د/أحمد الفرنواني لطب الجنين والوراثة

22/12/2025

09/12/2025

جنين ذكر بيعمل حمام بول mictursting male fetus in the womb #سونار #جنين #فوردي #حمل #بيبي #وراثة #تفصيلي #وراثة #كروموزوم

27/11/2025

“عمرك فكّرت إن كل مشكله بتحصل في الحمل… ممكن تبدأ من حرف واحد غلط؟”

في الجينات…
حرف واحد بس من الـ DNA لو اتبدّل، ممكن يغيّر كل حاجه:

❌ من تأخر حمل
❌ لعيب خلقي
❌ لمرض وراثي نادر
❌ لنتيجة سونار مش مطمئنة

والصدمة؟
إن الجنين ساعات بيكون شكله طبيعي تمامًا…
لكن جوّه، في الخريطة الجينية، في حرف مكانه مش صحيح… وهنا تبدأ القصة كلها من غير ما نحس.

وده السبب اللي بيخلّي السونار لوحده مش كفاية.
وده اللي يخلي الـ exome و الـ NIPT و تحاليل الجينات مش رفاهية… دي ضرورة لما الصورة مش واضحة.

أبسط تغيير…
أصغر mutation…
ممكن يقلب مصير أسرة كاملة.

لو مهتم أعرفك إمتى تقلق… وإمتى لازم تحليل جيني فعلاً… سيبلي كومنت أو ابعتلي رسالة ✉️

26/11/2025

ده وش الجنين بتقنيه ال 5D لكن ده مش معناه ان الجنين كويس نهائي
الصورة دي ملهاش علاقه بحاله الجنين الصحيه او العيوب الخلقيه
علشان كده وانتي رايحه تعملي ال 5D لازم يكون المبدأ الأساسي والأهم عندك هو انك تتطمني علي الجنين بتاعك مش انك تشوفي وشه

24/11/2025

هو إزاي وضعية نوم الحامل—حركة بسيطة على السرير—تقدر تغيّر كمية الدم اللي بتوصل للجنين؟
يعني هل معقولة إن الجنين وزنه يزيد أو يقل… بس علشان الأم نامت يمين ولا شمال؟
استنوا… القصة أكبر من كده بكتير.”

“تخيّل معايا:
في آخر تلات شهور، الرحم بقى تقيل… ونايم كله فوق الوريد الأجوف السفلي—الطريق السريع اللي بيرجع الدم للقلب.
لو الحامل نامت على ضهرها… الطريق ده يتعصر، الدم يقل، والأكسجين يقل… والمشيمة تشتغل بنص طاقتِها.”

“الحركة دي مش هتقلل وزن الجنين في يوم وليلة… بس لو اتكررت كل يوم، ولساعات، ومع وجود عوامل تانية… هنا نبدأ نشوف تباطؤ نمو.
الموضوع مش خرافة… ده فيزيولوجيا بحتة.”
ومن هنا تبدأ الحكاية
“لإن العلماء لقوا إن النوم على الجنب—خصوصًا الشمال—بيدي أفضل تدفّق دم للمشيمة، وبيمنع ضغط الرحم على الوريد.
يعني مجرد لفة بسيطة على السرير… بتحسّن توزيع الدم والأكسجين وبتدي فرصة للنمو يبقى أحسن.”

“طب ولو صحيتي لاقيتي نفسك على ضهرك؟
ولا كأنك شفتي حاجة.
ارجعي على جنبك وخلاص.
الموضوع بسيط… بس مهم.”

