Dr Asmaa Elmenawy

12/08/2025

💦 ودّعي الإحراج مع التعرق الزائد

البوتوكس حل فعّال وسريع لمشكلة فرط التعرق!

✅ تحت الإبط
✅ راحة اليد
✅ باطن القدم
✅ الجبهة

إزاي بيشتغل؟
البوتوكس بيوقف الإشارات العصبية اللي بتنشط الغدد العرقية.
النتيجة؟
✔️ جفاف وراحة
✔️ تأثير يدوم من ٦ إلى ٩ شهور
✔️ بدون جراحة
✔️ آمن ومعتمد من الـ FDA

---

📍 احجزي جلستك دلوقتي وابدئي تعيشي بثقة وراحة!

29/07/2025

Melasma before &after

17/07/2025

13/06/2025

Botox for forehead wrinkles

09/09/2024

📌لو غاوي مانجة و بتحب تلغوص بايدك وبوقك وانت بتاكلها باستمرار متنساش تغسل ايدك وحوالين بوقك كويس علشان لو ايدك لمست اي مكان بجسمك ممكن تعمل التهاب أو حساسية الجلد التعطري
Berloque Dermatitis

📌والالتهاب ده بيجي نتيجة تفاعل الشمس مع مادة Bergamot اللي موجودة بالمانجة واغلب الموالح زي الليمون والبرتقال..وكمان موجودة بكتير من البرفانات…

📌فخلي بالك وانت بتشرب اي عصير بتغسل حول الفم جيدا…وحذاري من ماسك الزبادي والليمون وحذر ابنك اللي بيقعد يقشر ويمص ويلعب بالليمون أنه لو لمس اي مكان في جسمه ممكن تحصل الحساسية دي..وللاسف لوحصل التهاب أو حساسية الجلد التعطري ده ممكن يشوه البشرة والوش و ممكن يقعد شهور وسنين علي مايخف تاني..

12/05/2024

~الآباء والأمهات اللي عندهم ندبات وآثار حب شباب Acne scars قديمة أصيبوا بيها من زمان لازم يهتموا بحب الشباب بتاع ولادهم ويجروا يعالجوه من بدري لأن القابلية لحدوث ندبات وتشوهات بالبشرة حاجة بيتم توارثها.. علشان كده الجمعية الأوروبية للأمراض الجلدية بتوصي أن الاطفال من سن ١٢سنة ياخدوا ايزوترتينوين لو عندهم حب شباب واحد الوالدين أو كلاهما عنده ندبات ناتجة عن حب شباب من زمان.

~مفيش حاجة اسمها سيب حب الشباب دا مالوش علاج دا فترة عمرية وهايروح لواحده..هو فعلا فترة عمرية وهايروح بس هايكوه شوه البشرة مدي الحياة.

~افضل علاج للندبات هو منع حدوثها بدري عن طريق علاج حب الشباب بدري... فالوقاية خير من العلاج.

~ الندبات مجرد مابتحصل كل سنة وانت طيب مهما صرفت وعملت جلسات اشكال والوان مش هاتروح بنسبة ١٠٠٪..اقصي تحسن بيبقي تقريبا ٦٠_٧٠٪..

25/01/2022

دي احد مشاكل الشتا وموجة البرد بتاعة اليومين دول وهي جفاف اليدين واوقات القدمين والوجه علشان دي اكتر اماكن بيتعرضوا للبرد وكمان نتيجة لاستعمال الصابون والمطهرات الجلدية زي الكحول والمياة السخنة اوي او الباردة اوي اثناء شغل المطبخ والوضوء…

- عندنا في الارياف بيسموه " القشف"…وبيصاحبه هرش وحرقان واوقات جروح سطحية

~دي تعليمات بسيطة ممكن نعالجه بيها:

١- قلل التعرض للبرد الصبح وبالليل باستعمال جوانتي قطن

٢- وانت بتستعمل مية لازم درجة حرارتها تبقي فاترة او متوسطة لان البارد اوي والسخن او بيضر الجلد

٣- مرطب جلد كويس مش مهم يبقي غالي وابسط حاجة لو مش عاوز تكلفة الفازلين العادي ينفع وخصوصا الساءل منه يؤدي الغرض زي الفل

٤- اهم قاعدة في استعمال المرطب انه لازم يتحط (٣-٥ )مرات يوميا (في الاوقات اللي مش هاتشتغلي فيهم في المطبخ)

