Dr. Ahmed Bassem - Neurologist أخصائى طب المخ والأعصاب

08/05/2026

" ان الله وملائكته يصلون على النبى يا أيها الذين آمنوا صلوا عليه وسلموا تسليما "…. جمعة مباركة عليكم جميعا 🤲❤️

07/05/2026

من أشهر الشكاوى اللى بتيجى العيادة ( التنميل أو الخدلان او الحرقان او السخونيه ف الاطراف )

فيه تنميل يقلق 🥲
و تنميل ميقلقش 🙂

🌷🌷🌷🌷🌷🌷🌷🌷🌷🌷🌷🌷🌷🌷🌷🌷

أمثلة التنميل اللي ميقلقش :

١- التنميل اللي بنحس بيه لما نسند علي الكوع بنحس فيه تنميل وخدلان في الذراع نتيجة ضغط علي العصب اسمه
Ulnar nerve

٢- تنميل بنحس بيه لما نقعد علي رجلنا فترة طويلة ونقوم نلاقيها منمله ويزول بعد فترة قصيرة ده تنميل عادي نتيجة ضغط علي العصب

٣- تنميل في الاطراف بسبب بعض الأدوية زي التوبرميت والسداميكس و بيروح مع توقيف الدواء

🌷🌷🌷🌷🌷🌷🌷🌷🌷🌷🌷🌷🌷🌷🌷🌷

لكن فيه تنميل بيقلق 😳👌:

٤- تنميل في ناحيه واحده الجسم ( الجانب الايمن كله او الجانب الايسر كله ) أو حول الفم يستمر لمده دقايق مثلا من 10 : 20 دقيقة ويفك لوحده ده ممكن يبقي نقص لحظي ومفاجىء في وصول الدم للمخ ويبقي انذار لحدوث لا قدر الله جلطه فى المخ
Transient ischaemic attacks(TIA)

٥- تنميل في ناحيه من الجسم أو الوجه أو اللسان استمر عدة أيام ده ممكن يكون جلطه أو اصابه اخري في المخ زى الالتهابات المناعيه ف المخ او الحبل الشوكى .

٦- تنميل في أي جزء من أجزاء الجسم يستمر لمدة أيام في سن من( ٢٠ ل ٤٠ سنه واكثر فى البنات ) .. ده ممكن يبقي عرض من أعراض التصلب المتعدد (MS) .

٧-تنميل في الساقين و القدمين ده ممكن يبقي التهاب في الأعصاب الطرفيه زي التهاب الاعصاب الطرفيه الناتج عن السكر .

٨- تنميل في كف الإيد يظهر مع استخدام الإيد فترة طويلة أو يظهر أثناء النوم وممكن يصحي المريض من النوم
ده نتيجة اختناق العصب الأوسط أو متلازمة النفق الرسغي ودى اشهرهم خصوصا ستات البيوت
Carpal tunnel syndrome

٩ - تنميل لحظي في الظهر و الساقين يظهر لما نتني الرقبه لقدام ..ده ممكن يبقي نتيجه مشكله في النخاع الشوكي العنقي زى كيس او ورم او التهاب ف الحبل الشوكى
L'hermitt sign

١٠- تنميل بالساق يظهر مع المشي او الوقوف فتره طويله ..ده ممكن يكون ضيق بالقناه العصبيه او غضروف ف الفقرات القطنيه والعجزيه او التهاب الاعصاب القطنيه
Spinal canal stenosis or lumbo sacral disc

مهم جدا الفحص الاكلينيكى لمعرفه السبب بالظبط وكل الحالات بتتعالج بفضل الله تعالى

دمتم بصحة وعافية دايما ❤️❤️

24/04/2026

النسيان المتكرر ممكن يحصل عند الشخص العادي
مش معني كده ان عنده مرض النسيان ( زى ألزهايمر مثلا )

1️⃣ قدرات الذاكره عندنا متفاوته ..مش كل الناس زي بعض (ناس ذاكرتها قويه و ناس ذاكرتها أضعف )

2️⃣ التوتر و القلق و الضغط العصبي و النفسي و الذهني و كثره الأعباء بيضعف الذاكرة وده اشهر حاجه تضعف الذاكرة ومشهوره اكتر ف الستات 🌝

3️⃣ النوم القليل والملخبط و اليوم المقلوب كمان بيضعف الذاكره

4️⃣ التدخين بكل أشكاله سيء جدا وبيضعف الذاكره

5️⃣ الأمراض المزمنة زي الضغط و السكر و القلب و الكبد واضطراب الغدة الدرقيه و غيرها بيضعف الذاكره والتركيز

6️⃣ بعض الأدوية ممكن تأثر علي الذاكرة و التركيز

7️⃣ ضعف التغذيه و نقص بعض الفيتامينات ( زي فيتامين ب ) برضه بتأثر على الوظائف الذهنية

23/04/2026

التعامل الصحيح مع التشنجات عند الأطفال لازم يكون سريع وهادئ لأن أغلب النوبات بتكون مدتها قصيرة ومش خطيرة، لكن التعامل الغلط ممكن يسبب ضرر .

