عيادةدعبدالباسط عبدالصمدللاطفال وحديثي الولادة وحساسية الاطفال

30/03/2026

الالتهاب السحائي رجع… بس المرة دي مش هزار!

الموضوع مش ترند…
الموضوع بيقرب.

وبيتم رصد حالات في أكتر من دولة… ومع ظهور حالات عندنا… لازم نفوق.

⸻

🧠 إيه هو الالتهاب السحائي؟
هو التهاب بيصيب الأغشية اللي بتحمي المخ والحبل الشوكي…
يعني ببساطة: بيهاجم أخطر جزء في جسمك.

🔴 أخطر نوع هو البكتيري…
سريع… شرس… وممكن ينهي حياة إنسان في أيام لو اتأخر علاجه.

⸻

🦠 العدوى بتوصلك إزاي؟
من حاجات بنعملها كل يوم بدون تفكير:
• نفس حد جنبك كح أو عطس
• شربت من نفس الكوب
• قعدت في مكان زحمة ومقفول

لحظة واحدة كفاية.

⸻

🚨 أعراض لو ظهرت… متستناش دقيقة:
• حرارة عالية فجأة
• صداع كأنه بيكسر دماغك
• رقبتك مش قادر تحركها
• النور بقى مؤلم
• قيء وتعب غريب
• طفح جلدي (وده علامة خطر جدًا)

⚠️ اجتماع الأعراض دي = طوارئ فورًا
مش مسكن… مش راحة… مستشفى حالًا

⸻

💀 ليه بنخاف منه؟
لأنه مش بس مرض… ده ممكن يسيب وراه:
• فقدان سمع دائم
• تلف في المخ
• إعاقة
• أو نهاية مفاجئة… بدون إنذار كفاية

⸻

🛡️ تحمي نفسك إزاي؟
• التطعيمات مش رفاهية… دي خط دفاع
• اغسل إيدك كأن حياتك متعلقة بيها
• بلاش مشاركة أدواتك مع أي حد
• اهتم بالتهوية… وابعد عن الزحمة قدر الإمكان

ولو شكيت في حد… تعامل كأنها حالة خطرة لحد ما يثبت العكس

⸻

⚠️ الرسالة مش علشان نخوفك…
لكن علشان متبقاش القصة الجاية عن حد تعرفه.

انتبه… لأن التأخير هنا ثمنه غالي جدًا
⚠️ بخصوص الالتهاب السحائي (الحُمّى الشوكية):

علشان ظهور حالات الالتهاب السحائي اليومين دول، حابب أوضح شوية معلومات مهمة 👇

🔬 إيه هو الالتهاب السحائي؟
هو التهاب في الأغشية المحيطة بالمخ، وبيكون نوعين:
• فيروسي:
✔️ الأكثر انتشارًا
✔️ أقل خطورة نسبيًا
• بكتيري:
⚠️ أقل انتشارًا
⚠️ أشد خطورة

📌 طريقة العدوى:
غالبًا بتكون عن طريق الجهاز التنفسي (الكحة – العطس – المخالطة القريبة).

⸻

🛡️ طرق الوقاية:
1️⃣ الوقاية الشخصية والاهتمام بغسيل اليدين
2️⃣ عزل الأطفال المصابين
3️⃣ الالتزام بالتطعيمات

⸻

💉 التطعيمات المهمة:

✔️ تطعيمات ضمن التطعيمات الإجبارية:
• تطعيم MMR
• تطعيم Hib

✔️ تطعيمات إضافية (خارجية):
• تطعيم المكورات الرئوية

⸻

💉 تطعيمات الالتهاب السحائي البكتيري:

🔹 1- مينكترا (Menactra):
• من عمر ٩ شهور حتى سنتين:
➖ جرعتين بينهم ٣ شهور
• فوق سنتين:
➖ جرعة واحدة

🔹 2- نايمنريكس (Nimenrix):
• من ٦ أسابيع حتى ٦ شهور:
➖ جرعتين بينهم شهرين
➖ جرعة تنشيطية عند عمر سنة
• من ٦ شهور حتى سنة:
➖ جرعة واحدة + جرعة تنشيطية
• الأطفال أكبر من سنة:
➖ جرعة واحدة بدون جرعة تنشيطية
ا أو٢ أحدهما بيغطي المجموعهACWY

