I theclinic I د.إسلام التمامى - د.آية زغدان

28/11/2025

ما تعصبونيش 🙈🤣🤭

26/11/2025

النهاردة كان اخر يوم لدكتورة رنا معانا 😓 قبل ما تنتقل لمرحلة جديدة في حياتها العملية
بنشكرك يا د.رنا على وجودك الفترة اللى فاتت كلها 😍
كنتى اضافة قوية و جميلة للمكان
بنتمنالك التوفيق فيما هو قادم و ربنا يكرمك دايما يا رب
و هنفتقدك جدا و المكان هنا مفتوح ليكي في اي وقت 🌹

شكرا ليكى يا د.رنا ❤

19/11/2025

لو طفلك ما اخدش التطعيمات الاضافية .. يعمل ايه ؟
#تطعيم

13/11/2025

🌿 أدوية ما ينفعش ناخدها بدون فحص

مش عارف لسة فيه حد بيحب يقرأ بوستات ومش عايز يقضيها ريلز وشورتس ولا لأ ..
بس خلينا نكتب بوست كل أسبوع كده نقول فيه كلمتين في البال والخاطر، جايز يفيدوا حد ❤️

وطبعًا وبدون نقاش وقولًا واحدًا:
ما ينفعش أصلًا نعطي أولادنا أي أدوية بدون استشارة الطبيب 👨‍⚕️

بس طبعًا برضه فيه أمهات عندهم خبرة شوية من التعامل مع الدكاترة أو أطفالهم،
فبتتحرك تستخدم شوية أدوية من نفسها.

فأنا دلوقتي هقولك إيه هي الأدوية اللي أوعي أوعي أوعي تستخدميها من نفسك أبدًا بدون استشارة الطبيب 👇

💊 المضادات الحيوية
كلها بلا استثناء ما ينفعش نديها بدون فحص الطبيب ويؤكد إنها عدوى بكتيرية تستحق المضاد الحيوي.

💊 مضادات الهيستامين (أدوية الحساسية) اللي بتسبب النعاس.

💊 مضادات الالتهاب اللي تحتوي على نسبة كورتيزون
زي (فينادون - أبيدون - أرازون - بيديكورت - زيلون - يونيبريدول - بريدسول).

وطبعًا برضه مش محتاج أقول إن الأدوية دي لما الطبيب يوصفها مفيش أي داعي للهلع والخوف من كلمة "كورتيزون"

هو كطبيب عارف بيعمل إيه، وكاتب جرعة إيه، وهيسحبها إزاي.

💊 أدوية الكحة الكيميائية (الغير عشبية)
يعني اللي مش مصنعة من أعشاب.

أما أدوية الكحة العشبية اللي مصنعة مثلًا من أوراق اللبلاب أو الجوافة أو العرقسوس أو النعناع أو ما شابه،
فمفيش منها مشكلة 🌿

💊 أدوية موسعات الشعب، وخصوصًا الشراب منها،
وبرضه موسع الشعب بالاستنشاق، بلاش بدون استشارة طبيب.

دي أشهر الأدوية اللي بلاش نستخدمها بدون فحص الطبيب بسبب مشاكلها لو استخدمناها بدون داعي أو بجرعة غلط ⚠️

💬 و بنفكر تاني وتالت ورابع:
يفضل بلاش أي أدوية بدون استشارة الطبيب.

🔁 شير من فضلكم لو استفدتوا حاجة من البوست ❤️


#كورتيزون

---

12/11/2025

Team Work 💪

Quadrant Rehabilitation ✨
Overlay for upper 6 by 𝐃𝐫. 𝐀𝐲𝐚 𝐙𝐨𝐠𝐡𝐝𝐚𝐧
Composite restoration for upper 5 & 7 by 𝐃𝐫. 𝐑𝐚𝐧𝐚 𝐄𝐥 𝐒𝐚𝐡𝐚𝐟𝐲
Lab work by 𝗠𝗮𝗿𝘃𝗲𝗹 𝗗𝗲𝗻𝘁𝗮𝗹 𝗗𝗲𝘀𝗶𝗴𝗻𝘀

11/11/2025

With lovely Mo'men😍

09/11/2025

07/11/2025

نقط انزيم اللاكتيز و حساسية الالبان .. !!