24/11/2025

(دليل الحمل المختصر بطريقة سهلة وسريعة)**

🔹 3–4 أسابيع

• انغراس الجنين في الرحم 🌱
• بداية أول الأعراض

🔹 5–6 أسابيع

• نبض الجنين يبدأ ❤️
• الهرمونات في أعلى معدلاتها

🔹 7–8 أسابيع

• بداية ظهور الأطراف ✋🦶
• الغثيان في الذروة

🔹 9–10 أسابيع

• الجنين يتحرك (لسه مش بتحسي بيه) 🤸‍♂️
• ملامح الوجه بتتكون 🙂

🔹 11–12 أسبوع

• نهاية أول 3 شهور 🎉
• يقلّ خطر الإجهاض بشكل كبير

🔹 13–16 أسبوع

• البطن تبدأ تبان 🤰
• ممكن نعرف النوع في بعض الحالات

🔹 17–20 أسبوع

• أول رفسة بتحسي بيها 🦶💛
• سونار الـ Anatomy Scan 🩺

🔹 21–24 أسبوع

• الجنين يسمع الأصوات 👂🎶
• حركاته أقوى وأنشط

🔹 25–28 أسبوع

• بداية الثلث الأخير 🌙
• نمو الرئتين 🫁

🔹 29–32 أسبوع

• زيادة سريعة في الوزن 🤱
• ركلات أوضح ومتكررة

🔹 33–36 أسبوع

• نزول الجنين لأسفل ⬇️
• تقلصات تهيئة الولادة

🔹 37–40 أسبوع

• الجنين مكتمل النمو 🎉
• جاهز للولادة 👶✨
#الحمل #سونار #الولادة

22/11/2025

حامل في توأم؟ يبقي مفيش أهم من المعلومة دي

👨‍⚕️كتير من الحوامل بيكونوا مش عارفين نوع التوأم، والبعض بيكتشف متأخرًا إن حتى الطبيب المتابع للحالة مكنش يعرف!
علشان كده، حبيت أشارككم البوست ده للتوعية بأهمية تحديد نوع التوأم في الشهور الأولى من الحمل.
ليه معرفة نوع التوأم مهمة؟ 🤔ببساطة، الحمل في توأم نوعين أساسيين حسب عدد المشيمات:
توأم ثنائي المشيمة (Dichorionic): كل جنين له مشيمة خاصة به، وده النوعج الأكثر شيوعًا والأقل في المخاطر.
في السونار بنشوف علامة مميزة اسمها "علامة لامدا" (Lambda sign).
توأم أحادي المشيمة (Monochorionic): الجنينين بيشتركوا في مشيمة واحدة، وده بيعرضهم لمخاطر ومضاعفات خاصة. في السونار بنشوف علامة تانية اسمها "علامة تي" (T sign).

الحمل في توأم أحادي المشيمة بيحتاج متابعة دقيقة ومختلفة تمامًا، لأن اشتراك الأجنة في مشيمة واحدة ممكن يسبب مشاكل زي متلازمة نقل الدم من توأم لآخر (TTTS)، واللي بتحصل في حوالي 10-15% من الحالات دي، وممكن تؤدي لمضاعفات خطيرة لو لم يتم اكتشافها ومتابعتها بشكل صحيح

إيه هو أفضل وقت لتحديد نوع التوأم؟ 🗓️الفترة الذهبية لتحديد نوع التوأم بتكون في الفحص الأول للحمل، تحديدًا بين الأسبوع الـ 10 والـ 14.
في الفترة دي بتكون العلامات في السونار واضحة جدًا وسهلة التقييم. بعد الأسبوع الـ 14، بتبدأ دقة التشخيص تقل وممكن يحصل خطأ في التقييم.
رسالة لكل أم حامل في توأم:اطمني، لكن كمان كوني على دراية! اسألي دكتورك بوضوح: "يا دكتور، إيه هو نوع التوأم بتاعي؟" وتأكدي إنه تم تقييم نوع المشيمة في فحص أول الحمل.
المعلومة البسيطة دي هتفرق جدًا في خطة متابعة حملك وهتضمن أفضل رعاية ليكي ولأطفالك بإذن الله
#الحمل #الولادة #سونار

21/11/2025

في يوم جالي أب وأم… شكلهم واضح عليه إنهم شايلين تجربة صعبة.
وقالولي مباشرة:
“إحنا كان لينا طفل قبل كده… واتولد بمرض وراثي نادر اسمه FHL… وطلع عنده الطفرة دي homozygous… للأسف مات.”

قعدت معاهم بهدوء وشرحت الاختيارات:
يإمّا يحصل حمل طبيعي ونفحص الجنين عن طريق سحب المياه في الأسبوع 16،
أو نعمل حقن مجهري مع فحص الأجنة (PGT-M).

اختاروا يكملوا طبيعي…
وبالفعل الست حملت، وجتلي في الأسبوع 16 وسحبنا العينة.
وابتدى وقت الانتظار… وده أصعب جزء لأي أب وأم مرّوا بفقد.

بعد أسبوعين ظهرت النتيجة.
الجنين heterozygous… حامل للطفرة بس مش مصاب.

بلغتهم بهدوء:
“اطمنوا… ده معناه إن الجنين سليم الحمد لله.

هيكون حامل للطفرة زيكم، ومش هيجيله المرض ان شاء الله.

وفي اللحظة دي شفت على وشّهم راحة ما تتوصفش.
أصعب حاجة إنك تعيش نفس الخوف مرتين…
وأحسن حاجة إن العلم يدّيك فرصة تطمن بجد.