٥- لازم لازم لازم …يتحط علي جلد رطب… يعني بعد غسيل اليد نشف ٩٠٪؜ وسيب طبقة ماية خفيفة وحط المرطب ودلكه

٦- لو المرطب بتحطه ويعمل حرقان او الجفاف شديد وظاهر معاه تشققات او جروح والجلد بينزل دم …هنا لازم استشارة الطبيب لان هانحتاج نضيف مع المرطب مرهم كورتيزون (لاطباء الجلدية مرهم مش كريم)…

٧- لما ايدك تتحسن ممنوع توقف المرطب طالما لسه في موجة برد لان بيحصل انتكاسة سريعة

دمتم سالمين

14/01/2022

معلش هو بوست طويل شوية.. بس مهم لكل واحدة محتاجة تعرف طريقة سليمة وعلمية للعناية بالشعر.. مش بس مهم لاصحاب مشاكل الشعر..كمان مهم للاطباء والصيادلة ..

- ايه هو سيرم الشعر؟ وايه الفرق بينه وبين الزيت ؟ وايه الطريقة الصحيحة لاستعماله؟ وايه هي اضراره؟ وايه هي طريقة "الكومبو" للعناية بالشعر؟.

- أولا: السيرم هو احد مستحضرات العناية بالشعر الي بتعتمد في تصنيعها علي السيليكون كمادة اساسية ثم يضاف ليه مواد اخري لعناية وتغذية الشعر زي الجوجوبا والأرجان..

- الفرق بين السيرم والزيت أن السيرم لايخترق طبقات الشعر الداخلية (زي الزيت) لكن بيغلف الشعراية خارجيا(Cuticle) علشان يعطيها حماية من اي عوامل خارجية مضرّة ويمنحها بريق ولمعان ويقلل من درجة التجاعيد..

- يعني باختصار السيرم يستعمل كعامل تصفيف (Styling) يضفي لمعان ونعومة للشعر و(حماية) من الشامبوهات المضرة ومن كيماويات الفرد وكمان من درجات الحرارة العالية اثناء استعمال السيشوار او مكواة الشعر وكمان بيحمي الشعر من اضرار اشعة الشمس والتلوث والرطوبة..

- بينما الزيت يستعمل لتغذية الشعر داخليا(يخترق الCuticle ليصل الي Cortex) وازالة التشابك و(اصلاح) اي تلف بينتج عن الكيماويات المضرة او عن اي عوامل بيئية خارجية..

- طيب ازاي بنستعملهم؟ وكمية قد ايه؟ وكل قد ايه؟...ودي نقطة مهمة جدا لان استعمالهم غلط ممكن يضر الشعر..

- بالنسبة للسيرم ممكن استعماله ب3 طرق مختلفة:
1- للحماية من التلف: قبل غسيل الشعر والسيشوار والمكواة وكمان قبل ماتنزلي او بنتك تنزل البسيين
2- للتصفيف: بعد غسيل الشعر بالشامبو والبلسم (مهم اننا نستعمل السيرم علي شعر نضيف) بنجفف الشعر عن طريق فوطة بتتحط عليه بدون فرك او تدليك الشعر (لان ممكن كده يتلفه) لحد ما تحسي ان الشعر بقي (رطب damp) اوحتي مبلول (Wet)بنسبة بسيطة ..حطي السيرم..سيبيه يجف ثم ابدأي التمشيط
3- ممكن نستعمله علي الشعر الجاف للتصفيف طوال اليوم: بس الطريقة دي مش مفضلة اوي لان الشعر بيبقي شايل اتربة وسطحه مش نضيف..

- الكمية..؟ نقطة مهمة جدا..لو شعرك خفيف هانحط 1-2 بخة (حجم عقلة السبابة او حباية البسلة)..ولو شعرك كثيف يبقي 3-6 بخات..ولو حاسة انك محتاجة زيادة (بسيطة) يبقي ممكن مفيش مشكلة..بلاش تتوصي اوي وتتعاملي معاه زي (السمنة البلدي) لان الكمية الكبيرة هاتزيت وتلزق الشعر وممكن تتلفه..ودايما خليكي فاكرة
“Little is more”

- بنحطه ازاي؟..لازم نحط السيرم علي كف اليد وندلكه لمدة 5 ثواني وبعدين بنحطه من بعد جدور الشعر بمسافة لحد الاطراف مع التدليك براحة اليد..او نبدأ نركز عالاطراف المقصفة ونطلع فوق ..((خلي بالك السيرم لايوضع علي جدور او فروة الشعر))..

