عيادةدعبدالباسط عبدالصمدللاطفال وحديثي الولادة وحساسية الاطفال

25/08/2025

من باب لا تاتئ المصائب فرادي،
ماس كهربائي بالعياده،وحرق كل المفاتيح،الحمد الله تم السيطره والتعامل ،الحمد الله ع كل حال💔💔💔

25/08/2025

في حالة نادرة حصلت في تايوان، تم اكتشاف دودة شريطية داخل دماغ رجل كان يعاني من سنوات من صداع ودوخة وفقدان توازن خفيف، الدكاتره اعتبرت في البداية ان ده أعراض نفسية أو بسبب الجيوب الأنفية.

بعد سقوطه المفاجئ ، عملوا أشعة الرنين المغناطيسي شافوا دودة شريطية (Taenia solium) ب تتغذى على أنسجة دماغه. وبعد البحث والكلام مع المريض قالهم انه اكل من مطعم وبعدها حصله اعراض مغص شديد وترجيع واكتشف ان الاكل مكنش نظيف ، وقتها الدكاتره اتفقوا أنه ابتلع بيض الدودة من الاكل الملوث أو لحم خنزير مش مطبوخ بشكل كويس

الدودة وصلت إلى الدم واستقرت في الدماغ، واتسببت في التهابات طفيليه تعرف بالـ "نيوروسيستيسرکوز" (Neurocysticercosis)، وهو من أخطر أسباب الصرع في الدول النامية.

تمت إزالتها جراحيا وكانت لا تزال حية بطول 7 سم.

االلي تتعلمه من التجربه دي ان النظافة في الغذاء قد تنقذ حياتك.

20/08/2025

أثناء فتره الرضاعه
اللبن البقري والتوابل قللي منهم
العصائر الجاهزه والدهون قنني اكلهم
الحراق والمشروبات الغازيه امنعيهم
الشكولاته والقهوه والنسكافيه اهربي منهم

الحاجات دي لما الام تأكلها تنزل في اللبن فتزود الترجيع والعياط عند الطفل الرضيع

لانها بتعمل رخو للصمام بين المرئ والمعده وتزود إفراز حامض المعده وكمان بتقلل من كفاءة الغشاء المغاطي للمعده وده بيخلي اللبن يرجع من المعده بسهوله وبيسبب حرقان وتعب في المعده تخلي البيبي يعيط كتير

20/08/2025

أعلنت اليوم منظمة الصحة العالمية (المنظمة) عن التوصيات المتعلقة بالتركيبة الفيروسية للقاحات الأنفلونزا لموسم الأنفلونزا لعامي 2025-2026 في نصف الكرة الشمالي. وقد جاء ه....

19/08/2025

من فضلكم،من اليوم هنفعل ساعة طوارئ
يعني العيادة بتبدا الساعه ٦م ف دمياط القديمه
يعني هنبتدي الساعه ٥ بالظبط لحالات الطوارئ(حديثي الولاده تحت عمر ٧أيام،قياس الصفراء،حراره٤٠،ترجيع مستمر والطفلة ماينفعش يقعد)الكلام ده ينفذ من ٥-٦ فقط وتم تبليغ السكرتيره بذالك،اللي هيجي بعد الساعه ٦ حسب الدور ونظام العياده

