عيادة الدكتور حسام عمارة لطب الأطفال وحديثي الولادة

28/07/2025

12/06/2025

الإمساك النفسي عند الأطفال (خاصة أثناء التدريب على الحمام)

سببه
خوف الطفل من التغيير بعد التعود على الحفاض.

الحل
غذاء غني بالألياف (خضروات ، فواكة ، حبوب كاملة )

كثرة السوائل (ماء وعصائر طازجة بدون سكر زي عصير التفاح والخوخ - قراصيا)

تقليل اللبن ومنتجات الألبان
والأرز والموز والجزر ، ...

- التعامل بهدوء وتشجيع الطفل دون تعنيف.
- تجنب الضرب أو الصراخ لتخفيف قلقه.

الإمساك المزمن يحتاج إستشارة طبيب.

دكتور حسام عمارة

06/06/2025

كل عام وأنتم بخير
عيد أضحي سعيد
بداية العمل بالعيادات يوم الثلاثاء ١٠ / ٦
بإذن الله

05/06/2025

مواعيد يوم الخميس
عيادة مدينة كفر سعد من ٢.٣٠ ل ٧.٣٠
عيادة مدينة دمياط الجديدة
من ٩ ل ١١

21/05/2025

قشرة الرأس في الرضع أو قبعة المهد

مش مقلقة .. بتحصل في أطفال كتير
وبتختفي مع الوقت وغير معديه

لا تسبب حكه أو ألم للطفل

سبب قبعة المهد غير واضح

إيه طرق علاجها أو تجنب زيادتها ؟

ترطيب فروة رأس الطفل بكمية صغيرة من زيت طبيعي زي زيت الزيتون أو جوز الهند أو زيت الأطفال قبل الإستحمام بربع ساعة

تمشيط رأس الطفل برفق بإستخدام فرشاة ناعمة

غسل الشعر باستخدام الشامبو المخصص للأطفال
مع التمشيط بالفرشاة

ممنوع حكها بالأظافر لتجنب حدوث الالتهابات

العناية المنتظمة كافية لتحسين الحالة

في الحالات الشديدة يجب إستشارة الطبيب
بعض الحالات تحتاج شامبو طبي وكريمات مخصصة

دكتور حسام عمارة

08/05/2025

تدريب الطفل علي خلع الحفاض 🚼

🔹تعليم الطفل الحمام خطوة كبيرة في حياته وبتطلب من الأهل الصبر ال ممكن يستمر لشهور وإختيار التوقيت الصح ،، لا نقارن طفل بغيره

🔹مؤشرات إستعداد الطفل المعظم بتبدأ من سنتين ل ٣ سنوات

(منسمعش نصيحة الصديقة ال بتدرب إبنها وهو عنده ٦ شهور)

لو الطفل بدأ بدري جدًا وهو مش مستعد ، تعليمه هياخد وقت أطول وجهد أكبر

🔹بعض الأمهات بيضغطوا علي الطفل عند تعليمه بالضرب أو العقاب ، أساليب خاطئة بتؤثر علي نفسية الطفل وتقبله للأمر

🔹لا تبدأي في الأجواء الباردة لأن الطفل هيحتاج لتغيير ملابسه مرات كتير بسبب كثرة البلل

🔹لا تبدأي مع الطفل في وقت حدوث تغييرات كبيرة زي دخول الحضانة أو إستقبال مولود جديد أو غيره لأن التغيرات توتر الطفل
____________________________________________

علامات إستعداد الطفل للتدريب والطرق الصحيحة للتعامل معاه..❓

الأم بتكون محتارة ما بين أتأخرتي ليه في خلع الحفاض!! وبين مستعجلة ليه!!

الحقيقة إن كل طفل بيختلف عن الأخر في تقبله للأمر ومن الصعب تحديد وقت ثابت لكل الأطفال للتدريب علي خلع الحفاض ولكن فيه علامات بتكون مؤشر جيد لبداية التدريب

إيه هي العلامات دي ❓

🔹 تطور المهارات الحركية للطفل ، بيقدر يمشي ويجري ويقعد من غير مساعدتك

🔹لو بدأتي تحسي إن الحفاض ناشف مدة أطول
ده بيكون مؤشر كويس لقدرة المثانة علي تخزين البول

🔹 الطفل يكون بيفهم الأوامر وبيحاول ينفذها عشان يقدر يتجاوب معاكي بأنه يقعد علي البوتي لمدة ويفهم الخطوات ال بتعلميها له

🔹إنه وقت الإخراج بيحس إنه بيعمل.. يقول ، يسكت ، يستخبي ، أو بأي طريقة
وبعدها يبدأ يقرف من الحفاض ويحتاج يغيرها بيشاور عليها أو يشدها ويحاول يقلعها

