د.خالد الحبشاوى إستشاري طب الاطفال

د.خالد الحبشاوى إستشاري طب الاطفال استشارى طب الاطفال
ماجيستير طب الاطفال
زماله طب الاطفال و حديثى الولاده
خبره 25 سنه فى مجال طب الاطفال

إستشارى طب الأطفال و حديثى الولادة
٢٥ سنه خبره فى مجال طب الأطفال 👶
اشتغلت خلال هذه الفتره بالعديد من المستشفيات
١.مستشفى ابوالريش الجامعي
٢.م الاطفال التخصصي ببنها
٣.م الأطفال الجامعى بالمنصورة
٤.م الاحرار بالزقازيق
٥.م ديرب نجم المركزى حاليا

10/05/2026

معروض للبيع 😅

🥖 كيسين عيش توست حبة كاملة
🍫 نص علبة نوتيلا
🧀 وعلبة جبنة شيدر

📚 من مقتنيات نظام “الطيبات” للشهيد البروفيسور ضياء العوضي
👨‍⚕️ استخدام طبيب… استعمال خفيف جدًا قبل الانهيار أمام الجبنه الفلامنك و علبه النوتيلا🤦‍♂️
🤣😂😅

10/05/2026

كل يوم تقريبًا تيجي أم تسألني 👇
"يا دكتور اكتبلي دواء يقوي الذاكرة لابني… أصل ابني بينسى كتير!" 🥺

الحقيقة إن النسيان وضعف التركيز عند الأطفال مش دايمًا معناه إن الطفل محتاج “منشط مخ” 💊

أحيانًا السبب يكون بسيط جدًا:
😴 نوم قليل
📱 موبايل ويوتيوب بالساعات
🥗 أكل غير متوازن
🩸 أنيميا أو نقص حديد
😟 توتر أو ضغط نفسي
🎯 أو حتى تشتت انتباه وفرط حركة

وعشان كده… قبل ما ندور على دواء للذاكرة لازم ندور على السبب 👌

وأحب أقولكم حاجة مهمة ❤️
تنظيم النوم + تقليل الشاشات + التغذية السليمة
أقوى بكتير من أي “مقوي ذاكرة” بيتباع في الصيدلية 😊



#التركيز

10/05/2026

الطفل بيتأثر نفسيًا وجسديًا بخلافات الأب والأم… 💔
رجاءً خلّوا مشاكلكم بعيد عن أطفالكم 🙏

الصوت العالي…
الخناق…
الصريخ…
الإهانة بين الأب والأم…
كل ده بيفضل محفور جوه عقل الطفل حتى بعد ما يكبر 🥲

الطفل ممكن ينسى تفاصيل كتير…
لكن عمره ما بينسى الإحساس بالخوف وعدم الأمان.

في أطفال بتسكت…
لكن من جواها بتتكسر 😔

وفي أطفال بيظهر عليهم ده بعدين في صورة:
توتر، خوف، عناد، ضعف تركيز، مشاكل نوم أو حتى تأخر دراسي.

وجود طفل في بيت هادي وآمن أهم بكتير من أي خلاف مؤقت ❤️

لو اختلفتم…
اتكلموا بهدوء،
وابعدوا أطفالكم عن أي مشهد مؤذي نفسيًا 🤍

10/05/2026

حتى وإن مررت على منشوراتي بصمت دون أن تترك اثر
يكفيني فخراً أنك شاهدت ما أنشر....😊

شكرا لأنك عطرت صفحتي🥰

10/05/2026

1- خلي بالك ❌
لو ابنك أقل من 6 شهور وعنده كحة…
ماينفعش تجربي له علاج من نفسك أو تبعتي مسج لدكتور يوصف شراب من غير ما يسمع صدره ✅
لازم كشف.

2- خلي بالك ❌❌
تقولي: "معرفش أنضف مناخيره" 🤭
لازم تتعلمي تنظيف الأنف صح ✅
دي من أهم الحاجات اللي بتفرق مع الطفل جدًا.

3- خلي بالك ❌❌
ما توقفيش جلسات البخار عشان حد قالك:
"هيتعود عليها" 😅
فككوا من المعتقدات القديمة دي ✅

4- خلي بالك ❌
ما توقفيش العلاج أول ما الطفل يتحسن 😊
لازم ترجعي للدكتور في المراجعة عشان نطمن إنه بقى زي الفل الفل ❤️

5- خلي بالك جدًا ❌🔰
لو الطفل كشف ولسه تعبان…
أو مش عارف يرضع…
أو مش عارف ينام…
ما تستنيش ميعاد المراجعة ❌
ارجعي للدكتور فورًا.