18/08/2025

خير يامدام،شكوة ابنك ايه،حسين ابني يادكتوره بقاله اكتر من اسبوعين سخونيه تروح وتيجي وبدات رضاعته تقل لحد ما الوقت معتش بيرضع خالص وبقي نايم ليل نهاروبيخس،وبياخد ادويه كتير ،شنطة علاج. اهي،
طيب حطي الادويه ف الشنطه وهاتيه ع السرير نفحصه،طبعا حسين ينكشف عليه ظاهر عليه علامات التعب ومش قادر يقاوم ولا يعيط ولا حاجه، وانا باسمع صدره بالسماعه صوت fine crepitation &decrease air entry
خبير يادكتور ؟والله يام حسين ده غالبا التهاب رئوي ،وده غالبا السبب ف السخونيه دي ،بس يادكتور مش بيكح ولا فيه حاجه تدل أنه صدره تعبان هو يادوب بيسخن وبيرجع ورافض الاكل وانا بديله علاج نازله معويه ،طيب مش عاوزين نضيع وقت واعمليلي اشعه ع صدره، ونشوف،. و بالفعل التهاب رئوي يام حسين ولازم نتحجز ف المستشفي وهيبقي كويس باذن الله، طيب يادكتور قول كل حبايبك يدعوله يخرج بالسلامه،بالله عليك ، حاضر،،،،،
ادعولي ياجماعه، بالشفاء،،،،
عاوز اقول كلمتين، ممكن الطفل يكون بيرجع وسخن عشان التهاب رئوي أو التهاب مجري البول أو التهاب سحائي لاقدر الله أو التهاب رئوي
فمش اي طفل بيرجع وسخن نجري وراء النزله المعويه،عمر طب الاطفال ماكان بالسهوله دي ، واهم حاجه التشخيص الصح،
بلاش ندي الولاد علاج من نفسنا،بلاش ناخد وصفه لأطفالنا بالتليفون حتي لو من دكتور ،نكشف عند دكتور تخصص اطفال وحديثي الولاده ،لانه ادري حد بالاطفال،
ربنا يجعلنا يارب سبب ف شفاء اطفالنا💗
ربن

16/08/2025

دخلت الام بالطففله الخمس سنوات وتبدو عليها علامات الحيره،بنتي يادكتور عندها اسهال مش بيخف بقاله سنه ولفينا بيها كتير،اتشخصت حساسية البان وبيض وحاجات كتير واخدت مطهرات وادويه كتير الديدان وللجرثومه وبقالها كتير بتلبس نفس الهدوم ،وعملنا سونار كتير ومفيش فايده وانا جايلك من بعيد حد دلني عليك ربنا يلهمك علاج بنتي لاني والله معتش عندي امل ،خصوصا اني روحت لاساتذه كتير. والبنت مش بتتحسن،
طبعا بتطلع ع التحليل لاحظت أن الانيميا دائما من ٨-٩ مش بتتحسن،
اخدت قياسات الطول والوزن ،الطفل عندها فشل ف النمو والطول والوزن، دا غير الانتفاخ والإسهال اللي مش بيتحسن،
المهم قعدنا نجمع داتا ايه اللي يجمع الاسهال المستمر مع الانيميا مع الانتفاخ واألم البطن بدون تحسن، مع فشل ف النمو،
بصي يا مدام انا شاكك ف مرض السيلياك، وبالفعل تم عمل التحاليل ،وبالفعل التحليل عالي ويؤخذ ف الاعتبار،ولازم تأكد التشخيص بعمل منظار،لان مرض السيلياك هنمنع قمح مدي الحياه ، وبالفعل تم تحويل الحاله لأحد أساتذتي تخصص مناظير جهاز هضمي وتم اخذ عينه وتم التشخيص بمرض السيلياك وتم منع جميع منتجات القمح واستبدالها بوجبات خاليه من القمح، وبعد اسبوعين الطفله جات لينا بدون اسهال الحمد الله وزادت كيلو ف الاسبوعين والانتفاخات والم البطن المستمرة بفضل الله اتحسنت، ف عياداتنا بفضل الله نحرص ع التشخيص الدقيق قدر المستطاع ،ونتبع كل ماهو جديد ف طب الاطفال
ربنا يجعلنا دائما عند حسن ظنكم،
عيادة دمياط الجديده السبت والاثنين والاربعاء من ٣-٥
01097017015
عيادة دمياط القديمه 01026531326
يوميا عدا الجمعه من ٦-١١

16/08/2025

نصيحتي لأطفالنا بتوع المدارس
طعموهم الانفلونزا والمكورات والسحائي،موفرينهم لكم ف العياده
01026531326
01097017015

16/08/2025

نعتذر اليوم عن عيادة دمياط الجديده،لظرف طارئ وموجودين ف عيادة دمياط القديمه من
٥-١١،باقي الايام ف المواعيد الاساسيه
دمياط القديمه01026531326
دمياط الجديده01097017015
الفون بيفتح الساعه١ظ

15/08/2025