https://chat.whatsapp.com/KwKZyHNxUH8FTO7Zm7IW3M

Maaly ahmed, مدينة نصر, Cairo (2026)

28/12/2025

في صندوق فيه قطع خشب لما تيجي تتركب ف قطعه خشب تانيه زي مالمصنع بعتهالك هتلاقي مثلا الاخرام مدوره والمسامير مدوره دا الطبيعي ..طيب لو بعتهالك فتحاتها مربعه مع مسامير مدوره 🤔

السؤوال هنا 👇

هل ينفع تستخدم المسامير المدوره ف الفتحات المربعه؟ 🤔

لا مش هاينفع طبعا ولو صممت فممكن تدخل من الفتحات الضيقه بس بعد ماتضغط المسامير ممكن يحصل كسر للقطعه كلها ..💔

وانا هنا مش بتكلم عن الصندوق

انا هنا بكلمكم عن طفل تشتت الانتباه مع فرط الحركة (adhd)

اعتبر مخ طفلك هو الخشبتين ال فيهم اخرام مربعه ال ربنا خلقه بيهم وعشان تظبط ادائهم محتاج مسامير مربعه بس للاسف البيئه موفرالك بس المدوره ومش لاقي ال تناسبه

هل تقوم كابس صندوق مخه بمسامير شكل تاني عشان ترتاح وتقفل الفجوات ومش مهم الطفل يحصله ايه ؟ 🥺

الاهل لازم يبقي عندهم مرونه وتتقبل طفلهم ال adhd بعيوبه قبل مميزاته وبلاش تجري ع الادويه بدون ماتعرف موصوف أيه وليه وفايدته ايه وتأثيره السلبي والايجابي ايه

انا مقابلتش حد adhd كبير وكان كويس الا لما يقول انا كدا بسبب دعم امي وابويا واهلي ليا وحمايتهم ليا

وماشوفتش حد adhd, كبير ومدمر وعنده امراض نفسيه كتير الا لما يقول السبب اهلي ومش مسامح

يريت الاهل يفهمو ان مخ طفل مش عنده تشتت الانتباه وفرط الحركه شغال بنظام

وطفل ال عنده تشتت انتباه وفرط الحركه adhd شغال بنظام اخر خالص تغلب عليه الحساسيه العاطفيه ومحتاج دعمك واهتمامك وفهمك فخليك مرن واستخدم المسامير الصح لطفلك او اصنعها بنفسك لانه ابنك قطعه منك ويستاهل منك تتعب عشانه 👌

طيب تصنعها ازاي .. انك تدير الاضطراب بشكل صح وتكون داعم حنون وحازم بهدوء مع طفلك ...طيب ازاي
.👇 لا دا حوار طويل بص خدلك لفه بصفحتي وانت هاتتعلم كتير عن ال adhd وازاي تتعامل معاه✍️👏

✍️

28/12/2025

الحب المشروط خاصة عند ال adhd يشكل لدى الطفل اعتقادا جوهريا بأن قيمته مرتبطة بإنجازاته وسلوكياته وليس بذاته، مما يؤدي لتدني احترام الذات والخوف المستمر من الرفض. ينتج عنه أطفال يعيشون في قلق مزمن من فقدان الحب، ويطورون أنماط كمالية قهرية أو تجنبا للمخاطرة خوفا من الفشل وخسارة القبول.

27/12/2025

كيف يؤثر الاحباط علي adhd

26/12/2025

هل طفل ال adhd زي الطفل العادي ؟🤔

في طفل اسمه عمر ونسي ف يوم ياخد كشكوله معاه المدرسة
ولما وصل وبدأت الحصة اكتشف إنه مش قادر يكتب الواجب، والمدرسة زعلت منه.
😒😧

في يوم تاني، أصر يخرج من البيت من غير الجاكيت، رغم إن الجو كان برد، وبعدها رجع وهو بيكح وتعبان😳🥺
طبيعي إن أي طفل يمر بالمواقف دي يبدأ يتعلم، ويربط بين الفعل اللي عمله والنتيجة اللي حصلت، ويبدأ ياخد باله بعد كده. لو نسي الكشكول، يعرف إن ده هيحرجه قدام المدرسة، فيتأكد المرة الجاية من شنطته. ولو خرج من غير جاكيت، يفتكر البرد اللي حس بيه، فالمرة الجاية يلبس تقيل.💯✋️👏