🔹 3- بيكسيرو (Bexsero):
• أحدث تطعيم في المجموعة•
• بيغطي المجموعة B من الالتهاب السحائي. عند شهرين و٤ شهور وعند سنه، وجرعه واحده للي فوق سنه،
واللي اطعم ١ أو ٢ المفروض يطعم 3، لانه الأخطر واللي موجود حاليا في معظم الحالات،
موجود ف العيادات والمصل واللقاح،

⸻

29/03/2026

عشان الحظر ،
عيادة دمياط الجديده من ١-٣،السبت والاتنين والاربعاء،01097017015
💐عيادة دمياط القديمه يوميا من ٤-٩ عدا الجمعه،01026531326 فون الحجز بيفتح يوميا الساعه١٢،ظ

29/03/2026

عاجل و هااام…

تم توفير تطعيم الجديري المائي Varivax

29/03/2026

هنبقي موجودين ف العياده النهارده باذن الله الساعه٤ـ١٠فون الحجز بيفتح١م01026531326

27/03/2026

كلماتكم الجميله وشعوركم الطيب هو من يدفعنا للامام،،،،،شكرا من القلب💐💐

27/03/2026

24/03/2026

فيديو عامله من ٥سنوات وانا نبطشي ف ليله من ليالي البرد القارص، عن ارتجاع المرئ،، كلام مهم👍

24/03/2026

قولنا ١٠٠مره تشخيص حساسية الالبان عمره ماكان بالتحليل،غلط نمشي وراء التحليل ونمنع اسره ونبهدلها ع الفاضي، لكن التشخيص السليم باختفاء الأعراض وظهورها بالمنع والادخال،،،،،

24/03/2026

حديثي الولاده ليه اهتمام من نوع اخر ف عياداتنا،،،،

وفرناجهاذ قياس ومتابعة الصفراء لحديثي الولاده عندنابالعيادات ،من افضل الماركات العالميه ،وتقريبا النتايج نفس نتايج المعمل،بدون شكشكه عن طريق الجلد،

⛔️الصفرا خطر على مخ الاطفال 😧
لو زادت لنسبة معينة تعتمد على عمر الطفل ممكن تترسب بخلايا المخ وتسبب اصابة دائمة - ضمور- شلل دماغى ...
لو طفلك بعد الولاد ظهرتله صفرا ماتنتظرش على طفلك الله يباركلك وتحطه تحت لمبة (خزعبلات طبية) ..
كده بتتسببوا فى تدمير مستقبله😕
الصفراء عند حديثي الولادة 😎😎
كتير من الاطفال بعد الولادة بنلاحظ عليهم اصفرار بالجلد طب ازاي نتصرف ونعمل ايه وايه علاجها وازاي ننتبه لعلامات الخطورة 🤔🤔

✅ اولا الصفرا نوعان صفراء فسيولوجية وصفراء مرضية

✅الصفراء الفيسيولوجية ودي بتظهر غالبا علي اليوم التاني او التالت بتلاقي الام عين الطفل بدات تصفر بعدين ممكن تزيد حتي جلد الصدر البطن و الاطراف 👌👌

📌 طب نعمل إيه 🤔🤔

✅ اول حاجه لازم نطمن عن طريق قياس نسبة الصفراء ودي مبدئيا بنقيسها عن طريق الجلد، ولو عالية ممكن وقتها نطلب تحليل بالدم للتاكيد حسب كل حالة 👌👌

📌 الوقاية ازاي؟؟ 🤔🤔

✅ اهم واحسن طريقة عشان نسبة الصفرا متزدش هي الرضاعة الطبيعية. الرضاعة من اول ساعة في ولادة الطفل مهمة جدا وبتساعد ان الجسم ينزل الصفراء 🙏🙏

✅ قلة الرضاعة بتكون في اوقات كتير سبب من اسباب ارتفاع الصفراء

📌 طيب كتير من الامهات لما بتيجي تسأل علي نسبة الصفراء دي كدا عالية ولا كويسة وهيحتاج حجز بالحضانة ولا لا؟؟ 🤔🤔

👈 عشان نبسط الموضوع 👈
دا بيعتمد علي عوامل كتير 👈👈
اولا وزن الطفل عامل مهم هل 2.5 كجم ولا اقل؟ . طفل مبتسر ولا كامل النمو؟ . فيه اي اعراض تانية مقلقة عند الطفل .

