عيادة د. ريم صلاح عيد للعيون - Vision Care Eye Clinic

  • Home
  • Egypt
  • Damietta
  • عيادة د. ريم صلاح عيد للعيون - Vision Care Eye Clinic

عيادة د. ريم صلاح عيد للعيون - Vision Care Eye Clinic رائد طبيب ريم صلاح عيد
رئيس قسم طب وجراحة العيون بالمستشفى العسكري
أخصائي طب وجراحة العيون
ماجستير طب وجراحة العيون
عضو الجمعية الرمدية المصرية

22/03/2026

كل عام وانتم بخير..
العيادة مفتوحة من بكرة ان شاء الله ومواعيدنا رجعت زي ما كانت قبل رمضان..
من السبت للأربعاء من سبعة لعشرة مساءا.

للحجز

01559655801

كل عام انتم بخير
19/03/2026

كل عام انتم بخير

كل عام انتم بخيررمضان كريم
17/02/2026

كل عام انتم بخير
رمضان كريم

16/02/2026

كل عام وانتم بخير..

مواعيد رمضان ان شاء الله

السبت والاثنين والاربعاء
من الساعة ١٢ ظهرا الى ٤ عصرا
الحجز قبل الحضور بالتليفون
01559655801

كنا عايزين نعمل عملية تصحيح حول للبنوتة دي يا دكتورة..شكوى أم داخلة بطفلتها العيادة.. البنت بتعاني من حول واضح..بسؤال ال...
19/01/2026

كنا عايزين نعمل عملية تصحيح حول للبنوتة دي يا دكتورة..

شكوى أم داخلة بطفلتها العيادة.. البنت بتعاني من حول واضح..

بسؤال الأم عن تاريخ البنت المرضى.. اتضح انها كانت سخنة من اسبوعين وبعدين ظهر الحول..

طيب وعملت ايه في الحرارة؟ اخذت خوافض حرارة وبس... وحاليا كل مشكلتها الحول عشان الشكل..

طبعا أي حول مفاجيء ناتج بعد اي اعراض تانية سواء في الاطفال او الكبار.. ده إنذار خطر ولازم الاهتمام بمعرفة سببه..

الحمد لله بعد عمل الفحوصات اللازمة.. وعلاج السبب.. رجعت العين لوضعها الطبيعي تاني.. وكمان المشكلة الرئيسية الي هي اخطر من بس شكل الحول اتحلت.


مش كل حاجة شكل جمالي.. لا دور الاول عن السبب.



يا دكتورة انا اتخانقت مع واحدة عشان خبطت فيها.. قلتلها اني ما شفتهاش بس هي مش مصدقة.. دي كانت شكوى مريضة.. المريضة نظرها...
18/01/2026

يا دكتورة انا اتخانقت مع واحدة عشان خبطت فيها.. قلتلها اني ما شفتهاش بس هي مش مصدقة..

دي كانت شكوى مريضة.. المريضة نظرها كان كويس جدا.. وعمرها ما اشتكت من عينها ولا عندها اي امراض مزمنة.. لكن المشكلة الخفية عندها ان جزء من مجال رؤيتها بدأ يتدمر وهي مش حاسة.. لدرجة ان لو حد معدي من جمبها ممكن ماتشوفوش غير لما يبقى قدامها مباشرة..

بفحص قاع العين.. اتضح وجود ضمور في العصب البصري في احدى العينتين..

المريضة مكانش حصلها اي مشاكل موضعية في عينها قبل كدة.. فده يوجهنا لسكة تانية.. المخ..

طلبت للمريضة رنين بالصبغة على المخ.. والنتيجة.. ورم حميد صغير جدا لكن ضاغط ضغط كلي على عصب احدى العينتين.. وباديء يضغط على عصب العين التانية وقد يؤدي الى العمى الكلي لو كبر اكتر من كدة..

تم تحويل المريضة لدكتور جراحة مخ واعصاب وعلاجها بفضل الله.. والحمد لله بصورة كبيرة العين التانية اتلحقت..

عشان كدة ماتستهونش انك تقول دكتورك أي شكوى مدايقاك.. ما تستصغرش اي تفصيلة.. لإنها ممكن تكون مفتاح التشخيص.



عبارة الوقاية خير من العلاج.. ماهياش مجرد كلام وخلاص.. لا هي فعلا نصيحة نقدر نتجنب بيها مشاكل كتير..حالة زي الي في الصور...
17/01/2026

عبارة الوقاية خير من العلاج.. ماهياش مجرد كلام وخلاص.. لا هي فعلا نصيحة نقدر نتجنب بيها مشاكل كتير..