🧠 أولًا : إيه اللى يتعمل وقت التشنجات ؟

* حافظ على هدوءك وخليك جنب الطفل.
* حط الطفل على جنبه (وضع الإفاقة) علشان تمنع دخول اللعاب أو القيء لمجرى التنفس.
* ابعد أي حاجة ممكن تأذيه (أثاث حاد – أدوات صلبة).
* فك الملابس الضيقة خصوصًا حوالين الرقبة.
* راقب الوقت (مهم جدًا تعرف مدة التشنج).
* لو في إفرازات من الفم، امسحها برفق.

❌ حاجات ممنوعة تمامًا:

* ❌ ما تحطش أي حاجة في فم الطفل (لا ملعقة ولا صوابعك) → خطر كسر الأسنان أو الاختناق.
* ❌ ما تحاولش تثبت الطفل بعنف.
* ❌ ما تدّيش أكل أو شرب أثناء النوبة.

⏱️ إمتى تتدخل طبيًا فورًا؟

اطلب إسعاف أو توجه للطوارئ لو :

* التشنج أكتر من 5 دقايق
* أول مرة يحصل تشنج
* الطفل ما رجعش لوعيه بعد النوبة
* في صعوبة تنفس أو الطفل شفايفه ازرقت
* التشنج متكرر ورا بعض ( نوبات متكرره )

💊 بعد التشنجات :

* الطفل غالبًا هيكون مرهق أو نايم (Post-ictal phase) → ده طبيعي.
* سيبه يرتاح وراقبه.
* لو عنده حراره عاليه عالجها (خافض حرارة + كمادات مايه فاتره ).

💉 أدوية الطوارئ (لو موصوفة قبل كده):

في الأطفال اللي عندهم تاريخ صرع :

* ممكن نستخدم
* Diazepam شرجي (Re**al)
* أو Midazolam buccal

📌 نصائح مهمة للأهل :

* سجل فيديو للنوبة لو أمكن → بيساعد في التشخيص.
* تابع مع طبيب مخ وأعصاب بانتظام .
* الالتزام بالعلاج لو الطفل مريض كهربا زايده وتم تشخيصه .

17/04/2026

أحدث أجهزه رسم المخ ورسم الأعصاب والعضلات بمركز الشفاء
للاطمئنان على صحتك
❤️❤️🧠🧠💪🏻💪🏻

للاطمئنان على صحتك ( الاعصاب والعضلات والمخ )
مركز الشفاء بيقدملك كافه خدمات رسم المخ ورسم الاعصاب ورسم العضلات بكل تفاصيلها باحدث الاجهزه الجديده

🧠🧠🧠🧠🧠🧠🧠🧠🧠🧠

للكشف عن الحالات المشهوره الاتيه :

١) التهابات الاعصاب الطرفيه بانواعها .. ضمور الاعصاب .. اختناق الاعصاب ودرجاته .. الانزلاق الغضروفى وعرق النسا
٢) ضمور العضلات .. التهابات العضلات .. الوهن العضلى .. ضعف العضلات
٣) الصرع والتشنجات والكهرباء الزايده ع المخ .. تشتت الانتباه ونوبات السرحان عند الاطفال .. اضطرابات النوم

🧠🧠🧠🧠🧠🧠🧠🧠🧠🧠🧠

العنوان : دكرنس .. شارع بنك مصر .. امام موقف المنصوره القديم .. برج الحمد الدور التالت

للحجز عن طريق الفون او الواتس : 01004117103
الارضى : 0503479480

07/04/2026

محاضرتى اليوم ف مستشفيات جامعة الازهر بالقاهرة ( مستشفى الحسين الجامعى ) على أساتذتى وزملائى الافاضل ف اليوم العلمى لاقسام طب المخ والاعصاب بالقاهرة .

30/03/2026

بعتذر عن حضور العيادة
لظرف صحى لحين تمام الشفاء ان شاء الله

دعواتكم بالشفاء 🤲

26/03/2026

أجواء شتويه سويسريه من أمام مستشفى الحسين الجامعى بالقاهرة ❤️❤️

19/03/2026

كل عام وانتم بخير ❤️❤️
تقبل الله منا ومنكم صالح الاعمال