صيدلية مؤمن - الاعصر

29/11/2025

فيه انتشار ملحوظ لأدوار البرد والإنفلونزا وغيرها من الفيروسات التنفسية في مصر حاليًا، طيب هو فيه مشكلة جديدة ولا ده طبيعي؟

ركز معايا في الكلمتين دول

ال بنشوفه دلوقتي هو موسم الذروة للفيروسات التنفسية، وده أمر متوقع ومعتاد كل عام مع تقلبات الطقس وبداية فصل الخريف والشتاء، بس هو يبان أكثر حدة السنة دي بسبب تناقل عدة فيروسات في وقت واحد.

ايه أبرز الفيروسات المنتشرة حاليًا في مصر و أعراضها المميزة:

الإنفلونزا (Influenza) ارتفاع مفاجئ في الحرارة، آلام شديدة في العضلات والمفاصل، إرهاق وقشعريرة، صداع.

الفيروس المخلوي التنفسي (RSV) (شائع جدًا في الأطفال) أعراض تشبه البرد لكن مع كحة شديدة، صفير عند التنفس، قد يصاحبه ضيق في التنفس.

فيروسات البرد الشائعة زكام وسيلان الأنف، عطس، احتقان في الحلق، كحة خفيفة. حرارة خفيفة أو منعدمة.

كوفيد-19 (المتحورات الجديدة) تنوع كبير في الأعراض، لكن الغالبة هي: احتقان الحلق، سيلان الأنف، الصداع، الكحة، الإرهاق.

ليه بنشوفها منتشرة كتير اوي السنة دي؟

1. تغير الفصول: تقلب الطرق بين الحرارة والبرودة يضعف المناعة.
2. الاختلاط: العودة الكاملة للحياة الطبيعية بدون إجراءات احترازية بعد جائحة كورونا سهلت انتشار الفيروسات.
3. فتح المدارس: يعتبر الأطفال ناقلًا سريعًا للفيروسات داخل الأسرة.

شوية نصايح عملية للوقاية

· النظافة الشخصية: غسل اليدين هو خط الدفاع الأول.
· الكمامة: في المواصلات والأماكن المزدحمة.
· التغذية السليمة: تناول الأطعمة الغنية بفيتامين C (زي البرتقال والجوافة) و فيتامين D والزنك.
· تهوية المنزل والغرف جيدًا يوميًا.
· تجنب لمس العينين والأنف والفم قبل غسل اليدين.

العلاج:
الغالبية العظمى من هذه الفيروسات مفيش ليها علاج محدد والمضادات الحيوية مش مفيدة معاها (لأنها فيروسات وليست بكتيريا)

العلاج هو :
· الراحة.
· السوائل الدافئة كتير.
· نستخدم خافضات الحرارة والمسكنات عند اللزوم (زي الباراسيتامول).
· أدوية تخفيف الأعراض (كحة، زكام) حسب احتياج كل حالة.

امتى لازم اروح للدكتور فورًا؟

· لو كانت الحرارة مرتفعة جدًا أو مش بتستجيب للخافضات.
· ضيق في التنفس أو صفير شديد مع النفس.
· ألم في الصدر.
· لو الأعراض متحسنتش بعد 3-5 أيام، أو اول ما الاعراض تسوء.

ولازم ننبه إن مفيش أي تقارير رسمية من منظمة الصحة العالمية أو الهيئات الصحية الموثوقة حول انتشار فيروس جديد يشكل تهديدًا عالميًا زي ال حصل قبل كده

وربنا يحفظ الجميع

13/11/2025

هل سمعت عن “عرق النسا”؟بفتح النون
هو مش اسم غريب… لكنه واحد من أكثر أسباب ألم الظهر والساقين شيوعًا!

إيه هو عرق النسا؟
هو حالة ناتجة عن ضغط العصب الوركي، اللي بيمتد من أسفل الظهر، مرورًا بالورك والأرداف، لحد الساقين 🦵
لما العصب ده يتعرض لضغط أو تهيّج، الألم بينتشر على طوله.

⸻

الأسباب الشائعة:
🔹 انزلاق غضروفي
🔹 تضيق في القناة الشوكية
🔹 إصابات أو إجهاد على العمود الفقري

⸻

الأعراض:
🔥 ألم أسفل الظهر: ممكن يكون حاد أو مزعج
📍 ألم ممتد: من الظهر للورك، الأرداف، أو الساق
⚡ تنميل أو ضعف: الإحساس بوخز أو ضعف في الرجل المصابة

⸻

لو بتحس بالأعراض دي، متتأخرش!