#لاكتيز

05/11/2025

Bleeching ❤

#تبييض


#اسنان

03/11/2025

Simple but lovely ❤😍




#اسنان
═══════════════════════════════════
‎ #العنوان: دمياط - شارع علي مشرفة - برج مشرفة بلازا أمام تمثال مشرفة
- الدور الثالث - نهاية ميدان سرور
‎ #تليفون: 0572222259 - 01559502259
‎‏
‎‏
‎‏TheClinicMedicalCenter | Healing Hands .. Caring Hearts

28/10/2025

🎒✨ **ولادنا يروحوا الحضانة دلوقتي ولا لأ؟**

اعتقد دة سؤال كلنا بنسأله في الوقت دة من السنة،
وماعتقدش إن فيه أي زيارة كشف أو استشارة في العيادة
إلا لما بتنتهي بالسؤال دة.
وإجابتي هنا بتختلف دايمًا حسب الحالة.

🤔 **يعني إيه الكلام دة؟**

أنا شخصيًا واحد من الأطباء اللي شايف إن
**"حبستهم علاج"** خصوصًا في التوقيت دة من السنة،
لكن المقصود هنا هو **الأطفال التعبانة**،
يفضّل عدم تعرضهم للهواء أو الأتربة أو التجمعات في الوقت دة 🍂

لكن الحقيقة إن **الحضانة ليها فوايد كتير** بالنسبة للطفل
وتطوره الاجتماعي واللغوي والذهني 🧠💬

---

👶 **أي حضانة بقى؟**

قبل ما أجاوب على السؤال ده،
تعالوا الأول أصلح لكم شوية مفاهيم منتشرة جدًا،
ومحاولاتنا كأطباء لتصحيحها بقت شبه بائسة 😅

صلوا بينا على النبي 🙏
اللهم صل وسلم وبارك على سيدنا محمد وعلى آله وصحبه أجمعين 🌸

---

🧾 **خرافات شائعة لازم تتصلح:**

✅ مفيش حاجة اسمها الحضانة هتضعف مناعة الطفل،
لأن التعرض لفيروسات خفيفة بيساعد على تقوية المناعة.

✅ مفيش حاجة اسمها ابني مناعته ضعيفة عشان جاله كذا دور برد ورا بعض.

✅ مفيش حاجة اسمها التطعيمات بتجيب توحد أو تضعف المناعة.

✅ مفيش حاجة اسمها التطعيمات الإضافية مش مهمة،
لأ، و1000 لأ 💉
دي مهمة جدًا جدًا جدًا.

✅ مفيش حاجة اسمها أي طفل شقي شوية نقول عليه تشتت انتباه وفرط حركة.

---

😌 **تمام كده؟ تمام.**

نرجع بقى لسؤالنا: **أي حضانة؟** 👇

🏫 الحضانة اللي تهتم بالنظافة والتعقيم، خصوصًا دورات المياه.
🏫 الحضانة اللي فيها تهوية كويسة وضوء شمس طبيعي ☀️
🏫 الحضانة اللي عدد الأطفال فيها محدود والمربيات قادرين يرعوا كل طفل كويس 👩‍🏫
🏫 الحضانة اللي تمنع حضور الأطفال اللي عندهم عدوى 🤒
🏫 الحضانة اللي تهتم بالتطعيمات الدورية 💉
🏫 الحضانة اللي بتخلي تجهيز الوجبات الصحية مسؤولية الأمهات لتجنب تبادل الأكل 🍎
🏫 الحضانة اللي مسؤوليها مايبالغوش في وصف أي طفل شقي بأنه عنده فرط حركة أو محتاج دكتور مخ وأعصاب 🧩
🏫 الحضانة اللي القائمين عليها فاهمين جدًا إن دورهم تربوي وتعليمي قبل أي شيء،
وبالهم طويل على الأطفال ❤️

---

✨ **بس كده.**

#حضانة

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
TheClinicMedicalCenter
https://linktr.ee/TheClinicMedicalCenter

د.إسلام يسرى التمامى◄
استشارى طب الأطفال و حديثى الولادة و الحساسية

نظام الحجز من هنا: ◄
http://tiny.cc/8p0jvz