Dr Ahmed Soliman Sakr د أحمد سليمان صقر

01/10/2021

25/09/2021

# # #

السلام عليكم 📢
((تطعيم الانفلونزا الموسمي ))

السنادي تحديدا كلنا هنحاول ناخد التطعيم بسبب وجود فيروس كورونا (covid_19)

√التطعيم من اول سن 6 شهور فأكثر
√الاطفال أقل من 9 سنوات و لم يتلقوا اي جرعه من لقاح الانفلونزا الموسمي يتم اعطائهم جرعتين يفصل بينهم مده لا تقل عن 4 اسابيع

✓مكان التطعيم بالنسبة للأطفال الرضع في العضلة الامامية للفخذ وبالنسبة للكبار العضلة الدالة بالذراع أو تحت الجلد
✓لا يتم اعطاء لقاح الانفلونزا الموسمية رباعي التكافؤ في الوريد تحت اي ظرف

_____ملاحظه هامة_____
√لو حرارتك عالية اجل التطعيم لحد م الحالة تستقر
✓ يمنع التطعيم لمن له تاريخ سابق للاصابة بتفاعل الحساسية المفرطة لأي من مكونات الطعم ( البيض - فورمالدهيد - نيوميسين - اكتوكسينول_9 )
√لو عندك حساسية من التطعيم عموما و جربته قبل كدا..بلاش التطعيم خالص

د احمد سليمان صقر
اخصائي الباطنه العامه والسكر والغدد الصماء

12/05/2021

كل عام انتم بخير ❤️
عيدكم مبارك
عساكم من عواده💚
د احمد سليمان صقر
اخصائي الباطنه والسكر والغدد الصماء

23/01/2021

نصائح لمرضى كورونا اللي مركبين اكسجين في البيت

١- درجة تشبع الأكسجين أحسن للمريض وهو جالس أفضل منها في وضع النوم والاستلقاء
يعني افصل للمريض يقضي معظم يومه جالس في السرير افضل من النوم إن أمكن

٢- الأفضل للمريض عند النوم ليلا أنه ينام، ورأسه مرفوعة، يعني ينام والسرير مرفوع من جهة رأسه بزاوية ٤٥ درجه
لو نام مستلقي هتجيله نوبات ضيق نفس كتيره وهو نايم.

٣- اكتر وقت بيقل فيه الأكسجين أثناء اليوم للمريض بيكون من الساعة ٣ فجرا تقريبا لغاية الساعة ٦ صباحا.
المفروض المريض يستيقظ الوقت دا ويجلس على الأكسجين

خالص التمنيات بالشفاء العاجل لكل مريض

د احمد سليمان صقر

18/12/2020

صلوا عليه ﷺ
جمعتكم مباركة

د احمد سليمان صقر

09/12/2020

كنا اتكلمنا عن انخفاض السكر ⏬⏬
و النهارده هنتكلم عن أسبابه و نتصرف معاه إزاي 👍👍

اولا أسبابه 😨

زيادة فى جرعة الأنسولين
عدم انتظام الوجبات الغذائية
المجهود الشديد
خلل وظائف الكلى أو الكبد

طيب نتصرف ازاي📢📢
المفروض أن بدى للعيان من ١٠ ل ١٥ جرام كربوهيدرات سريعة الذوبان يعنى تلات معالق سكر على كوب ماء
مبدايا مع متابعة السكر ومتابعة الاعراض اتكلمنا عليها

لو الاعراض شديدة أو أن انخفاض السكر متكرر يجب الاتجاه مباشرة لأقرب استقبال طوارئ في الحال🚑🚑🚑

خالص التمنيات بالشفاء العاجل لكل مريض
د احمد سليمان صقر

22/11/2020

البوست ده مهم جدا جدا لازم الكل يعرفه كويس 👍
تقريبا كل واحد فى عائلته مريض سكر 🙂
كاطباء.... السكر العالى للمريض بيقلقنا لكن اكتر حاجة بتقلقنا فعلا هو السكر المنخفض 😨
لانه ممكن يؤدى إلى تلف دائم غير قابل للإصلاح فى المخ
تابعونا في البوست دا واللي جاي عشان نعرف أعراضه وأسبابه و نتصرف إزاي 💚

والنهارده هنبدأ باعراض السكر المنخفض 🔽⏬
√عرق شديد بارد
√دوخة
√هبوط وخمول شديد
√العصبية الزائدة الغير مبررة
√الشعور بالجوع الشديد

و لو الانخفاض ده شديد هيعمل
√صعوبة فى التركيز
√تشنجات عضلية
√فقدان الوعى
√غيبوبة قد تؤدى إلى تلف شديد فى خلايا المخ غير قابل للإصلاح
و قياس السكر العشوائي وقتها هيكون أقل من 4 ملل مول أو اقل من ٧٠ مجم /ديسيليتر وده القياس الأكثر شيوعا في مصر.

طيب هنعمل اي ونتصرف إزاي وقتها😨😨
دا موضوعنا البوست اللي جاي إن شاء الله

خالص دعواتنا بالشفاء العاجل لكل مريض
د .احمد سليمان صقر

20/11/2020

يا غارِقًا في بِحرِ الهُمُومِ السَّرمَدِ، أَيْ تنَفَّس بِالصلاةِ على مُحمدِ.
ﷺ

17/11/2020

حضرتك مريض سكر ؟

((يبقي لازم تعرف الطريقه الصحيحه لاستخدام الانسولين ))

√تنظيف مكان الحقن جيدا و تجفيفه جيدا .
√عدم الحقن في اي منطقه بها كدمات أو تورم أو احساس بالألم عند لمسها.
√امسك جزء من جلدك اضغط برفق على الجلد والدهون بين إبهامك وإصبعك .
√أدخل الإبرة مباشرة في جلدك (زاوية 90°) لا تمسك الحقنة بزاوية.
√اضغط لحقن الأنسولين ببطء حتى يختفي الأنسولين.
√احتفظ بالإبرة في مكانها لمدة 5 ثوانٍ بعد حقن الأنسولين.
√اسحب الإبرة و تخلص من حقن الانسولين حسب التوجيهات

خالص دعواتنا بالشفاء العاجل لكل مريض
د احمد سليمان صقر

15/11/2020

يا دكتور عندي حرقان أو تنميل أو خدلان برجليا أو ايديا 😟
يا دكتور الشبشب بيتخلع من رجلي من غير ما احس😟

كتير من مرضي السكر اللي بيترددوا علينا بنسمع منهم الشكوي دي
و كتير مننا بيسمع الشكوي دي لو حد من أهله مريض سكر

غالبا __السبب__ بيكون مرض اعتلال الأعصاب الطرفية
و اشهر سبب بيسبب المشكله دي هو مرض السكري
فأكثر من نصف المصابين بداء السكري يظهر لديهم نوع من أنواع الاعتلال العصبي

عشان كدا
√اول حاجه و اهم حاجه في العلاج هو ضبط مستوي السكر في الدم و جعله منتظم بشكل ثابت في الدم واتباع نظام صحي سليم .
√تاني شيء إعطاء بعض الأدوية اللي بتقلل آلام الأعصاب.
√تالت حاجه بندي فيتامين ب مركب لحد م السكر ينتظم بالدم .

خالص دعواتنا بالشفاء العاجل لكل مريض 💚
د احمد سليمان صقر