل النسبة → إحساس بعطش شديد
• احتباس سوائل → إحساس بتقل و خمول
• زيادة مجهود على القلب لتنظيم الدورة الدموية

الأفضل:
✔ اختار أكل متبل خفيف
✔ ابعد عن المخللات الجاهزة قد ما تقدر
✔ اشرب مياه كفاية بين الفطار والسحور

بتعرف تتحكم في كمية الأملاح ولا بيغلبك؟ 😅

28/02/2026

26/02/2026

✨ عرض خاص بمناسبة شهر رمضان ✨
استفيدوا بخصم 20% على جميع التحاليل
لنهاية شهر رمضان الكريم 🌙

✔️ دقة في النتائج
✔️ سرعة في الاستلام
✔️ رعاية طبية موثوقة

📞 احجز الآن واستيفد بالعرض
01147656222 / 01555626562
☎️ 0572081111
مستشفى العاصمة كير
📍دمياط الجديدة- الحي الخامس- أمام الموقف الغربي وجامعة دمياط

25/02/2026

🌙|7| الصيام والعظام والمفاصل

مع الصيام وقلة الحركة خلال اليوم الجسم بيقعد ساعات طويلة من غير مجهود فيحصل شوية تيبس في المفاصل خصوصًا الركبة وأسفل الضهر

كمان قلة شرب الميه ممكن تقلل ليونة الغضاريف فـ تحس بوجع أو شد لما تتحرك فجأة

🔬 طبيًا إيه اللي بيحصل؟

• المفاصل بتعتمد على الحركة عشان يتغذى الغضروف ويتحسّن السائل الزلالي اللي بيسهل الحركة
• لما نقعد كتير الدورة الدموية بتقل حوالين العضلات والمفصل → يحصل تيبس وألم
• الجفاف الخفيف أثناء الصيام ممكن يزود الإحساس بالخشونة والإجهاد العضلي

✔ نصايح بسيطة تحميك:

• امشي من 15 لـ 20 دقيقة بعد التراويح عشان تنشط الدورة الدموية
• اشرب ميه كويس بين الإفطار والسحور (بالتدريج مش مرة واحدة)
• اعمل تمارين إطالة خفيفة قبل النوم
• قلل القعدة الطويلة بعد الأكل على طول

⚠ لو الألم مستمر أو فيه تورم أو صعوبة في الحركة ساعتها الأفضل تراجع دكتور عشان تتأكد مفيش التهاب أو خشونة محتاجة علاج

24/02/2026

🌙 (6) الصيام والكبد

📌 الكتير من الدهون والمقليات بيتعب الكبد بالذات لو إنت صايم
الكبد هو المسؤول عن تكسير الدهون وتنظيم السكر وتنقية الجسم من السموم فلما يدخل عليه أكل تقيل ومقلي بعد ساعات صيام طويلة بيحصل له ضغط مفاجئ بدل ما يستفيد من فترة الراحة

🩺 طبيًا بيحصل إيه؟

• الصيام بيدي الكبد فرصة يرتاح ويقلل الدهون المتخزنة جواه
• بيساعد الجسم يحسن حساسية الإنسولين فمفيش تخزين دهون زيادة
• بيشغل عملية تجديد الخلايا (تنضيف وصيانة داخلية للكبد)
• يقلل الالتهابات اللي مرتبطة بالكبد الدهني

❗ لكن لما نفطر على مقليات ودسم:

• الكبد يضطر يشتغل فجأة بقوة علشان يهضم الدهون
• يزيد الإحساس بالخمول والتقل بعد الأكل
• تتلخبط عملية الحرق بدل ما تبقى متظبطة
• ممكن مع الوقت يحصل تراكم دهون على الكبد

✔ النصيحة البسيطة:

• بدل القلي → اشوي أو اسلق أو اعمل أكل في الفرن
• ابدأ إفطارك بحاجة خفيفة: تمر + شوربة + سلطة
• خلي الدهون صحية زي زيت الزيتون مش الزيوت المهدرجة
• كتر خضار علشان تساعد الكبد يشتغل بهدوء
• كل بالراحة وعلى مراحل مش مرة واحدة