- كام مرة كل اسبوع؟..3 مرات

- بالنسبة للزيت: يستعمل مرة او مرتين كل اسبوع للتغذية وعلاج التلف وازالة التشابك
- طب ايه نظام العناية "الكومبو": هو استعمال السيرم اولا (للحماية ) ثم الزيت بعده مباشرة(مرة اومرتين اسبوعيا للتغذية واصلاح التلف)

- هل السيرم ليه اضرار؟..اكيد كل شيء زاد عن حده بينقلب الي ضده.. فاستعمال كمية كبيرة او استعماله يوميا بيخلي "السيليكون" يسبب تلف للشعر..
- طبعا في سؤال باين في عنيكم اهوه.!!..ايه افضل نوع سيرم موجود في السوق؟ احب اطمنكم أن في انواع كتيرة جدا محلية ومستوردة ممتازة وفعالة...لكن احنا عندنا قاعدة مهمة جدا في مستحضرات "الهير كير"..انك لازم تغيري بين كذا نوع مختلف لحد ماتحسي ان في نوع كويس بيديكي اعلي نسبة حماية وترطيب..حتي لو الدكتور مش هو اللي قايل عليه..

- في النهاية بافكركم ( السيرم بيتحط قبل الغسيل اوالسيشوار والمكواة او بعد الغسيل بالشامبو والبلسم- علي شعر رطب- بنركز علي اطراف الشعر لحد فوق بس بعيد عن الجدور والفروة- كمية صغيرة- 3 مرات كل اسبوع)..
دمتم سالمين

12/01/2022

جلسة ديرمابن مع ميزوثيرابي ل التفتيح وازالة التصبغات

دمتم جميلات 😊

03/12/2021

مع بداية العام الدراسي ومعمعة الدروس الخصوصية وخناقات المذاكرة ومع عصبية الامهات ووصول صريخهم وصوتهم لاخر الشارع..واحيانا نتيجة اللجوء لاستعمال الاسلحة الطائرة زي الشباشب او اي حاجة ربنا يرزق وتيجي في ايديها تحدفها في وش العيال...

- في الوقت ده بيظهر نوعين من تساقط الشعر في الاطفال نتيجة الشد العصبي والتوتر اللي بيقع عليهم:

1- النوع الاول : الثعلبة وهو سقوط شعر مفاجيء وسريع لجزء صغير او كبير من الشعر غالبا بيحصل لما الطفل بينام كويس ويقوم الصبح نلاقي حتة من شعره وقعت بدون مقدمات..او مش بناخد بالنا منها الا لما يروح يحلق ويقصر شعره فنكتشفها فاجأة..

2- مرض او هوس نتف الشعر: وده بيجي نتيجة ان في بعض الاطفال نتيجة عادة عندهم او كرد فعلا للشد العصبي والتوتر بيقعد يشد في شعره ويقطعه اما وهو واعي ومتعمد واوقات بيبقي اثناء ماهو سرحان ومش واخد باله..

- الطفل نفسيا اكثر عرضة للعصبية والتوتر من الكبار..ودي بعض اسباب التوتر والشد العصبي عن الاطفال:

1- العلاقة المتوترة بين الام والاب زي الخناقات ومشاكل الانفصال
2- عدم وجود الاب بصورة كافية في حياة الطفل اما لسفر او انشغاله الدائم اوكما ذكرت في حالات الانفصال
3- صعوبات التعلم:كراهية الطفل لمادة دراسية معينة او لطريقة تدريسها او للي بيدرسهاله وصعوبة تحصيلها بيخلي الطفل عنده توتر مستمر

4- واخيرا مهم جدا جدا: استخدام الموبايل والاي باد والبلاي ستيشن والانشطة اللي بتخلي الطفل قاعد باستمرار مش بيتحرك ولابيمارس رياضة ولابينخرط في نشاطات مع الاطفال التانية...ومن يوم ماطلعت المدعوءة اللي اسمها PUB G من يوم ما طلعت بقت الاطفال تقعد تتعصب وتعيط وتتشد وتصوت وهي بتلعبها وده بيعمل شد عصبي عنيف عالطفل.

- التشخيص بقي سهل عند اقرب طبيب جلدية وختص وخصوصا مع وجود دهاز منظار الشعر..التشخيص مبكرا مهم لان كل ماكانت الحالة بسيط وخفيفة كان علاج اسهل واقصر..

دمتم سالمين