عيادة دكتور وليد عنتر لجراحة المخ والأعصاب والعمود الفقري

01/03/2025

تقبل الله منا ومنكم صالح الأعمال
مواعيد رمضان المبارك
دمياط : سبت و اثنين و أربعاء
فارسكور: أحد و ثلاثاء وخميس
من ١ ل ٤ مساء

27/02/2025

كل عام وانتم بخير

بوست لا غني عنه للي عايز يصوم أو خايف يصوم و عنده حاليا أو سابقا مشكله ليها علاقه بالمخ و الاعصاب

1️⃣ قرار الإفطار فى نهار رمضان ينبغى أن يؤخذ من طبيب مسلم مشهود له بالكفاءه(عشان يكون علي درايه ب الأحكام و بأهميه الصيام).

2️⃣ هناك أمراض تستوجب الإفطار فى نهار رمضان
*****************************************
زي جلطات المخ أو السكتات الدماغيه.

جلطات المخ توجب الفطر و تجعل صاحبها يأثم إذا صام لأنه يعرض نفسه للخطر وذلك للخوف من الجفاف الذى قد يتعرض له المريض بسبب نقص السوائل الذي قد يؤدي الي جلطات أخري بالمخ
بس بعد مرور ٦ شهور علي الجلطه ممكن المريض يصوم بس بشروط..

أ. يشرب سوائل كتير من ٢-٣ لتر خلال فتره الفطار
ب. عدم التعرض للحر خلال فتره الصيام و الافضل يبقي في غرفه مكيفه مع عدم بذل مجهود خلال فتره الصيام
ج. الافطار فورا لو حس بأي تعب خلال فتره الصيام

3️⃣ هناك أمراض يجب الافطار فيها عشان أخذ الدواء
****************************************
زي مرض الوهن العضلي myathenia gravis
و اللي يجب فيها اخذ الدواء علي فترات متقاربه.

و كذلك مرض الشلل الرعاش لو المرض اعراضه شديده
لكن لو المرض أعراضه بسيطه ممكن يصوم مع اخذ ادويه ممتده المفعول قبل الفجر علي طول عشان تغطي معاه أطول فتره ممكنه من ساعات الصيام و يراعي التقليل أو عدم تناول أكلات تحتوي علي بروتينات للمرضي اللي بياخدوا السينمت او ستاليفو
L dopa عموما

كذلك مرض الصرع أو اضطراب كهربية المخ لو حالات التشنج كتير اوي و الادويه كتير و بتتاخد ٣ مرات يوميا ممكن المريض يفطر
و لو أن الافضل ان المريض يصوم و معظم الادويه الجديده حاليا بتتاخد مره واحده أو مرتين في اليوم ( يعني ياخد العلاج فطار و سحور) و يصوم عادي

4️⃣ هناك أمراض الفطر فيها حسب قدره المريض
*****************************************

ا. مرض الصداع النصفي و الذي تزيد نوباته بشكل كبير مع الصيام أو الجوع بصفه عامه اضافه للحر و قد تحدث نوبات صداع شديده مصحوبه بغثيان و قئ تجبر المريض علي الافطار و في هذه الحاله يجب تكثيف العلاج الوقائي من الصداع من خلال الطبيب المعالج و يؤخذ قبل الفجر و ممكن الاستعانه بأخذ الحقن المسكنه للصداع عند حدوثه (ملحوظه: الحقن مبتفطرش) و يتفادوا التعرض للحر قدر الامكان و ممكن يحطوا فوط بارده أو مثلجه علي الرأس كلما أمكن .
ملحوظه تاني غلسه شويه : الزبادي و الفول بيزودوا الصداع النصفي لأنهم
tyramine containing food

هناك حلول تانيه
في ٣ أنواع حقن ممكن تتاخد مرة كل شهر أو اتنين أو تلاته و تقي من الصداع زي حقن البوتوكس و حقن العصب الموضعيه و الحقن البيولوجية anti CGRP

ب- مرضي الإم إس multiple sclerosis أو التصلب المتعدد و دول الصيام خاصة في الحر من الممكن أن يكون له تأثير سلبي على الحركه و الاتزان و المشي و الرؤية و عشان كده ممكن يفطروا علي حسب القدره و الاستطاعه و لو هيصوموا يراعوا تجنب الحر قدر الامكان و اخذ دش بارد كذا مره في اليوم لتجنب الارهاق و لو بياخدوا حقن الانترفيرون يفضل ياخدوها بالليل قبل النوم حتي لو هيناموا بعد الفجر ممكن ياخدوها لانها برضه ما بتفطرش بس لو بياخدوا اقراص ياخدوها بعد الفطار

5️⃣ لو قادرين نصوم بس في أدويه مخ و أعصاب بناخدها و مش عارفين نظبط مواعيدها مع الصيام نعمل ايه ؟
*****************************************
في الاول لازم نرجع للطبيب المعالج
و عموما الادويه الصباحيه تؤخذ بعد افطار المغرب و الادويه المسائيه تؤخذ بعد السحور و ممكن نغير المواعيد علي طول مش لازم نغير المواعيد بالتدريج.

6️⃣ في ناس بتستسهل انها تفطر
*********************************************
او تجبر أولادها و بناتها علي الفطار علي الرغم من قدرتهم عشان بياخدوا حبه واحده و لا أتنين يوميا و خايفين من تغيير المواعيد دون مراجعه الطبيب المعالج

و ده مش صح .. مواعيد العلاج سهل تتغير لتناسب مواعيد الصيام
فقط ارجعوا للطبيب المعالج المسلم الثقه

7️⃣ هناك مرضي بيصروا اصرار شديد جدا علي الصيام رغم النصيحه الطبيه فهل هناك مخارج لهم لمساعدتهم علي الصيام الآمن
********************************************
هناك بعض الوسائل المساعده زي :
أ. اخذ العلاج في شكل حقن
زي مثلا حقن النيوستجمين بدل الاقراص لمرضي الوهن العضلي
ب. اخذ اقراص ممتده المفعول زي "CR " و ال XR
لمرضي النفسيه و اضطراب كهربيه المخ و الصرع و الشلل الرعاش
ج. ياريت ندي بدائل خلال رمضان للأدويه اللي بتنشف الريق زي التربتيزول و كل TCA
و طبعا
Anticholinergic drugs
و اللي بنستخدمها لمرضي الشلل الرعاش او مع مشاكل السلس البولي

و كل عام و انتم بخير و تقبل الله منا و منكم صالح الأعمال و أعانكم علي الصيام و القيام

23/05/2024

مؤتمر الجمعية المصرية لجراحي المخ و الأعصاب و العمود الفقري

04/05/2024

الحمد لله الذي بنعمته تتم الصالحات

04/05/2024

تم نقل عيادة دمياط إلى ميدان الشهابية فوق باب الحارة للعطارة
بجوار ستوديو هلال و صيدلية شادي
للحجز والاستفسار
٠١٠٦٧٠٦٥٦٥٨

10/03/2024

كل عام وانتم بخير
مواعيد رمضان المبارك
من الساعة ١ م إلى ٣ م
دمياط : سبت و اثنين و أربعاء
فارسكور : أحد و ثلاثاء و خميس

12/01/2024

بفضل الله
إستئناف العمل بعيادة دمياط الجديدة بدءاً من يوم السبت القادم
ربنا يجعلنا سبب في شفاء الناس و تخفيف آلامهم 🙂




#القاهرة
#دمياط

#بلقاس

24/07/2023

16/06/2023