لكن السؤال المهم، هل الطفل اللي عنده فرط حركة وتشتت انتباه، المعروف بطفل ADHD، هيقدر يتعلم بنفس الطريقة؟ هل هيقدر يربط بين الفعل والنتيجة؟👀

للأسف، لاء😞

وده مش رأي الشخصي، ده بناء على دراسات علمية دقيقة، من أهمها أبحاث الدكتور راسل باركلي، واحد من أبرز العلماء في مجال اضطراب فرط الحركة وتشتت الانتباه.

الدكتور باركلي أكد إن الأطفال المصابين بـ ADHD بيعانوا من ضعف في الوظائف التنفيذية، اللي هي زي التخطيط والتنظيم وضبط النفس والتذكر. مابيقدروش يعملو الربط دا 🥺

وعلشان كده، هما مش بيقدروا يتعلموا من العواقب الطبيعية بنفس كفاءة الأطفال العاديه
لأن في مشكلة أساسية عندهم في التنظيم الذاتي، والمشكلة دي سببها نقص في بعض المواد الكيميائية في الدماغ، زي الدوبامين، اللي بيأثر على قدرتهم على الربط بين السبب والنتيجة.

يعني ببساطة، لو كان عمر عنده ADHD ونسى كشكوله، وراح المدرسة من غيره، وحصل معاه نفس اللي حصل في المثال الأول،☝️

مش هيقدر للاسف يربط بين نسيان الكشكول والنتيجة اللي حصلت ليه. مش لأنه مش ذكي، بالعكس دا ملهوش علاقه بالذكاء ولكن ليها علاقه بالذاكره لان هما مش بيشوفو المستقبل وعندهم عمي زمني بيخليهم منغمسين ف الموقف الحالي ومش عندهم اي ادراك لما بعد الموقف هايحصل ايه يعني ف مثال الكشكول هو مقدرش يربط ان زعل المس دا هيتكرر مع كل مره ينسي فيها الكشكول🤚

عشان كدا عقله بيحتاج مساعدة عشان يشتغل بكفاءة. و هنا بييجي دور الدعم الخارجي، سواء من الأهل أو من الأدوات المساعدة زي الكروت، الجداول، التنبيهات، أو المنبهات.❤️

وهنا نقطة مهمة جدا ان الاعتماد على المساعدة الخارجية دي مش ضعف ولا قلة ثقة بالنفس عند طفل Adhd زي ما بعض الناس بتفتكر.🙄

الدكتور باركلي بيأكد إن ده شيء ضروري وأساسي، وبدونه الطفل هيتعرض للإحباط المتكرر، وده هيأثر على احترامه لذاته، وهيبدأ يحس إنه فاشل أو مختلف أو مش محبوب.

وده بيحصل للأسف لما الأهل يقرروا يسيبوا الطفل يواجه العواقب لوحده بحسن نية على أمل إنه يتعلم. فالأم مثلا تقول له: ذاكر لوحدك، فيفشل، تحاول تاني بنفس الطريقة، ويفشل تاني، ويدخل الطفل الدائرة دي اللي مليانة إحباط وفشل💔

لذلك الدكتور باركلي بيشدد على دعم الاهل واستخدام المنبهات والتنبيهات والكروت مش بيضعف ثقة الطفل بنفسه، بل على العكس، بيحميه من الفشل، ويدعمه في إنه يتقدم ويتفوق.❤️🤎

خلاصة الكلام هو ان الطفل المصاب بـ ADHD محتاج المساعدة الخارجية دي طول الوقت، زي العصا اللي بنساعد بيها شخص عنده كسر في رجله. مش لأنها دايما هتفضل معاه، لكن لأنها بتدعمه لحد ما يقوى ويتمكن.💯