23/02/2026

🌙 |5| الصيام وتقوية عضلة القلب
تخيل إن الصيام في رمضان 🌙ممكن يقوي عضلة قلبك الضعيفة؟
اه… دي حقيقة طبية
بس في شرط واحد لو تجاهلته التمن ممكن يكون غالي قوي

⚠️إزاي الصيام ممكن يفيد القلب🤔
لو الحالة مستقرة وتحت متابعة طبيب القلب
الصيام ممكن يقلل الوزن وضغط الدم ومستوى السكر والدهون.
العوامل دي كلها بتخفف الحمل على عضلة القلب وده ممكن يحسّن كفاءتها بشكل غير مباشر.
⛔️لكن الشرط المهم جداً:
الفايدة دي بتحصل بس مع مريض قلب حالته مستقرة.
إنما لو في:
ضعف شديد في عضلة القلب أو أعراض غير مستقرة
نهجان شديد، تورم، أو دخول مستشفى قريب
ذبحة صدرية غير مستقرة أو جلطة حديثة
➡️ هنا الصيام ممكن يبقى خطر فعلاً، ومش آمن من غير تقييم طبي مباشر.
⚠️خلي بالك
الصيام ممكن يساعد في التحسن لو الحالة مستقرة وتحت إشراف طبي

✍د.إبراهيم عماشة

22/02/2026

🌙 |4| الحموضة بعد الفطار… السبب والحل

بعد صيام طويل المعدة بتكون هادية وحساسة
لما تدخل عليها وجبة دسمة أو مقليات فجأة:
• يفرز الحمض بكميات كبيرة مرة واحدة
• الدهون تبطأ الهضم فالأكل يقعد أطول في المعدة
• يزيد الضغط داخلها فيرتجع الحمض للمريء → إحساس الحرقان
• النوم بعد الأكل يزود المشكلة لأن الحمض يطلع لفوق بسهولة

✅ تفطر صح إزاي؟
✔ ابدأ بشوربة دافئة
✔ كل كميات صغيرة وببطء
✔ خلي المقليات والحلويات بعد الأكل بساعة
✔ ما تنامش قبل 2–3 ساعات من الفطار
✔ اشرب مية على فترات

❌ قلل:
المقليات – الحار – القهوة مباشرة – الحلويات التقيلة – المياه الغازية

🩺 لو الحموضة مستمرة أو شبه يومية لازم مراجعة طبيب لأن ممكن تكون ارتجاع مزمن يحتاج تنظيم علاج وده من المشاكل الشائعة المرتبطة بنمط الأكل

21/02/2026

💥ماتنسوش مسابقة رمضان اتفاعلوا مع البوست بلايك وشير وأكبر عدد كومنتات ومنشن

🌙 (3) العطش الشديد في الصيام

ناس كتير بتعمل حركة غلط في السحور…
قبل الأذان بدقايق يقوم شارب 3 أو 4 كبايات مية مرة واحدة ويقول:
“كده خزنت مية لليوم كله!”

❌ الحقيقة إن الجسم ما بيخزنش المية بالطريقة دي خالص
اللي بيحصل إن:

• الكمية الكبيرة بتنزل على المعدة مرة واحدة فتتعبك وتحس بانتفاخ
• الجسم بيتخلص من أغلبها بسرعة في الحمام
• تصحى تاني يوم برضه عطشان… ويمكن أكتر!

يعني شرب المية مرة واحدة قبل الأذان ما يمنعش العطش

✅ الصح تعمل إيه؟
اشرب مية بالتدريج من بعد الفطار لحد السحور:
• كباية أول ما تفطر
• كباية بعد الأكل بساعة
• كباية وإنت قاعد بالليل
• كباية قبل النوم
• كباية مع السحور بس مش بالعافية

كده جسمك يلحق يستفيد من المية فعلًا ويستخدمها طول اليوم

💡 كمان مهم في السحور:
• كل حاجات فيها مية زي الزبادي و الخيار و الفاكهة
• قلل المخلل والملح عشان دول بيزودوا العطش

21/02/2026

✨ إعلان الفائزة في مسابقة الأمس (٢رمضان)✨

يسرنا أن نعلن عن فوز الأستاذة
Samar Adel
بجائزة اليوم وهي كشف باطنة مجاني 🎉

نهنئها بالفوز ونتمنى لها دوام الصحة والعافية 🌿
ونشكر كل من شاركنا التفاعل

📢 لسه الفرصة قدامك!
مسابقاتنا مستمرة ومفاجآت جديدة في انتظاركم كل يوم — تحاليل مجانية خصومات مميزة وجوائز صحية قيمة