10/10/2025

فى معلومات كتير مغلوطة عن لقاح الانفلونزا
أولا الجرعة بتتاخد🔻 كاملة فى اللقاحات سواء الثلاثى أو الرباعى مش بتتقسم
ثانياً الثلاثى بيدى🔻 حمايه ضد تلت فصائل وده حاجة كويسة والرباعى بيدى حمايه ضد اربع فصائل وده أفضل وأكثر حمايه بمعنى أللى ياخد ثلاثى وكويس واللى هياخد رباعي افضل
#لقاح الأنفلونزا الموسمية influvac tetra
#لقاح الانفلونزا الرباعي ٢٠٢٥/٢٠٢٦
#يحمي من الأنفلونزا المتسببه بسبب فيروسي الانفلونزا A & B
#يحتوي اللقاح علي اربع فصائل
H1N1, H3N2, B/washington, B/phuket
#يصلح للكبار و للأطفال من عمر ٦ شهور .
#الجرعات :
*جميع الفئات العمريه من عمر ٦ شهور لاي عمر جرعة واحده كامله.
*اي شخص اكبر من ٩ سنوات جرعة واحده فقط 0.5 مل.
*الأطفال من عمر ٦ شهور - ٩ سنوات : اذا لم يتم اعطاء لقاح الأنفلونزا الموسمية في اي عام سابق، يتم اخد جرعتين بينهم ٤ اسابيع كل جرعة 0.5 مل.
#آمن علي الحوامل والمرضعات.
#موانع التطعيم :
من لديهم حساسية من البيض
متلازمه الشلل الرباعي
يؤجل في حالة ارتفاع حرارة
فرط تحسس من اللقاحات
غير ذلك جميع الفئات مهم ليهم اللقاح خصوصا مرضى الحساسية وأصحاب الأمراض المزمنة

04/10/2025

العلاج الطبيعي👩‍🔬 له أهمية كبيرة جدًا في الوقاية والعلاج وإعادة التأهيل، ودوره لا يقتصر على المصابين فقط بل يشمل كل من يريد الحفاظ على صحته وحركته. إليك أبرز أهميته:

1. 🦵 تحسين الحركة والقدرة الوظيفية:
يساعد في استعادة حركة المفاصل والعضلات بعد الإصابات أو الجراحات أو الأمراض المزمنة مثل خشونة المفاصل والجلطات.

2. 💪 تقوية العضلات وتحسين التوازن:
يعمل على تقوية العضلات الضعيفة وتحسين التنسيق العضلي، مما يقلل خطر السقوط خصوصًا عند كبار السن.

3. 🩻 تخفيف الألم بدون أدوية:
يستخدم تمارين وأجهزة وتقنيات مثل التحفيز الكهربائي والحرارة والبرودة لتقليل الألم دون الحاجة إلى المسكنات.

4. 🧠 إعادة التأهيل بعد الإصابات أو الجلطات:
ضروري لمرضى الجلطات الدماغية أو الحوادث أو الكسور لاستعادة الحركة الطبيعية والاعتماد على النفس.

5. ❤️ تحسين صحة القلب والجهاز التنفسي:
يساعد في إعادة تأهيل مرضى القلب والرئة لتحسين القدرة على التنفس والتحمل البدني.

6. 👶 علاج مشكلات الأطفال:
مثل تأخر النمو الحركي أو الشلل الدماغي أو تشوهات القدمين.

7. 👵 الحفاظ على اللياقة وجودة الحياة:
يحافظ على مرونة الجسم، ويقلل من تيبّس المفاصل وآلام الظهر والرقبة الناتجة عن الجلوس الطويل أو قلة الحركة

01/10/2025

بالنسبه لموضوع الفيروس المنتشر اوووي hfmdاليومين دول
متلازمه اليد والقدم والفم عند الاطفال و اللي عامل قلق و رعب للناس واللي بييجي بسخونيه وقريفه وحبوب فاليدين و القدمين معبيه ميه و بثور فالفم
زي الصورة كده:

🛑أولا: ده مش جديري مائي والله لان الجديري بيجي ف البطن والصدر الاول .
🛑ثانيا: اياكم ثم اياكم من استخدام الاسبرين للأطفال دي لتهدئه الحراره .
❌ الاسبرين ممكن يعمل متلازمه اسمها ( Reye's syndrome )
لا قدر الله ممكن تدخل الطفل ف غيبوبه وتسبب الوفاـ ه كمان .