في النهاية، لو فعلاً عايزين أطفالنا يتعلموا، يتحسنوا، ويكون عندهم ثقة بنفسهم، لازم نفهم دماغهم الأول، ونساعدهم بالشكل اللي يناسبهم، مش بالشكل اللي إحنا متعودين عليه مع الأطفال العاديين. الدعم مش ضعف، بل هو الطريق الحقيقي لبناء طفل واثق، قادر، ومحبوب.حتي لو احتاج جهد مضاعف منك كأم لكن ابنك يستاهل ولا ايه💜❤️
✍️

ماتنسوش الاعجاب و #الفولو 💜💙

25/12/2025

ازاي ادرب ابني ال adhd على مقاومة المشتتات ف المدرسه🤔

السؤال دا جالي ف جروب الواتس ووعدت الام انزله هنا كبوست بس تاخد بالنا لازم التدرج
ولازم نمشي ع الخطوات بالمده بتاعتها منجريش🤌✋️

والمهاره دي هتمرن عضلة التركيز عند ابنك وهشرحالك كخطه سريعه هتوفر عليكي تعب قلب كبير بعدين
بس محتاج منك شويه شغل بالاول 👌🤍

اول مرحله هنبدأ بيها ب مشتت واحد بسيط بس
المرحله دي هاتكون من اسبوع لاتنين حسب تقدم الطفل ونجاحه👇

اولا.....هنا هنطلب من طفلنا يعمل نشاط بيحبه أو سهل عليه زي تلوين، ترتيب مكعبات، نسخ أشكال وبعد دقيقتين من التركيز، ندخل مشتت بصري واحد فقط زي اننا نحط لعبة ملونة على طرف الترابيزه وتكون في مجال رؤيته
لكن بعيدة شوية.✋️

و نلاحظ هل التفت ليها ونحسب كم مرة حصل
ونسجل ده. ولو التفت، نستخدم تذكير لفظي هادي
زي عينك على النشاط .
وتكون مدة النشاط حد اقصي من ١٠ ل ١٥ دقيقه 👌

ثانيا...وأول مايقدر يتجاهل المشتت ويستمر ع ده يومين ع الاقل
نبدأ نعمل مشتتات سمعية هاتكون برضو من اسبوع لاتنين حسب الوقت ال هياخده ويستجيب ليه طفلك ✋️

بعد كدا هنبدأ ندخل المشتت السمعي بحيث هنعمل
نفس النشاط الممتع ونحط نفس المشتت البصري مش هنغيره ولا هنغير مكانه لكن دلوقتي هنزود و هنشغل صوت في الخلفية💬
نبدأ بأصوات منتظمة ومتوقعة زي دقات ساعة، موسيقى هادية والاهم تكون منزلهم مش تشغلهم من اليوتيوب ويجي اعلان يبوظ ال بنعمله ناخد بالنا هنستمر علي دا ٣ ل٥ أيام✋️

بعدها هننتقل لأصوات أقرب لبيئة المدرسة زي صوت أطفال بيتكلموا من بعيد صوت كراسي بتتحرك وبعدها نزود درجة الصوت بشكل تدريجي للاعلي كل يومين لو الطفل قدر يحافظ على تركيزه. واستمر ع دا من ٣ ل٥ ايام 👌

ثالثا ...نيجي بقي للمرحلة الثالثة وال هندخل فيها هنا ع المشتتات الحركية وكدا تقريبا عدا شهر وداخلين ع الشهر الثاني وبرضو هاتكون من اسبوع لاثنين ✋️

هنعمل نفس النشاط وهنبدأ نتحرك حواليه. في البداية هنخليها حركة بطيئة وبعيدة عن مرمي بصرة لمدة يومين ثلاثه
بعدها تقرب أكتر وتتحرك أسرع يومين ثلاثه 👇

زي مثلا امشي ورا الكرسي بتاعه، رتب حاجة على رف قريب، افتح دولاب. الهدف إنه يتعود على حركة الناس حواليه زي ما بيحصل في الفصل. ومش ننسي نسجل كام مرة رفع راسه أو وقف شغله ومع كل مره يتشتت نرجعه بهدوء لاتمام النشاط .💙

