SAFE Clinic

06/01/2026

06/01/2026

شاهد الفيديو الذي أنشأه Dr-Osama Ghanem.

27/12/2025

هعمل أشعة إيكو ازاي وانا حامل ؟
احنا بنقول مجازاً علي الايكو أنه أشعة وده مسمي غلط
هيا موجات صوتية علي القلب

زيها زي السونار
متعملش أي مشاكل علي البيبي
لأنه كلمة أشعة طبعا
هيجي في البال علطول
إشعاع وغلط علي الجنين

لا هيا موجات صوتية متأثرش إطلاقا
وفحص مهم جدا للأم عشان مشاكل القلب
ال بنكتشفها بالصدفة أثناء الحمل أو أثناء الولادة
وقد تتسبب في مشاكل خطر علي الأم والجنين

#قلب #ايكو

☎️ 011 2121 5891
☎️ 010 230 99 176

27/12/2025

التهاب الرئة مع انتشار الانفلونزا
في الصورة قدامك ده أشعة عادية علي الصدر
هتلاحظ في لونين
لون اسود ولون ابيض
وده ليه تفاصيل طبية مش مكانها هنا

الأبيض ال عليه سهم ده
التهاب رئوي
تلاحظ الاسود تحتيه ده الرئتين فيهم هوا

طبيعي الرئة بيدخل ليها هوا عشان تعمل عملية تبادل الغازات
ال بيحصل هنا استبدال الهوا ده ب عوامل التهاب
تعمل الالتهاب الرئوي
والمكان ده يبقي مش قادر يعمل عملية تبادل الغازات

مع أعراض دور الإنفلونزا لو الحرارة اخدت اكتر من يومين وكحة بتزيد بنعمل طبعاً شوية فحوصات عشان نطمن أنه مقلبش التهاب رئوي بكتيري
وأحد الفحوصات دي هيا أشعة عادية زي ال في الصورة أو أشعة مقطعية علي الصدر

#قلب #انفلونزا #الرئتين

10/12/2025

صباح الخير
ضربات القلب السريعة ال بتجيلك علي أوقات وتعمل رسم قلب يطلع طبيعي
ده عادي لأنك مبتعملش رسم القلب وقت النوبة بتاع ضربات القلب
فحص الهولتر ( رسم قلب محمول ) لمده من ٢٤ ساعة لغايه ٧٢ ساعة بتساعد في تشخيص الضربات دي

طب ما تكتبلي علاج الضربات وخلاص يا دكتور
في نوعية ضربات اسمها رفرفة أذينية
علاجها مختلف
وفي ضربات بطينية
وحسب عددها وبتيجي قد
الخطة العلاجية بتختلف

ف لو عملت رسم قلب وطلع طبيعي وانت بيجيلك الضربات
وقتها بنلجأ للهولتر
مش تضييع لفلوسك ووقتك
لكن عشان لو كتبنا علاج يبقي مبني علي أساس صح

📌 عيادة القلب والحالات الحرجة
☎️ 011 2121 5891
☎️ 010 230 99 176
#قلب