26/10/2022
ف حاله ف المستشفي كانت ف غيبوبه والدكتور لما لقي نسبه السكر طبيعيه والأكسجين كمان ، راح طالب تحليل أمونيا فلاقاه عالي فعرف أن دي سبب الغيبوبه ؟!
الأمونيا ammonia هي فضلات لأكلك بروتين، يعني انت بتاكل لحمه وفراخ وبعدين ينزلوا الامعاء عشان يتهضموا ف ف بكتريا في الامعاء بتروح تشارك ف عمليه الهضم وتطلع فضلات اسمها الامونيا بس الامونيا مينفعش تتساب كدا ف دمك لانها سامه لو اتسابت هتزيد ف الدم وتطلع للمخ تسبب تغيرات عصبيه الي زي فقدان الوعي والإدراك وتوصل ممكن لغيبوبه ووممكن الاحتمال الاخطر توصل للموت
وهنا يجي دور الكبد اول ما يشوف الامونيا ف الجسم يأخذها ويحولها ل حاجتين اسمهم اليوريا urea و glutamine وكدا يبقي سهل الجسم يتخلص منهم ف البول عن طريق الكلي .
فلو زادت الامونيا ف الجسم عن الطبيعي يبقي المشكله وارد تكون الكبد فيه حاجه ي ف فشل كلوي ي عندك عيب جيني ف الانزيمات الي بتساعد ف تحويل الامونيا ل يوريا..
الزياده في الأمونيا مش كلها وراها غيبوبه للمريض ولا كلها وراها امراض الكبد يعني مثلا
- لو لسا واكل أكله بروتين معتبره قبل التحليل تزودها
- او تكون لسا لاعب رياضه وعامل مجهود بدني لان العضلات لما بتكون نشطه بتطلع امونيا فتزودها
- او تكون بتدخن او بتاخد ادويه لعلاج نفسي او الصرع مثلا او بتاخد جرعه كيمياوي عاليه فتزودها
- او ف نزيف حصل ف الامعاء او المرئ فكرات الدم الحمراء هتتكسر ف الحاله دي وبعد كدا هتطلع امونيا فتزودها ف الدم.
فأنت لو حللت الامونيا ولقيتها مش طبيعيه هتعمل ايه
المفروض تعمل تحاليل وظايف الكبد الي هي
SGPT, SGOT , total bil , direct bil tests
لو طلعوا مش طبيعين يبقي كدا سبب زياده الامونيا ف الدم مشكله ف الكبد
طاب لو طلعوا طبيعين ومعنديش اي مشكله يتعمل بعدها وظايف كلي عشان نشوف هل السبب كان الكلي ولا لا وهي :
Urea , creatinine tests
وفعلا لما الدكتور لقي الأمونيا عاليه طلب تحاليل وظائف كبد وصفرا ولقاهم عالين وتأكد هنا أن الراجل مريض كبد وان سبب غيبوبته الي حصلت له كان وراها امراض الكبد الي سبب زياده ف الأمونيا