ناخد بالنا اننا مشلناش المشتت البصري ولا السمعي بس نخلي شدتهم علي مستوي متوسط هما الاتنين🙄

رابعا....نيجي بقي للمرحله ال هنعمل فيها دمج للمشتات

بحيث ندمج اتنين أو تلاتة مشتتات مع بعض.زي صوت في الخلفية + لعبة على الطاولة + حد بيتحرك في الأوضة بس نبدأ بشدة منخفضة للتلاتة الاول لمده ثلاث ايام 🙉

ثم نزود شدة واحد منهم بس علي مدار ال٣ ايام ال بعد كدا
يعني رابع يوم خلي المشتت البصري اقرب ليه
خامس يوم خلي المشتت السمعي اعلي من الايام ال فاتت والمشتت البصري يرجع مكانه الاولاني
اليوم السادس المشتت الحركي يبقي أكثر قربا منه
ممكن هنا تخلي اخواته يلعبو حواليه والمشتت السمعي يرجع للدرجه السابقه المنخفضه
اليوم السابع الثلاثه نبدأ نشتغلهم ع شده متوسطه عاليه بنفس الدرجه وبنفس الوقت ✋️

خامسا ...وهنا وصلنا للمرحله ال هاتكون قبل الاخيره وال هنعرض فيها الطفل لمشتتات اجتماعية مباشرة وال هتكون تقريبا ف بداية الشهر الثالث👌

ودي أصعب مستوى. بس لو اشتغلنا المراحل السابقه صح وبدون تسرع الطفل هيعملها بنجاح ان شاء الله تعالي 👌

هنبدأ النشاط والطفل شغال والمشتتات حواليه اطلب منه حاجة مش متوقعة زي فين القلم الأزرق أو شوفت أخوك راح فين ؟

الهدف يتعلم يرد باختصار ويرجع للمهمة بسرعة. أو خلي حد يقعد قدامه ويشتغل على حاجة تانية ويتكلم بصوت واطي - كمحاكاة للزميل في المدرسة ال بيتكلم ويشتته✋️

سادسا....المرحلة الاخيره هنعمل محاكاة كامله لنظام الفصل ال بالمدارس وتقريبا هنا هنكون دخلنا ف (أسبوع 11-12)

نعمل فصل صغير سبوره ع الحيطه كرسي الطفل والترابيزه امامها ... الطفل يقعد، وفي حواليه أخواته بيلعبوا، تليفزيون شغال بصوت واطي، أنت داخل وخارج من الأوضة، فيه لعب على الأرض. اطلب منه يعمل ورقة عمل أو واجب حقيقي.مش نشاط زي الاسابيع ال فاتت✋

️ و الجلسة دي تبقى من ١٠ ل ٢٠ دقيقة حد أقصي. وراقب قدرته على الاستمرار وسجل عدد مرات التشتت. ال حصلت علي مدار الاسبوعين عشان نشوف التقدم👌

في حجات لازم ناخد بالنا منها اثناء التطبيق هاكتبها ف التعليقات 👇

✍️

#التشتت

24/12/2025

الانفجار العاطفي عباره عن لجوء الطفل لأكثر شخص يشعر بالامان معه

24/12/2025

من تعب ف الصغر كسب ف الكبر

23/12/2025

لا حول ولا قوة الا بالله

23/12/2025

ازاي اعلم ابني جدول الضرب 🤔

في باحثه اسمها إليانور ماجواير من جامعة لندن
اثبتت ان في مرونة عصبية بتخلي المخ مش بس
بيخزن المعلومات وقت التعلم ...لا دا بيعمل إعادة بناء حقيقية للوصلات بين الخلايا العصبية.حتي مع الكبار ❤️

الباحثه راحت عملت دراسه علي سواقين تاكسي لندن بالذات عشان هما لازم بيحفظوا حوالي 25 ألف شارع و 320 طريق رئيسي🙄

عشان لازم يعدو ع اختبار صعب جدا اسمه المعرفة فبياخد من سنتين لـ 4 سنين تدريب ومافيش جي بي إس - كله حفظ واعتماد على الذاكرة بس✋️