6- خلي بالك ❌
ما تستعجليش على الكحة وتلفي على دكاترة كتير كل شوية 😓
طالما مافيش أي علامة من رقم 5️⃣

7- خلي بالك ❌
ماينفعش ابنك يكون عنده برد أو زكام ويروح الحضانة أو المدرسة 😓

8- وخلي بالكم بقى 😁
تشوفوا البوست وماتعملوش لايك 👍
ولا شير ✅
ولا كومنت 😅
وتقولوا دكتور خالد الحبشاوى مقصر 😁👌

ماتكونوش بخلاء…
شيروا البوست عشان الفايدة توصل لكل أم وأب ❤️

اتفرجوا على هذا العالم د.هيثم طلعت رابط الفيديو فى اول تعليق
03/05/2026

اتفرجوا على هذا العالم د.هيثم طلعت
رابط الفيديو فى اول تعليق

🛑 كذبة "نظام الطيبات".. كيف يُباع الوهم في حقنة؟ 🛑كلنا سمعنا عن الأنظمة اللي بتوعد بـ "معجزات" وبتطلب من مرضى السكر والك...
02/05/2026

🛑 كذبة "نظام الطيبات".. كيف يُباع الوهم في حقنة؟ 🛑

كلنا سمعنا عن الأنظمة اللي بتوعد بـ "معجزات" وبتطلب من مرضى السكر والكلى يرموا أدويتهم ويتبعوا أكل معين.. لكن الحقيقة المرّة ظهرت في الروشتات! 📑

الطريقة كانت بسيطة ومرعبة:

1️⃣ يقنعك إن الأكل هو الحل الوحيد ويخليك توقف علاجك الأساسي.
2️⃣ يديك جرعات مكثفة جداً من الكورتيزون (زي اللي في الصورة: حقن دكساميثازون وأقراص ديكسازون مع كل وجبة!). 💉
3️⃣ الكورتيزون يخليك تحس بنشاط جبار، وشهيتك تفتح، وآلامك تختفي "مؤقتاً".. فـ تصدق إن "النظام السحري" اشتغل! 💥

لكن الحقيقة؟ ده تدمير بطيء للجسم، وضحك على عقول المرضى عشان يوهمهم بنجاح نظام فاشل، والنتيجة كانت ضحايا كتير دفعوا حياتهم ثمن للجهل ده. 💔

⚠️ الطب مش نظام غذائي بيشفي من الفشل الكلوي.. والتحسن اللحظي بالكورتيزون هو "فخ" مش علاج.

ارحموا أنفسكم ولا تنساقوا وراء تجار الأوهام. الوعي أغلى من أي وصفة سحرية. 🛡️

الصحة: صحة المواطن المصري لا تدار بالعواطف أو النوايا الحسنة بل عبر مسار علمي وقانوني دقيق.. وآراء ضياء العوضي ضارة ولا ...
02/05/2026

الصحة: صحة المواطن المصري لا تدار بالعواطف أو النوايا الحسنة بل عبر مسار علمي وقانوني دقيق.. وآراء ضياء العوضي ضارة ولا تصلح للنقاش العلمي

"الجو بكره و بعده مش برد ولا حر… الجو غدار 😅خلي بالك من أولادك: لبس طبقتين بالنهار و نذود قطعه سويت شيرت بالليل + بعد عن...
02/05/2026

"الجو بكره و بعده مش برد ولا حر… الجو غدار 😅
خلي بالك من أولادك: لبس طبقتين بالنهار و نذود قطعه سويت شيرت بالليل + بعد عن الأتربة + سوائل كتير = تحميه من دور برد مالوش لازمة"


👩‍🍼طفلك في امان 👩‍🍼
عياده الدكتور / خالد الحبشاوي
استشاري طب الاطفال وحديثي الولاده
للحجز والاستفسارات : 055/3773326
واتس اب 💬 01281753268
العنوان: ديرب نجم شارع التربه امام صيدليه ابوسعده و خلف برج الكفراوي

مواعيد العمل: يوميا من الساعه ٢م ل ١٠م ماعدا الجمعه راحه

الكلام ده خطير جدًا ومضلل:مفيش حاجة اسمها "كان عندي سكر نوع أول واتاني و خفيت في 3 شهور"!النوع الأول مرض مناعي مزمن، وال...
02/05/2026

الكلام ده خطير جدًا ومضلل:

مفيش حاجة اسمها "كان عندي سكر نوع أول واتاني و خفيت في 3 شهور"!
النوع الأول مرض مناعي مزمن، والمريض بيعتمد على الإنسولين طول حياته.

والنوع التاني ممكن يتحسن بالدايت والرياضة… لكن مش بالادعاءات الوهمية.

المشكلة مش في إنك تجرّب لنفسك، المشكلة لما تنشر كلام ممكن يخلي مريض يسيب علاجه فيدخل في مضاعفات خطيرة ممكن توصل للوفاة.

الطب مش آراء… الطب علم.
وحياة الناس مش مجال للتجارب ولا السوشيال ميديا.


02/05/2026

ببساطة كده:
اللي عنده فشل كلوي ومحتاج غسيل… لو ما عملش غسيل = هيموت. دي مش وجهة نظر، دي حقيقة طبية.

غسيل الكلى مش رفاهية ولا اختيار، ده علاج مُنقذ للحياة.
وإنك تنصح مريض يسيبه = تعريض مباشر للموت.

ربنا سخر لنا العلاج، والدولة موفراه مجانًا… فليه نضيّع حياة ممكن تتنقذ؟

الطب رحمة… مش تجارب ولا آراء شخصية.

Address

ديرب نجم/شارع التربه/امام صيدليه ابو سعده/خلف برج الكفراوى
Diarb Negm

Telephone

+201281753268

Website

Alerts

Be the first to know and let us send you an email when د.خالد الحبشاوى إستشاري طب الاطفال posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to د.خالد الحبشاوى إستشاري طب الاطفال:

Shortcuts

Share