🛑دة عبارة عن ڤيروس وهيروح لوحده خالص خلال اسبوع فمتقلقوش
الڤيروس دة اسمه ڤيروس كوكساكي و بيسبب مرض اسمه متلازمه .

انا عايز كل الناس تعرف المعلومه دي عشان تطمن اولا ومتديش اسبرين ثانيا و متديش مضاد حيوي ثالثا⚠️

🙏

29/09/2025

تحضير شنطة المدرسة مهم 🎒✏️
لكن تحضير صحة طفلك أهم 💪

مع Chicks Vit، هنساعدك تضمني إن جسمه ياخد اللي محتاجه:
• ✅ 18 عنصر من الفيتامينات والمعادن الأساسية
‏ • ✅ Zinc، Calcium، Vitamin B
• ✅ بطعم البرتقال 🍊 اللي الأطفال بيحبوه

💡 مع Chicks Vit… طفلك يدخل المدرسة مجهز بدرجاته وصحته كمان.
📝 مسجل بالهيئة القومية لسلامة الغذاء

0572332322
#تشكس

⚠️ لا يعتبر هذا المنتج لتشخيص أو علاج أو مانع للمرض ولا يعتبر بديل لنظام غذائي متوازن و أسلوب حياة صحي
رقم و سنة التسجيل بالهيئة القومية لسلامة الغذاء
10017/2024

17/09/2025

09/09/2025

تعرف على أهمية العلاج الطبيعي في الحفاظ على صحة الجسم ووظائفه👇🏻

03/09/2025

2️⃣3️⃣3️⃣2️⃣3️⃣2️⃣2️⃣☎️

https://wa.me/201555197609📲
الاعصر خلف المعهد الازهري

03/09/2025

كل عام وانتم بخير

29/08/2025

⚡🔴 إيه هي العادات اللي بتزود مقاومة الإنسولين وتخلي السكر مش تحت السيطرة؟👇
مقاومة الإنسولين معناها إن الجسم مش بيستجيب كويس للإنسولين
النتيجة: ارتفاع السكر في الدم مع الوقت.
المشكلة إن في عادات يومية بنعملها من غير ما ناخد بالنا، بتزود المقاومة وتخلينا معرضين أكتر للسكر ومضاعفاته.

🚫 أشهر العادات اللي بتزود مقاومة الإنسولين:👇

1️⃣ الأكل الغني بالسكريات والكربوهيدرات البسيطة: زي الحلويات، العصائر، المشروبات الغازية.

2️⃣ الجلوس لفترات طويلة بدون حركة: قلة النشاط البدني بتخلي العضلات أقل استجابة للإنسولين.

3️⃣ السمنة وزيادة الدهون في البطن (الكرش): دهون البطن بالذات بتفرز مواد كيميائية بتقلل حساسية الإنسولين.

4️⃣ قلة النوم أو السهر لوقت متأخر: قلة النوم بتلخبط الهرمونات وتزود مقاومة الإنسولين.

5️⃣ التوتر المزمن والضغط النفسي: هرمون الكورتيزول بيزود السكر ويقلل استجابة الجسم للإنسولين.

6️⃣ الإكثار من الأكل المصنع والوجبات السريعة: مليانة دهون غير صحية بتؤثر على مستقبلات الإنسولين.

7️⃣ التدخين والكحوليات: بيزودوا الالتهابات في الجسم ويضعفوا عمل الإنسولين.

✅ إزاي تقلل مقاومة الإنسولين؟👇

تحرك يوميًا حتى لو بالمشي 30 دقيقة.
قلل السكريات والمأكولات المصنعة.
حافظ على وزن صحي وتجنب الكرش.
نام كويس من 7–8 ساعات يوميًا.
حاول تقلل التوتر بالاسترخاء أو الرياضة.

مقاومة الإنسولين مش بتيجي في يوم وليلة، لكن تراكم عادات غلط على مدار سنين.
التغيير يبدأ بخطوة صغيرة: وجبة صحية، مشوار مشي، نوم بدري.
إيه أصعب عادة من دول بتحس إنها مؤثرة عليك؟
شاركنا في الكومنتات ⬇️ ومتنساش تعمل لايك وتشير البوست لتعم الفائدة 🙏

#السكري