✅ الصفرا كرقم في حد ذاته لازم بنحطها علي منحني خاص وكل حالة مختلفة حسب العمر وهل النسبة دي في اول يوم ولا بعد كدا. كل دي عوامل بتفرق في علاج الصفراء 👌👌

✅ عند وصولها لحد معين ممكن الصفرا تحتاج علاج ضوئي ودا يستدعي دخول الطفل للحضانة مع استمرار طبعا الرضاعة لانها بتساعد ف نزولها زي مااتفقنا🙏

📌 طب ايه هي الصفرا المرضية او الصفراء التكسيرية🤔

👈 دي اللي بنلاقي فيها ان الصفراء بتكون مرتفعة او بتزيد بمعدل سريع في اول ايام من عمر الطفل و من اهم اسبابها اللي بنشوفها في الحالات اللي بتكون فيها الام فصيلتها O والطفل A او B او ABمثلا 👌👌 او تكون معامل الريسيس بتاعها (RH) سالب والطفل موجب فبيحصل تكسير زائد لكرات الدم الحمراء وبالتالي ترتفع نسبة الصفراء بالدم👌👌

👈 في الحالة دي لازم ناخد بالنا ونتابع النسبة كويس ونلاحظ لو الطفل بقي فيه خمول زائد او مش بيرضع كويس ونسبة الصفراء بتزيد⚠️ فلازم يفحص جيدا لان كتير من الاوقات ممكن يحتاج الطفل للحجز بالحضانة وعلاج ضوئي مكثف من البداية لتلافي حدوث اي مشاكل 🙏🙏

✅ وطبعا الام اللي يكون RH بتاعها سالب ضروري تاخد حقنة RH عشان البيبي القادم لا يضر 🙏🙏

📌 الاطفال اللي مهم جدا ناخد بالنا من ارتفاع الصفراء عندهم 👈👈

1️⃣ الطفل عند ارتفاع الصفراء في اول 24 ساعة من الولادة
2️⃣ الطفل المبتسر
3️⃣ الطفل اللي فصيلة امه O او ال RHسالب او ظهر عليه اعراض مرضية اخري
4️⃣ الطفل اللي كان ليه اخ اتحجز قبل كدا في الحضانة بارتفاع بالصفراء التكسيرية او احتاج تغيير دم بسبب الصفراء.

✅ الصفراء اول مكان بتظهر فيه العين ولما بتزيد بتزيد بالتدريج من اعلي لاسفل ممكن لحتي الاطراف👌👌
لكن لما بتقل الصفراء بتختفي من اسفل لاعلي بمعني ان ممكن اصفرار العين يطول شوية لانه اخر حاجة بتروح منها الصفراء بعد نزول نسبتها بالدم. فمنقلقش لان دا طبيعي طول ماالتحليل كويس واصفرار العين هيروح بالتدريج 👌👌

وعشان كده
وفرنا الجهاز بالعيادات لمتابعة الصفرا ضمن الكشف والمتابعه،

✍️الساده رواد عيادة دمياط الكرام
من اليوم باذن الله هيكون فيه سكرتيره موجوده من الساعه ١ظهرا للحجز،وهتعرف كل واحد دوره والميعاد اللي هيجي عليه،واللي من خارج دمياط يتصل علي تليفون العياده ياخد ميعاد برضو ويجي عليه، ويمكن متابعة الدور تليفونيا01026531326،لان اللي دوره هيفوت هياخد دور جديد،طبعا بيبقي فيه ضغط ع التليفون ممكن حظك ماتعرفش تتواصل معاهم عشان كده وانت بتححجز اعرف الميعاد اللي هتيجي عليه، وطبعا لما حضرتك تشرف بيبقي معاك مجموعه ف نفس الساعه بتدخل بعد اللي موجود،
مفيش حجز قبل الساعه ١ظهر، والدكتور هيكون موجود يوميا باذن الله من٦م_١٢ ص عدا الجمعه اجازه،وفي الاخر دائما نسعي لراحتكم جميعا، وياريت تساعدونا ع كده،

✍️دمياط القديمه يوميا من 4-12ص عدا الجمعه اجازه
01026531326
✍️دمياط الجديده ،السبت والاربعاء من 1-3عصرا
01097017015

22/03/2026

العوده الي العمل بالعيادات غدا باذن الله
الجديده السبت والاتنين والاربعاء من ٢-٤
01097017015
القديمه يوميا من ٦ـ١١.....01026531326
فون الحجز بيفتح يوميا الساعه١ظ

19/03/2026

الخميس ،الدكتور موجود من ٢-٥قبل المغرب،
ومن ٨-١١بعد الافطار،
ف عيادة دمياط القديمه

13/03/2026

الام اللي اخواتها عندهم انيميا فول او اي حد من ولاد اخواتها البنات عندهم انيميا فول تحلل انيميا فول لأولادها قبل ماتبتدي تاكل فول