اللي عملته الباحثة انها🙄 ...صورت مخ 79 سائق تاكسي وقارنتهم بـ 31 شخص عادي (نفس العمر ونفس الخلفية) واستخدمت جهاز التصوير بالرنين المغناطيسي- جهاز بيصور المخ من جوه بدقة عاليه👌

المنطقة اللي ركزت عليها👇منطقة اسمها الحصين👇
المنطقة دي في المخ هيا المسؤولة عن الذاكرة المكانية (ال بتفتكر الأماكن والطرق)
وموجودة في الجزء الداخلي من المخ✋️

والنتائج كانت مذهلة👇
اولا اكتشفت ان منطقة الحصين دي عند السواقين كانت أكبر بكتير من الناس العاديين

والاكتشاف الثاني👇
هو ان كل ما السائق كان اشتغل سنين أكتر في المهنة
كل ما كانت المنطقة دي أكبر

رجعت عملت دراسة تانيه للمتابعة (2011)
عسان تجاوب علي السؤال المهم دا👇
هل السواقين كانوا أصلا عندهم المنطقة دي كبيرة
يعني موهبة فطرية؟
ولا المنطقة دي كبرت بسبب التدريب والشغل؟

فجابت مجموعة ناس قبل ما يبدأوا التدريب
صورت مخهم
وانتظرت لحد ما يخلصوا التدريب (سنتين - 4 سنين)
ورجعت صورت مخهم تاني

النتيجة هنا كانت قاطعة👇
اللي نجحوا في الاختبار منطقة الحصين كبرت فعلا
اللي رسبوا في الاختبار مافيش تغيير حصل في المخ
معنى كده التعلم الحقيقي هو اللي سبب كبر المنطقة دي

طب دا معناه ايه🤔

معناه ان كل ما تكرر حاجة، الوصلات بين الخلايا العصبية بتقوى وتبقى أسرع

وكل لما بتتعلم حاجة جديدة... المخ بيعمل تشابكات عصبية جديدة ما كانتش موجودة

وكل مااشتغلت ع مهاره او حاولت مثلا تكتسب معلومات المخ هنا في مناطق معينة زي منطقة الذاكرة بيقدر ينتج ويعمل ع نمو خلايا عصبية جديدة 👌

بس في شرط وحيد✋️
هو التكرار + الوقت لان التغيير مش بيحصل من مرة واحدة، ولكن محتاج ممارسة مستمرة🤍🤍

نستفيد من المعلومه دي طيب ازاي 🤔
عايزين مثلا نعلم جدول الضرب

لو طفل بدون ADHD👇
هنلاقي انه كل يوم يذاكر ربع ساعة × 10 ل 15 يوم = خلاص حفظ الجدول✓

مع ADHD (بدون دعم)👇
أول يوم ذاكر 5 دقايق اتشتت
تاني يوم نسي اللي ذاكره امبارح ولازم كدا يبدأ من الأول
خامس يوم زهق وقال أنا مش عارف أحفظ
الأهل اول كلمه ع لسانهم دماغه مش بتمسك حاجه ❌

طب تعالو بقي مع طفل معاه ADHD
لكن معاه دعم صح👇
ف كل يوم 5 دقايق مركزة × 3 مرات في اليوم (بدل ربع ساعة مرة واحدة
- كل مرة مراجعة سريعة للقديم قبل الجديد (تقوية الوصلات القديمة)
- استخدام لعبة أو أغنية (تثبيت بطريقة ممتعة)
الفكره استخدمو اكتر من حاسه اثناء الحفظ
- بعد 3 أسابيع بدل 10 أيام =حفظ الجدول ✓
جربوها وادعولي❤️

✍️

23/12/2025

المشاكل الحسيه

21/12/2025

زي ماقولتلكم بالواتس . في نظريه اسمها نظرية جيزل
بتقول ف وصفها ان
ان في👇
سنين فيها إيقاعات نمو فيها نمو سريع يعقبها لخبطة مؤقتة
ثم إعادة تنظيم واستقرار