للمشاركة في السحوبات القادمة:
✅ تابعوا الصفحة باستمرار
✅ اعملوا إعجاب بالمنشورات
✅ شاركوا المنشور مع أصدقائكم
✅ اكتبوا أكبر عدد كومنتات ومنشن

كل يوم فائز جديد… ويمكن تكون أنت الفائز القادم! 🎁
انتظروا بوست جديد كل يوم الساعة 6:30م💥

مع تمنياتنا لكم بدوام الصحة والعافية
مستشفى العاصمة كير

20/02/2026

💥ماتنسوش مسابقة رمضان اتفاعلوا مع البوست بلايك وشير وأكبر عدد تعليقات ومنشن

🌙 (2) مين يقدر يصوم ومين لازم يفطر؟

= عندي مرض مزمن… أصوم؟
= حسب نوع المرض واستقراره 👍

📌 يقدر يصوم غالبًا:
✔ الحالة مستقرة
✔ بياخد علاج منتظم
✔ مفيش مضاعفات حديثة

📌 لازم يفطر:
❌ مرض غير مستقر
❌ محتاج أكل/شرب منتظم مع العلاج
❌ تعب بيزيد مع الصيام

⚠ القرار الطبي فردي… مش كل المرضى زي بعض

20/02/2026

✨ إعلان الفائزة في مسابقة الأمس ✨

يسرنا أن نعلن عن فوز الأستاذة
Gahda Mohammed
بجائزة اليوم وهي تحليل صورة دم كاملة مجانًا 🎉

نهنئها بالفوز ونتمنى لها دوام الصحة والعافية 🌿
ونشكر كل من شاركنا التفاعل

📢 لسه الفرصة قدامك!
مسابقاتنا مستمرة ومفاجآت جديدة في انتظاركم كل يوم — تحاليل مجانية خصومات مميزة وجوائز صحية قيمة

للمشاركة في السحوبات القادمة:
✅ تابعوا الصفحة باستمرار
✅ اعملوا إعجاب بالمنشورات
✅ شاركوا المنشور مع أصدقائكم
✅ اكتبوا أكبر عدد كومنتات

كل يوم فائز جديد… ويمكن تكون أنت الفائز القادم! 🎁
انتظروا بوست اليوم💥

مع تمنياتنا لكم بدوام الصحة والعافية
مستشفى العاصمة كير

19/02/2026

🔥أول بوست في مسابقة رمضان متنسوش التفاعل علشان تكسبوا معانا

🌙 (1) أبدأ الفطار بتمر وميا..ليه؟ 🤔

كتير مننا متعود يفطر بتمرة وكوباية ميا وده سنة عن النبي ﷺ

بس الجميل إن العادة دي مش بس دينية… دي كمان مدروسة طبيًا بشكل مدهش

بعد ساعات صيام طويلة الجسم بيبقى محتاج حاجة ترفع السكر بهدوء وتصحي الجهاز الهضمي من غير ما تجهده

🔹 التمر فيه سكريات طبيعية سهلة الامتصاص فبيرفع مستوى الطاقة بسرعة من غير ما يعمل “صدمة” للمعدة
🔹 كمان غني بـ البوتاسيوم والماغنسيوم… وده بيساعد يعوض اللي الجسم فقده أثناء الصيام
🔹 المية بترجع الترطيب للدورة الدموية وبتجهز المعدة تستقبل الأكل
🔹 البداية الخفيفة دي بتقلل الإحساس بالتخمة وبتساعد الهضم يشتغل تدريجي بدل ما نرهق المعدة فجأة

📌 يعني ببساطة: تمر + مية = تشغيل الجسم بالراحة وبالطريقة الصح قبل الوجبة الأساسية

💥 مسابقة رمضان💥
اتفاعلوا (لايك-كومنت-شير) لربح أحدى الجوائز بشكل يومي(تحاليل مجانية -خصم على كشف العيادات -والكثير من المفاجآت الأخرى)
بالإضافة لجائزة فحص شامل للأكثر تفاعلًا على مدار الشهر