15/07/2025
People only see what they are prepared to see.
Ralph Waldo Emerson
الراجل ده فيلسوف امريكي قال الجمله العبقريه دي وهي
"الناس مش بتشوف غير اللي هي مستعدة تشوفه"
يعني إيه؟
يعني لو مش دارس، مش هتعرف تلاحظ الخطر حتى لو قدام عنيك.
كتير من دكاترة النساء بيبصوا على الجنين في السونار ويقولوا بكل ثقة:
"الجنين كويس الحمد لله!"
بس الحقيقة؟ هو مش شايف غير الحاجات اللي اتعلم يشوفها.
ومادام ما درسش تشوهات الأجنة والأمراض الوراثيه المرتبطه بيها، مش هيلقطها أصلاً.
🔍 السونار مش جهاز بيقولك الحقيقة من نفسه… ده أداة، وعيونك وفهمك هم اللي بيخلوا الصورة تنطق.
💡 لازم قبل ما تقول "الجنين طبيعي"، تكون دارس يعني إيه شكل الجمجمة الطبيعي؟
يعني إيه heart view؟
يعني إيه soft markers؟
يعني إيه midline anomaly؟
لإنك ببساطة… مش هتشوف غير اللي انت متبرمج تشوفه!
👶 كل يوم بيعدي بدون تدريب على فحص تشوهات الجنين… هو يوم ممكن يضيع فيه طفل، وتُحرم فيه أُسرة من فرصة مبكرة للعلاج أو القرار الصح.
✅ متخليش الجملة "الجنين كويس" تطلع من غير علم
لإننا مش بنفتي، إحنا بنشخّص… وبنحاول ننقذ حياة قبل ما تبدأ.