النظريه بتقول
ان في بعض الأعمار، ومع بعض الأطفال، قد تظهر فترات عدم استقرار نمائي، وان تغيرات النمو عامله زي الزجزاج كدا

هيا اكيد مش قاعده تشخيصيه ثابته مع كل الاطفال خلينا نكون واضحين لكن تستحق الاهتمام

النظريه دي بتقول ان التأثير الأول ال بيحصل للاطفال دول ف فترات النمو السريع والغريب انها بتكون حسب النظريه
ف السنين الفرديه
٣سنوات. ٥ سنوات وهكذا

قد يضطرب سلوك طفلك فجأة بدون سبب واضح.. كأنه في فترة تحديث للنظام (Update)

على المستوى النفسي👇
الطفل في حالة عدم استقرار داخلي
قلق وتوتر
حساسية مفرطة
تقلبات مزاجية
2. على المستوى السلوكي👇
نوبات غضب أو تمرد (حسب العمر)
صعوبة في التعاون
عناد
رفض القواعد
انسحاب اجتماعي أحيانا
شكاوى جسدية (صداع، ألم بطن)
3. على المستوى النمائي👇
نمو سريع في القدرات والمهارات
الطفل بيحاول يتعلم مهارات جديدة
طاقته موجهة للداخل (استيعاب التغيرات)
فترة إعادة تنظيم للشخصية
4. على المستوى الاجتماعي👇
صعوبة في العلاقات (مع الأهل أو الأقران)
حساسية للنقد
الشعور بعدم الفهم

وهنا بيتقاطع مع فترات النمووالسريع دا
ويتداخل تأثير ثاني خالص
خاص بمراحل التطور
زي مرحلة الطفوله المبكره والوسطي والمراهقه
وما يحدث فيهم من٠👇
تغيير في القدرات المعرفية
طريقة تفكير جديدة
متطلبات اجتماعية جديدة
بيئة مختلفة (مدرسة، أقران جدد)
توقعات أعلى من الأهل والمجتمع
تغيير في الهوية أنا مين دلوقتي؟
ضغط التكيف ال بيحصل لما
الطفل بيحاول يتأقلم مع الجديد
ومايصاحبه من عدم استقرار مؤقت
لحد ما يستوعب المرحلة الجديده

النتيجه هنا ان 👇

لما الاتنين بيتقاطعوا سوا = ميكس مضاعف🙄
وبالتالي ضغط نمائي مزدوج و تحديات سلوكية وانفعالية أكبر بيواجهها الطفل محتاجه منكم دعم وفهم

ف النتيجة هنا للميكس دا:بتكون ظهور
شكاوى مكثفة من الأهل
من قلق الانفصال
ردود غريبه ومندفعه
تشبث غريب بالرأي
رفض المدرسة أحيانا
صعوبات تركيز
حساسية مفرطة للنقد
صعوبات النوم)
زن. الحاح.. بكاء من غير سبب حقيقي خاصة البنات
والاهل اخر اليوم بيكونو مستنزفين نفسيا وبدنيا

احب اعرفكم ان استنزافكم ممكن يكون بسبب عدم معرفتكم ان دي ممكن تكون سمات مرحله وهتعدي بأمان ومش تغيرات حقيقه في شخصية طفلكم نتيجه لتداخل مراحل التطور ومع مراحل النمو السريع ال بيحصل .

لكن ف نقطة مهمة جدا
لو السلوكيات
دي طولت....أو زادت عن الطبيعي...أو أثرت على دراسة الطفل، نومه، علاقاته، أو حياته اليومية بشكل مستمر ومتزايد
ساعتها ده معناه إن الطفل
دا مش بس في مرحله عاديه… وان هو محتاج تقييم نفسي متخصص
علشان نفهمه صح ونساعده في الوقت المناسب
✍️

Maaly ahmed

28/12/2025

28/12/2025

27/12/2025

26/12/2025

25/12/2025

24/12/2025

24/12/2025

23/12/2025

23/12/2025

23/12/2025

21/12/2025

Address

Website

Alerts

Contact The Practice

Shortcuts

Share

Category