حالة زي الي في الصورة دي.. جاية تشتكي من خيالات سودة شافتها فجأة قدامها.. مع انخفاض في مستوى الرؤية..

لما سألناها هل يوجد اي امراض مزمنة.. سكر.. ضغط.. كانت الإجابة.. لا..

لا مش ان معندهاش.. لكن انها اصلا مش بتكشف او تحلل بصورة دورية.. ولا حتى بتهتم باي اعراض غريبة بتحس بيها..

النتيجة ان طلع عندها سكر متقدم.. لم يكتشف ولم يتم علاجه.. وأدى الى تكون اوعية دموية غير طبيعية على الشبكية.. والاوعية دي حصل منها نزيف.. وده سبب شكوتها الحالية..

عشان كدة بنقول.. انتبه للإنذارات الي بيعطيها جسمك ليك.. ما تهملهاش.. لإن العلاج في البداية هينقذك بإذن الله من مشاكل تانية كتير..

وكالعادة.. العين مراية جسمك.. قد تكون هي البوابة الاولى الي من خلالها نقدر نشوف اسرار اوعيتك الدموية واعصابك وحاجات تانية كتير.



08/06/2025

عيد سعيد
ان شاء الله العودة للعمل بالعيادة من يوم الثلاثاء.
كل عام انتم بخير

#مهم
02/05/2025

#مهم

كل عام أنتم بخيررمضان كريم
28/02/2025

كل عام أنتم بخير
رمضان كريم

مريض دخل المستشفى بصداع شديدضغط الدم كان عالي جدا خافوا يكون عنده نزيف في المخ مثلا نتيجة الضغط وعملوله اشعة مقطعية عا...
12/01/2025




مريض دخل المستشفى بصداع شديد
ضغط الدم كان عالي جدا
خافوا يكون عنده نزيف في المخ مثلا نتيجة الضغط وعملوله اشعة مقطعية عالمخ وكانت سليمة فبدأوا ينزلوله الضغط
من ضمن الحاجات الي اتطلبتله كان فحص قاع عين

بفحص قاع العين لاقينا المنظر الي في الصورة ده
ارتشاح شديد في العصب البصري مع نزيف وتغيرات بالأوعية الدموية

المنظر ده بيدل على إن ضغط الدم كان عالي ولمدة طويلة ومش متسيطر عليه بالعلاج مش مجرد ارتفاع مفاجيء في الضغط
ومحتاج يتم التعامل معاه لإن كدة الدم لا بيخرج ولا بيدخل للشبكية بصورة طبيعية ومعرض لفقد البصر في العينين للأسف لو ماتلحقش

وزي ما بنقول دايما إن العين شباك للجسم
فالي حاصل في العين ده غالبا هيكون حاصل مع اعضاء كتير في الجسم من أهمها على الاطلاق الكلى والقلب

عشان كدة فحص قاع العين من أهم الفحوصات الي بنبدأ بيها وبتدلنا على بداية طريق العلاج.

نبدأ بسم الله أول منشور في كلامنا عن عشان نتكلم على الحالات المرضية لازم نعرف الطبيعي الأولالعصب البصري عبارة عن ألياف ا...
09/01/2025

نبدأ بسم الله أول منشور في كلامنا عن


عشان نتكلم على الحالات المرضية لازم نعرف الطبيعي الأول

العصب البصري عبارة عن ألياف الخلايا العصبية بالشبكية الي بتتجمع وتخرج من العين لحد ما توصل للمخ.
مخرج العصب من العين بيبقى على شكل دائرة منتظمة حادة الحواف زي ما بيشاور السهم في الصورة

العصب البصري يعتبر جزء من المخ وبفحص قاع العين بنقدر نشوف بعنينا آثار أمراض داخلية كتير نتيجة تأثيرها على شكل العصب ولونه وسمكه ودورته الدموية

عشان كدة فحص قاع العين له أهمية كبيرة للاكتشاف المبكر لأمراض كتير هنتكلم عن بعضها مرة تانية إن شاء الله.

Address

دمياط، ميدان سوق الحسبة، امتداد شارع ابو الوفا، اعلى صيدلية فتوح
Damietta

Telephone

+201559655801

Website

Alerts

Be the first to know and let us send you an email when عيادة د. ريم صلاح عيد للعيون - Vision Care Eye Clinic posts news and promotions. Your email address will not be used for any other purpose, and you can unsubscribe at any time.

Shortcuts

Share

Category