19/11/2025

السلام عليكم ♥️🌷
ان شاء الله متواجدين بالمركز يوميا طوال أيام الأسبوع

ويفضل الحجز المسبق علي رقم 01096150096

وده علشان منع التزاحم وتقليل وقت الانتظار

وشاكر جدا لحضراتكم علي ثقتكم الغالية🌹🌹

16/11/2025

“فحص الـ NT والـ Nasal Bone… ليه دايمًا بقول للحوامل مايفوّتوش السونار دا؟”

هحكيلكوا حاجة بسيطة…
في أول تلات شهور من الحمل، الجنين بيكون لسه صغير جدًا… لكن سبحان الله، في علامتين صغيرين ممكن يغيروا كل حاجة:

1️⃣ سمك مؤخرة الرقبة (NT)

2️⃣ وجود أو غياب عظمة الأنف (Nasal Bone)

دول مش مجرد صور… دول مفتاح بيكشف بدري جدًا إذا كان فيه احتمال لأي مشكلة كروموسومية زي متلازمة داون.

---

تعالوا واحدة واحدة…

🔍 الخطوة الأولى: بنقيس الـ NT

لو السمك طبيعي → ده بيطمن جدًا.
لو عالي → بنبدأ نعمل تقييم أعمق علشان نستبعد وجود أي خلل كروموسومي.

👃 الخطوة التانية: بنتأكد من وجود عظمة الأنف

وجودها في السونار حاجة مهمة جدًا…
غيابها ممكن يزوّد الشك بنسبة بسيطة، لكن وجودها يقلّل الشك جدًا.

---

طب… قوة الفحص ده قد إيه؟

لما الاتنين يتعملوا صح (NT + Nasal Bone):

✔️ بيقدروا يستبعدوا حوالي 80–85% من مشاكل الكروموسومات زي تريسومي 21
✔️ بنسبة دقة عالية جدًا مع نسبة خطأ قليلة جدًا
✔️ ولو ضيفنا عليهم تحاليل الدم → نسبة الكشف توصل لـ 95%

يعني باختصار…
سونار بسيط، في ربع ساعه ، بيطمنك على 80% من أكبر المخاطر.

_____________
ليه ده مهم؟

علشان ده أنسب وقت نلحق أي مشكلة بدري…
والتشخيص المبكر = قرارات أفضل + متابعة أدق + حمل أهدى.

15/11/2025

“إزاي ٤ ولادات قيصري كانوا بيخبّوا سرّ كبير جوه البطن؟!”

تخيّل معايا… سيدة ولدت ٤ مرات قيصري. وفي كل عملية… الرحم كان literally طالع في إيد الدكتور.
ومع ذلك… ولا حد لاحظ إن في حاجة غريبة!

الست دي كانت بقالها سنين بتشتكي من تقل وألم في الناحية اليمين.
راحت لدكتورة نسا… قالتلها: “اعملي أشعة 3D.”
راحت مكان ما… عملت الأشعة… والدكتورة قالتلها:
“الدنيا تمام… عندِك ورم ليفي كبير على اليمين… وضاغط على المثانة.”

الست رجعت لدكتورتها… قالتلها بمنتهى الثقة:
“هنشيل الورم الليفي… واحتمال نعمل استئصال رحم.”

الست اتخضّت… راحت تاخد رأي دكتور تاني.
الدكتور التاني حولّها عليا.

وهنا… بدأت الحلقة.

فتحنا الـ 3D الحقيقي… مش الشكل… لأ، التشخيص.
فجأة لقيت المفاجأة:
الست ماكانش عندها ورم ليفي أصلاً.

اللي ظهر “ورم” في المكان التاني…
كان في الحقيقة… رحم تاني… ضامر!

والرحم الأساسي؟
رحم ذو قرن واحد.
والقرن التاني… صغير جداً… ومسبب لها الألم من زمان.

ومفيش اي أورام موجوده
والصادم؟
إنها ولدت ٤ مرات… ومحدش قالها إن عندها Müllerian anomaly من الأساس وده اصلا عيب خلقي هي مولودة بيه

الخلاصة:
مش كل مكان عنده جهاز 3D يعني تشخيص صح.
الفِرق الحقيقي… الخبرة + التخصص + الحالات اللي اتشوفت قبل كده.
التشخيص النسائي والجنيني… مش “أشعة” بس.ة
ده دراس… وتخصص.
#سونار #جنين #فوردي #حمل #بيبي #وراثة #تفصيلي #وراثة #كروموزوم