🔹 لو لاحظتي إنه بقي له مواعيد شبه منتظمة
للإخراج زي بعد الوجبات أو أول ما يصحي

___________________________________________

إيه خطوات البداية في مرحلة خلع الحفاض؟؟

🔹كلمي الطفل في الموضوع ده كتير ومثلي له ب لعبته المفضلة إنها بتقعد علي التويلت - أو باستخدام الصور الكرتونية والقصص

🔹فضي قدامه محتويات الحفاض في التويلت عشان يعرف إن ده مكانه وتغسلي له وهو قاعد عليها

🔹اخلعي الحفاض طول اليوم عشان يحس بالبلل وعدم الراحة ف يكون حريص المرة الجاية إنه يستخدم البوتي

🔹كل مده منتظمة قعدية في الحمام ١٠ دقايق .. حتي لو معملش شجعيه وحسسيه بالإنجاز إنه قعد.. ( أختاري بوتي مريحة للطفل وتجذب انتباهه)

🔹ممنوع إستخدام الموبايل أو التلفزيون وغيره لإلهاء الطفل عشان يقعد.. الطفل لازم يفهم إنه عنده هدف محدد يركز فيه

🔹التشجيع من كل أفراد الأسرة 🥳 والمكافئات في كل مره بينجح الطفل إنه يعمل في البوتي

🔹في كل مرة بلل نتعامل بهدوء ونطلب من الطفل إنه يساعدك في التنظيف وتغير هدومه

⛔ ممنوع الضرب والإهانه.. الصبر وعدم الإستعجال

رحلة موفقة 😁
دكتور حسام عمارة
____________________________________________

04/05/2025

اللبن بعد سنة؟
وجبة مهمة ولا لا؟؟
أطفال كتير بتجيلنا بعد سنة معتمدة إعتماد كلي على اللبن كوجبة ياترى صح دا ولا غلط؟؟

أولاً

🥛اللبن وجبة مهمة جدًا لصحة طفلك لانه غني بالكالسيوم و فيتامين د و ده بيساعد علي نمو صحي للعظام

🥛يفضل كمان إعطاء اللبن كامل الدسم لانه بيكون غني في الدهون اللي بتعمل علي نمو جيد للمخ و تطور قدراته الذهنية

🥛بداية من عمر السنة تقدري تعطي اللبن للطفل في كوب.. كفاية ببرونة بقى 🍼

🥛ممكن في البداية لو الطفل مش حابب طعم اللبن ممكن نخلطه مع لبن الام او اللبن الصناعي لحد ما يتعود علي طعمه و بعدين نقلله واحدة واحدة لحد ما يبقى لبن بس..

نيجي لإجابة سؤالنا

⚠️ مهم جدًا الطفل بعد سنة ما ياخدش أكتر من ٥٠٠ سم لبن في اليوم ( ٢ كوب) لانه لوحده وجبة غير كافية في الوقت دا من عمر الطفل لنمو عقلي و بدني صحيح....
كمان لانه بيسبب أنيميا لتأثيره السلبي على إمتصاص الحديد عشان كدة لازم نهتم أكتر بعد السنة بالوجبات الغنية بالحديد زي اللحوم الحمرا و الفراخ و الأسماك و البقوليات

03/05/2025

السليكا جل
الكيس الصغير ال بيكون موجود مع الشنط والأحذية المواد الحافظة ال موجودة في بعض الأدوية زي ما هو موضح بالصورة ..

بتلفت أنتباه كتير من الأطفال بيبلعوها
مفيش داعي للقلق الشديد هي مش مادة سامة

ولكن
مادة بتمتص الرطوبة ف مهم معاها الطفل يشرب سوائل بكمية كبيرة
عشان ممكن تسبب إمساك

الطفل فضولي بطبعه بقدر الأمكان نخلي البيئة حوله آمنه لتجنب المخاطر

01/05/2025

سؤال متكرر في العيادة
إزاي أزود كمية اللبن؟؟

الرضاعة بإستمرار وخصوصًا الرضاعة بالليل
رضاعة حسب رغبة الطفل

إفراغ الثدي والتعصير محفز أساسي لإنتاج اللبن

شرب ما لا يقل عن ٨ أكواب مايه
في اليوم

أكل وجبات صحية متوزانة فيها
بروتينات زي اللحمة والفراخ والسمك والبيض والبقوليات

دهون صحية زي الأفوكادو والمكسرات و زيت الزيتون

شوفان وحبوب كاملة

سمسم ، جرجير

خضروات ، فواكه

مشروبات زي الحلبة والشمر والينسون

مش مضطرة تاكلي صنف معين كتير ، المهم أكل صحي متوازن ومتنوع

ممكن الإستعانة ببعض الأدوية ال ممكن تزود إنتاج اللبن علي حسب وصف الطبيب

دكتور حسام عمارة